الدقيقة 28 و 11 ثانية - إنا لله من هكذا بشر يا هداك الله لما كل هذا العناء .. ليه وعلى إيه؟ أنت شغال لايفات من الاندر قراوند من شدة هوانك .. تنادي بطرد شعب أصيل لإختلافك مع قاداته بعدين ياخي جيشك ده معظم وحداته قوامه من أبنا النوبة الذين تنادي بطردهم المهم البطبطة ما بتخارجك انت وبرهانك وكباشيك ود النوبة واتو الله يرينا فيكم سلطانه وجبروته بمثلما تجبرتم على عباده
Post: #2 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 06:59 PM Parent: #1
ثم ياخي السودان ده حق ابو منو عشان يطلع واحد زيك يدي نفسه الحق في طرد وإبادة بشر؟
Post: #3 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 07:02 PM Parent: #2
لايفاتك كلها ممقوتة
Post: #4 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 07:07 PM Parent: #3
الأوسخ من كده كمان بهدد (والله لو سوداني واحد ما يفضل) عشان تعلوا كلمة الله يا سبحان الله .. 30 سنة ده خطابكم لا شوفنا منكم دين ولا يحزنون غير النهب المصلح والتمكين والفساد والقتل وقلة الادب
Post: #5 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 07:21 PM Parent: #4
لو في جيش فعلا زي دا يطرد من الخدمة ويجرد من الرتبة هو زاتو سوداني يا جماعة ديل شنو ديل ربنا ما يمدهم بسلطة انشالله لو في دولة فعلا زي دا يطرد من الخدمة ويجرد من الرتبة ويحاكم كمان أخر افعال الكيزان كمان بقي علينا كل زول يشوف ويتاكد من أنو سوداني
Post: #7 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 07:35 PM Parent: #6
الحاجة المؤسفة يا زهير ان ده ورد في خطبة عيد والبلد حالها لا يسر ولا جيشها قادر يرتقي لمستوى المسؤولية عشان بقوده عساكر من شاكلة هذا المهرج نسأل الله السلامة لبلدنا ولعباده في كل شبر من اركانه
Post: #8 Title: Re: العميد طارق.. في خطبة العيد .. يدعو الي إباد Author: دفع الله ود الأصيل Date: 06-28-2023, 07:37 PM Parent: #6
لا والله يا حيدر ، دا معتوه بالجد، معناها كنا مخمومين فوقو، طلع فلول معتت يخسي عليه و الدود يفسي في البطن الجابتو و شنو الدافعو يهرطق بي كدا، سفيان!!
Post: #9 Title: Re: العميد طارق.. في خطبة العيد .. يدعو الي إباد Author: كمال عباس Date: 06-28-2023, 07:42 PM Parent: #8
دي مصيبة شنو؟ نلقاها من الربيع عبد المنعم لي العميد طارق مرورا بالحوري وذو النون وعلي هباني وتفتح القنوات الفضائية ـ تلقي أشباههم من الخبراء الإستراتجيين !!
Post: #10 Title: Re: العميد طارق.. في خطبة العيد .. يدعو الي إباد Author: حيدر حسن ميرغني Date: 06-28-2023, 08:07 PM Parent: #9
قال ليك الحارس مالنا ودمنا ! لا مال حرس ولا أمن ودم حفظ وقائده لزم الحفرة من قولة تيت .
Post: #11 Title: Re: العميد طارق.. في خطبة العيد .. يدعو الي إباد Author: عبدالقادر محمد Date: 06-28-2023, 09:36 PM Parent: #1
بالمناسبة هذه هي نظرة كل قادة الجيش للسودان ومستقبله قادة الجيش الذين يقودون هذه الحرب الكريهة وعندما نقول هذه حرب تمكين يقودها كيزان الجيش ضد مولودهم العاق ينعتنا اخرين بالخيانة وعدم الوطنية وعندما ننادي بانهاء الحرب تتململ اذيال الكيزان لان نعاية الحرب تعني نهايتهم السودان وطننا جميعا بكل الواننا واثنياتنا ولهجاتنا وكل حر في عبادة ما يؤمن به ففي النهاية ياتي الناس لحسابهم فرادي وليس كأمم والله ان العين لتدمع وان القلب ليدمي عند رؤية هؤلاء يقودون الناس للمهلكة قطعانا لعن الله الجهل لعن الله الجهل لعن الله الجهل
Post: #12 Title: Re: العميد طارق.. في خطبة العيد .. يدعو الي إباد Author: محمود الدقم Date: 06-28-2023, 10:08 PM Parent: #11
يا حيدر هذا العميد ليس لديه الكياسة ولا يعرف كي يختار الفاظة ولا يعرف كيف يتحكم في غضبه، العميد كجاب يعلم بان ابناء النوبة هم الذين شكلوا طوق نجاة للبرهان في القصر وقتل منهم نفر كثير وقتها لانهم ما كانوا يحملون سلاح، فبدل ان يشكر لهم جسارتهم هذه جاء ليطالب بابادة النوبة هكذا ببساطة. السواد الاعظم من الاسري لدي الدعامة لو راجعت فيدويوهات الدعامة تجدهم من ابناء النوبة والان القي بهم في اليم لان الحلو وجه صفعات لحاميات الجيش في جنوب كردفان، علي البرهان الان توقيع اتفاق استسلام مع الدعم السريع حتي يتم ايقاف هذا النزيف.
Post: #13 Title: Re: العميد طارق.. في خطبة العيد .. يدعو الي إباد Author: محمود الدقم Date: 06-28-2023, 10:13 PM Parent: #12
Post: #16 Title: Re: العميد طارق.. في خطبة العيد .. يدعو الي إباد Author: Bashasha Date: 06-29-2023, 02:06 AM Parent: #15
وين البسوو "ديش" في المنبر ده؟
زي ده، من اساسو لو كان جيش، مش عصابة دواعش، مجرمين، فسدة، مستعبدين، دخلو كيف؟
والاعجب مرة اخري، ديل بسمو هكذا ارهاب، ابادة، فساد، "دين" او "اسلام" لاحظو!!
نعم ابادة مجموعة بعينها، "دين" و "اسلام"!!!
مرة اخري انتبهو للحاملين امثال هذا المعتوه، علي الاعناق في المنبر ده، من منطلق جهوي صرف!!!
Post: #17 Title: Re: العميد طارق.. في خطبة العيد .. يدعو الي إباد Author: كمال عباس Date: 06-29-2023, 03:11 AM Parent: #16
يا بشاشا العميد. طارق. دا. قال. جدو الرسول. عديل كدة !! وقاعد. يفتخر بها ويعتبر نفسه سليل الدوحةً. النبوية لايهمنا. هذا الادعاء كثيرا بقدر ما يهمنا احتقاره لمكونات. بلادنا. ودعوته " للتطهير العرقي "!!
Post: #18 Title: Re: العميد طارق.. في خطبة العيد .. يدعو الي إباد Author: Abureesh Date: 06-29-2023, 03:15 AM Parent: #16
بالله عليكم دا عميد، وبعد تقولوا عندكم جيش؟!! شوف حركته وحركة يدينو.. زول شرامى بلطجى، لا يعرف يتكلم بإحترام ومهنية. وقفته زاتها ودلديل يدينه وتحريكها يمين شمال بورى انه شرامى.. عميد مرة واحدة؟!!!! اما حديثه والطريقة التى تحدث بيها توضح انه منهار وما عنده ثقة فى نفسه.. يريد تغطية ذلك بالحركة الشديدة. لم يكشف سوى ضعف الجيش. شوف حديثه الانقاذى عن الجهاد والجنة المنتظرة كأنما يحارب قريش.. الدعامة ديل رغم ما أقترفوه فهم مسلمون.. يحفظون القران أكثر منك، ومنهم التجانية والقادرية وملتزمون دينيا اكثر من اى جهة فى السودان. أكتر مرة أهم وأخاف على مستقبل السودان بعد السماع لهذا الشخص.ما عندكم جيش
Post: #19 Title: Re: العميد طارق.. في خطبة العيد .. يدعو الي إباد Author: Bashasha Date: 06-29-2023, 03:26 AM Parent: #18
يا ابوالكيم:
كيف مخلوق ارهابي مهووس، زي ده، يقبلو في جيش لو كان جيش، ليصل رتبة عميد؟
كيف امكن هذا؟
هذا يثبت، لو اصلا بنحتاج لي اثبات، كيف المنظومة دي المسماة "جيش" هي شبكة جريمة منظمة، وليس الا!!!
لهذا ماعندهم اي مانع يفجرو السودان كلو او يقطعو حتة حتة، لو ممكن يستعيدو كرسي السلطة ولو لي قطعة واحدة!!!
المؤلم هم البهنقو في المنبر ده، البصرخو، يسوو "جنجويد" حاملين مثل هذا الاهبل علي الاعناق!!
اما، ان يتوهم روحو كعربي، كاره ذاتو، هذا، فما عايزين غير يسال البرهان "اله دارفور" لو بنظر لامثالو ك"عرب" في السودان، دعك من العرب، اكثر شعوب الارض عنصرية!
Post: #20 Title: Re: العميد طارق.. في خطبة العيد .. يدعو الي إباد Author: Al Sunda Date: 06-29-2023, 04:16 AM Parent: #19
غياب ادارة التوجيه المعنوي للجيش السوداني ليس ظاهرا فقط في تسيد هذا الاهطل على المشهد الاعلامي بل في اختفاء اعلام الجيش عن إصدار البيانات اليومية رسمية حول الموقف كماهو الحال في كل حروب الدنيا من ابو هاجة الى طارق كجاب يا قلبي لا تحزن
Post: #21 Title: Re: العميد طارق.. في خطبة العيد .. يدعو الي إباد Author: Mohamed Adam Date: 06-29-2023, 04:58 AM Parent: #20
خطاب الصعلوق ده، بضبانتو موزع على عواطلينهم بتوعين السوشيال ميديا!!
Post: #22 Title: Re: العميد طارق.. في خطبة العيد .. يدعو الي إباد Author: Ali Alkanzi Date: 06-29-2023, 06:38 AM Parent: #21
اسا ح تقول لي كوز ومن زمان قلنا عنك كدا خطبة طارق فعلا كان من الممكن ان تكون بروح غير هذه ولكن هذا الطرح يتحدث عن الدعوة لابادة النوبة
Quote: ليطالب بابادة النوبة هكذا ببساطة
بالله خلونا نتحاور بهدوء أين جاء هذا الكلام طبعا في الخطبة الثانية ودا دليل لسماعي للخطبة كاملة