انت خليت فيها شباب لما تآمرت مع حميدتي نفسه وقتلتهم بالعشرات بدم بارد تباً لك .. كنت تمجد حميدتي وتقدم له التحية العسكرية وانت خريج الكلية الحربية . ياخي إتلهي وأكل نارك براك .. الشباب اصبحوا بين التهجير القسري والموت وانت قابع تحت الارض
Post: #2 Title: Re: يا للهول .. البرهان في خطابه البائس يدعو ال Author: حيدر حسن ميرغني Date: 06-27-2023, 10:08 PM Parent: #1
رئيس هيئة الأركان المشتركة بالقوات المسلحة محمد عثمان الحسين، التحية أمام قائد الدعم السريع حميدتي
Post: #3 Title: Re: يا للهول .. البرهان في خطابه البائس يدعو ال Author: حيدر حسن ميرغني Date: 06-27-2023, 10:21 PM Parent: #2
هل ستدعو إبنائك وأبناء اخوانك واخواتك ايضاً للقتال إن كانوا موجودين في السودان أصلاً ؟
Post: #4 Title: Re: يا للهول .. البرهان في خطابه البائس يدعو ال Author: محمود الدقم Date: 06-27-2023, 10:25 PM Parent: #3
الناس ديل ماشين علي المدرعات، وقبل كم ساعة وجهو ضربات بالمسيرات علي وادي سيدنا اليوم العصر كما بلغنان والبرهان التعبان عايز يجند العيال؟؟؟؟
Post: #5 Title: Re: يا للهول .. البرهان في خطابه البائس يدعو ال Author: حيدر حسن ميرغني Date: 06-27-2023, 10:25 PM Parent: #3
البرهان يشيد بدور قوات الدعم السريع في إرساء الأمن بالسودان
هاك الامن الخلاك تدسى مثل الفأر في حفرة
Post: #6 Title: Re: يا للهول .. البرهان في خطابه البائس يدعو ال Author: حيدر حسن ميرغني Date: 06-27-2023, 10:29 PM Parent: #5
اكيد يا محمود ده كلام زول مزنوق شديد
Post: #7 Title: Re: يا للهول .. البرهان في خطابه البائس يدعو ال Author: حيدر حسن ميرغني Date: 06-27-2023, 10:31 PM Parent: #6
كلام زول عاوز ينقذ روحه قبل يصطاده حميدتي ، لا يهمه من امر الوطن والمواطنين شيء
Post: #8 Title: Re: يا للهول .. البرهان في خطابه البائس يدعو ال Author: Ahmed Yassin Date: 06-27-2023, 11:01 PM Parent: #7
ميتينك وميتين تكية السيادة بتاعتك وميتين كباشي والعطا ثورة شنو المجيدة .. الهي المجيد ياخدكم كلكم مع الجنجويد والخونة بالله ما حرام واحد غبي وبليد زي كباشي وزفت الطين التالت . يحكموا بلد زي السودان وناسه؟!!!!!!!! ما ياهو غبائك وبلادتك يا طويلةيا اهبل وصلتنا للماساة دي... لو كان ربنا اداكم شوية عقل وحكمة كان تفاديته دا كله ودخلتوا التاريخ كابطال وبشر لكن الان اترميتوا وتم احتقاركم من الشعب ومن العالم ودا حق الناس البريئة الماتت بمؤامرتكم يا مجرمين.... نحن مع شرفاء الجيش البدافعوا عن البلد .... لكن قيادة الجيش وحميدتي .... انعل ميتينكم
Post: #9 Title: Re: يا للهول .. البرهان في خطابه البائس يدعو ال Author: Ahmed Yassin Date: 06-27-2023, 11:11 PM Parent: #8
الناس الفاهمة كانت منتظرة تنحيك ... وخطابك هذا خطاب تنحية وليس تعبئة يا مجرم ايها الفاشل الجبان الغبي... المختبىء في يوم كريهةٍ وسدادِ ثَغــرِ
Post: #10 Title: Re: يا للهول .. البرهان في خطابه البائس يدعو ال Author: كمال عباس Date: 06-27-2023, 11:45 PM Parent: #9
هبو للدفاع عن البرهان ! بالمناسبة المواطن. الدفاع عن النفس حق مشروع. يستخدمه متي كان فاعلا ومجديا وبحسب تقديراته اللحظية دا موضوع خارج النقاش اما الدعوة لتجييش. المدنيين في وقت تختبي فيه الشرطة والاجهزة الامنية ويدفع بالجيش المختطف للدفاع عن قيادته - فهذه دعوة مريبة !! فمن لم يموت جوعا وتشردا. وقتلا " مغصة " او ترويعا بواسطة الجنجويد والعصابات. في ظل عجز. من يدفع له الشعب من ماله وعرقه ليحميه فمن لم يمت هكذا. يريد له البرهان ان يلقي بنفسه في المحرقة. ياتي هذا والبرهان. عاجز عن الدفاع الاحتياطي المركزي " وقد اعلن النقيب المرتد سفيان قبل ايام ثم ساعات عن نيتهم في اقتحامه. ولم يحرك برهان. ساكنا - كانت قواته " تمشط بامدرمان " وطائرته. تحلق بالحاج يوسف !! هذا قائد مازوم ومهزوم ومتواطئ. مع الكيزان - هذه الدعوة للاستنفار. مصيرها مصير استنفار المعاشيين. وافراد الشرطة لن يتغير. الحال الا با ابعاد قيادة الجيش الكسبحة وابعاد الكيزان من المعادلة عندها ستتحرك قوة الابادة الثلاثية لتطيح با اضلاع مثلث الدمار " كيزان وجنجويد وجنرالات الجيش الفاسدين وعندها سيعود الجيش النقي والمطهر لحضن الشعب !!
Post: #11 Title: Re: يا للهول .. البرهان في خطابه البائس يدعو ال Author: Hasheem Karouri Date: 06-28-2023, 01:29 AM Parent: #10
Quote: - هذه الدعوة للاستنفار. مصيرها مصير استنفار المعاشيين. وافراد الشرطة لن يتغير. الحال
السلام عليكم صاحب البوست .
الاخ . كمال .
حنشوف كلامك الفي المقتبس اعلاه صاح ولاكلام ساي .
( الايدو في الماء ، ليس مثل الايدو في النار )
* الايدو، يعني يده *.
Post: #12 Title: Re: يا للهول .. البرهان في خطابه البائس يدعو ال Author: muntasir Date: 06-28-2023, 01:46 AM Parent: #11
يا حيدر السلوك بتاعتك دي غايظاني أكتر من البرهان 😅
Post: #13 Title: Re: يا للهول .. البرهان في خطابه البائس يدعو ال Author: Hasheem Karouri Date: 06-28-2023, 01:56 AM Parent: #12
Quote: اكيد يا محمود ده كلام زول مزنوق شديد
حيدر . سلام مره تانيه .
فعلا مزنوق . لكن الشعب ما حيخلي البلد تضيع . عشان واحد زي ده مزنوق .
Post: #14 Title: Re: يا للهول .. البرهان في خطابه البائس يدعو ال Author: كمال عباس Date: 06-28-2023, 02:02 AM Parent: #11
ياالكاروري
الشعب لايثق بالبرهان وبقيادة الجيش وطبعا يكره. الكيزان ويري انهم المصنع. الذي افرخ الجنجويد وقيادة الجيش الكسبحة
وطبعا. من المؤكد ان الشعب يرفض. الجنحويد - ولايتمني انتصارهم. بل يرفضه فقد ذاق ويلاتهم - وفظائعهم وخبرهم عن قرب كما ان الشعب. يعلم ان الجيش والشرطة واجهزة. الامن المناط. بها حمايته قد خذلته وتركته فريسة للجنجويد والعصابات وهو الذي. دفع لها وسلحها لتحميه عجزت تماما "( بس للامانة الجيش نفسه. ضحية لدمار الكيزان والبرهان اضعافا لصالح الجنحويد
ومع هذا فالشعب مع. الجيش كمؤسسة وكرتب متوسطة وصغار ضباط وجنجويد " ولكنه يعلم انهم ينفذون تعليمات واوامر القيادة - مثل ما نفذوها حينما اغلقو البوابات في وجه الثوار وجلسو يتفرجو علي المجزرة
عدم استجابة الشرطة لنداء العودة للعمل وعدم تجاوب المعاشين بصورة فعالة للانخراط في الاعمال. العسكرية فهو امر ملموس
Post: #15 Title: Re: يا للهول .. البرهان في خطابه البائس يدعو ال Author: Hasheem Karouri Date: 06-28-2023, 02:16 AM Parent: #14
Quote: الشعب لايثق بالبرهان وبقيادة الجيش وطبعا يكره. الكيزان ويري انهم المصنع. الذي افرخ الجنجويد وقيادة الجيش الكسبحة
ولا انا ياكمال . لكن لما واحد يغتصبوا ليه اختو قدامو ، ويشغلوا امو خدامة تعمل ليهم الاكل للسفلة ديل . تفتكر برفض اتسلح ؟ ممكن ناس ماتتسلح ، وطبعا هم حريين . لكن الاغلبيه بتمنوا التسليح . وحصل الان .
تحياتي لك علي الرد الرصين . خلينا نشوف البحصل شنو اليوم ده بعد صلاة العيد .
Post: #16 Title: Re: يا للهول .. البرهان في خطابه البائس يدعو ال Author: كمال عباس Date: 06-28-2023, 02:51 AM Parent: #15
باكاروري الدفاع عن النفس- والممتلكات والاعراض حق مشروع دي قضية مافيها نقاش ودا اصلا موضوع. حديثي لانو موضوع محسوم انا اتحدث عن تخطي هذا الحد. واستخدام المدنين في مهام قوات محترفة موضوع النقاش. هنا هل رد فعل الثوار. والشعب علي دعوة. برهان هذه سيكون مثل رد فعل الشرطة والمعاشيين ام سيكتفو. بالقيام بواجبهم في حدود الدفاع عن النفس ؟
Post: #17 Title: Re: يا للهول .. البرهان في خطابه البائس يدعو ال Author: اْسامة اْباّرو Date: 06-28-2023, 03:23 AM Parent: #16
العنبج مهتز ، وبائس البؤس واليأس يتطايرن من نبرة صوتوا ووجهوا العبوس تكون الرشاشات فوق دماغو " لو زول مختص تصوير يحلل الإضاءة" أكيد بيقولوا ليهو أقرا ، قُر ينفخك ، ولّا نفجر دماغاك الفارغة دى.. يمهل ولا يهمل "وَقَذَفَ فِي قُلُوبِهِمُ الرُّعْبَ ۚ يُخْرِبُونَ بُيُوتَهُم بِأَيْدِيهِمْ " الجنجويد كانت يدكم الباطشة يا برهان ويافلول .. والله قادر على أن يتلطف بشعبه فى السودان ويشل ويغل يد الجنجويد والفلول عنهم بإذنه.
Post: #18 Title: Re: يا للهول .. البرهان في خطابه البائس يدعو ال Author: Hassan Farah Date: 06-28-2023, 05:20 AM Parent: #1
البرهان يحاول ان يخادع الشعب السودانى فى الدقيقة 2.1 تحدث عن ثورة ديسمبر المجيدة وشعاراتها حرية سلام وعدالة وكيف انه هو البرهان دعمها وسعى لتحقيقها...الزول دا فاكر الناس ما عندها عقول
start at 0:09
Post: #19 Title: Re: يا للهول .. البرهان في خطابه البائس يدعو ال Author: بدر الدين الأمير Date: 06-28-2023, 10:38 AM Parent: #18
الجنرال من مخبئة او فحرته يبحث عن مخرج لنفسه بدماء شباب السودان دونك شباب كيزانك خليهم يتحزمو يتلزمو يمشو ياحاربو لك وانت في خفرتك ترتعد
Post: #20 Title: Re: يا للهول .. البرهان في خطابه البائس يدعو ال Author: Ahmed Yassin Date: 06-28-2023, 11:00 AM Parent: #19
الظاهر هو قايل ان الشعب نسى جرائمه التيىيشيب لها الولدان انت يا برهان الجبان امرت باقفال ابواب القيادة امام الثوار حتى يموت اكبر عدد منهم دي اخلاق بنى ادم ؟؟! خليك من نقول اخلاق الفرسان... يا عديم الضمير والشهامة اعمل البتعمله وقول البتقوله لكن ما تستخف بعقول الشعب... الضحية وتجي تتكلم عن ثورته... انت ونائبك المجرم زيك الد اعداء الثورة
Post: #21 Title: Re: يا للهول .. البرهان في خطابه البائس يدعو ال Author: tabaldy Date: 06-28-2023, 02:32 PM
ليته تنحى في الخطاب دا الدايرة ماشية تضيق ولو تم القبض عليه حتكون نهاية للمؤسسة العسكرية وانهيارها وما ح نلقى الممكن نبني عليهو في وقتها، حتكون دعاوى اصلاح الجيش بلا معنى.
