Post: #2
Title: Re: الهاشمي صنيعة أخوان السودان وكلمة حق يراد
Author: Yasir Elsharif
Date: 06-20-2023, 09:04 PM
Parent: #1
#اول عدو مفترض تحاربو المؤسسة العسكرية
اذا كانت تبحث عن الكرامه هم الكيزان وبالذات الكيزان الجوه الجيش.
#هم اول من غدرو وقتلو الضباط الأحرار في رمضان
في ٩١ ومن الخلف اطلقو عليهم الرصاص ودفنوهم في حفره واحده وبعضهم كانو جرحي
#هم اول من عملو على تفكيك الجيش واسسو اول مليشيا رسميه واسموها (الدفاع الشعبي). واعطو منسوبيها #رتب_خلا ليترأسو قادة الجيش ويعطوهم التعليمات
#هم أول من قتلو منسوبي الجيش ومدنيين في حرب الجنوب التي راح ضحيتها اكثر من مليون ونص سوداني
#هم اول من اضعفو الشرطة السودانية واسسو موازيا لها مليشيا من حزبهم سموها (الشرطه الشعبيه) واتو بقيادات كيزانيه اعطوها ايضا #رتب_خلا لتترأس قيادات الشرطه المهنيه
انتو قايلين الرتب الخلا دي ادوها اول شي للجنجويد بس!!؟
#هم من اسسو كتائب الظل وابو قتاده هيئه العمليات والامن الطلابي واعطوهم سلطه فوق القانون نفسه
#هم من اسسو لحرب دارفور واسسو الدعم السريع
وظهرت بسببهم الحركات المسلحه وبسببها وبتعليمات مباشره من قيادات المؤتمر الوطني دك ذات الطيران الوطني الذي يدك الخرطوم الان.. القرى في دارفور وجبال النوبه بعد ما استعملت ذات الحركات المسلحه المواطنين وقراهم كدرقات لتخلف تلك الحرب اكثر من ٦٠٠ الف شهيد او يذيد
ومع ذلك لم تنتهي الحرب بأنتصار الجيش السوداني
لان السبب كما قلت هو ان الكيزان اضعفو الجيش وعملو على تدميره اكثر من البقيه.
واجيك واحد راسه مربع ذي خالد الأعيسر
يقول ليك الجيش انهكته المظاهرات والمتاريس التي كان يصنعها الثوار!!؟؟
يلا اسمع الكلام المابعجبك
جيش من ٢٠٠١ تم سحب كلمة الشعب منه.. فصار اسمها القوات المسلحة السودانية بدلا من قوات الشعب المسلحه
جيش من ٢٠٠١ كان بعتمد قتاليا علي الدعم السريع بينما تفرغ هو لحمايه القيادات وجزب الاستثمارات حتى صار بعض منسوبيه من الضباط من أصحاب الإعمال والتجاره
بضائع على عربات بوكو على استثمارات
بينما امتهن العسكريين الصغار مهن هامشيه لكي يعيلو اسرهم
وبعضهم جزبه الدعم السريع لصفوفه لان فرق المرتبات والمخصصات فرق الواطه من السما
فمن كان المسؤول عن افقار عناصر الجيش المقاتله لدرجه انهم كانو بشتغلو غسالين عربات في شارع النيل البجوه ضباط الجيش بي عرباتهم عشان اغسلوها
منو!!؟
منو المسؤول عن تمكين الدعم السريع واعطائه مزايا وفتح معسكرات وادي سيدنا لتخريج دفعاته
وسلمو الخرطوم تسليم مفتاح
منو!!
هزمتو الجيش عندما اضعفتم عسكره ماليا
بينما تنعم ضباطكم الكيزان واتصابو بالتخمه وكروشهم برزت للأمام متخطيه الحزيه بامتار.
اضعفتم الجيش ايها الكيزان عندما سلمتو العسكري سلاح كلاشنكوف بعمل مانع بعد ما يضرب مجموعات وهو بحارب في مليشيا تمتلك احدث الاسلحه
على شاكله ام 60 السلاح الأساسي للمارينز الأمريكي
عسكري جيش بياكل في كوجه ياخ
وقرقوش
وبدافع عن وطنه ضد مليشيا
بتاكل وجبات دسمه وعربات الحواشي والخرفان البتلف عليهم تشهد
عكسري جيش بقاتل وهو عارف انو في ضباط كتااااار برغم التعبئه كبروها ومشو اندسو عند اهلهم
وقيادته محبوسه ماقادره تطلع ولا الجيش قادر ادخل اخلصها
لانو ماعندو مشاه... بسبب انو البحارب فيهم ديل كانو هم المشاه
واطلع ليك كوز ذي دكتور البشير الممسح القاعد بره السودان يقول للمواطنين
اضربو الدعم السريع بالملتوف
طيب ماتجي تحارب مع اخوانك انت ي العشا بي لبن
ي مقنع الكاشفات انت!!؟
جيش كل العندو اضرب بي طيران وادك الخرطوم ذي مادك جبال النوبه ودارفور بالطيران الحربي وماتو ٦٠٠ الف سوداني عشان يحفظ ماء وجهه وهو عارف انو ممكن الدعم السريع يضطر انه يدخل وادي سيدنا ويموت عشان يستلمها فهل هناك كوز مستعد اموت عشان بلدو وشعبو
ولا يموتو شبابنا من القوات المسلحة بالاشتباك الخاسر والمواطنين بالدانات!!؟
هل القصف بالطيران مجدي
هل ارواح السودانيين مقابل سيطره الجيش علي عاصمه محروقه بنيران السودانيين أنفسهم
السودانيين الان في الخرطوم
يتم استباحة ممتلكلتهم
قتل وسلب ونهب واغتصابات
من قبل تلك المليشيات
فمن الذي اعطاها القوه لتفعل تلك الفظائع التي ارتكبتها ايضا في جبال النوبه ودارفور
الجيش تم انهاكه بسبب سياسيات تفكيك بدأت من ٨٩
وهذه هي النتيجه
الدعم السريع صنعه المؤتمر الوطني
ودافع عنه الجيش
بينما كنا نطالب بحله
الجيش اتخزل فيه الثوار بسبب التعليمات بعد ان قام بطرد الثوار من داخل القيادة واقفل بواباته امامهم يوم فض الاعتصام ووقف متفرجا وبيده السلاح علي الحرائر يغتصبن والشباب يقتلو ويتم ربطهم بالحبال والحجاره ويرمو في النيل
لذلك اذا اراد الجيش ان يعيد الثقه لنفسه وللشعب
عليه ان يتخلص من الكيزان داخله وان يتولي امره ضباط شرفاء وهم كثر لا يعرفون عن الانتماء الحزبي او الولاء الشخصي او القبلي..
هكذا يفعل جيش السودان الذي يستحق اسم. قوات الشعب المسلحه
اكرر. قوات الشعب المسلحه
وليس القوات المسلحة كما اطلق عليها الكيزان
َوكفي
طه عواض
#الجيش_جيش_السودان
#الجيش_ماجيش_كيزان
#والجنجويد_يتحل ..
|
Post: #3
Title: Re: الهاشمي صنيعة أخوان السودان وكلمة حق يراد
Author: Yasir Elsharif
Date: 06-20-2023, 09:08 PM
Parent: #2
المقال بعاليه منقول من الواتساب.
|
Post: #4
Title: Re: الهاشمي صنيعة أخوان السودان وكلمة حق يراد
Author: امتثال عبدالله
Date: 06-20-2023, 09:28 PM
Parent: #3
والله المذيع ده راجل شجاع وما خلى للجنجويد جنبة يناموا عليها..
وكلامه كله حقيقة وحق ويراد بها الحق..
وهسع ممكن ننكر أي كلمة قالها هذا المذيع..
لا نظن ذلك ..
|
Post: #5
Title: Re: الهاشمي صنيعة أخوان السودان وكلمة حق يراد
Author: علاء سيداحمد
Date: 06-20-2023, 09:35 PM
Parent: #3
سلمات يا د.ياسر الشريف
لن ننسي ابداً شيك المليون ومائة الف دولار امريكي من الحركة الاسلامية السودانية لي محمد الهاشمي
لافتتاح قناة المستقلة فى نهاية تسعينات القرن الماضي ووقتها كان الهاشمي فى الخرطوم حيث كان يصدر صحيفة المستقلة .
حتى لا ننسي جرائم الكيزان .
وهنا بوست لزميل البورد الاخ عبدالله عبدالله من ايام الثورة
محمد الهاشمى الحامدى وتطاوله على ثورة السودان
|
Post: #6
Title: Re: الهاشمي صنيعة أخوان السودان وكلمة حق يراد
Author: Yasir Elsharif
Date: 06-21-2023, 00:10 AM
Parent: #5
Quote: والله المذيع ده راجل شجاع وما خلى للجنجويد جنبة يناموا عليها..
وكلامه كله حقيقة وحق ويراد بها الحق..
وهسع ممكن ننكر أي كلمة قالها هذا المذيع..
لا نظن ذلك .. |
العزيزة امتثال
أرجو أن تتابعي المداخلة التي كتبها علاء سيد أحمد والبوست الذي وضع رابطه عبد الله عبد الله لمعرفة المزيد عن "الكوز" التونسي محمد الهاشم الحامدي الذي يريد إعادة السودان إلى حكم الأخوان إلى استبدادهم.
|
|