هل سكان الجنينة سودانين

06:53 AM June, 18 2023

سودانيز اون لاين
Hasheem Karouri-امدرمان
مكتبتى
رابط مختصر

كلهم .

معظمهم .

جزء منهم .

بالصدفه شاهدت مقطع في قناة الحدث عن وقوع المئات في في كمين نصبه مسلحون
للفارين من الجنينة الي تشاد .

اللغه مختلفه ، كذلك السحنات .

ماهي شروط ان تكون سوداني . هل هي :

بالميلاد . شهادة ميلاد
رقم وطني . جواز سفر
تملك سكن او ايجار
بالسلاح . تملك كلاشنكوف او عربة دفع رباعي مجهزه بدوشكا .

مرحب كاروري قالوا في صيني قال انتوا الأفارقة ديل بتفرزوا بعض كيف عاملين زي التعاريف ( ما تسألني تعريفة بالصيني شنو) المهم ماهي السحنة السودانية وما هي اللهجة السودانية هل ممكن يكونوا هم الأصل ونحن الهجين؟

طبعا منذ ١٥ أبريل من هذا العام فإن الشرط الوحيد ان تكون
سوداني هو :
ان تمتلك كلاشنكوف او عربة دفع رباعي محمل بالدوشكا .

بالحيل سودانيين وعادي جداً اللهجات تختلف في بلد متعدد الاعراق والثقافات
هنا تاريخ تليد لأهل الجنينة الاصليين وسر تسميتها بالجنينة
https://sudaneseonline.com/board/510/msg/1686994987.html
-
البروف عبد الله علي إبراهيم على ما اذكر سخر ذات مرة من المذيعة يسرية احمد الحسن حين داهم مبنى الاذاعة والتلفزيون من اطلق عليهم إعلام نميري ( المرتزقة)
يسرية قالت انها لم تعرف بأي لغة يتحدثون وذكرت كلمات محددة صدرت منهم . البروف مسك الكلمات دي كلمة كلمة وطلعها كلها " سودانية" وعاب عليها عدم معرفتها بلهجات اهل بلدها

انت رايك شنو يا كاروري المثل بقول سمح الكلام في خشيم سيدو
تحياتي

علشان كلامك دا ومشاهدتك لقناة الحدث
دا السبب الخلي ريس الدوله والمسؤول عن حمايه الأطفال والنساء
الهاربيين من القتل والاغتصاب
بيكون في الحفرة ولآ البدروم
قال سحنات ولهجات
والله لو ترجمت ليك كلام القايد البينقذ هذا الأطفال والنساء
وهو قايد المنطقه الحدودية لبكيت
حتي ولو كان قلبك من حجر
وإذا عاوز ارسل ليك كلامه كاملا ومن تتأكد من الترجمه اذا طلبتا
من احد يترجمها ليك
كل يوم الواحد بيكتشف العقليه الذي
جعلت الحروب بيكون مدوره في السودان
قال أي
لهجات وسحنات

السودان بلد متعدد الحضارات والثقافات والاعراق واللهجات ... الخ
الكلام دا يا كافي البلاء ما مر بيك لا في مدرسة لا في جامعة ولا شاهدتو في تلفزيون وجاي تتسائل هنا !!
هم سودانيين خلقوا في تلك المنطقة لكن انت اتحسس عقابك جاي من وين

هذا ماعنينا، عمرنا ده كلو في هذا الفضاء!!

زي ده، لازال عضو، مسجل هنا، حتي في وكت زي ده!!!

نعم نازي ابارثيدي، بمعني المفردة، أو عقلية ديل هي سبب دمارنا، الافنينا عمرنا كلو، من تبينا أو قمنا ربينا، نناطح فيها!!

العفو، والمغفرة، يااهلي في المركز، الاضحي هامش!!

حولا ولاقوة ياخي!!

هذا يفوق الخيال!

نعم مثل هكذا جراة، وقاحة، أو قوة عين، في وكت زي ده!!

الجنينة مدينة سودانية وأنا سوداني
أحس بمسؤوليتي تجاه كل من هو متواجد فيها، سواء:
كان مواطن سوداني
او مقيم او زائر حتى لو كان من هلسينكي

يادوب وقع لى مدلول هاشتاق " دولة 56" ..
السودانويّة ليست عبر بوابة أغانى حقيبة الفن

يادوب وقع لى مدلول هاشتاق " دولة 56" ..
السودانويّة ليست عبر بوابة أغانى حقيبة الفن

ليه الناس زعلانة من السؤال ؟
الواحد عاوز يعرف بس .
.......

في نفرين هنا عاوزين يشخصنوا الموضوع ح ارجع ليهم برواقه .

....

بشاشا المقشاشا ليس من ضمنهم . ده برد عليه براه لما يعرف يكتب عربي وافهم مقصده . وحتي ذلك الحين بجليه وبعتبرو بفنجط ساي ..


تحياتي لباقي الزملاء الذين كان ردهم عقلاني . وقد استوعبته .
شكرا لهم ،،،،

Quote: ي قالوا في صيني قال انتوا الأفارقة ديل بتفرزوا بعض كيف عاملين زي التعاريف ( ما تسألني تعريفة بالصيني شنو) المهم ماهي السحنة السودانية وما هي اللهجة السودانية هل ممكن يكونوا هم الأصل ونحن الهجين؟

يامنتصر كيفك ياخ

السحنه السودانية هي مابين اسمر ، الي شديد الاسمرار ، واللهجة السودانية هي لغه عربيه سريعه النطق ، قمنا بادخال مصتلحات سودانية حصرية . زي ( منتصر يامكنه ) ، تعني منتصر زول خطير ومعلم .

تحياتي ،،،

Quote: طبعا منذ ١٥ أبريل من هذا العام فإن الشرط الوحيد ان تكون سوداني هو : ان تمتلك كلاشنكوف او عربة دفع رباعي محمل بالدوشكا

الاخت امتثال . لك التحيه
لفظ كنداكة لا استذيقه ، فهي كلمة قبيحه في مجملها . احبذ استخدام الاخت القوية . وانتي كذلك .
فعلا بعد هذا التاريخ اختي الكريمة لن يعود السودان كما كان من قبل . فقد انفجر السودان وتشظي . فلم يعد ينفع رقم وطني ، ولا كلاشنكوف الاصلاح والتعمير صعب ، ومادخل في النفوس لن ينمحي بالهين .
من الافضل البحث عن وطن بديل .


تحياتي،،

Quote: بالحيل سودانيين وعادي جداً اللهجات تختلف في بلد متعدد الاعراق والثقافات هنا تاريخ تليد لأهل الجنينة الاصليين وسر تسميتها بالجنينة

الاخ حيدر . لك التحيه

اوافقك جزئيا في كلامك ، فاللهجات كثيرة ، او دعنا نسميها باسمها " الرطانة " . فمعظم قبائل السودان لها رطانه خاصه بهم ، حتي في الخرطوم تتحدث بعض المجموعات الشبابية برطانة خاصه بهم تسمي " الرندوق " .
لكن اليس من الغريب ان يتجه المتضررين من الحرب الي تشاد ، دون غيرها من الدول ؟
لماذا لم يتجهوا الي " ليبيا " . مثلا ؟ او لولايات اخري داخل السودان ؟

سلام هاشم

Quote: لكن اليس من الغريب ان يتجه المتضررين من الحرب الي تشاد ، دون غيرها من الدول ؟

بالتأكيد عامل المسافة ليهو دور كبير هنا ، تشاد اقرب من غيرها من الدول ومعتادة من منذ تفجر الصراع في دارفور على هذا النزوح
لا تنسى كمان هناك مجموعات سكانية مشتركة بين السودان وتشاد
يعني هم الاقرب وجدانيا كما هو الحال في شرق البلاد مع ارتريا وأقصى الشمال مع مصر

Quote: السودان بلد متعدد الحضارات والثقافات والاعراق واللهجات ... الخ الكلام دا يا كافي البلاء ما مر بيك لا في مدرسة لا في جامعة ولا شاهدتو في تلفزيون وجاي تتسائل هنا !! هم سودانيين خلقوا في تلك المنطقة لكن انت اتحسس عقابك جاي من وين

نصر الدين عشر

والله الكلام ده مر بي ، وكتير كمان . وبرضو بجي بسال هنا ، وهناك وفي اي محل . هل يضائقك ذلك بشئ ؟
انا لم اطرق باب بيتكم ، للسؤال ياسيد " عشر "، ومافي داعي للكلام الفارغ انا جاي من وين واتحسس عقابك.
وحتي ارضي غرورك ومابخلبك تمشي ساي ، واجيبك علي اسئلتك دي .( انا جاي من السماء ، وباقي عقابي جاي من بيت حبوبتك ) .
وانت تحديدا ، اكاد اجزم انك ليس بسوداني ، بل وافد وجاي من تشاد .

اها لقيتني كيف ؟ ياعشر وعشرين

Quote: بالتأكيد عامل المسافة ليهو دور كبير هنا ، تشاد اقرب من غيرها من الدول ومعتادة من منذ تفجر الصراع في دارفور على هذا النزوح لا تنسى كمان هناك مجموعات سكانية مشتركة بين السودان وتشاد يعني هم الاقرب وجدانيا كما هو الحال في شرق البلاد مع ارتريا وأقصى الشمال مع مصر

الاخ . حيدر حسن ميرغني . المحترم

يااخي انا بحترمك جدا ، انت انسان مهذب ، وتعرف اصول النقاش ، رغم تباين ارأؤنا في بعض الاحيان ،
. فلك مني كل الاحترام والتقدير 👍
....
فعلا كلامك سليم ، هذه المجموعات المرتبطة وجدانيا بدول غرب ، وجنوب غرب افريقيا . ليس لديها الانتماء الحقيقي للدولة التي يقيمون فيها ، وولاءهم دائما للاصل . ودونك مرتزقة الدعم السريع . ومايحدث الان من تكالب علي السودان .

تقبل تحياتي ،،

Quote: علشان كلامك دا ومشاهدتك لقناة الحدث دا السبب الخلي ريس الدوله والمسؤول عن حمايه الأطفال والنساء الهاربيين من القتل والاغتصاب بيكون في الحفرة ولآ البدروم قال سحنات ولهجات والله لو ترجمت ليك كلام القايد البينقذ هذا الأطفال والنساء وهو قايد المنطقه الحدودية لبكيت حتي ولو كان قلبك من حجر وإذا عاوز ارسل ليك كلامه كاملا ومن تتأكد من الترجمه اذا طلبتا من احد يترجمها ليك كل يوم الواحد بيكتشف العقليه الذي جعلت الحروب بيكون مدوره في السودان قال أي لهجات وسحنات

نصر الدين ادم .
ده كلام طفولي ( هسي انت فرقك شنو من بشاشا المقشاشا ) كلام الطير في الباقير .
قوم لف ياخ.

Quote: يادوب وقع لى مدلول هاشتاق " دولة 56" .. السودانويّة ليست عبر بوابة أغانى حقيبة الفن

الزميل . اسامه ابارو
مداخلتك اعلاه " رغم انها مكررة مرتين " . اعتقد انها ضلت طريقها من المكان الذي كنت انت تقصده .
فهي لاعلاقه لها بحديثنا هنا . او أذا كنت تقصد " تويتر " فهو في مكان اخر .

وشكرا،،،

Quote: الجنينة مدينة سودانية وأنا سوداني أحس بمسؤوليتي تجاه كل من هو متواجد فيها، سواء: كان مواطن سوداني او مقيم او زائر حتى لو كان من هلسينكي

مولانا . حافظ بشير . لك التحيه والاحترام .

أذن يجب ان تقوم بما تمليه عليك سودانيتك ومسؤوليتك . في محل اقامتك الحاليه ، فعلوا صناديق اعانة ومساعدات ، وارسلوها لهؤلاء النازحين . فهم اولي من سكان هلسينكي .

الزميل Hasheem Kariuri
بالحقيقة أنا أغرد فى حوش بكرى ده..
مداخلتى ليست ضلال ولا غُواء ، فعند البعض ، صك السودنه يمر عبر سحنات ولغة و تراث الوسط المستعرب ..
" السحنات غريبة ، واللغة مختلفة"!!
وقد أشار لها خميس أبكر عبر آخر ظهوره الإعلامى.. فى إشارته لتركيز الجيش عل حماية الخرطوم ، وتركه لماده بوستيك لمصيرهم ..
" السحنات مختلفة ، واللغة غريبة!!!" ممكن تعفس على الكومنت بتاعك
أما التكرار فى الارسال فالغالب فبيد السيستم لا بيدى وأغلب الظن مقصود..
إشارتى لهاشتاق " دولة 56” استنكارا لما ظل يردده ناشطو فلول وكيزان الجنجويد..
اخيرا ، بطن السودان بطرانة ، جابت سيدة وجابت عطانه ..
مدنياااو ، والعسكر للثكنات والحنجويد ينحل..
وشكرا .
..

هاشم كاروري كتب:

Quote: وانت تحديدا ، اكاد اجزم انك ليس بسوداني ، بل وافد وجاي من تشاد .

و لهذا ... إليك هدية من شعب تشاد المهذب .. الإنساني:

محمد سليمان

شكرا

Quote: انت رايك شنو يا كاروري المثل بقول سمح الكلام في خشيم سيدو تحياتي

صديق مهدي .
هي فضل فيها سيد . ماخلاص انبشقت .

تحياتي،،

الأخ العزيز هشام تحياتي ولعلك تعلم مدي احترامي لك وتقديري
انا استغرب في تطرفك الفترة الأخيرة حتي ظننت انا من يكتب ليس هشام الذي اعرفه
معرفتي بك لا تتعدي منبر سودانيز اون لاين لكني كنت اري فيك رجاحة العقل وبعد النظر
وحب السودان وهذا في مداخلاتك هنا
لكن الفترة الاخيرة لا ادري ماذا جري لك ولم اكن اتخيل ان تاتي يوما لتكتب مثل هذا البوست
..
اعذرك جدا اخي هشام ومن حقي ان اجد لك العذر
فانت قد لاتكون زرت الجنينة وبرام وتلودي وابيي والفاشر وام روابة وبارة وحمرة الوز والضعين وكسلا والقضارف وعوج الدرب والكاملين ودار السلام المغاربة
والمناقل ومدني وكوستي والعالياب والكمير والجوير والشرفة وحنتوب وقد لا تكون زرت جزيرة سكوت وسنكات ومريس وقلع النخل وقد لاتكون سمعت بالمعيلق وكضيبات وبشائر وام بويصة وجبيلات والتكيلات
وما اظنك سمعت بلهجات اهلنا في الغرب الا ما ظهر منها في افواه الجنجويد عندما جيء بهم للخرطوم ولا لهجات اهلنا في الدمازين ولا لهجات اهلنا في بارة الا بصوت عمر احساس
لا اظنك استمعت لاغاني اهلنا الهدندوة ولا المسيرية او لهجات اهلنا في الجزيرة والزاكياب والحقنة وودالجمل
لعل مبلغ علمك بالسودان بحري وام درمان والخرطوم او اقصر
..
سكان الجنينة سودانيين بالفطرة والتاريخ واصحاب حضارة ضاربة في جزور القدم جنينة السلطان تاج الدين احد الابطال السودانيين الذين حاربوا الاستعمار الفرنسي وللاسف لم نخلدهم في تاريخنا كما خدعنا انفسنا وسمينا الغزو التركي بالفتح
..
زرت الجنينة سنة 1996 وللاسف كانت زيارة قصيرة وتمنيت لو ان عقارب الساعة وقفت وما انقضت تلك الايام بهذه السرعة
فمهما حدثتك عن نبل انسانها وجمال دواخله وطيبته وكرمه واعتزازه بارضه وتاريخه وسودانيته لن استطيع ان اجزل لك الوصف
..
بمثل تساؤلك عن سر نزوح انسان الجنينة من الموت لتشاد وهي الاقرب لهم جغرافيا وباستطاعتهم الوصول اليها راجلين
ماهو سر نزوح البقية لمصر وهي الابعد عنهم جغرافيا
..
لنعمل علي وطن يسعنا جميعنا نبنيه وننهض به وبانسانه ولا نكن اداة تفرقة وشتات وهدم
ولا نكن لسان اعدائنا وايديهم
تعددنا يعني قوتنا لا ضعفنا سودان بلدنا وكلنا اخوان

Quote: الأخ العزيز هشام تحياتي ولعلك تعلم مدي احترامي لك وتقديري انا استغرب في تطرفك الفترة الأخيرة حتي ظننت انا من يكتب ليس هشام الذي اعرفه معرفتي بك لا تتعدي منبر سودانيز اون لاين لكني كنت اري فيك رجاحة العقل وبعد النظر وحب السودان وهذا في مداخلاتك هنا لكن الفترة الاخيرة لا ادري ماذا جري لك ولم اكن اتخيل ان تاتي يوما لتكتب مثل هذا البوست .. اعذرك جدا اخي هشام ومن حقي ان اجد لك العذر فانت قد لاتكون زرت الجنينة وبرام وتلودي وابيي والفاشر وام روابة وبارة وحمرة الوز والضعين وكسلا والقضارف وعوج الدرب والكاملين ودار السلام المغاربة والمناقل ومدني وكوستي والعالياب والكمير والجوير والشرفة وحنتوب وقد لا تكون زرت جزيرة سكوت وسنكات ومريس وقلع النخل وقد لاتكون سمعت بالمعيلق وكضيبات وبشائر وام بويصة وجبيلات والتكيلات وما اظنك سمعت بلهجات اهلنا في الغرب الا ما ظهر منها في افواه الجنجويد عندما جيء بهم للخرطوم ولا لهجات اهلنا في الدمازين ولا لهجات اهلنا في بارة الا بصوت عمر احساس لا اظنك استمعت لاغاني اهلنا الهدندوة ولا المسيرية او لهجات اهلنا في الجزيرة والزاكياب والحقنة وودالجمل لعل مبلغ علمك بالسودان بحري وام درمان والخرطوم او اقصر .. سكان الجنينة سودانيين بالفطرة والتاريخ واصحاب حضارة ضاربة في جزور القدم جنينة السلطان تاج الدين احد الابطال السودانيين الذين حاربوا الاستعمار الفرنسي وللاسف لم نخلدهم في تاريخنا كما خدعنا انفسنا وسمينا الغزو التركي بالفتح .. زرت الجنينة سنة 1996 وللاسف كانت زيارة قصيرة وتمنيت لو ان عقارب الساعة وقفت وما انقضت تلك الايام بهذه السرعة فمهما حدثتك عن نبل انسانها وجمال دواخله وطيبته وكرمه واعتزازه بارضه وتاريخه وسودانيته لن استطيع ان اجزل لك الوصف .. بمثل تساؤلك عن سر نزوح انسان الجنينة من الموت لتشاد وهي الاقرب لهم جغرافيا وباستطاعتهم الوصول اليها راجلين ماهو سر نزوح البقية لمصر وهي الابعد عنهم جغرافيا .. لنعمل علي وطن يسعنا جميعنا نبنيه وننهض به وبانسانه ولا نكن اداة تفرقة وشتات وهدم ولا نكن لسان اعدائنا وايديهم تعددنا يعني قوتنا لا ضعفنا سودان بلدنا وكلنا اخوان

الاخ . عبد القادر . المحترم
لك التحيه من قبل ومن بعد .
اولا اسمي هاشم وليس هشام . " وطبعا لاتفرق كثيرا 😁 " فقط للتصحيح ولاتثريب عليك .
ثانيا : انا لا اري في كتابتي لهذا البوست اي نوع من التطرف . فقط انا اتسأل " هل سكان الجنينة سودانين ؟ " وماهي الشروط كي تكون سوداني ؟
وسؤالي هذا بررته بمشاهدتي مقطع " اعتقد ان الجميع شاهده " ، في قناة الحدث . وهو عبارة عن نزوح المئات من سكان الجنينة ، رجال ونساء واطفال هربا من الابادة الجماعية ، التي تقوم بها المليشات هناك . !!

ثم قامت مجموعة اخري من المليشيات باعتراض هولاء الهاربين من ذلك الجحيم ، وقامت بفرزهم ،" النساء والاطفال ، لوحدهم ، والرجال لوحدهم " في منظر مذل ، ارقدوا فيه الرجال ووجوهم علي الارض بطريقة مهينة " ولا اعرف هل قاموا بقتلهم بعد ذلك ام تركوهم " .
وفي نفس هذا المقطع ظهر المعتدين وهم يتحدثون بلغة ولهجة غريبة لم استطيع فهمها . لذا تسأالت .

وكما تري وتقرأ الردود في هذا البوست ، الردود المتهكمة ، والاستخفاف من بعض الزملاء ، يدينون سؤالي هذا ، بل حولوا الامر لصراع شخصي بيني وبينهم . وكانه لايحق لانسان السؤال او الاستفسار .

المهم .
ثم اتت مداخلتك انت ايضا مستهجنا الامر ، وقمت بافتراض " طالما انا قمت بالسؤال " قمت بافتراض اني لااعرف شى عن السودان .
وهذا الافتراض فيه جزء من الحقيقة حتي اكون منصفا . فانا فعلا لم اقم بزيارة كل تلك المناطق التي قمت انت مشكورا بذكرها . لكن اعرف جزء منها وقمت بزيارتها " ليس كلها بالطبع " . لكن لدي معلومات كافيه عن اجزاء كبيرة منها .

اخي الكريم عبد القادر . للتوضيح اكثر :
لايخفي عليك ماتمر به البلاد حاليا . وانت تعرف ، وانا اعرف ، وكل العالم يعرف حقيقة مايجري علي الارض حاليا ، وماتمر به البلاد .
الخلاف بين جنرالين كل منهم لديه اطماع واسباب شخصية ، هي التي اودت بالبلاد لما وصلت اليه حاليا ( انت تعلم اني متفق معك تماما في ان الكيزان هم من اوصلونا لهذه المرحلة ) ، وان البرهان هو السبب الرئيسي في هذه الحرب ، هو ومعه باقي الجنرالات ، اي لجنة البشير الامنية . ومن خلفهم كيزان الجن " كرتي ومرتي وغيرهم من السفلة الاوغاد " .
اختلافنا انا وانت كالاتي : انت تري الجيش ، جيش كيزان كله ويجب ان تتم ابادته . وانا اري ان الجيش مؤسسة وطنية سودانية خالصة يجب المحافظة عليه. حتي ولو كان علي راسه هولاء الاوغاد .
قبل اندلاع هذه الحرب انا كنت مؤيدا ، وبشدة للدعم السريع ، " وبوستاتك تشهد علي ذلك " ، راجعها وسوف تري موقفي من هذا الامر .
كنت اري حميدتي ، رجل ابن بلد ، ورجل عفوي يسعي للقضاء علي ماتبقي من الكيزان ( رغم انه نفسه من صنيعتهم ) . علي النقيض منه تماما كان هولاء الاوغاد " البرهان ورهطه " يسعون لانتاج نسخه اخري وتصفير العداد وتمكين الجيل الثاني من الكيزان . لكن 😔

بعد ان رأيت بام عيني ممارسات تلك القوات ، وبطشها بالناس والمواطنين ، وافعالها الاجرامية ، كرهتها وتمنيت " ولا ازال " ان يتم تعليقهم علي اعمدة ويتم سلخهم احياء . جراء ما اقترفته ايديهم الاثمة بنا وبكل الشعب السوداني .
نحن لم نكن يوما من الايام اعداء للدعم السريع " , رغم افعالهم المشينة قبل الحرب " . وفض الاعتصام وغيره من الافعال البربرية الهمجية التي كان يقوم بها بعض منسوبيها .
وكانوا هم في تلك الفترة مع البرهان الوسخان " سمن علي عسل " وفجاة وبعد الخدعة الكبري ، حولوا بنادقهم تجاه صدور المواطنين، بدلا من توجيهها للبرهان .
استعانة الدعم السريع بمرتزقة اجانب من مالي والنيجر وافريقيا الوسطي لم يكن خافيا علي احد . لكن ان يقوم هولاء الاوباش بفعل مافعلوه بسكان العاصمة . ولد ذلك غبنا وكراهية منقطعة النظير ، ورغبة هائلة في الانتقام منهم ومن شايعهم .
غرب السودان ومكوناته القبلية ، كان دائما خميرة عكننه للمركز . فهم بطبيعة حياتهم وثقافتهم الرعوية ، كانت دائما توجد بينهم نزاعات ، وقام المركز بتسليح بعضهم ضد بعض ، في عهد سئ الذكر البشير وباقي العصابة الخونة .
ايضا تولدت ضغائن واحقاد ، كانت اصلا موجودة ومتراكمة منذ امد بعيد . عنوانها الرئيسي ( هيمنة المركز والجلابة ، وتهميش الاطراف . لماذا ؟ ) .
لو حاولت الاسترسال في هذا الموضوع ، لن يكفي هذا البوست لذلك . وعزأئي في ذلك ان الجميع يعلم القصه منذ بدايتها وتدحرجت كرة الجليد ، الي ان حدث الانفجار الكبير .
دائما يا عبد القادر خطاب الكراهية ، يقابله رد مثله ،بل قد يكون اسؤأ منه . ونحن حاليا نواجه مؤامرة كبيرة ، اكبر من الدعم السريع واكبر من برهان ، وسوف يكون الثمن باهظا ، فالمتربصون كثر ، كلما خفا وهيج النار ، سكبوا عليها مزيدا من الوقود ، بغية الاحتراق الكامل ، وذلك لتحقيق مأربهم ( او ترق كل الدماء ) فهذه مقولتهم الشهيرة ، وهم يعملون بجد و بجهد ، ولايدخرون لذلك سبيلا ، حتي يتلاشي السودان ، ويلحق بركب سوريا واليمن وليبيا .

اعلم ان سكان الجنينة سودانين. لذا طرحت هذا السؤال ، فماذا قدمنا لهم في محنتهم هذه ؟
فقط اننا نكتب ونتفرج .

Quote: غرب السودان ومكوناته القبلية ، كان دائما خميرة عكننه للمركز

فعلاً اتفق معك... الغرب دا مزعج شديد .. وزيادة على العكننة كمان بيقوا يفكوا رصاص في الخرطوم
منتهى الإزعاج..
والأزيد على كدة السحنات الملت الخرطوم من الألوان التي لا تنمتي للأسمر وشديد الإسمرار
فهناك الأصفر والأغبش والأسود وشديد الإسوداد في المركز حاليـاً..

وكمان رطانة اها!

الحقيقة يا اخ كاروري .. اغلب الظن انك انتبهت او سمعت بالجنينة ووعيت موقعها الجغرافي نظراً للاحداث الراهنة بالخرطوم في المركز وتأثرها بالاحداث هناك..
ولو ما كان الحداث الدائرة بالجنينة الان بتسبب عكننة المزاج الخرطوم لما هماك امر ما يحدث هناك الا بقدر ما انه لايزعجكم
بس حقو ناس الخرطوم يفهمو حدود دولتهم بانه طالما انه مدينة سودانية لم تدعي أي دولة انه السودان احتلاها منها او بالعكس فيجب مراعاة انه السؤال عن هوية سكانها بحجة سحنتهم و " رطانتهم " نوع من التعالي والإزدراء.

اما مثل سؤالك هذا فهو منطقي في سياقه لو سألت عن سودانوية سكان مدينة حلايب أوشلاتين..
فهناك علم دولة على المدينة و " رطانة وسحنات " سكانها تنتمي لدولة تانية..
والدولة التانية دي ليست السودان.. لكن عادي بنتقبل منها أي حاجة

Quote: وفي نفس هذا المقطع ظهر المعتدين وهم يتحدثون بلغة ولهجة غريبة لم استطيع فهمها . لذا تسأالت .

الأخ هاشم

أنت تساءلت عن سكان الجنينة (حسب ما فهمت) وليس عن المعتدين.. ولمحت أو قلت ان سحناتهم لا تشبه السودانيين.. مجرد
السؤال عن السحنات يعنى انك لا تعرف سحنات السودانيين.. فهى فى غالبها سوداء (خلينا من سمراء والتحلية دى).. فى اتفاق
نيفاشا لون قرنق لم يكن اكثر سوادا من لون على عثمان.. شهد صورتهم فى التوقيع.. اما عن اللهجة الغريبة التى لم تستطع فهما
فهل حضرتك تفهم لهجات جبال النوبة؟ الإنقسنا؟ الفلاتة؟ الأمبررو؟ الفراتيت؟ الزغاوة؟ وفى كل واحدة من ديل فى عدة لغات محلية
فى جبال النوبة كل جبل عندهم لهجة.. ولما احد الأخوة قال ليك نعم سودانيين ووجدوا انفسهم أقرب لتشاد لويت عنق كلامه وقلت
لأنهم أقرب ولاؤهم لتشاد.. من قال هذا ان ولاؤهم لتشاد لأنهم يتكلمون لغتهم؟ ولأنهم اقرب جغرافيا وثقافيا وإجتماعيا لتشاد؟هذا التقارب
مدعاة للوحدة فى المستقبل، وستكون، ولكنه لا يعنى الولاء السياسى والقومى.. وحتى فى هذا الإطار فإن رباطهم الوجدانى والتأريخى
والجغرافى أقوى من رباطهم مع تشاد.. ولكن المقارنة كانت مع ليبيا ومصر وافريقيا الوسطى.. لأنهم من الجنينة وكانوا يسيرون على الأقدام.
فلماذا يحاولون الصحراء الى ليبيا ليموتوا بالعطش؟
اخيراً.. لا احد يقدر ان يثبت أنا او أنت او أهل الجنينة انهم غير سودانيين.. وزير الداخلية وحده من يثبت ذلك او ينفيه ثم ان اهل ارياف السودان اساسا
لا يستخرجون اوراق ثبوتية الا حين ينوون الحج او السفر للخارج، حينها يسافرون للخرطوم.. واخيرا صارت فى بعض المدن الكبرى.. ما عندهم
ليها قروش ولا وقت ولا يعرفون لها ضرورة اصلاً. لكن إجابتى هى ان سكان الجنينة، وسكان كل السودان بذات القدر هم سودانيون حتى يبلغ
شخص بعينه عن شخص بعينه يعلم انه يقيم بصورة غير قانونية وعنده الدليل على ذلك يستطيع به دحض دفاع المتهم.
مافى زول حيرمى ملاية فوق مدينة الجنينة ويقول ليك ديل سودانيين أو ما سودانيين إلا إن كان رجلا جاهلا لا يعرف ما يقول. الجنسية
السودانية لها إجراءات يحددها القانون.. حتى الاسرة الواحدة كل حالة بحالة

Quote: فعلاً اتفق معك... الغرب دا مزعج شديد .. وزيادة على العكننة كمان بيقوا يفكوا رصاص في الخرطوم منتهى الإزعاج.. والأزيد على كدة السحنات الملت الخرطوم من الألوان التي لا تنمتي للأسمر وشديد الإسمرار فهناك الأصفر والأغبش والأسود وشديد الإسوداد في المركز حاليـاً.. وكمان رطانة اها! الحقيقة يا اخ كاروري .. اغلب الظن انك انتبهت او سمعت بالجنينة ووعيت موقعها الجغرافي نظراً للاحداث الراهنة بالخرطوم في المركز وتأثرها بالاحداث هناك.. ولو ما كان الحداث الدائرة بالجنينة الان بتسبب عكننة المزاج الخرطوم لما هماك امر ما يحدث هناك الا بقدر ما انه لايزعجكم بس حقو ناس الخرطوم يفهمو حدود دولتهم بانه طالما انه مدينة سودانية لم تدعي أي دولة انه السودان احتلاها منها او بالعكس فيجب مراعاة انه السؤال عن هوية سكانها بحجة سحنتهم و " رطانتهم " نوع من التعالي والإزدراء. اما مثل سؤالك هذا فهو منطقي في سياقه لو سألت عن سودانوية سكان مدينة حلايب أوشلاتين.. فهناك علم دولة على المدينة و " رطانة وسحنات " سكانها تنتمي لدولة تانية.. والدولة التانية دي ليست السودان.. لكن عادي بنتقبل منها أي حاجة

الاخ . حيدر الزين . سلام

رغم ان حديثك اعلاه فيه نوع من الاستخفاف المبطن ، الا اني اعيد لك ما اقتبسته انت ، ومنه بديت تحليلك .
( خميره عكننه للمركز ) . هذه الكلمة التي ازعجتك انت ، وليس انا . هي اتت في السياق ، ورغم انك اقتصصت جمل وكلمات اخري ، افرغتها من مضمونها عند كتابتها منفرده . المهم انا افهم ماترمي اليه .
السودان ليس ملكا لي ، ولا لغيري . ومن حقي التسأل ومعرفه اراء الاخرين في المنبر ، فهذا حق مكفول للجميع . ولهم الحق ، مثل مالي .
اما توقيت معرفتي بمدن السودان من عدمه فهذا شئ انت لا تعلمه ولاتعرفه اصلا . فهو في الدواخل ومن الخصوصيات .
واحب ان اطمئنك ، انه لايوجد علي وجه هذه الدنيا شى يزعجني ، لدرجة ان استشير الناس .
وفعلا كما قلت انت انه لولا الاحداث الجارية الان لما اهتممت بالجنينة وساكنيها ، لكن الواقع فرض نفسه وهذا ما دعاء للتساؤل ." وقد اوضحت الاسباب علي متن هذا البوست لاخرين " .
اما حلايب وغيرها فقد تحدث فيها الناس وملوا ، وقد يأتي وقت ما ، وتتصدر الاحداث ، ونرجع نحكي عنها ثانية .
لا ادري اخي حيدر الذين ، كيف حللت كلمه " سحناتهم " كنوع من التعالي والازدراء !!
التعالي والازدراء اخي الكريم لايكون في العالم الافتراضي والمنتديات ، فلا يوجد احد يعرف الاخر حقيقة " الا لماما ، او يكون من شلته " . التعالي والازدراء يكون في الواقع ، ووجها لوجه ، عندما يكون الشخص يعرف الشخص الاخر الواقف امامه ونوعيته ومؤهلاته وشخصيته . هنا يمكن ان يحدث التعالي والازدراء .
في كل الاحوال جزاك الله خير ، لا تحرمنا من مداخلاتك القيمة .

تحياتي ،،،

Quote: وسكان كل السودان بذات القدر هم سودانيون حتى يبلغ شخص بعينه عن شخص بعينه يعلم انه يقيم بصورة غير قانونية وعنده الدليل على ذلك يستطيع به دحض دفاع المتهم.

كم لك من الزمن لم تزر السودان ؟
هذا الحديث المثالي افهم منه ان صاحبه بعيد عن الواقع فعلا .
فالسودان خلال الاربعين سنة الماضية اصبح اشبه بزريبة مواشي . فلا تستطيع التفريق بين السوداني الاصيل والسوداني الوافد او المجنس .
العاصمة الخرطوم المنكوبه لوحدها ، يحدها من جوانبها الاربعة احزمة بشرية تقدر بملايين الاشخاص ، وكلهم " قانونيا " سودانين يحملون ورقة A4 ، تسمي الرقم الوطني . لا ارغب في الدخول في سجال انهم سودانيين ومن الهامش ووو . لكن اؤكد لك انهم جميعا ليس بسودانيين . ( هذا دون التطرق للمناطق الحدودية ، الشرقية والغربية ) .
ياخ السوريين اصبحوا مواطنين من الدرجة الاولي في السودان ، يعني القصه بقت علي سكان الجنينة .

كاروري وضيوفك سلام
الجنسية السودانية تباع علي قارعة الطريق لكل من هب ودب.
مسألة القبائل المشتركة مع جيراننا في الشرق والغرب.
مرتزقة الدعم السريع الذين اتوا من دول جارة اظن بانه تم منحهم
الجنسية السودانية لشرعنة وجودهم في هذه المليشيا.
كيف نستفيد من هذا التنوع ؟
السودان حدوده مفتوحة لا يمكن السيطرة عليها وهناك تداخل
تجاري ورعوي لا يمكن السيطرة عليه وهذا الامر من مئات السنين
والناس متعايشة في سلم وامان فما الذي استجد لتبرز العنصرية بوجها القبيح.
سياسة فرق تسد التي انتهجها الكيزان.

التحية الحبيب كاروري
أذكر عندنا في اقاصي الشمال ونحن جزر داخل النيل
معظم الامهات والاباء ما كان يعرفوا السودان معليش ممكن الخرطوم
ولكني لم اسمع اسم السودان إلا في المدرسة
والبعض كان يقول مسافرين السودان (الخرطوم ) حسب قصدهم
أهلنا في حلفا كان يسموا القطار ( قطر السودان ) حتى الغناء النوبي
الشاعر يتحسر على سفر حبيبته بقطار السودان وكأنه هو في دولة اخرى
المفروض تغيير اسم السودان
والمشكلة الأولى لأي بلد ان يكون الإسم قابل للشرح والتأويل (أرض السود ..الخ)
لاحظ الخلاف في تعريف وشرح مسمى (السودان ) على عكس ( مصر ، تونس ، سوريا ...الخ)
كمان الاسم المذكر للوطن مثال (السودان) حتى خليل فرح أطلق اسم عزة على السودان لاحياء غريزة الامومة
لأن الذكورة غلظة ( يعني ما تقدر تقول ارضع من صدرها أو أنام في حضانها )
أولاً تغيير اسم السودان ثم التفكير في الحلول بعد ذلك

تحياتي الحبيب كاروري

الأخ كاروري

تحياتي واحترامي

قريت عنوانك و أعتقدت انك بتستنكر كأن سكان الجنينة ليسوا بسودانيين..

لكن لما توغلت وقريت المداخلات وردودك عرفت إنه العنوان مقصود..

حسب وجهة نظري ..وطبعا أنت غير ملزم بها.. ولو كنت مكانك...لعدلت العنوان..

ودي واحترامي لشخصك الكريم

Quote: نصر الدين عشر والله الكلام ده مر بي ، وكتير كمان . وبرضو بجي بسال هنا ، وهناك وفي اي محل . هل يضائقك ذلك بشئ ؟ انا لم اطرق باب بيتكم ، للسؤال ياسيد " عشر "، ومافي داعي للكلام الفارغ انا جاي من وين واتحسس عقابك. وحتي ارضي غرورك ومابخلبك تمشي ساي ، واجيبك علي اسئلتك دي .( انا جاي من السماء ، وباقي عقابي جاي من بيت حبوبتك ) . وانت تحديدا ، اكاد اجزم انك ليس بسوداني ، بل وافد وجاي من تشاد . اها لقيتني كيف ؟ ياعشر وعشرين

لقيتك بيض وكيسك فاضي
بالمناسبة سؤالك دا سؤال بليد وغير بريئ بالمرة
فسأله الجنجويد من قبل, اهل الجنينة سودانيين؟ واجابوا عليه من خيالهم المريض حينما قالوا تاني مافي
دار مساليت دار عرب بس وبعدها بدأت الابادة الجماعية والتطهير العرقي والتهجير القسري
وهذا السؤال مقدمة للابادة الجماعية ويتماهى مع اجندة الجنجويد تماما
فلا تحاول ان تدس السم في العسل وعامل فيها مافاهم وما قاري تاريخ انت تعي ما تقول وتقصد ان ترسل
رسالة معينة, رسالتك وصلت وهي رسالة نتنة
كيف تبدأ الابادة الجماعية؟
تبدأ بجنس هذا السؤال بوعي او من غير وعي وبنزع الوطنية عن السكان الاصليين
هل انت تريد اجابة من شاكلة نعم سودانيين, لا ليسوا بسودانيين !!

ما تتحسس من سؤالي ليك عقباك جاي من وين
اعرف اصلك اولا قبل البحث عن اصول الاخرين, يبدو ان السؤال اصابك في مقتل
انا اتشرف ان اكون من تشاد وهي ليست مسبة بل مفخرة
اما عن قولك جاي من السماء وحبوبتك فلن انزل لهذا المستوى المتدني

سوف ارجع للرد علي الزملاء عارف ،ومحمد عبدالله حسن ، وعمنا علي . وذلك بعد الرد علي " عشر " حتي لايذهب بعيدا ويرد في اليوم التالي .

وشكرا،،

Quote: أما التكرار فى الارسال فالغالب فبيد السيستم لا بيدى وأغلب الظن مقصود..

ول أبا أسامة،
سلام
لا تستعمل الماوث الخارجي حينما ترسل المداخلة .. أستعمل الماوث بتاع الكيبورد .. سوف تحل مشكلة تكرر المداخلات


--------------------------------
عفواً يا أخوانا جيتكم بمداخلة مشاترة.

سلام يا ول أبا هاشم

بريمة

Quote: لكن اؤكد لك انهم جميعا ليس بسودانيين

يا ريت يا هاشم.. فى انتظار التأكيد

Quote: لقيتك بيض وكيسك فاضي بالمناسبة سؤالك دا سؤال بليد وغير بريئ بالمرة فسأله الجنجويد من قبل, اهل الجنينة سودانيين؟ واجابوا عليه من خيالهم المريض حينما قالوا تاني مافي دار مساليت دار عرب بس وبعدها بدأت الابادة الجماعية والتطهير العرقي والتهجير القسري وهذا السؤال مقدمة للابادة الجماعية ويتماهى مع اجندة الجنجويد تماما فلا تحاول ان تدس السم في العسل وعامل فيها مافاهم وما قاري تاريخ انت تعي ما تقول وتقصد ان ترسل رسالة معينة, رسالتك وصلت وهي رسالة نتنة كيف تبدأ الابادة الجماعية؟ تبدأ بجنس هذا السؤال بوعي او من غير وعي وبنزع الوطنية عن السكان الاصليين هل انت تريد اجابة من شاكلة نعم سودانيين, لا ليسوا بسودانيين !! ما تتحسس من سؤالي ليك عقباك جاي من وين اعرف اصلك اولا قبل البحث عن اصول الاخرين, يبدو ان السؤال اصابك في مقتل انا اتشرف ان اكون من تشاد وهي ليست مسبة بل مفخرة اما عن قولك جاي من السماء وحبوبتك فلن انزل لهذا المستوى المتدني

انت البليد والغبي ولاتسوي شئ. هذا اولا وردا علي بداية مداخلتك التي تشبههك .
ثانيا : انت لاتهمني ولايهمني الي اين تنتمي سواء كنت من تشاد او من المريخ .
ثالثا : انا لم اطرح عليك انت سؤالا مباشرا ، ولا انتظر منك اجابة حتي تشرح لي اسباب الحرب والابادة ، ومن هو سوداني ومن هو غير ذلك . فهذا معروف للجميع ولايحتاج شرح .
رابعا : لو كانت مداخلتك الاولي بأدب واحترام . كانت سوف تجد مني الشى نفسه ، لكنك نصبت نفسك وصي علي وطالبتني بمراجعة " عقابي " .وخرجت عن الاطار المحدد للموضوع ، ووجدت ، وستجد لاحقا ايضا الرد المناسب .
خامسا : انا لا اقوم بارسال رسائل لاحد ، وحديثي واضح وضوح الشمس ، والذي يحدث حاليا لايحتاج لارسال رسائل ، الرسائل وماشابه ذلك هي اساليب رخيصه ، عهدناها منكم انتم في هذا المنبر او خلافه ، علي مدي السنوات الماضية .


ختمت حديثك مره اخري بان " اعرف اصلي قبل السؤال عن اصول الاخرين " . واقول لك ان اصلي لايهمك ، طالما انت وبقولك انك تشادي وتتشرف بذلك ، لايحق لك السؤال عن اصول ابناء البلد الذي استضافك . . فبعد ان تكون مننا يحق لك السؤال ، طالما انت اجنبي لايحق لك ذلك .
اتمني ان تكون قد فهمت ،،

Quote: حسب وجهة نظري ..وطبعا أنت غير ملزم بها.. ولو كنت مكانك...لعدلت العنوان..

أ . محمد عبدالله الحسن . المحترم
قمت بالرد عليك " هناك " . وحقيقة لا اعلم كيفيه تعديل عنوان البوست ، واعتقد انه من الافضل حذفه ووضعه في الارشيف ..
ومن هنا اطالب ادارة المنبر المحترمين بحذف هذا البوست ، الذي اتخذ منحي اخر ، اسأء لبعض الزملاء هنا .
وبما اننا في مأساة كبيرة ، لا ارغب في المزيد .
وهذه هي المداخلة الاخيرة لي في هذا البوست ، وفيها اعتذر لكل من رددت عليه بقسوة .
....
السيد . بكري ابوبكر . ارجو شاكرا التكرم بحذف هذا البوست ، واكرر اسفي واعتذاري للجميع.

ولكم جزيل الشكر والتقدير والاحترام للجميع ،،

لا يا عزيزي هاشم
بالعكس البوست افرد مساحة جيدة للتعريف بالمنطقة واهلها وتاريخها مهما كانت الردود وده شيء طبيعي في النقاش هنا ..
المهم اننا لا نقلل من شأن أهل بلدنا قبائل ومجموعات سكانية مهما اختلفت وجهات نظرنا لأننا لازم نرسي مفهوم جيد للتعايش عشان ما نكرر ما يجري في بلدنا الان .

اليوم بالصدفة وجدت هذا الفيديو الجميل لشابة فلسطينة تعلمنا كيف نعرف تاريخ قبائل بلدنا المجهول لدى الكثير منا ، خاصة قبيلة المساليت صاحبة التاريخ العريق
حقيقة عجبتني جدا