بخصوص اضحوكة "تخيل كيف تكون الحال كان ما كنت سوداني".

04:52 PM June, 12 2023

سودانيز اون لاين
محمود الدقم-London
مكتبتى
رابط مختصر

رحمك الله يا اسماعين حسن، يا من صدحت من سويداء قلبك وانت تنشد فينا شعرا :
[بلاد ناسا في أول شئ
مواريثهم كتاب الله
وخيل مشدود
وسيف مسنون حداه درع
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع
وساقية تصحّي الليل مع الفجراوي
يبكى الليل ويدلق في جداولو دمع
يخدر في بلادي سلام
خدرة شاربي موية النيل
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع
وتدفق مياه النيل علي الوديان
بياض الفضة في وهج الهجير بتشع
بلادي سهول بلادي حقول
بلادي الجنة للشـافوها أو للبرة بيها سمع
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع
بلادي الصفقة والطنبور
وبنوتاً تحاكي الخيل
يشابن زيي جدي الريل
وشبالن مكنن في طريفو ودع
بلادي أمان بلادي حنان
وناسها حنان يكفكفوا دمعة المفجوع
يبدوا الغير علي ذاتهم
يقسموا اللقمة بيناتهم
ويدوا الزاد حتى إن كان مصيرهم جوع
يحبوا الدار يموتوا عشان حقوق الجار
ويخوضوا النار عشان فد دمعة
وكيف الحال كان شافوها سايلة دموع
ديل أهلى البقيف في الداره وسط الداره وأتنبر
وأقول للدنيا ديل أهلي
عرب ممزوجة بي دم الزنوج الحارة
ديل أهلي ديل قبيلتي لما أدور أفصل للبدور فصلي
أسياد قلبي والإحساس
وسافر في بحار شوقم زمان عقلي أقول بعضى
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل كان أسفاي وآمأساتي وآذلي
تصور كيف يكون الحال
لو ما كنت سوداني وأهل الحارة ما أهلي
تصور كيف !!!؟]

من ابهي افرزات الحرب كشفت جشع وطمع ودناءة ووضاعة اخلاق كثير من السودانيين..
في مدني الإيجار وصل ٧٠٠ الي مليار جنيه لبيت شبه متهالك. في القضارف البيوت من ٧٠٠ الف الي ٩٠٠ الف ومافي اي مفاوضات وقصة نحن ضحايا حرب وفقدنا اموالنا وقتل ابونا ما عادت تشفع
في حلفا الدفع بالدولار ممكن. والناس بعضهم افترش الطرقات مع أطفاله.

كوستي صديق لي استاجر غرفة ومطبخ وصالة ب مليار في الشهر. أما الذين هربوا الي مصر فسقطت الآلاف من الاسر ضحايا لعصابات ومافيات السمسرة السودانيين، شقة ايجارها الشهري ٤ الف الي ٥ الف جنيه مصري الان طارت السعر ٣٠ الف

ديل ما بشر كلو كلو ولا عندهم ادني معاني الانسانية " من نفّس عن مؤمن كُربة "
ديل مجرد سماسرة أزمات

سلام الأخوة محمود و علاء
الجشع الحاصل الآن ما غريب بعد ما الناس ظلت ٣٠ سنة تراقب

في الكيزان ينهبو في المال العام و يبنو في العمارات و يراكمو في

الثروات و أهلهم في القرى البعيدة و المدن فرحانين بي أموال السحت

و كل سنة حج و كم عمرة بالأموال المسروقة.و نفس الشئ أولاد الجنجويد النهبو العربات و

ملوهن بي ضهب و دلاقين نسوان الخرتوم وبي كم شغلات و بي كم تلفون مسروق و قروش

البنوك .و امهاتم علا بستقبلهن بالزغاريد.

أها اسع كان دمجو المتمردين في الجيش،المواطنين آكلي المال المسروق ديل ،يدمجوهم

كيف في الناس الما زالت متعففة و محافظة على دينها؟

والله كل ما قاله إسماعيل حسن جعله الجنجو يد هباءا منثورا ...
كل القيم والأخلاق والمروءة السودانية السمحة تحكم تحت أقدام
المغول الأشرار وهم مليشيات النهب السريع الذين طردوا سكان العاصمة
من منازلهم وديارهم بقسوة عجيبة ...
وهم سبب كل البلاء الذي يمر به الوطن الآن ..
سرقوا أمن وسلام السودان وسرقوا ممتلكات المواطنين وسرقوا كل شئ
ودمروا كل شئ .....
ولكن في النهاية نقول الله غالب...

Quote: والله كل .والله كل ما قاله إسماعيل حسن جعله الجنجو يد هباءا منثورا ...كل القيم والأخلاق والمروءة السودانية السمحة تحكم تحت أقدامالمغول الأشرار وهم مليشيات النهب السريع الذين طردوا سكان العاصمةمن منازلهم وديارهم بقسوة عجيبة ...وهم سبب كل البلاء الذي يمر به الوطن الآن ..سرقوا أمن وسلام السودان وسرقوا ممتلكات المواطنين وسرقوا كل شئودمروا كل شئ .....ولكن في النهاية نقول الله غالب...

العزيزة امتثال بالرغم من مداخلتها ما عندها علاقة بموضوع البوست لكن دايمن تخلي الفيل وتجغم في ضلوا، الجاب الدعامة للخرطوم منو؟ انهم الكيزان الصرف اكثر من ٧ مليار دولار عليهم منو؟ انهم الكيزان،الاشترك معاهم في سرقة ونهب الدهب منو؟ انهم الكيزان يبقي من الموضوعية نقد الجيش وكيزان الجيش الكان يؤدي تحية عسكرية لضباط خلاء،،،
اللن نفس الكيزان هاجموا الدعامة في مقراتهم ولمن ولع الدعامة في الكيزان، وكيزان الجيش او شايفة النتيجة
لذلك علينا الدعاء لايقاف هذه الحرب لان جيش البرهان ما باقي ليهو الا الكيماوي لقد خسروكل شيء.

Quote: سلا٠الأخوة سلام الأخوة محمود و علاء الجشع الحاصل الآن ما غريب بعد ما الناس ظلت ٣٠ سنة تراقب في الكيزان ينهبو في المال العام و يبنو في العمارات و يراكمو في الثروات و أهلهم في القرى البعيدة و المدن فرحانين بي أموال السحت و كل سنة حج و كم عمرة بالأموال المسروقة.و نفس الشئ أولاد الجنجويد النهبو العربات و ملوهن بي ضهب و دلاقين نسوان الخرتوم وبي كم شغلات و بي كم تلفون مسروق و قروش البنوك .و امهاتم علا بستقبلهن بالزغاريد. أها اسع كان دمجو المتمردين في الجيش،المواطنين آكلي المال المسروق ديل ،يدمجوهم كيف في الناس الما زالت متعففة و محافظة على دينها؟

صحيح د. نعمات وما بعيد يكون البرفع اسعار العقارات ديل كيزان، استغلال الظروف لكسر عنق المواطن اصبحت ماركة مسجلة لدي كثير من السودانيين

يكون في ارتفاع لاسعار الوقود يرفع اصحاب المركبات الاسعار، في امطار الخ. اصحاب الافران والمحلات يرفعوا اسعار كل شيء
لذلك ابتلانا الله بهذه المصايب
شكرا كثيرا

يا علاء في اشياء لا يمكن تخيلها حتي في الخيال لكنك تجدها عند شعب الله المحتار
تسلم كتير.

سلام للجميع~
الشعب السودانى شعب أصيل مش زى ناس "جوجو" وأشباهه الجبناء الجايين من بلادهم ومناطقهم
عشان يدمروا الخرطوم أو السودان كما قال أحدهم
التعميم أبدًا غير حقيقى
ناس الأقاليم يقابلوا الطلعوا من بيوتهم بالموية والعصير وكلما تيسر لديهم

-أتفق تماما مع ما كتبت العزيزة دكتورة نعمات وأضيف
*لو الايجارات وغيرها بقت مبالغة ، لأنه فى ناس جشعين ولأنه الأفظع الحرب التى أعدمت ورفعت اسعار كل المواد
الضرورية
**والأشد فظاعة شخص يستولى على جبل ذهب ويهربه الى الامارات ويدفع مرتبات جنجويده من مالية الشعب السودانى
وطبعا الذهب مادة غير متجددة ، قال رجع الجبل وأخذ ملايين بدله من المتآمرة البليدة هبة محمد على الكانت عاملة وزيرة مالية.

Quote: سلام للجميع~ الشعب السودانى شعب أصيل مش زى ناس "جوجو" وأشباهه الجبناء الجايين من بلادهم ومناطقهم عشان يدمروا الخرطوم أو السودان كما قال أحدهم التعميم أبدًا غير حقيقى ناس الأقاليم يقابلوا الطلعوا من بيوتهم بالموية والعصير وكلما تيسر لديهم -أتفق تماما مع ما كتبت العزيزة دكتورة نعمات وأضيف *لو الايجارات وغيرها بقت مبالغة ، لأنه فى ناس جشعين ولأنه الأفظع الحرب التى أعدمت ورفعت اسعار كل المواد الضرورية **والأشد فظاعة شخص يستولى على جبل ذهب ويهربه الى الامارات ويدفع مرتبات جنجويده من مالية الشعب السودانى وطبعا الذهب مادة غير متجددة ، قال رجع الجبل وأخذ ملايين بدله من المتآمرة البليدة هبة محمد على الكانت عاملة وزيرة مالية.

الكلام دا قبل ٣٠ سنة، السنة الفاتت في عفراء موول سألت شخص عن مكتب الخطوط التركية، الشاب طلع ونزل معاي المول وفي النهاية قال لي اهو دا المكتب يا استاذ، قلت ليه شكرا قال العفوا، بس البطلع منك كلوا خير،
يعني بقشيش، بالرغم من انو اصلا مافي مكتب خطوط تركية.
في المواصلات العامة رايت الجشع، في المستشفيات لقيت الاستغلال والتلاعب، الان الوضع اسواء، السواد الاعظم من الناس استغلال للظروف.الاستولي علي جبل الدهب معاه لصوص اخرين، لذلك بطلوا النفاق والازدواجية وهاتوا اسماء اللصوص كلهم،

Quote: كوستي صديق لي استاجر غرفة ومطبخ وصالة ب مليار في الشهر

دي كتر فيا المحلبية .. وضخم المبلغ
اجعص بيت ما بفوت 200

Quote: دي كتر فيا المحلبية .. وضخم المبلغ اجعص بيت ما بفوت 200

الاسبوع الفات كنا في عزاء واحد اتصل علي اخوه، بسال عن الوضع كيف، فذكر له انه مستاجر بيت في كوستي اليوم ب ٢٥ دولار اميركي يلا اضرب ٢٥ دولار اميركي في ٣٠ يوم، علما انو بيت عادي وليس فيلا.

ياعزيزي، ماتشطح!

شيطان الجرة، هو اللي افسد شخصية السوداني، الكان محتفي بها عبر عشرات الاف، السنين في كل قارات عالم اليوم، بواسطة حتي الالهة، مش فقط بشر!

والاعجب دمار كهذا ممرر مبرر مسوق ك"دين" و "اسلام" ياللعجب!!!

اذن ده سودان الكيزان ماسودانا، الفسدة الفسقة، المجرمين!

ود حد الزين، شاعرنا الكوشي ماقال إلا الحقيقة!!

بعضا من ابداعو كلام منقول بالحرف من أرث اجدادنا، ولا ادري من اين له هذا، ان لم تكن معرفة لدنية، روحية!!

لايمكن تفهم شعر اسماعين، من دون ماتكون فاهم أرث اجدادك الكوشيبن!

محمود الدقم كتبتٓ:

Quote: الكلام دا قبل ٣٠ سنة، السنة الفاتت في عفراء موول سألت شخص عن مكتب الخطوط التركية، الشاب طلع ونزل معاي المول وفي النهاية قال لي اهو دا المكتب يا استاذ، قلت ليه شكرا قال العفوا، بس البطلع منك كلوا خير، يعني بقشيش، بالرغم من انو اصلا مافي مكتب خطوط تركية. في المواصلات العامة رايت الجشع، في المستشفيات لقيت الاستغلال والتلاعب، الان الوضع اسواء، السواد الاعظم من الناس استغلال للظروف. الاستولي علي جبل الدهب معاه لصوص اخرين، لذلك بطلوا النفاق والازدواجية وهاتوا اسماء اللصوص كلهم،

*نقطة غير مهمة - الخطوط التركية كان فى البداية عندها مكتب فى مول عفراء ، وما صححوا المعلومة بعد نقلوا جوار فندق الجنجويد وتشاد "السلام روتانا".
——
محمود الحصل عليك شنو ؟ما كنت "هادئ ورايق وغير منفعل !
أيام تكتب لينا -مطار الخرطوم تحت سيطرة الدعم السريع،القيادة العامة تحت سيطرة الدعم السريع، …
*حول مسألة اللصوص كلامك صاح المفروض ما نخلى حرامى ذهب نجيبهم كلهم
*أها نجيب أثنين من اللصوص
-موسى هلال أولا ودا السبب فى إنه زعيم عصابة النهب المسلح يجيبه لناس المخلوع القاتل مربط بالجنازير
والغريبة الزعيم بعين قوية قال "خيركم خيركم لإهله…😀"
-دقلو 2 صاحب الشركات المتعددة !…
*المهم الزعيم ذات نفسه إثناء الحرب المدورة دى قبل ما يحرموه من الكلام "المباح" فى الفضائيات
قال عنده مصنع ذهب!
*مصنع الذهب كمان أفظع حيث يكون فيه تجميع للذهب من جهات مختلفة - يستخرجه البؤساء ، الفقراء ويغتنى به القاتل حميدتى وجماعته بعد تهريبه للامارات وروسيا!
…ملحوظة الكيزان لصوص البترول وليس الذهب ، كبروا كروشهم وحسابات بنكهم وهربوا الأموال الى تركيا
…الجنجويد خاصة زعماء النهب المسلح فاتوا وزادوا فى عمائل الكيزان مضاعف
*ملحوظة أخيرة:الكيزان خربوا السودان 30 سنة
*الجنجويد والكيزان خربوا السودان 40 سنة
*يعنى المجموع 90 سنة

Quote: *نقطة غير مهمة - الخطوط التركية كان فى البداية عندها مكتب فى مول عفراء ، وما صححوا المعلومة بعد نقلوا جوار فندق الجنجويد وتشاد "السلام روتانا". —— محمود الحصل عليك شنو ؟ما كنت "هادئ ورايق وغير منفعل ! أيام تكتب لينا -مطار الخرطوم تحت سيطرة الدعم السريع،القيادة العامة تحت سيطرة الدعم السريع، … *حول مسألة اللصوص كلامك صاح المفروض ما نخلى حرامى ذهب نجيبهم كلهم *أها نجيب أثنين من اللصوص -موسى هلال أولا ودا السبب فى إنه زعيم عصابة النهب المسلح يجيبه لناس المخلوع القاتل مربط بالجنازير والغريبة الزعيم بعين قوية قال "خيركم خيركم لإهله…😀" -دقلو 2 صاحب الشركات المتعددة !… *المهم الزعيم ذات نفسه إثناء الحرب المدورة دى قبل ما يحرموه من الكلام "المباح" فى الفضائيات قال عنده مصنع ذهب! *مصنع الذهب كمان أفظع حيث يكون فيه تجميع للذهب من جهات مختلفة - يستخرجه البؤساء ، الفقراء ويغتنى به القاتل حميدتى وجماعته بعد تهريبه للامارات وروسيا! …ملحوظة الكيزان لصوص البترول وليس الذهب ، كبروا كروشهم وحسابات بنكهم وهربوا الأموال الى تركيا …الجنجويد خاصة زعماء النهب المسلح فاتوا وزادوا فى عمائل الكيزان مضاعف *ملحوظة أخيرة:الكيزان خربوا السودان 30 سنة *الجنجويد والكيزان خربوا السودان 40 سنة *يعنى المجموع 90 سنة

انا رايق ونص وخمسة يا سيدتي الفاضلة
ايام كنت بكتب المطار سقط في يد الدعامة والقيادة سقطت في يد الدعامة والجوية والتصنيع الحربي
وجياد العسكرية ومصفاة الجيلي سقطت في يد الدعامة
كنت في نفس الوقت بسال وين الجيش.؟ وكنت في نفس الوقت بحاول ان ارسل رسالة لاعلام الكيزان داخل وخارج المنبر
انهم علي خطاء ومافي داعي لتضليل الناس سنبلة بدليل الفيديوهات الكنت برفعها
وفي نفس الوقت قلتها واقولها الان كل من ارتكب جريمة قتل او سرقة او نهب او ترويع مواطن سوداني كان من الدعم السريع او الجيش او اي كائن من كائن لابد
ان يحاكم في ظل دولة مدنية متفق عليها من قبل خيارات الشعب
اخيرا ينقلوا الخطوط التركية الي فندق روتانا او سوق ستة بالحاج يوسف لا يهمني كثيرا لاني كنت بسال منها فقط حيث اردت الغاء تذكرتي واسترداد قيمة التذكرة
نقطة فل استوب

Quote: لايمكن تفهم شعر اسماعين، من دون ماتكون فاهم أرث اجدادك الكوشيبن!

شعر مولانا الراحل المقيم الشاعر اسماعين حسن كلام وحروف خطت من نبضات القلب لتخاطب كل انسان صادق
لكن للاسف الكيزان حرقوا ودمرو كل شيء جميل
فلم يعد شعر اسماعين حسن يواكب المرحلة في نظر الكثيريين ولم يعد كوش الا ايام نداولها بين الناس بالرغم من كوش موجود يوميا في حياتنا اليومية في الزير بتاع موية في اواني الطبخ في الراكوبة وهي طقس كوشي في بيوت الطين الكوشية وفي اشياء اخري كثيرة
الان هناك حرق للمكتبات السودانية الضخمة التي تضم الوثائق التي لها علاقة بكوش والكوشية ولسه بعض الاغبياء شغاليين لي انت عربي ونحن افارقة
شيء مقرف

ياعزيزي،
عفن الكيزان ديل، وكل اعراض ايبولا الوعي الجهوي، باذنه تعالي، سيقتلع من الجذور، والبحصل ده، زي ماقنا، عملية جراحية لاقتلاع أرث الاحتلال الثناي، ارث الترك، من الجذور!

استبشر خيرا، رغم انف الرعب الجواي، كما اي سوداني، لما افكر بالعقل، ولكن بالقلب، مطمن، نعم لقد عبرنا!

حنبنيهو البنحلم بيهو يوماتي، أخيرا!!

هللالويا!