|
|
|
 Re: تفاهة عزت الماهري .. (Re: محمد حيدر المشرف)
|
سلام محمد
عزت نكر عدييل انه قواتهم لا تداهم البيوت
تاني في شنو اكثر من كده
لا وكمان سافر في جولة اوروبية عشان يطمئن المسؤولين الغربيين انهم مقاتلين سلميين وبحرصوا على سلامة المدنيين
عزت اصبح مستشار الموت والدمار وهو يدري بذلك
| |
  
|
|
|
|
|
|
|
|
Re: تفاهة عزت الماهري .. (Re: حيدر حسن ميرغني)
|
| Quote: ( كيزان منحطين vs جنجويد رباطة ) |
بالضبط يا دكتور
الكيزان و الجنجويد لما كانوا حلفاء كان الضحية المواطن والوطن
و لما اختلفوا نفس الشئ.يعني كانوا و ما زالوا اعداء الوطن.
السيد عزت يلعب الآن نفس الدور الذي لعبه أحمد الجلبي في العراق
فهو - أي عزت -العقل المدبر للغزو الجنجويدي -الإماراتي لترجيح كفة
روسيا في حربها ضد امريكا، أقصد حرب هدفها سرقة ذهب السودان.
| |
|
|
|
|
|
|
|
|
|
Re: تفاهة عزت الماهري .. (Re: محمد حيدر المشرف)
|
يا حيدر انت زول فاهم دعك من الكلام الما بودي لقدام
اولا هي كلها اربعة سنوات نستنا انه الكيزان عجزوا عن المواصلة فصنعوا ثورة لينسحبوا بما اكتسبوه من الساحة السياسية رفعوا الراية وباعوا الشعب السوداني للعملاء واعداء السودان فكانت هذه النتيجة التي نشاهدها اليوم بعض الفلول واظن من هنا جاءت التسمية ظلت متمسكة وتقاتل من أجل سلطة التكسب الحرام فدخلت في صراع مع قوى العملاء والمأجورين بلادنا محتاجة لثورة حقيقية ثورة بناء من الاول لهذا الله قدر لذلك بهذا التكسير الذي حصل
رأي شخصي بحت : كل الموجودين في الساحة الآن اتمنى ان يتوفاهم الله لتظهر وجوه جديدة او يأتي رجل سوداني ضكر قلبه حار يقتلهم ويريحنا منهم
بوجودهم لن تقوم للسودان قائمة
| |
|
|
|
|
|
|
|
|
|
Re: تفاهة عزت الماهري .. (Re: توفيق عيسى مكي)
|
ان شاء الله لن تعود تلك الاوجه التي ظهرت على المسرح السياسي والتنفيذي بعد قيام الثور
فلن تظهر بعد انجلاء الحرب الا على اشلائنا رغم تقدم السن
ليس هناك اي مكان لاي حزب وجبهة تلوثت ايديها بدماء شباب الثورة
وبضحايا هذه الحرب التي ما زال جسد السودان ينزف منها
والله لن تكون لهؤلاء كلمة اخرى
حتى كلمة والوداع لن نسمح لهم بصعود المسرح لوداعنا
تلك الاحزاب الفقاعية
والاحزاب التي لها جذور في السودان
وتلك الجبهات التي قحطت وغيرت
جميعها قديمها وحديثها
لا نستثني منها احدا
لا اقول كما يقول غيري
فليذهبوا لمذبلة التاريخ
ليس لذلك اعني
ولكن لم يعد لهم من مؤازر بين امة السودان
حتى بالدولارات التي نهبوها جيئة وذهبا
لن يشتروا احدا مثلما باعوا انفسهم من قبل
فليتقدم ركب السودان رجال ونساء
لا تزيد اعمارهم عن خمسين عاما
شريطة ان لا يكونوا قد ظهروا في مسرحنا السياسي
فهم اولى بقيادة هذه الامة بقيم انسانية رفيعة تدعو فعلاً:
للسلام
والمساواة
والعدالة
| |
|
|
|
|
|
|
|
|
|
Re: تفاهة عزت الماهري .. (Re: Ali Alkanzi)
|
ولهذا،او من سنين خلت عرينا طريقة تفكيرو، المجولب، القبلي، واديناهو "وسام" زعيم الجنجويد، في هذا الفضاء!
المضحك، كان لما يمشي منبر ناس "فرول" الشعوعي، كان بحوم هناك، بي كلامنا هنا، باعتبارو كلامو هو!!
| |
|
|
|
|
|
|
|
|
|
Re: تفاهة عزت الماهري .. (Re: Bashasha)
|
بالنسبة للدويلة الحالية، نعم اتفق مع المجولب زعيم الجنجويد، عزت لو قال هي دويلة جلابة، ولكن المضحك، انو عزت هذا، نموذجو ولايزال ابرذ ادوات هذه الدويلة، نعم "مقاولي" محارق الابادة!
اذن ياعزت ماممكن تكون زعيم جنجويد، أو بعد ده تتكلم عن "التحميش" زي ناس مناوي، والدباب جبريل!!
هذا استغلال، توظيف بشع لماساة محارق الابادة النفذوها امثالك، يازعيم الجنجويد!!
| |
|
|
|
|
|
|
|
|
|
Re: تفاهة عزت الماهري .. (Re: محمد حيدر المشرف)
|
Quote:
الدولة الحالية هي دولة الانقاذ والاسلاميين الفاسدة وليست دولة ٥٦
لو الناس حابها تدور نقاش جادي حبابكم الف ولكن نمشي لي قدام .. |
1-المشرف تحياتي لك ولضيوفك الكرام:
اسمح لي ان اختلف معك في كلامك اعلاه، الدولة الانية هي دولة 1956، لكنها حربائية،ةتتلون تبع المرحلة، ابان الانقاذ ثلاثين سنة كانت اسلامية تستغل في غباء وسذاجة الكثير من قبائل الغرب لحشدهم في اتون المعارك باسم الدين، وكانت تغذيهم من وقت لاخر ببعض الشماليين لزوم التناسق والموضوعية والانسجاميةا
بعد سقوط هذه المنطومة الاسلامية عام 2019 ، اصبحت فضاء مستباح للمتسلقة من علمانيين واسلاميين وقحاطة ومتردية وما اكل السبع.
الان بعد ما تبين لدولة 1956 ان حميتي احلامه بقت غير منطقية حيث قام بشراء الذمم وسط الجيش والشرطة والامن والعمد والشباب والقونات ...الخ، لتمزيق وفض بكارة 1956 ليحل محلهم بالرغم من الحرس الشخصي للبرهان كانوا دعامة قبل ان يستبدلهم في اللحظات الاخيرة، قاموا بما قاموا به وهاجموا معسكرات الدعم السريع كما قال احد ابرز قادة حزب المؤتمر السوداني.
الدليل ايضا علي ان الدولة الانية هي من ركام 1956 لاحظ كل المتحركات العسكرية منذ بداية هذه المعارك هي من الغرابة، متجرك الابيض ثلاث ارباعه من المسيرية المنتمين للجيش، سحق هذا المتحرك، ثم جاء متحرك اخر من كادقلي لواء كامل، دحر هذا المتحرك من قبل الدعامة ايضا وكان 90 في المائة منه من ابناء جبال النوبة، ثم متحرك اخر قدم من الانقنسنا والنيل الازرق، اختلفوا فيما بينهم وقيل انهم قتلوا قائدهم ورجعوا.، متحرك من الفشقة قوامه ابناء النوبة والمسيرية لم يصل اتشتت في مدخل شرق النيل.
يعني لم يتحرك من الوسط والشمال الا متحرك يثتيم من شندي وعسكر في الكدروا ودارات معارك الكدروا الطاحنة انتهت بمقتل قائد عسكري رفيع المستوي من الجيش برتبة عميد.
في المقابل الدعم السريع ليس لديه برنامج سياسي واضح، قد يكون لديهم خبرات قتالية وقد يكونوا استفادوا من ضباط الجيش الحانقيين علي الكيزان والحانقيين علي دولة 1956 مثل النقيب سفيان ، ولذلك كانت تحركاتهم العسكرية كلها مدروسة وزابطة وقاموا بتعرية اسطورة الجيش السوداني تماما، وللان ونحن في اليوم 57 والجيش لم يحقق نتائج
علي الارض باستثناء النجاحات في التيكتوك والفيسبوك.
2- دولة 1956 ارهاصاتها بدات منذ العام 1924 عندما رفضوا ثورا اللواء الابيض باعتبار ان قادتها غرابة او جنوبيين (علي عبداللطيف، وعبدالفضيل الماظ) مرورا بتكريس الخلافات العرقية ثقافيا (مدرسة الغابة والصحراء) الخ، علي كل حال الحديث حول هذا الامر طويل وعميق وغميس
مجمل القول ان الحاصل الان سيفضي الي استماتة دولة 1956 للحفاظ علي مكتسابتهم العرقية والثقافية والاقتصادية، وسيحاول الدعامة ولاحقا الكتل العرقية والاثنية داخل الجيش الذين سينسحبون من الجيش في تكوين جبهة مضادة لدولة 1956 وسيكون النوبة هم حجر الزاوية الذي سيحاول البناؤون الاعتماد عليه
واتوقع ان يسوء الوضع بين البقارة والنوبة داخل الجيش وداخل الشرطة وداخل الاجهزة الامنية وداخل السودان. وسينتهي الامر علي اسواء سناريو بفصل دارفور من هذا السودان
عشت
| |
|
|
|
|
|
|
|
|
|
Re: تفاهة عزت الماهري .. (Re: محمود الدقم)
|
السلام والإحترام أخى محمد المشرف والسلام للجميع~
عزت +الماهرى ، يعيش حالة سقوط متواصل (أو كما صفتها أنت)
ويوسع فى حفرته كلما يفتح خشمه او يكتب حرفا
*ينطبق عليه المثل الطمع ودر ما جمع
***أكثر ناس يكون زعلانين منه آل دقلو ، كانوا عايشين آخر نهب وراحات
—-
كنت كتبت فى بوست مجاور
الناشط عزت الماهرى بعد إنقلاب 25 أكتوبر 2021 بشهرين:
*فى ديسمبر 2021 (بعد شهرين من الانقلاب) خرج "المستشار" عزت الماهرى فى لقاء وكان مكتوبا على الشاشة "الناشط😀" عزت الماهرى
قال كلام ملمع والأهم قال فى الجزء الأخير من اللقاء:
* قال فى ما معناه انه لو عاد الماضى لن يشارك فى دعم الكفاح المسلح كما فعل فى السابق
دا مهم شديد:
**قال بالحرف الواحد كلمة كلمة
" ناس دارفور وصلوا السلطة سواء كان أمسك حميدتى على الناس فى السيادى كم فى الوزارات ما فى حاجة أكثر من دى تتقدم هم بقوا جزء من مركز القرار"
—-
حديث هذا كان فى أخر جزء من اللقاء الدقيقة 32
اللقاء موجود فى اللنك وكان فى ٢٢ ديسمبر 2021
https://www.youtube.com/watch؟v=EBtxLfT9RMchttps://www.youtube.com/watch؟v=EBtxLfT9RMhttps://www.youtube.com/watch؟v=EBtxLfT9RMchttps://www.youtube.com/watch؟v=EBtxLfT9RMhttps://www.youtube.com/watch؟v=EBtxLfT9RMchttps://www.youtube.com/watch؟v=EBtxLfT9RMhttps://www.youtube.com/watch؟v=EBtxLfT9RMchttps://w.../watch؟v=EBtxLfT9RM
| |
|
|
|
|
|
|
|
|
|
Re: تفاهة عزت الماهري .. (Re: هدى ميرغنى)
|
يا سيد حميدتي لو أنت حي،
يا أخي، أنت محتاج لمستشارين اجتماعيين من جلابة مدن البحر عشان تحافظ على لحمة الوطن،
ناس يوسف عزت ديل مرضانين بكراهية الجلابة وسوف يفسدون الوضع أكثر مما هو فاسد،
فشنو؟
أنا مستعد ألعب ليك الدور دا وبدون عايد مادي،
ولو كمان متّ، الله غالب!
والله، يا حميدتي، وما طالبني حليفة،
جيت راجع لكتابة المشاركة دي هنا عشان خاطرك.
| |
|
|
|
|
|
|
|
|
|
Re: تفاهة عزت الماهري .. (Re: أبوبكر عباس)
|
الزول دا، قدر يجمع أموال تفوق الخيال، يستطيع بهذه الأموال تغيير حياة أهله في كرفان ودارفور وجعل إنتاج اللحوم هناك يفوق أوربا ويعمل مسالخ حديثة ومطارات صغيرة لتصدير اللحوم وبناء مدن على ضفاف رهيد البردي والمناطق الغنية بالمياه تفوق الخرطوم ومدني،
يعني القروش دي بدل يدك بيها مدن الجلابة؛
يطور بيها حياة أهله.
اللاندكروزر بكامل عتادها العسكري الواقفة قدام بيت جلابي في الرياض محتلاهو؛
قيمتها المادية أكتر من كلفة البيت.
القروش كلها نفخها رصاص في الهواء،
دا جن
| |
|
|
|
|
|
|
|
|
|
Re: تفاهة عزت الماهري .. (Re: muntasir)
|
Quote: ثورة ديسمبر دي جات عشان تكنس العفن ده كلو .. و ح تكنسو
|
وده اللي حيحصل بالضبط، يعني الوسخ كلو كان لازم يظهر في السطح عشان كنسو يكون ساهل
| |
|
|
|
|
|
|
|
|
|
Re: تفاهة عزت الماهري .. (Re: أبوبكر عباس)
|
والله يا مستنير
لو حميدتي مشى على الطريق القلتو دا
لحكم السودان بدون تعجل ومن خلال صندوق الانتخابات
بس ما لما في ناس زيك
دايرين خير الوطن وخير حميدتي
وادناه حكمتك التي تأخرت كثيرا
كان كل البلاوي دي ما حصلت
Quote: الزول دا، قدر يجمع أموال تفوق الخيال، يستطيع بهذه الأموال تغيير حياة أهله في كرفان ودارفور وجعل إنتاج اللحوم هناك يفوق أوربا ويعمل مسالخ حديثة ومطارات صغيرة لتصدير اللحوم وبناء مدن على ضفاف رهيد البردي والمناطق الغنية بالمياه تفوق الخرطوم ومدني،
يعني القروش دي بدل يدك بيها مدن الجلابة؛
يطور بيها حياة أهله.
اللاندكروزر بكامل عتادها العسكري الواقفة قدام بيت جلابي في الرياض محتلاهو؛
قيمتها المادية أكتر من كلفة البيت.
القروش كلها نفخها رصاص في الهواء،
دا جن |
| |
|
|
|
|
|
|
| |
محمد حيدر المشرف
حيدر حسن ميرغني
نعمات عماد
توفيق عيسى مكي
Ali Alkanzi
Bashasha
Biraima M Adam
محمود الدقم
هدى ميرغنى
أبوبكر عباس
ترهاقا
Mahjob Abdalla
فيس بوك
تويتر
انستقرام
يوتيوب
بنتيريست