البيوت الأجبروها على السكوت

08:13 AM June, 03 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

البيوت الأجبروها على السكوت
العودوها على أيِّ موت ما أوحشة 😢
--------------
لولا الطنابير البيوت الأجبروها على السكوت
العودوها على أيِّ موت ما أوحشة
هونيق حمير جنب الحفير هوهيو كلاب
تالا الحقاب يا حس كدائس وكشكشة
معناتو نص الليل مشى
وخيَّم على الناس السكون
والصمت عشعش عشعشة
معناتو جُوَّ البيت يكون
ركَّة رهيوة عاشقين
برَّا التواريخ والزمون
في حالة لاب تصله الظنون
لا حِديْ عيون الشامتين
لا صقر واشياً وشَى
بلدي أم سَمِح فوق الجرح ما أدهشه
وأنا جايي أبعبش بعبشة
هُو أنا إيه أكون غير إني واحد العاشقين
الكل ما ضمّوا الجفون ضموها فاتحين
العيون
على غيمة الحلم اليصح
في بكرة والحاصل يهون
والدنيا تصحى وكلُّو صِح
يا أهلي هُوي إزيَّكم
إن عش قريِّب منَّكم
وإن مت غريِّب فليكُن
ياناس طيابة بغلبكم
بنصاح ضراعكم وقلبكم
بكفاح صراعكم وحزبكم
برياح شراعكم أحبكم
بسماح شعاعكم ألبَّكم
لصباح ينور دربكم
محمد الحسن سالم حميد