Post: #2 Title: Re: يوسف ابراهيم عزت الماهري Author: حيدر حسن ميرغني Date: 05-27-2023, 05:24 AM Parent: #1
له التحية
Post: #3 Title: Re: يوسف ابراهيم عزت الماهري Author: هدى ميرغنى Date: 05-27-2023, 05:48 AM Parent: #2
Quote: لكن، وقبل الانقلاب بعدة أيام، جمعتني صدفة غريبة مع عزت الماهري في أحد فنادق #الخرطوم، صار مطلقًا وقتها، وقد انتفخ وجهه وزاد وزنه بصورةٍ بدت عليها البحبوحة، مفعمًا بآمالٍ للاستقرار في الوطن على عكس تشاؤمي. كان لقاءً مليئًا بالشجون والذكريات، لكنني ظللت فيه حذرًا، فقبلها بأشهر، تطوع أحد أصدقائي المقربين من الأوساط السياسية باطلاعي على معلومةٍ غريبة تقول أن عزت هو أحد مستشاري نائب رئيس المجلس السيادي وقائد قوات #الدعم_السريع “#حميدتي”. أخبرني عزّت عن قصةٍ فنتازية لاكتشافه وثيقةً تثبت امتلاك جده لعددٍ كبير من الأراضي في المنطقة المحيطة لهذا الفندق، وهو موقعٌ من أكثر المواقع استراتيجية في قلب العاصمة مطلٌ على النيل، بعيدٌ كل البعد عن موطن قبيلته الرعوية البعيدة في بادية دارفور وتشاد، وعندما غادرت لم يتواصل معي عزت إلا بعد الانقلاب، الذي شارك فيه الدعم السريع مع الجيش للإطاحة بالحكومة المدنية، ما عدا وزرائها من أعضاء حركات دارفور المسلحة. وبينما خرجت مجموعاتٌ مبعثرة من المتظاهرين الشباب ضد الانقلاب، واختبأ الناشطون الحزبيون من أعضاء الحكومة المخلوعة واعتقل أبرزهم، دفع قطع الجيش لخدمة الانترنت بالإعلاميين من أمثالي لاكتشاف مخابئ آمنة ما تزال خدمة الإنترنت متوفرة فيها بصعوبة.
بدأتُ بتغطية الأحداث وتدوين يومياتي، وعندما انتبه عزت لوجودي أونلاين اتصل بي هاتفيًا، سألني من أين حصلت على الانترنت، فشعرت بالفخ الذي وقعت فيه، كذبت وقلت له إنني في العمارة الكويتية، أشهر مباني وسط الخرطوم التي تضم مكاتب المراسلين والقنوات والصحف الأجنبية، وعندما شعر بحدتي وغضبي حيال ما يجري، طلب بني بنغمة لا تخلو من الاستجداء “حسام.. لا تخرج إلى الشارع ولا تشارك في التظاهرات!” أجبته بأنني سأفعل ولأمت كما يقتل الآخرون، وأنهيت المكالمة مغلقًا الهاتف وأنا شاعر بالخيانة والغضب.
من مقال : حسام الهلالى "عندما سال دمي على قميص عزت الماهري"
Post: #4 Title: Re: يوسف ابراهيم عزت الماهري Author: muntasir Date: 05-27-2023, 06:46 AM Parent: #3
الغريبة في أحد البوستات النزلها بكري فتحي البحيري اتهم عزت بأنه جنجويد في 2003 😅 الوقت داك أبنوس ذاته ما كان عارف إنه حيصبح جنجويد
Post: #5 Title: Re: يوسف ابراهيم عزت الماهري Author: عبدالقادر محمد Date: 05-27-2023, 08:59 AM Parent: #3
Quote: لكن، وقبل الانقلاب بعدة أيام، جمعتني صدفة غريبة مع عزت الماهري في أحد فنادق #الخرطوم، صار مطلقًا وقتها، وقد انتفخ وجهه وزاد وزنه بصورةٍ بدت عليها البحبوحة، مفعمًا بآمالٍ للاستقرار في الوطن على عكس تشاؤمي. كان لقاءً مليئًا بالشجون والذكريات، لكنني ظللت فيه حذرًا، فقبلها بأشهر، تطوع أحد أصدقائي المقربين من الأوساط السياسية باطلاعي على معلومةٍ غريبة تقول أن عزت هو أحد مستشاري نائب رئيس المجلس السيادي وقائد قوات #الدعم_السريع “#حميدتي”. أخبرني عزّت عن قصةٍ فنتازية لاكتشافه وثيقةً تثبت امتلاك جده لعددٍ كبير من الأراضي في المنطقة المحيطة لهذا الفندق، وهو موقعٌ من أكثر المواقع استراتيجية في قلب العاصمة مطلٌ على النيل، بعيدٌ كل البعد عن موطن قبيلته الرعوية البعيدة في بادية دارفور وتشاد، وعندما غادرت لم يتواصل معي عزت إلا بعد الانقلاب، الذي شارك فيه الدعم السريع مع الجيش للإطاحة بالحكومة المدنية، ما عدا وزرائها من أعضاء حركات دارفور المسلحة. وبينما خرجت مجموعاتٌ مبعثرة من المتظاهرين الشباب ضد الانقلاب، واختبأ الناشطون الحزبيون من أعضاء الحكومة المخلوعة واعتقل أبرزهم، دفع قطع الجيش لخدمة الانترنت بالإعلاميين من أمثالي لاكتشاف مخابئ آمنة ما تزال خدمة الإنترنت متوفرة فيها بصعوبة.
بدأتُ بتغطية الأحداث وتدوين يومياتي، وعندما انتبه عزت لوجودي أونلاين اتصل بي هاتفيًا، سألني من أين حصلت على الانترنت، فشعرت بالفخ الذي وقعت فيه، كذبت وقلت له إنني في العمارة الكويتية، أشهر مباني وسط الخرطوم التي تضم مكاتب المراسلين والقنوات والصحف الأجنبية، وعندما شعر بحدتي وغضبي حيال ما يجري، طلب بني بنغمة لا تخلو من الاستجداء “حسام.. لا تخرج إلى الشارع ولا تشارك في التظاهرات!” أجبته بأنني سأفعل ولأمت كما يقتل الآخرون، وأنهيت المكالمة مغلقًا الهاتف وأنا شاعر بالخيانة والغضب.
كاتب المقال وقح ليس الا
Quote: بعيدٌ كل البعد عن موطن قبيلته الرعوية البعيدة في بادية دارفور وتشاد،
بع د ما كتب هذه يصبح لاقيمة لكل هرائه المدلوق هنا التحية لعزت الماهري وله الاحترام فهو حر في اختيار طريقه ونهجه وهو الوصي علي نفسه وله مطلق الحرية فيما يعتقد من مواقف (بمثلما اتخذ البعض مسايرة الكيزان ومساندتهم نهجاً مسلماً به اً) .. واني علي يقين تام بأن ما كتبه هذا المسمي بالهلالي ما هو الا بهتان وافك لتشويه صورة الماهري والا لماذ صبر كل هذه الفترة ليتقيأ لنا عفنه هذا الوقت تحديد
Post: #6 Title: Re: يوسف ابراهيم عزت الماهري Author: أبوبكر عباس Date: 05-27-2023, 09:42 AM Parent: #5
يا منتصر، اتهام فتحي لعزت بأنه جنجويد ما فيهو قراءة مستقبل، في الزمن داك ممكن لو إختلفت مع أي زول من عرب كردفان ودارفور تقول ليهو جنجويد.
أصدقاءنا المثقفين من دارفور وكردفان من كل الاتجاهات السياسية في حاجة بتجمعهم كلهم وهي الانحياز القبلي عندهم قبل الايدولوجيا، يعني مثلاً في هذا الصراع تجد كل المثقفين من عرب كردفان ودارفور مع الدعم السريع، في حين أن المثقفين من زرقة السودان عموماً في موقف ترقب، بمعنى آخر خيارات الوجود لأهلهم دائماً حاضرة في مواقفهم، القصّة دي نحن مثقفي الجلابة لا نعاني منها حتى الآن وعادي تلقى مثقف جلابي في هذه الحرب واقف مع الدعم.
الوحيد الممكن يكون استثناء من الأصدقاء الذين عرفتهم واتابعهم من عرب وزرقة الغرب هو صديقي حامد شارف
Quote: الغريبة في أحد البوستات النزلها بكري فتحي البحيري اتهم عزت بأنه جنجويد في 2003 😅 الوقت داك أبنوس ذاته ما كان عارف إنه حيصبح جنجويد
القاهرة 2001 عزت الماهري يساري جبهة ديموقراطية و داعم في نفس الوقت لموسي هلال الجنجويدي الداعم للانقاذ بعد حسم حميدتي لموسي هلال انحاز عزّت للاقوى بكل عادية الكلام الفوق ده شوف عين ما سمع الرد للمستنير برضو
Post: #8 Title: Re: يوسف ابراهيم عزت الماهري Author: Mohamed Adam Date: 05-27-2023, 07:55 PM Parent: #7
التحية لحضرة المستشار يوسف ابراهيم عزت، ويحمد للرجل انه ما إنحاز لمعسكر الكيزان كما إنحاز ليهو كثيير مما يسمون نفسهم بأصدقاء وكوادر تخرجوا مع المستشار عزت، من مدرسة آيدولوجية واحدة..!!. انا متأكد 100% من هذا الشاب الأبنوسي، انه مع التحول الديمقراطي قلبا وقالبا بل هو رجل سلام بلا منازع.
عزت يعلم علم اليقين، ان نظام الاكواز ما من الساهل يتفكك بعملية اخوى واخوك، لازم يحتاج لقوة خشنة(عين حمراء) بجانب القوة الناعمة عشان يقتلع من جزوره..كلكم شاهدتم وسمعتم بتصريح قيادات الفلول، عندما هزموا أمام الدعم السريع الآن رجعوا لعادتهم القديمة وهى، تسليح المواطنين والمليشيات لكى يورطوا السودان فى حرب اهلية والناس تنشغل فى نفسها وتنسي امر الثورة ومتطلباتها. من الصعب محاربة نظام الاكواز بالطرق السلمية وبمعزل من قوة عسكرية ضاربة. ناهيك من خداعهم للمدنين فى تعطيل عملية التحول الديمقراطي .. من اول يوم لإنقلابهم بتاع 1989.. فحسب، بل امسك من 2019 حين سقوط راس النظام ولتأريخ يومنا هذا، كم مرة عطلوا سير التحول الديمقراطى!! بالمناسبة قالوها علنا، ما ح يسلموها إلا لعيسي بن مريم.. وذلك واضح فى شعاراتهم بتاعت ولترق منا الدماء..لجنة اديب، إنقلابات، توليع حروب اهلية ببعض المدن، قطع طريق الميناء... الخ
الأكواز!! الله ماجاب طاريهم.. قتلوا أرجل وأصدق الرجال بهذا الوطن.. واليوم لما ذاقوا من نفس الكأس الكان بيذوقوه لضحاياهم، .. ناس أنس عمر ، بقو يبطبطوا كما الدجاج!!
إنتصار الدعم السريع(اليوم)، على قيادات الفلول، بقواتنا المسلحة، سيمهد الطريق لعملية التحول الديمقراطى، لأن الدعم، كقوة فاعلة سوف يحمى المدنين عشان يقدروا يعملوا فى جوء ديمقراطى معافى .. من كل أمراض الدولة السودانية الفاشلة بتاعت 1956.
لنفرض ان الدعم السريع حنث بقسمو و رفض يلبى بإلتزاماتو اتجاة، التحول الديمقراطى حتى لو بنسبة 10% .. اول زول ح يقف فى وشو هو حضرة المستشار يوسف ابراهيم عزت.
Quote: أخبرني عزّت عن قصةٍ فنتازية لاكتشافه وثيقةً تثبت امتلاك جده لعددٍ كبير من الأراضي في المنطقة المحيطة لهذا الفندق، وهو موقعٌ من أكثر المواقع استراتيجية في قلب العاصمة مطلٌ على النيل، بعيدٌ كل البعد عن موطن قبيلته الرعوية البعيدة في بادية دارفور وتشاد،
رغم إستغرابي من موقف زميلنا المثقف عزت الماهري . إلا أن هذه الفقرة ..غربية شديد!! . فمثلا، لي أهل من الجهتين..أمي وأبي ( رزيقات، وبجا).. وكذلك أصدقاء من البرتي وأصولهم من أقصى دارفور .. يمتلكون أبا عن جد مواقع في قلب الخرطوم .. وولدوا وتربوا في الخرطوم إتنين..والعمارات. ومعظم هؤلاء قامات سودانية وأكاديمية يشار لها بالبنان . ... فهل يهددهم المدعو (حسام الهلالي) هذا ..بأنه قد ينزع أملاكهم في الخرطوم ٢ والعمارات وأمدرمان وبحري..مثلا ؟!! وكمان، ينزع عنهم سودانيتهم..هكذا ..بجرة قلم !!! . قال ( قصة فانتازيه ) قال .. فانتازي إنت يا عنصري يا وهمي . نوعك دا ..هو سبب مشاكل السودان . فربنا يهديك يا غردون باشا ..
بالمناسبة، يا محمد آدم . أنا آمنة دي شاركت في أمر قفل الطريق وتتريس الميناء الجنوبي. فتعتبرني..كوزة وللا موزة 🍌 لا يهم .. فلن أجهد نفسي بعد الآن ( بتبرير)الأسباب( الوطنية) التي جعلتنا نفعل ذلك . ..... حقيقي مشاكل السودان كلها بسبب أنصاف المثقفين..زي المدعو محمد آدم .. والمدعو حسام هلالي ..!! أكبروا ياخي وأنضجوا.. بعدما كتبت( طظ فيكم).. قلت أحسن أكتب ( ربنا يهديكم ويوسع أفقكم..لتعرفوا عن بلدكم أكثر ..خارج نطاق شلتكم وحلتكم ). . وربنا يحفظ البلد دي .
Quote: فمثلا، لي أهل من الجهتين..أمي وأبي ( رزيقات، وبجا).. وكذلك أصدقاء من البرتي وأصولهم من أقصى دارفور .. يمتلكون أبا عن جد مواقع في قلب الخرطوم .. وولدوا وتربوا في الخرطوم إتنين..والعمارات. ومعظم هؤلاء قامات سودانية وأكاديمية يشار لها بالبنان .
أمونة ربنا يعوضكم فى بيوتكم وأراضيكم ،حيث هجم النهب المسلح على الأخضر واليابس *إعتدوا وإحتلوا دار الحزب الشيوعى - وحسب النكتة قالوا فى كوز قال ليهم دار الحزب فيه "رأس المال" *بصرف النظر عن تعليق حسام هلالي - يوسف إبراهيم (الذى تسمى باسم جده عزت +الماهرى)، خيال الكاتب أوصله لدرجات خيالية بعيدة، بما فيها امتلاك تلك الأراضى . كانت تكون ممكنة لو "طالبوا" بها قبل أن يصبح "المستشار"
عارفين يا أبوبكر وجلادلونا.. معظم أهل والدتي الرزيقات أنصار على السكين .. وولاؤهم لحزب الأمة .. يعني لبيت المهدي .. وقليل منهم جدا من الفي البادية..من إنحاز لموسى هلال أو حميدتي.. وهؤلاء إنحازوا ليس لحمية قبلية فقط ..بل لأنهم هوجموا وسرق مالهم ( أي إبلهم).. عندي أربعة أخوال أشقاء ..أولاد خال أمي ..قتلوا في يوم واحد وهم يلاحقون من سرق مالهم . . المهم، هم أحرار في ولائهم هذا .. رغم إني قد حاولت أن أقنعهم بالانضمام لحزب الخضر ..🤣
Quote: رغم إني قد حاولت أن أقنعهم بالانضمام لحزب الخضر ..🤣
مرحب آمنة قال ليك الإمام المهدي لمن دعى القبائل لمبايعته لمن جاءه وفد قبيلة الرزيقات بدأ يشرح ليهم في أدلة مهديته وأنه في كل مائة عام يأتي للدين مجدد المهم صرف معاهم عربي ودين كتير لمن زهجوا قالوا ليه أسمع كلامك ده لا بنعرفوا لا خصانا انت بس ورينا الناس الداير تتداوسهم ونحن نداوسوا ، هسي أهلك ديل تكون شبكتيهم بيئة وطبقة أوزون عشان كدة كفروا بك وبآلهتك كان تقولي ليهم عندنا دواس كان بايعوك 😅😅
Quote: أمونة ربنا يعوضكم فى بيوتكم وأراضيكم ،حيث هجم النهب المسلح على الأخضر واليابس *إعتدوا وإحتلوا دار الحزب الشيوعى - وحسب النكتة قالوا فى كوز قال ليهم دار الحزب فيه "رأس المال" *بصرف النظر عن تعليق حسام هلالي - يوسف إبراهيم (الذى تسمى باسم جده عزت +الماهرى)، خيال الكاتب أوصله لدرجات خيالية بعيدة، بما فيها امتلاك تلك الأراضى . كانت تكون ممكنة لو "طالبوا" بها قبل أن يصبح "المستشار
ههههههه عزيزتي الكنداكة هدى..الآن كلنا في الهم ( خرطوم ). تصدقي ..عندي بعض أهلي رزيقات (ماهرية )..برضه.. هربوا عيالهم لمصر والله العظيم..والرجال قاعدين حارسين بيوتهم في الخرطوم . شفتي كيف ؟ .... لذلك سأظل أقول وأقول : أن هذه الحرب يجب أن تقف الآن .. لأنها ليست مباراة كرة قدم ..فلن يكون فيها فائز أو منتصر يفوز بالكأس.. بل هي حرب مخزية ..لا ضحية لها سوى الوطن والمواطن الزينه طالع أصلا . . ولكنها يختي( حرب بالوكالة )..وغرف تخطيطها تدار من الخارج .. فهنالك محاور إقليمية ودولية..تريد لبلدنا الخراب .. لأنه تراه بلد غني وكنز من الموارد .. وترانا نحن شعب عبيط.. وبيني وبينك نحن فعلا عبطا وريالتنا سايلة .. ... إنظري كيف نتحارب مع بعضنا البعض في أطول حروب في القارة.. ورغم، ذلك لا نريد أن نخت الكورة واطة ..ونقعد مع بعض ..لنفهم بعض .ونتثقف حول وطننا ومكوناته وتاريخه الحقيقي. .... أما الاعتداء على دار الحزب الشيوعي واحتلاله ..فأعتقد أن الأوامر جات من بره .. وبالمناسبة، والدي عاش ومات شيوعي ..وكان من أول دفعة مجزرة ما يسمى ( بالصالح العام)من هيئة الموانئ البحرية شهر سبعة سنة ٨٩..أول ما جو المهاويس ديل الله لا جاب عقابهم. ووالدتي توفيت لاحقا بذبحة قلبية ..بسببهم برضه ..عندما ضايقوها في شغلها. وغايتو الحمد لله أن والدي حضر الثورة التي عاش لينتظرها.. وبرضه، الحمد لله أن الله توفاه قبل أن يشهد سرقتها ..وكذلك كل هذه المغايس.. رغم أنه يؤلمني أنه قد حضر مقدماتها منذ وثائق بيع الثورة .. . تحياتي. والمجد والسلام لهذا الوطن وشعبه . فلقد قلنا الروووووووب..يعلم الله . وتبا للعملاء أينما وحيثما كانوا.
Post: #17 Title: Re: يوسف ابراهيم عزت الماهري Author: الكمالي كمال Date: 05-28-2023, 01:03 AM Parent: #15
سلامات
الازدواجية القبائلية بين تشاد و السودان كبيرة و معقدة . شخصيا لا اعرف عن عزت الماهري و لكنني كنت ضيف عدة مرات قبل اكثر من عشرين سنة بمنزل العم ( هنو الماهري ) و هو ناظر قبيلة الماهرية اي خشم بيت من قبيلة الرزيقات رجل طيب و تحدثنا كثيرًا عن السودان و عن تشاد و العلاقة الوطيدة بين الشعبين و لي اصدقاء كثر تربطهم علاقة طيبة بالرجل من مختلف ارجاء السودان . الرزيقات او الماهرية قبيلة كاي قبيلة اخري لها امتداد خارج السودان .
مودتي
Post: #16 Title: Re: يوسف ابراهيم عزت الماهري Author: AMNA MUKHTAR Date: 05-28-2023, 01:00 AM Parent: #1
Quote: مرحب آمنة قال ليك الإمام المهدي لمن دعى القبائل لمبايعته لمن جاءه وفد قبيلة الرزيقات بدأ يشرح ليهم في أدلة مهديته وأنه في كل مائة عام يأتي للدين مجدد المهم صرف معاهم عربي ودين كتير لمن زهجوا قالوا ليه أسمع كلامك ده لا بنعرفوا لا خصانا انت بس ورينا الناس الداير تتداوسهم ونحن نداوسوا ، هسي أهلك ديل تكون شبكتيهم بيئة وطبقة أوزون عشان كدة كفروا بك وبآلهتك كان تقولي ليهم عندنا دواس كان بايعوك 😅😅
ههههههه صديقي منتصر . برضه لو قريت مذكرات الزبير باشا مع الصحافية الخواجية..هسه نسيت إسمها. قال ليهم كدي نخلي الدواس والهمبته يا رزيقات .. وتعالوا نشتغل تجارة ..قالوا ليهو طيب. . إشتغلوا فترة مع بعض ..يقاضوه بالسمن والزبد ومنتجات سعيتهم.. بعد سنتين أو أكثر ما متذكرة ..رجعوا قالوا ليهو هوي : نحنا ما ناس تجارة سمن ومنتجات ألبان نقايضها بالسكسك.. ورجعت حليمة لعادتها القديمة 🤣 لكنهم حاربوا التعايشي ..مثلما حاربوا الزبير باشا من قبل نسبة لولائهم لسلطان الفور الذين يعتبرونه من نسل سلفهم أحمد المعقور الهلالي . ومع ذلك صار معظمهم أنصار متعصبين كمان ..!! . إلا ناس البادية ديلك فعلا دينهم رهيف .. وطول عمرهم بيداوسو في بعضهم..ربنا يهديهم. تصدق أول مرة أسمع إسم ( الكلاش) دا عند واحدة قريبتنا جات من البادية ؟ وسألناها بتعرفي تستعمليه..قالت منو فينا الما يعرف يا بنات دار صباح !
Post: #18 Title: Re: يوسف ابراهيم عزت الماهري Author: منتصر عبد الباسط Date: 05-28-2023, 02:50 AM Parent: #16
أها بعد تكتشفو بأن الجنجويد موش بس صنعهم الكيزان لهدف مضى بل لهدف حاضر معاش وأنهم لا زالوا يتبعون لصلاح قوش يحركهم لأهداف كيزانية هل ستندمون حين تعلمون يقينا بعد إماطة الغطاء وكشف المستور؟ ! أم صار الندم على الخطأ والخطايا شيء ولى زمانه؟! ولكن قد بطل مكر الكيزان ولله الحمد
Post: #19 Title: Re: يوسف ابراهيم عزت الماهري Author: منتصر عبد الباسط Date: 05-28-2023, 02:52 AM Parent: #18
Post: #20 Title: Re: يوسف ابراهيم عزت الماهري Author: هدى ميرغنى Date: 05-28-2023, 04:03 AM Parent: #19
الناشط عزت الماهرى بعد إنقلاب 25 أكتوبر 2021 بشهرين:
*فى ديسمبر 2021 (بعد شهرين من الانقلاب) خرج "المستشار" عزت الماهرى فى لقاء وكان مكتوبا على الشاشة "الناشط😀" عزت الماهرى قال كلام ملمع والأهم قال فى الجزء الأخير من اللقاء: * قال فى ما معناه انه لو عاد الماضى لن يشارك فى دعم الكفاح المسلح كما فعل فى السابق دا مهم شديد: **قال بالحرف الواحد كلمة كلمة " ناس دارفور وصلوا السلطة سواء كان أمسك حميدتى على الناس فى السيادى كم فى الوزارات ما فى حاجة أكثر من دى تتقدم هم بقوا جزء من مركز القرار" —- أخر جزء من اللقاء الدقيقة 32 اللقاء موجود فى اللنك وكان فى ٢٢ ديسمبر 2021
Post: #21 Title: Re: يوسف ابراهيم عزت الماهري Author: هدى ميرغنى Date: 05-28-2023, 04:58 AM Parent: #20
السلام وإحترام أخى باشمهندس بكرى والجميع~ *السلام يغشى ويعم الوطن
Quote:
Quote: *إعتدوا وإحتلوا دار الحزب الشيوعى - وحسب النكتة قالوا فى كوز قال ليهم دار الحزب فيه "رأس المال"
ههههه والله من الضحك يا هدي قربت اقع من الكرسي
ههههه
أيضا واحد قال هسه الدعامة المواهيم ديل الوداهم دار الشيوعى شنو! ولافيه حاجة تتسرق ، لا موقعه استراتيجى **وبعد دا حيشتغلوك بيانات وشعر ليوم القيامة —- وفعلا الجماعة ما وقفوا من البيانات كتابة وبينات صوتية وتضامن دولى…
Post: #22 Title: Re: يوسف ابراهيم عزت الماهري Author: علاء سيداحمد Date: 05-28-2023, 09:57 AM Parent: #21
Quote: أصدقاءنا المثقفين من دارفور وكردفان من كل الاتجاهات السياسية في حاجة بتجمعهم كلهم وهي الانحياز القبلي عندهم قبل الايدولوجيا،
انا اتفق معك تماما يا اب لمبة يا استنارة فعلاً المقتبس اعلاه ملاحظ بصورة واضحة وعزت الماهري ( الابنوس ) مثال حي فى المسألة وشوف التناقض مابين اتجاهه اليساري والقبلية التى تتعارض تماما مع هذا الاتجاه .
وكان المأمول فيهم قيادة التنوير وسط القبائل لمحاربة القبلية ولكنهم وللأسف الشديدانداحوا فيها . لن تقوم للسودان قائمة مالم تكن هناك حكومة قوية وقضاء عادل ونزيه وشامخ وجيش وأجهزة أمنية قوية تفرض هيبة الدولةوالأمن والأمان والسلام فى كل ربوع السودان .
غير كدا سندور فى نفس الفلك الى ان يرث الله الارض ومن عليها .
Post: #23 Title: Re: يوسف ابراهيم عزت الماهري Author: منتصر عبد الباسط Date: 05-29-2023, 01:33 PM Parent: #22
قال الجيش السودانى على لسان الفريق أول ياسر العطا ان #حميدتى عضو شورى المؤتمر الوطنى برئاسة البشير
قائمة بأسماء عضوية الكيزان من ضباط الدعم السريع فقط غير الآف المدنين المستشارين 1. اللواء الركن عثمان عمليات 2. اللواء الركن الخير ابو مريدات (معتمد سابق ورئيس مؤتمر وطني بمحلية لقاوة) 3. اللواء الركن اورناصر 4. اللواء حقوقي البيتي 5. العميد الركن زاهر محمد الأمين 6. العميد الركن عمر حمدان 7. العميد الركن ابوحليمه 8. العميد الركن ابشر جبريل بلايل (معتمد سابق ورئيس مؤتمر وطني بمحلية لقاوة) 9. العقيد الركن عوض الله عبدالسلام 10. العقيد الركن محمد احمد انجليز 11. العقيد الركن فارس البشير 12. العقيد الركن الياقوت الطيب البشير 13. العقيد أمن مرتضى الرفاعي 14. العقيد أمن رامي الطيب 15. المقدم ابودجانة احمد الحاج 16. المقدم النور سعيد النور 17. المقدم ابوقوته 18. المقدم ودالمنسي 19. المقدم طيار أمجد الطيب 20. المقدم محمد سليمان 21. الرائد حمودي 22. الرائد جيلي عمر جيلي
ضباط وقيادات الكيزان داخل الدعم السريع
1- حسبو عبدالرحمن نائب المخلوع واولادو التلاته ضباط كبار في الدعم وقاده كبار . 2 أبو القاسم بركة / والي النيل الابيض ومسؤول الطلاب بالمؤتمر الوطني / الآن برتبة لواء دعم وقائد ميداني للخرطوم . 3 الخير أبو مريدات / معتمد محلية تلودي ورئيس المؤتمر الوطني بالمحلية / الآن لواء بالدعم السريع ومسؤول من الإستخبارات . 4 عثمان محمد حامد / حاليا لواء دعم سريع قائد أمدرمان كان مسؤول كتائب الظل في عهد البشير وماسك معسكرهم في كرري . 5 على الدخرو / مسؤول بقطاع الطلاب وكان ماسك موقع إسمه أمانة الفكر والثقافة بقطاع المؤتمر الوطني . 6 محمد معتصم بدوي / مسؤول بقطاع طلاب المؤتمر الوطني وكان المسؤول الأول عن كل المسيرات وإفطارات الفلول لحدي آخر إفطار . 7 - محمد طاهر ادروب / كان مسؤول إمداد بالدفاع الشعبي حاليا ماسك إستخبارات الدعم في امدرمان . المستشارين الكبار 1 عبدالغفار الشريف ضابط الامن المعروف 2 عوض الكريم القرشي / نائب المخابرات السابق 3 عبدالله مسار / والي نهر النيل الأسبق والنائب ببرلمان المخلوع . ده علي سبيل المثال لا الحصر والقائمة تطول ... كسرة.. دا غير آلاف من عضوية المؤتمر الوطني المدنين من إعلامين وإدارين و..و..ألخ و منقوول
Post: #24 Title: Re: يوسف ابراهيم عزت الماهري Author: منتصر عبد الباسط Date: 05-29-2023, 01:36 PM Parent: #23
التحالف الخجول بين الكيزان واليسار بعد يومي ١١ و١٢ ابريل ٢٠١٩م والذي تم التمهيد له من قبل لا يخفى على مبصر متبصر يحترم عقله
Quote: فعلاً المقتبس اعلاه ملاحظ بصورة واضحة وعزت الماهري ( الابنوس ) مثال حي فى المسألة وشوف التناقض مابين اتجاهه اليساري والقبلية التى تتعارض تماما مع هذا الاتجاه .
وكان المأمول فيهم قيادة التنوير وسط القبائل لمحاربة القبلية ولكنهم وللأسف الشديدانداحوا فيها .
سلام علاء, اها ده مثال واحد و ممكن تجيب مثالين او ثلاث. بالمقابل يا اخى كدا النشوف الناس الكانو واقفين حول عمر البشير او حول على عثمان, هل ممكن نقول تحالف فكرى و قبلى ام تحالف فكرى فقط؟ السودان ده اغلب مشاكلو هو التصنيف الاثنى و القبلى و الكيزان ذاتهم لما قعدو فيها 10 سنين و لقو انو التحالف الفكرى ما جايب تمنو, قلبوهو تحالف اثنى و قعدو بيهو 20 سنة اخرى.
المستنير لما قال (نحن مثقفي الجلابة) ذاتو وقع فى نفس التصنيف اللى هو حاول ينط منو و يخت الباقين فيهو.
______________ المهم, بقولو الجمل ما بشوف عوجة رقبتو.
يا الهبيب نحن جلابة ولا ما جلابة، انا مزعلني إلا في الفترة الأخيرة في السودان الجلابي بقت تعني الزول المقرش حتى لو كان ما من دار صباح يعني بعد ما تعودنا دايرين يسلبوا هويتنا
Post: #27 Title: Re: يوسف ابراهيم عزت الماهري Author: Biraima M Adam Date: 05-29-2023, 03:58 PM Parent: #26
Quote: في الفترة الأخيرة في السودان الجلابي بقت تعني الزول المقرش
سلام منتصر, فعلا ده المفهوم القمنا عليهو, كلمة "جلابى" ما شتيمة, بل تعنى الزول المقرش البجلب البضائع و لو انو اغلبهم من دار صباح. في الزمن الانترنت, فجأه كدا بقت شتيمة
تعرف يا الهبيب محجوب أنا أصلو ما شفت في يوم جلابي شتيمة بل كتعريف لأني درست المرحلة الإبتدائية في إنجمينا فكل السودانييون يطلق عليهم جلابة سواء كانوا من الشمالية أو دارفور ولم تطلق كشتيمه لأن السودانيين الأوائل في تشاد كانوا تجاراً يعني زي ما كلنا في الغرب سود دون توهم فلا يوجد فيفتي شيد أوف بلاك هناك كلنا جلابة يا عزيزي 😅
Post: #30 Title: Re: يوسف ابراهيم عزت الماهري Author: هدى ميرغنى Date: 06-03-2023, 03:46 AM Parent: #29
)