ان شاء الله صحة وعافية يا سلام تركت فراغ كبير في المنبر كيف تحملت البعد عن سودانيز ده زي السجاير والصعوط ( صعب الابتعاد عنه) والجميل سودانيز بدون نيكوتين
Post: #2 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-21-2023, 11:46 AM Parent: #1
كل الاخوان الذين هجروا سودانيز يا ريت يرجعوا لأن الوطن أخطر تهديد في تاريخه
Post: #3 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 05-21-2023, 07:49 PM Parent: #2
عشان كدا انت مميز يا ابوعلوة الحاجة حلوة بتتفقد الاعضاء خاصة مثل ابوحسين بالانجليزي يا ريت طلتو في الايام الصعبة دي مودتي وعلى طريقة (الإنجليزية ) نرفع لك القبعات يا ابوعلوة الحاجة حلوة
Post: #4 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 07:33 AM Parent: #3
حبيبنا الجميل الكنزي .. شكرا حضورك الرائع تدوم الاخوة وجود الحبيب أبوحسين مهم ركن مهم في المنبر
كنا نريد منه اطلالة واحدة فقط للاطمئنان
تحياتي حبيبنا الجميل الكنزي
Post: #5 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 08:20 AM Parent: #4
Quote: ابو حسين كلنا افتقدناه في المنبر
هذه رسالة من حبيبنا عبدالهادي من الامارات عبر الواتساب معليش يا الحبيب عبدالهادي قلنا ننشرها هنا وبدون اذن منك ليعرف أبوحسين أن هناك الكثير من الاخوان مهتمين بوجوده حتى من غير الاعضاء في سودانيز
تحياتي الحبيب عبدالهادي وشكراعلى التواصل
والتحية للحبيب أبوحسين
Post: #6 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 05-22-2023, 08:59 AM Parent: #5
يا ابوعلوة اوعا يكون بتعزز ومن حقو يتعزز اهديك واهديهو وقراء طرحك اغنية قام اتعزز الليمون
Post: #7 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 09:16 AM Parent: #6
حبيبنا الكنزي تحياتي يا جميل يا سلام أذكر الاغنية دي انتشرت بطريقة واسعة وكمان وردي أول مرة أنا ممنوع من السماعات عشان القناة السمعية بس التلفون .. لكن متذكر الاغنية دي
قام اتعزز ليمون عشان بالغنا في ريدو
أيام .. وزمن جميل ..في ضواحي الدنيا عندنا كان الراتب يكفي حتى الجيران
تحياتي يا جميل
Post: #8 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 05-22-2023, 10:50 AM Parent: #7
وقد ورد ذكر (قام اتعزز الليمون) في الخطبة الاخيرة للعميد معاش عمر الحاج موسى بقاعة الصداقة وتوفى بعدها بساعات حاء في خطبته :
Quote: حبك أهل الخرطوم فقد بنيت لهم هذه القاعة الجميلة ومسجد النيلين.. ولعبت معها الكرة مساء كل أحد ومعهم تنشد قالوا الحجيج قطع ومعهم تغني عشان أتعزز الليمون.
Post: #9 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 11:58 AM Parent: #8
تحياتي الحبيب الكنزي عمر الحاج موسى رحمه الله كان خطيب بارع بالمناسبة هل قاعة الصداقة تعرضت للخراب ؟ لم يرد أي شيء عن قاعة الصداقة في نشرات الاخبار
تحياتي يا جميل
Post: #10 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 05-22-2023, 12:14 PM Parent: #9
يا ابوعلوة الحاجة حلوة اراك متسائلاً:
Quote: بالمناسبة هل قاعة الصداقة تعرضت للخراب ؟ لم يرد أي شيء عن قاعة الصداقة في نشرات الاخبار
برغم وجودنا داخل الخرطوم من قبل اشتعال الحرب وحتى هذه اللحظة ولكن موقفنا من نتائح الحرب العبثية الخاسرة لا يختلف كثيرا عنكم انتم المقيمين خارج الوطن فنحن نلزم بيوتنا وفي البيوت لا نجلس في (الحوش) يعني داخل الغرف ونتلقى الاخبار بنفس المستوى الذي تتلقونه انتم ولا نخرج الا للضرورة القصوى شراء الخبز وما يؤكل وهذا يتم لاقرب نقطة شراء دون الاخذ في الاعتبار اي بدائل اخرى يعني اكتشفت ان المتجر الذي يقع على بعد مئة متر من منزلنا يبيع السلعة بضعفي السعر او مرة ونصف لمتجر آخر يبعد منا مسافة نصف كليلو وكذا الخضار واللحوم والفاكهة اصبحت ظاهرة تتكرر ان يأتي احد يطلب وجبة او خبز يحمله لاسرته ونلاحظ انهم لا يطلبون مالاً بكل اسف البرهان حميدتي ادخلا البلد لمعترك اضر بها وسيضر بمستقبلها فقد بدأ حربا لا يعرفان شاطئها وما اظن ان لها شاطئ ترسو فيه الامور
Post: #11 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 12:32 PM Parent: #10
Quote: بكل اسف البرهان حميدتي ادخلا البلد لمعترك اضر بها وسيضر بمستقبلها فقد بدأ حربا لا يعرفان شاطئها
تحياتي يا جميل قاتلهم الله من المفروض اعدام الاثنين في ميدان عام برهان كان لديه سوء تقدير وقراءة خاطئة لنوايا حميدتي وحميدتي اثبت انه مجرد من أي انسانية (نازي) لا أعرف لماذا لا يحكم السودان إلا مثل هؤلاء
ربما قصور مننا
تحياتي وشكرا على افادتنا بالحياة اليومية اهلنا كلهم نزحوا الى دنقلا
Post: #12 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 05-22-2023, 12:45 PM
قولك:
Quote: اهلنا كلهم نزحوا الى دنقلا
واضح لو اضطررنا للنزوح سننزح شمالا الى مروي وما فوق اما اهل مصر فسينزحون جنوبا في السنوات القادمة من حلفا حتى دنقلا جنوبا الله يكون في عون الولاية الشمالية
Post: #13 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 05-22-2023, 12:53 PM Parent: #12
حبيبنا الكنزي تحياتي يا جميل الشمال آمن جداً مساحات واسعة وعدد السكان قليل لا مشاكل لا خصومات ولله الحمد المشكلة قلة السكان والخوف من تمدد المصريين لضيق أراضيهم الزراعية وهذا الاحتمال وارد وبنسبة كبيرة المساحات الصالحة للرزاعة وبأقل تكلفة تساوي اكثر (20 مليون فدان) صدقني حبيبنا الكنزي المياه الجوفية ممكن تسحبها من عمق 11 قدم كما في مزرعتي الله يهون علينا من المصريين لأن عدد سكانهم بعد سنوات ستخطى 130 مليون واراضي الصالحة للزراعة فقط 7% من الصحراء وما يجري في دولتنا سيهيء لهم مسار سهل جداً
الله يكون في العون اكثر ما يشغل فكرنا هو المد المصري
Post: #15 Title: Re: حبيبنا أبوحسين بالانجليزي.. بمداخلة واحدة Author: Ali Alkanzi Date: 06-24-2023, 04:55 PM Parent: #14
يا ابوعلوة الحاجة حلوة انا مستغرب من الصباح ليه الجو في ربك حلو كدا؟ ربيعي مع غيمة تراهو ابو حسين ظهر اشرقت الانوار ان شاء طلتك بشارة خير ننعم بسلام ولو لايام العيد يا الف مرحب بيك وليك وحشة كما يقول التوانسة
Post: #17 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 06-25-2023, 09:28 AM Parent: #15
Quote: انا مستغرب من الصباح ليه الجو في ربك حلو كدا؟ ربيعي مع غيمة تراهو ابو حسين ظهر اشرقت الانوار ان شاء طلتك بشارة خير ننعم بسلام ولو لايام العيد يا الف مرحب بيك وليك وحشة كما يقول التوانسة
حبيبنا الجميل الكنزي .. كنز الاخوة يا سلام عليك .. حريص على الاخوة ظهور ابوحسين أجمل حدث في سودانيز المشكلة موقع سودانيز يختفي لمدة أيام لا اعرف السبب يا ريت حبيبنا بكري يعمل حاجة (لانو المتابعين كثر )
مودتي الحبيب الكنزي اللهم وطن آمن
Post: #16 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 06-25-2023, 09:24 AM Parent: #14
الحبيب الجميل الرائع أبوحسين يا سلام خبر سار جداً وجودك في سودانيز اشرقت الانوار وكل عام وانت والاسرة بخير وصحة جيدة وسودان آمن يا الله
تحياتي .. فرحتي لاتوصف المشكلة فتح سودانيزاون لاين مشكلة كبيرة جداً الموقع يختفي لمدة ايام
تحياتي يا غالي
Post: #18 Title: Re: حبيبنا أبوحسين بالانجليزي.. بمداخلة واحدة Author: نعمات عماد Date: 06-25-2023, 10:01 AM Parent: #16
سلام ابوحسين و استاذنا علي
لا بأس عليك و ربنا يواليك بتمام العافية.
Post: #19 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 06-25-2023, 10:59 AM Parent: #18
دكتورة نعمات شكرا لحضورك آمين يا رب ان شاء الله يعود ويملآ المنبر حيوية
تحياتي الدكتورة
Post: #20 Title: Re: حبيبنا أبوحسين بالانجليزي.. بمداخلة واحدة Author: Ahmed Yassin Date: 06-25-2023, 11:13 AM Parent: #19
الحمد لله ظهر واطمنا عليه ونسال الله في الايام المباركة دي ان يشفي دعادل حسين الشهير بابوحسين ويبعد عنه شر الدنيا والامراض
Post: #21 Title: Re: حبيبنا أبوحسين بالانجليزي.. بمداخلة واحدة Author: علي عبدالوهاب عثمان Date: 06-26-2023, 11:18 AM Parent: #20
فنانا الجميل احمد امبس كل عام وانت بخير ( كرويه آنج نل ) عندنا وفي بنا ايجار البيت بقى بالدولار ههههه ( هجرة عكسية) المهم الواحد يكون عندو خط رجعة تحياتي يا جميل