Post: #1 Title: من هذا الخواجة يا جنجويد Author: جمال المنصوري Date: 05-20-2023, 05:26 PM
ورونا بالله الخواجة البيحتفل مع الدعم السريع ده مهمتو شنو؟ يا ربي ده يكون خبير في النظم الديمقراطية؟ الله اعلم نحتاج تفسير
صورة الخواجة تحت الشجرة ، في بداية الشريط بعد تكبير قائد المجموعة وتبدأ الكاميرا تتحرك يمين تلقوه طوالي تحت الشجرة قال قوة ثورية قال
Post: #2 Title: Re: من هذا الخواجة يا جنجويد Author: جمال المنصوري Date: 05-20-2023, 07:07 PM Parent: #1
تاريخ الفيديو 10/05/2023 يعني من المفترض كل الخواجات هجو خلوا البلد دي الخواجة ده قاعد هني يسوي شنو؟
Post: #3 Title: Re: من هذا الخواجة يا جنجويد Author: عبدالقادر محمد Date: 05-20-2023, 07:30 PM Parent: #1
اسالك بالله في خواجة لونو زي دة؟😳 دة انا لوني افتح منو ،😂😂😂 الا كان خواجة مواليد الجزيرة
Post: #4 Title: Re: من هذا الخواجة يا جنجويد Author: جمال المنصوري Date: 05-20-2023, 07:33 PM Parent: #3
Quote: سالك بالله في خواجة لونو زي دة؟😳 دة انا لوني افتح منو ،😂😂😂 الا كان خواجة مواليد الجزيرة
خلاص معليش انا غلطان تبقى انت الخواجة
Post: #5 Title: Re: من هذا الخواجة يا جنجويد Author: عبدالقادر محمد Date: 05-20-2023, 07:35 PM Parent: #4
Quote: خلاص معليش انا غلطان تبقى انت الخواجة
تاني ما تغلط بالله عشان الغلط بجيب الغلط + انا ما خواجة. سمح؟ يا السمح😂
Post: #6 Title: Re: من هذا الخواجة يا جنجويد Author: جمال المنصوري Date: 05-20-2023, 07:43 PM Parent: #5
حاضر ياخواجة
Post: #7 Title: Re: من هذا الخواجة يا جنجويد Author: منتصر عبد الباسط Date: 05-20-2023, 11:11 PM Parent: #6
في واحد قال جيب الكاميرا علي الخواجة هم ممكن وارد ما فيهم خواجات لكن كل الجنجويد ديل كفار قال صلى الله عليه وسلم : (لا ترجعوا بعدي كفارا يضرب بعضكم رقاب بعض ) رواه البخاري ومسلم
Post: #8 Title: Re: من هذا الخواجة يا جنجويد Author: جمال المنصوري Date: 05-21-2023, 02:40 AM Parent: #7
Quote: في واحد قال جيب الكاميرا علي الخواجة هم ممكن وارد ما فيهم خواجات لكن كل الجنجويد ديل كفار قال صلى الله عليه وسلم : (لا ترجعوا بعدي كفارا يضرب بعضكم رقاب بعض ) رواه البخاري ومسلم
ما قهمت اي حاجة لو سمحت انا هنا بناقش حاجة محددة ايه دخل كافر هنا انا لا يهمني كفر فلان او ايمان فلان لو سمحت اسحب كلامك ده والتزم بالموضوع من هذا الخواجة يا جنجويد؟ تحيتي
Post: #9 Title: Re: من هذا الخواجة يا جنجويد Author: Yasir Elsharif Date: 05-21-2023, 02:46 AM Parent: #8
سلام يا منصوري
بخصوص الرجل الذي وصفته بالخواجة، قد يكون أبيض أو ملون أو حتى أسود. ولا أستبعد أن يكون جاسوسا أو عميلا أو تابعا لفاغنر الروسية. لا أستبعد علاقة له بالإمارات أو السعودية أو مصر أو ليبيا. الجيفة بتلم الصقور.
شوف هنا:
Post: #10 Title: Re: من هذا الخواجة يا جنجويد Author: جمال المنصوري Date: 05-21-2023, 02:59 AM Parent: #9
Quote: بخصوص الرجل الذي وصفته بالخواجة، قد يكون أبيض أو ملون أو حتى أسود. ولا أستبعد أن يكون جاسوسا أو عميلا أو تابعا لفاغنر الروسية. لا أستبعد علاقة له بالإمارات أو السعودية أو مصر أو ليبيا. الجيفة بتلم الصقور.
شكرا يا ياسر الزول ما مصري ولا سعودي و لا اماراتي ممكن يكون ليبي او اشكنازي او روسي بس ما سوداني ونحن بنسمي الاوروبيين واليهود بما فيهم الروسي خواجات خلاصة الكلام وجوده في الصورة دي بيقول انو الدعم السريع بيتعامل مع جاسوس أو عميل تابع لفاغنر الروسية. شكرا ياسر
Post: #11 Title: Re: من هذا الخواجة يا جنجويد Author: ترهاقا Date: 05-21-2023, 03:49 AM Parent: #10
Quote: رواه البخاري ومسلم
خخخخخخخخخخ إنت لسع بتصدق البخاري ومسلم يا أخ منتصر
Post: #12 Title: Re: من هذا الخواجة يا جنجويد Author: Yasir Elsharif Date: 05-21-2023, 10:49 AM Parent: #11
رفع الصور إلى منبر سودانيز أونلاين:
1. اختيار الصورة التي يراد رفعها بمعرفة مكان حفظها في جهاز الكمبيوتر أو اللابتوب. 2. أنا أستخدم موقع إسمه "العملاق لرفع الصور" أكتب هذه العبارة وابحث عنها في النيت. 3. ستظهر لك نافذة مربعة مكتوب عليها تحميل الصور، وإضافة حقل وهناك فرصة لإضافة ثلاث صور. 4. والآن اذهب بالمؤشر إلى أحد المستطيلات المكتوب عليها اختر صور واضغط عليه 5. تنفتح لك على الفور نافذة فيها صورك في الكمبيوتر أو اللابتوب. اضغط على كلمة "افتح" أسفل النافذة التي تحتوي على الصورة التي اخترتها. 6. اعمل كوبي لرابط ملف الصورة الذي يظهر لك ونهايته jpg ثم قم بنسخ هذا الرابط أو الكود في واحد من ثلاث مستطيلات معدات لذلك. 7. اضغط على كلمة "ارفع" وانتظر قليلا. 8. ستظهر في نافذة أخرى ثلاث كودات الأول هو عنوان ملف الصورة في جهازك والثاني هو رابط الصورة في شبكة الانترنيت والثالث هو كود التضمين في المنتديات. 9. انسخ هذا الكود الأخير والزقه في الصفحة التي تريد للصورة أن تظهر فيها في سودايز أونلاين. كالنموذج أدناه: https://www.0zz0.com
Post: #13 Title: Re: من هذا الخواجة يا جنجويد Author: جمال المنصوري Date: 05-21-2023, 11:12 AM Parent: #12
https://www.0zz0.com
شكرا ياياسر تحياتي
Post: #14 Title: Re: من هذا الخواجة يا جنجويد Author: هدى ميرغنى Date: 05-21-2023, 04:35 PM Parent: #13
السلام والإحترام أخى جمال المنصورى والجميع~ إنهم يقودون السودان فى طريق هاوية لا يعلمها الا الله من أجل بناء مملكتهم التى وصفها مستشار الجنجويد دكتور إبراهيم مخير (هو مؤتمر وطنى سابق!) فى مقال عام 2015 أنظروا هذا الفيديو الذى يثبت وجود ڤاغنر وغيرها كما أكد مرارا معلومة ڤاغنر دكتور ابراهيم مخير حيث ردد فى أكثر من لقاء بأن قواتهم دربتها ڤاغنر الروسية
