مريم، سودانية-كندية-تنتقد سودانيين تقدموا بطلبات لجوء بكندا.ناشونال بوست.

06:33 PM May, 19 2023

سودانيز اون لاين
محمود الدقم-London
مكتبتى
رابط مختصر

انتقدت سودانية- كندية، بعض السودانيين الذين تقدموا بطلبات لجوء بكندا بأنهم يتدربون في صفوف طويلة مثل النمل عبر الحدود الأميركية-الكندية طلبا للجوء بكندا إذ-اي هؤلاء ابسودانيين-يعتبرون كندا مثل طاولة من العسل، هذه الكريم ادلت بكلامها هذا لصحيفة كندية اسمها، National Post.
طبعن كندا عبر موقعها الحكومي IRCC PORTAL كان قد طرح خيار فيزا سياحية وفق معايير تخفيفية تتيح للسودانيين الدخول لكندا.
[Sign In
Subscribe
Advertisement 1

Previous
FIRST READING: Why Trudeau struck this weird pose in South Korea
TRENDING
A screenshot from a report by South Korea's Yonhap News Agency showing Prime Minister Justin Trudeau adopting an unusually wide stance while posing with Korean National Assembly speaker Kim Jin-pyo.
Rex Murphy: Scott Moe's not buying any net-zero nonsense
TRENDING
Saskatchewan Premier Scott Moe
Group suspected of hosting Chinese 'police station' received up to $200,000 in federal funding
TRENDING
A view inside the Service à la Famille Chinoise du Grand Montréal, one of two Montreal-area locations under investigation by the RCMP for being possible “police stations” run by the Chinese government.
What to know about xylazine, the 'flesh-eating' drug known as tranq that has come to Canada
TRENDING
Allen Custance, site manager of Get Your Drugs Tested, helps take samples from a patron in Vancouver, B.C. on Friday April 1, 2022.
Michel Maisonneuve: Redesigned passport is yet another step in Canada's decline
TRENDING
New Canadian passportNext
Breadcrumb Trail Links
NP Comment
John Ivison: Some 'refugees' have found a way to exploit Canada's generous immigration system
Few people get as upset about the manipulation of the citizenship process as those who have gone through it themselves and played by the rules

Get the latest from John Ivison straight to your inbox

Sign Up
Author of the article:John Ivison
Published May 17, 2023 • Last updated 2 days ago • 4 minute read
280 Comments
TOPSHOT - People board a mini-bus as they evacuate southern Khartoum, on May 14, 2023. War in Sudan has created genuine refugees but some other Sudanese appear to be making false claims in an attempt to gain Canadian citizenship.
TOPSHOT - People board a mini-bus as they evacuate southern Khartoum, on May 14, 2023. War in Sudan has created genuine refugees but some other Sudanese appear to be making false claims in an attempt to gain Canadian citizenship. PHOTO BY AFP VIA GETTY IMAGES
Article content
OTTAWA — Sudanese people crossing the border from the U.S. to make fraudulent refugee claims are like “a trail of ants” who view Canada as a “the ]

some other Sudanese appear to be making false claims

ودي دائرا ليها شاهد
اغلب السودانيين الذين نالوا صفة اللاجئ السياسي في الغرب
كان عن طريق
some other Sudanese appear to be making false claims

يعني يا شيخ الكنزي نفهم من كلامك دا كل الذين دشدش نظام الكيزان عظامهم ديل كانوا محتالين؟

السودانيين فيهم قوم جبلوا على الحسادة يعني زي مريم دي جات كندا كيف هل تم دعوتها للعمل في وكالة الفضاء الكندية تكون هي وعائلتها حاصلين على الجوازات الكندية ومتضايقة إنه السودانيين يملوا ليها البلد وهي فرشت برشها وأكلت قرشها

عن هذا الموضوع كتبت الدكتورة تماضر الحسن؛


امس بقرا في موضوع الزولة السودانية الاسمها مريم (اسم غير اسمها الحقيقي) طالبة اللجوء الموجودة في كندا المشت للصحافة الكندية عشان تخليهم يكتبوا عن انو السودانيين والسودانيات الجايين كندا في الوقت الراهن مستهبلين. وانو بعضهم جايي من الخليج وانهم ما المفروض تتم مساعدتهم ..

الزولة دي ماعندها اي مشكلة. في صحة قواها العقلية ولا شيء ...
شديدة ماعندها عوجة ... العوجة موجودة في طريقة تفكيرها وانو ماعايزة الخير للناس ...
في ناس وكتار زيها بطريقة او باخري بوقفوا حال الحولهم ..

والسلوك دا موجود بالمناسبة ومن زمان شديد بصور مختلفة ...

بعض السودانيين البكونوا موجودين برة من غير اعتبار لاسباب وجودهم بره شنو او سافروا كيف
البكون موجود في البلد الانت جيتها بتعامل معاك كانك (دخيل) او الجابك شنو .. وجيت تسوي شنو

وممكن تسمع تعليق (البلد دي اتملت سودانيين ) ..والقديمين منهم في البلد بكون كاشين من الجداد وبفترضوا انك تتواصل معاهم علي اساس (الاقدمية) دي .... ممكن يلاقوك وما يسلموا عليك .. او بتكون في نظرة كدة في وشهم ما بتعرف سببها شنو .. او حتي حالة من التجاهل والاستعلاء كانك جيت لزول في بيته..

.
الغربية انو بلاد الخواجات دي ما بترسل لزول يجي .. الناس. بتسافر هناك كلها لحوجتها للبلاد دي ..

بتسعي انها تجي هنا بطرق متعددة ... يعني انت موجود هناك ليس بغرض السياحة بالتاكيد ولا انت عايز تختبر فوائد السفر السبعة ... الناس كلها وبالمجمل موجودة عشان محتاجة تعيش وتربي عيالها وتعلمهم وتحسن اوضاعها وتجهز مستقبلها ومستقبل المعاها .. ودا حق مكفول للناس كلهم بلا استثناء بالقانون .. وهو قانون عادل. ومختوت لينا كلنا ايا كانت اوضاعنا ...

الغريبة مافي كتار قادرين يتعلموا من عدالة القانون دا

فكونك موجود من زمان.. او تحت اي مسمي دا لا يجعل منك شخص عندك احقية في اي شيء او استحقاق اكتر من غيرك فكلنا نعيش في البلاد دي مرهونين بسيستم معين وقانون واحد .. الاحساس حق انو انا (عبرت) الباقين لازم يغرقوا عشان انا احس بقيمة عبوري دا الا ينتهي ... احساسك بانك متفرد بحيث انك تحرص علي انو غيرك ما يصل دا كعب شديد .. واي زول يحاول يجي يقيف جنبك يا دفرتو وياكمان اتفرجت عليه وهو ممكن يقع او بعاني قدامك ..

في الغرب عموما في سودانيين عندهم نظرة دونية وجدا لطلاب اللجوء... بمارسوا ضدهم اقصاء عجيب ... وبستخفوا بيهم ... ودا ادي لانو بعض طلاب اللجوء نفسهم يكونوا عندهم عدائية وعدم رغبة في الاختلاط بالمجتمع تحت العنصرية والعنصرية المضادة دي نفسها ...

اتخيل لي الحرب دي فرصة كويسة جدا عشان الناس تناقش مشاكلها بوضوح ...

سلوك الزولة دي موجود وبتعمل باشكال مختلفة جدا ...

سودانيين الخارج تحديدا ماكفاية انك تتبرع بقروش
محتاجين مزيد من التوحد والمحبة واحترام ظروف الحولنا وتقدير حوجتهم وضعفهم .. علي الاقل نتعلم الرحمة من البلاد الاحنا فيها دي الماعندها علاقة بينا بس عرفت تحتوينا وتمنحنا فرص ...

ماتفكر انو لو في زول. مجتهد انو يلم الناس علي بعض دا زول بلعب بسبعة ورقات وداير يسرقكم او يشيل حقكم

او داير توريه انك ما بتسمع اي نداءات انت ما كنت السبب فيها او المبادر بيها ... دا ما شان شخصي دا امر بلد كامل
طالما ربنا مافتح عليك بانك تكون المبادر امشي ورا الزول الفتح الباب دا واتعامل مع القصة انو دا هم عام ..

ماكفاية انك تقعد في بيتك وتبكي او تحزن او تخت بوستات او تكتب مناحات ... ولا تمصمص شفايفك وتقول البلد انتهت وشوفوا الناس وانت قاعد خاتي رجل فوق رجل ...

احنا علي الاقل في امان ... وامان من كل النواحي
اقسموا (الامان ) دا بيناتكم
وادوا منه الموجودين اسي تحت ضل السيف
ختوا يدكم مع اي مبادرة واقيفوا خط مستقيم
لانو مافي شيء سقط حجرنا غير التشظي دا ..

ماضروري الدعوة. لاي وقفة لامر البلاد والعباد تجي منك
خليك حريص انك تكون جزء منها ...
كل ما الكوم كبر فرتاق حافله حيبوء بالخسران
وتابا الرماح اذا اتجمعن تكسرا ...
واذا تفرقت ياهو اسي الحاصل دا

ما تشكك في الناس وما تصر توصم البشتغل بانو عايز منك شيء .. وخليك موجود وعارف روحك والمعاك بتعملوا في شنو كمجموعة وهدفكم شنو

محتاجين مزيد من التعاضد والتكافل الحقيقي ... ونطلع من حتة اننا بنحل ازماتنا علي المستوي الشخصي وماعندنا شغلة بالباقين ...

شوبش ما بتحل مشكلة
النفير المن غير استمرار ومن غير التزام ومن غير مسؤولية ما بحل مشكلة ...

الدافوري ما بجيب كاس
بفضل مجرد لعب عشوائي .. اهله كل زول لابس العاجبه ومافيهو اي التزام

محتاجين الاصطفاف والانتظام والثبات في العطاء
شغل في مجموعات واحترام بعض ... والتهذيب في التعامل ... واللطف .. والبعد عن سوء الظن

الله في عون العبد ماكان العبد في عون اخيه ❤

تماضر الحسن

عن هذا الموضوع كتبت الدكتورة تماضر الحسن؛


امس بقرا في موضوع الزولة السودانية الاسمها مريم (اسم غير اسمها الحقيقي) طالبة اللجوء الموجودة في كندا المشت للصحافة الكندية عشان تخليهم يكتبوا عن انو السودانيين والسودانيات الجايين كندا في الوقت الراهن مستهبلين. وانو بعضهم جايي من الخليج وانهم ما المفروض تتم مساعدتهم ..

الزولة دي ماعندها اي مشكلة. في صحة قواها العقلية ولا شيء ...
شديدة ماعندها عوجة ... العوجة موجودة في طريقة تفكيرها وانو ماعايزة الخير للناس ...
في ناس وكتار زيها بطريقة او باخري بوقفوا حال الحولهم ..

والسلوك دا موجود بالمناسبة ومن زمان شديد بصور مختلفة ...

بعض السودانيين البكونوا موجودين برة من غير اعتبار لاسباب وجودهم بره شنو او سافروا كيف
البكون موجود في البلد الانت جيتها بتعامل معاك كانك (دخيل) او الجابك شنو .. وجيت تسوي شنو

وممكن تسمع تعليق (البلد دي اتملت سودانيين ) ..والقديمين منهم في البلد بكون كاشين من الجداد وبفترضوا انك تتواصل معاهم علي اساس (الاقدمية) دي .... ممكن يلاقوك وما يسلموا عليك .. او بتكون في نظرة كدة في وشهم ما بتعرف سببها شنو .. او حتي حالة من التجاهل والاستعلاء كانك جيت لزول في بيته..

.
الغربية انو بلاد الخواجات دي ما بترسل لزول يجي .. الناس. بتسافر هناك كلها لحوجتها للبلاد دي ..

بتسعي انها تجي هنا بطرق متعددة ... يعني انت موجود هناك ليس بغرض السياحة بالتاكيد ولا انت عايز تختبر فوائد السفر السبعة ... الناس كلها وبالمجمل موجودة عشان محتاجة تعيش وتربي عيالها وتعلمهم وتحسن اوضاعها وتجهز مستقبلها ومستقبل المعاها .. ودا حق مكفول للناس كلهم بلا استثناء بالقانون .. وهو قانون عادل. ومختوت لينا كلنا ايا كانت اوضاعنا ...

الغريبة مافي كتار قادرين يتعلموا من عدالة القانون دا

فكونك موجود من زمان.. او تحت اي مسمي دا لا يجعل منك شخص عندك احقية في اي شيء او استحقاق اكتر من غيرك فكلنا نعيش في البلاد دي مرهونين بسيستم معين وقانون واحد .. الاحساس حق انو انا (عبرت) الباقين لازم يغرقوا عشان انا احس بقيمة عبوري دا الا ينتهي ... احساسك بانك متفرد بحيث انك تحرص علي انو غيرك ما يصل دا كعب شديد .. واي زول يحاول يجي يقيف جنبك يا دفرتو وياكمان اتفرجت عليه وهو ممكن يقع او بعاني قدامك ..

في الغرب عموما في سودانيين عندهم نظرة دونية وجدا لطلاب اللجوء... بمارسوا ضدهم اقصاء عجيب ... وبستخفوا بيهم ... ودا ادي لانو بعض طلاب اللجوء نفسهم يكونوا عندهم عدائية وعدم رغبة في الاختلاط بالمجتمع تحت العنصرية والعنصرية المضادة دي نفسها ...

اتخيل لي الحرب دي فرصة كويسة جدا عشان الناس تناقش مشاكلها بوضوح ...

سلوك الزولة دي موجود وبتعمل باشكال مختلفة جدا ...

سودانيين الخارج تحديدا ماكفاية انك تتبرع بقروش
محتاجين مزيد من التوحد والمحبة واحترام ظروف الحولنا وتقدير حوجتهم وضعفهم .. علي الاقل نتعلم الرحمة من البلاد الاحنا فيها دي الماعندها علاقة بينا بس عرفت تحتوينا وتمنحنا فرص ...

ماتفكر انو لو في زول. مجتهد انو يلم الناس علي بعض دا زول بلعب بسبعة ورقات وداير يسرقكم او يشيل حقكم

او داير توريه انك ما بتسمع اي نداءات انت ما كنت السبب فيها او المبادر بيها ... دا ما شان شخصي دا امر بلد كامل
طالما ربنا مافتح عليك بانك تكون المبادر امشي ورا الزول الفتح الباب دا واتعامل مع القصة انو دا هم عام ..

ماكفاية انك تقعد في بيتك وتبكي او تحزن او تخت بوستات او تكتب مناحات ... ولا تمصمص شفايفك وتقول البلد انتهت وشوفوا الناس وانت قاعد خاتي رجل فوق رجل ...

احنا علي الاقل في امان ... وامان من كل النواحي
اقسموا (الامان ) دا بيناتكم
وادوا منه الموجودين اسي تحت ضل السيف
ختوا يدكم مع اي مبادرة واقيفوا خط مستقيم
لانو مافي شيء سقط حجرنا غير التشظي دا ..

ماضروري الدعوة. لاي وقفة لامر البلاد والعباد تجي منك
خليك حريص انك تكون جزء منها ...
كل ما الكوم كبر فرتاق حافله حيبوء بالخسران
وتابا الرماح اذا اتجمعن تكسرا ...
واذا تفرقت ياهو اسي الحاصل دا

ما تشكك في الناس وما تصر توصم البشتغل بانو عايز منك شيء .. وخليك موجود وعارف روحك والمعاك بتعملوا في شنو كمجموعة وهدفكم شنو

محتاجين مزيد من التعاضد والتكافل الحقيقي ... ونطلع من حتة اننا بنحل ازماتنا علي المستوي الشخصي وماعندنا شغلة بالباقين ...

شوبش ما بتحل مشكلة
النفير المن غير استمرار ومن غير التزام ومن غير مسؤولية ما بحل مشكلة ...

الدافوري ما بجيب كاس
بفضل مجرد لعب عشوائي .. اهله كل زول لابس العاجبه ومافيهو اي التزام

محتاجين الاصطفاف والانتظام والثبات في العطاء
شغل في مجموعات واحترام بعض ... والتهذيب في التعامل ... واللطف .. والبعد عن سوء الظن

الله في عون العبد ماكان العبد في عون اخيه ❤

تماضر الحسن

Quote: السودانيين فيهم قوم جبلوا على الحسادة يعني زي مريم دي جات كندا كيف هل تم دعوتها للعمل في وكالة الفضاء الكندية تكون هي وعائلتها حاصلين على الجوازات الكندية ومتضايقة إنه السودانيين يملوا ليها البلد وهي فرشت برشها وأكلت قرشها

خبر مؤسف اخ منتصر
مش فاهم وعارف راخ تكسب شنو من وراء
تصريحاتها دي؟
تسلم

تشكر اخ مدني علي جلبك
رابط المقالة
لدكتورة تماضر

دا كلام شين وما يعيبه اكثر انه صادر من انثي
خلوا الخلق للخالق الارزاق بيد الله .
لا حول ولا قوة الا بالله .

Quote: تشكر اخ مدني علي جلبك رابط المقالة لدكتورة تماضر

أخ محمود إنت نازل بتلاتة جواكر

تسلم ترهاقا علي التنبيه
كتبت المداخلة من الموبايل وارسلتها والنت ضعيف
يبدو كررت الإرسال فحدث ما حدث
تسلم

Quote: دا كلام شين وما يعيبه اكثر انه صادر من انثي خلوا الخلق للخالق الارزاق بيد الله . لا حول ولا قوة الا بالله .

فعلا اخ سيد أحمد

كلامها شين
وفي هذه السنة دخلت ٩٠٠ أسرة أفغانية تورنتو مستفيدة من برامج الهجرة الكندي، بحسب دايره الهجرة الكندية

(مش فاهم وعارف راخ تكسب شنو من وراء
تصريحاتها دي؟)
الاخ محمود سلام
كيف تكسب شنو؟ تكسب كاش من بعض المنظمات التى تعارض هجرة السود الى كندا
ما سمعت بالهندية الشغالة (British home secretary) الطلبت ترحيل كل طالبى الهجرة الافارقة الى رواندا

Quote: السودانيين فيهم قوم جبلوا على الحسادة يعني زي مريم دي جات كندا كيف هل تم دعوتها للعمل في وكالة الفضاء الكندية تكون هي وعائلتها حاصلين على الجوازات الكندية ومتضايقة إنه السودانيين يملوا ليها البلد وهي فرشت برشها وأكلت قرشها

الحبيب المنتصر صاحب المفيد المختصر
تحياتي يا جميل
مداخلاتك دائما حاسمة وبدون أي مجاملة وبكل شجاعة
السودانيين جبلوا على الحسادة
يمكن الحسادة دي من كثرة ممارستها بدت أنها عادية ضمن سلوكنا
عمرنا راح ولاعبين في الزمن الضائع .. لازم الاعتراف ثم المعالجة
يمكن يا الحبيب منتصر الحسادة موروث جيني فينا أو في غالبيتنا
ما عارف (( الغيرة )) ربما تكون أهون وتفتح باب المنافسة بدون إيذاء الاخر
ولكن الحسادة .. وكان في مصطلح هنا في سودانيز (( الحسدنة )) ابتكره احد الاخوة نسيت اسمه

تحياتي الحبيب منتصر

Quote: السودانيين فيهم قوم جبلوا على الحسادة يعني زي مريم دي جات كندا كيف هل تم دعوتها للعمل في وكالة الفضاء الكندية تكون هي وعائلتها حاصلين على الجوازات الكندية ومتضايقة إنه السودانيين يملوا ليها البلد وهي فرشت برشها وأكلت قرشها

الحبيب المنتصر صاحب المفيد المختصر
تحياتي يا جميل
مداخلاتك دائما حاسمة وبدون أي مجاملة وبكل شجاعة
السودانيين جبلوا على الحسادة
يمكن الحسادة دي من كثرة ممارستها بدت أنها عادية ضمن سلوكنا
عمرنا راح ولاعبين في الزمن الضائع .. لازم الاعتراف ثم المعالجة
يمكن يا الحبيب منتصر الحسادة موروث جيني فينا أو في غالبيتنا
ما عارف (( الغيرة )) ربما تكون أهون وتفتح باب المنافسة بدون إيذاء الاخر
ولكن الحسادة .. وكان في مصطلح هنا في سودانيز (( الحسدنة )) ابتكره احد الاخوة نسيت اسمه

تحياتي الحبيب منتصر

صاحب مصطلح ((الحسدنة )) هو محمد خضر البشري من الامارات
يا رب يرجع لسودانيز.. كان ضابط المنبر

معليش اعذرني الحبيب الدقم نسيت احييك معليش اندمجت مع مداخلة منتصر
معزتي الحبيب الدقم