Post: #1
Title: نداء واستغاثة بحثاً للتصرف الامثل لسوداني هاجر للسعودية
Author: Ali Alkanzi
Date: 05-15-2023, 06:20 PM
06:20 PM May, 15 2023 سودانيز اون لاين
Ali Alkanzi-Sudan
مكتبتى
رابط مختصر
لي معارف من قريتي الشوال ولاية النيل الابيض
الرجل يعمل مكانيكي سيارات بالقرية او المدينة كما يصر اهلها ان يصفوها
في خريف العام الماضي جاءه عرض من المملكة منطقة جيزان
واستشارني وقلت له من الافضل ان يبقى مع اسرته بالقرية (لديه زوجه واربعة اطفال اكبرهم في الصف السابع او الثامن)
خاصة وان يكسب عيشه في الشوال ومع اولاده ويقدم خدمة جليلة للقرية خاصة وانه عاش شبابه في امدرمان وتعلم الصنعة هناك
نواصل
|
Post: #2
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-15-2023, 06:30 PM
Parent: #1
في شهر اغسطس من العام الماض ٢٠٢٢
هاجر للسعودية عن طريق البحر
وبتأشيرة عمل
اتصل بي اليوم الاثنين ١٥ مايو ٢٠٢٣ يطلب المساعدة والتي اختصرها في الاتي:
اولا :يريد ان يتصل بالقنصلية في جدة لتساعده للعودة للسودان في اقرب وقت ممكن
ثانيا: قال ان كفيله عجز او غفل ان يستخرج له اقامة بعد وصوله والى يومنا هذا
ثالثا: قال ان كفيله لم يدفع له مستحقاته
ولكم مني جزيل الشكر
اكتب هذا استنادا لما قاله لي
المطلوب كيف يتصرف هذا الانسان ليعود للسودان؟
هذا مطلبه الاساسي
يمكن تقديم النصح عبر هذا الطرح او عبر هاتفي الجوال واتساب لمن يستطيع ان يقدم نصحا او في رسالة خاصة في الماسنجر
وهذا من حق المسلم على المسلم
كما ان النصح قيمة انسانية
|
Post: #3
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-15-2023, 08:28 PM
Parent: #2
هل من مغيث٫؟
|
Post: #4
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-15-2023, 08:28 PM
Parent: #2
هل من مغيث٫؟
|
Post: #5
Title: Re: نداء واستغاثة بحثاً للتصرف الامثل لسودان�
Author: Ahmed Yassin
Date: 05-15-2023, 10:18 PM
Parent: #4
سلام يا شيخ علي
اول شىء يمشي القنصلية في جدة حي النزهة
يدخل مكتب الجاليات داخل القنصلية ويقابل ناس كرام جدا
١/ خالد الدومة
٢/ محمد حسن حمراي...نجل الدبلوماسي الراحل حسن حمراي عليه الرحمة
الراحل عمل بسفارات السودان في باريس وفي بروكسل وفي اليمن.. واحيل للصالح العام بواسطة الكيزان
٣/ عبدالحميد وهو المنسق مع السلطات السعودية
حيعملوا لقريبك خطاب لادارة الجوازات ولمكتب العمل والعمال
وسيتم تحديد موعد لقريبك لانهاء اجراءاته.
|
Post: #6
Title: Re: نداء واستغاثة بحثاً للتصرف الامثل لسودان�
Author: امتثال عبدالله
Date: 05-15-2023, 10:24 PM
Parent: #4
الحاجة الغريبة انه عاوز يرجع السودان في الأوقات دي والبلد محتلة من قبل أنجويلا أخلاق لهم ..
المفروض ينتظر شوية وخاصة إذا أسرته في الشوال ، يعني في امان ما في العاصمة المحتلة من قبل
الجنجويد ...
وبعد أن تهدأ الأمور يحاول مع السودانيين هناك عشان يتكلموا مع صاحب العمل من أجل استخراج إقامة له
لكن الآن ما اظن في زول حيستمع ليه ....
وبعد الأمور تهدأ أيضا ممكن يشاور ناس السفارة السودانية في العاصمة السعودية على الرغم من اني
متأكدة ناس السفارات السودانية في الخارج ما ممكن يساعدوا أي مواطن سوداني
فهم دائما أعداء الجاليات السودانية في الخارج ..
|
Post: #7
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-16-2023, 09:30 AM
Parent: #6
ساعود بالتفصيل لمداخلة كل من احمد يس وبنت النيل الابيض الاستاذة امتثال
عندي مشكلة كايس رصيد للنت وما لاقي
دا السبب
الاخ احمد لو في رقم هاتف لكل او لاي واحد
الف الف شكر
ونتوقع عون اضافي
|
Post: #8
Title: Re: نداء واستغاثة بحثاً للتصرف الامثل لسودان�
Author: Ahmed Yassin
Date: 05-16-2023, 10:10 AM
Parent: #7
الاخت امتثال
| Quote: متأكدة ناس السفارات السودانية في الخارج ما ممكن يساعدوا أي مواطن سوداني |
ليس دفاعا عن اي موظف ولكن التلاتة الاشرتا ليهم فوق اذا نا كانوا بساعدوا اي مواطن سوداني.. انا ما كنت حاذكرهم بالاسم
|
Post: #9
Title: Re: نداء واستغاثة بحثاً للتصرف الامثل لسودان�
Author: Ahmed Yassin
Date: 05-16-2023, 10:18 AM
Parent: #8
اخي علي
عايز اوضح حاجة مهمة
واضح ان قريبك اشترى التاشيرة او الاقامة غن طريق ممااب وكالات او اشخاص
اي مقيم جديد عنده ثلاثة اشهر فترة تجربة.. حتى لو ما استلم بطاقة الهوية او الاقامة
ولو قريبك مشى اشتكى في مكتب العمل والعمال .. الكفيل ببساطة ممكن يقول الشخص دا ما نافع
او متغيب عن العمل ويعمل ليهو تاشيرة خروج نهائي.
اما في،حالة مرت اكثر من ثلاثة شهور هنا يحق للعامل المطالبة برواتب متاخرة ونقل كفالته الى مؤسسة اخرى
وكفيل جديد.... ولو رغب العامل بالرجوع لبلده فان الكفيل ملزم بقيمة تذكرة العودة
|
Post: #10
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-16-2023, 03:14 PM
Parent: #9
الف شكر يا ابو حميد
انا كلو ثلاثاء بطلع شارع الوادي احاول اشتري حاجات الاسبوع
تصور من الخدرجية والفكاهني وسوبر ماركت تدفع النص نقدا لانو بنكك ما شغال والنص التاني دين
غايتو فينا عبقرية
ولكن هذه الخدمة عند الطلب
الناس بتقدر الظروف مع العلم ليس لي معرفة بمن باعوا لي بالدين
فتشت الرصيد للنت ولهاتف بالمنزل (زين) ولم اعثر عليه
هاتفي زين فاتورة وصلت زي تسعة الف السقف المسموح به
قامو قطعو الخط من اسبوع
ولا استيطع السداد ليس لعجزي المالي
ولكن لا يوجد مكتب زين لتدفع له
وبنكك لمن يشتغل ما بسمح الا بالتحويل من حساب لحساب
خدمات سداد الفواتير متوقفه
قلتا اخليك تعيش بعض المعاناه التي نخوضها في الخرطوم هذه الايام
نرجع لاهتمامك بالحالة وقولك:
| Quote: ليس دفاعا عن اي موظف ولكن التلاتة الاشرتا ليهم فوق اذا نا كانوا بساعدوا اي مواطن سوداني.. انا ما كنت حاذكرهم بالاسم |
وخاصة في الظروف دي بكونو اكثر عطاء
بسال هل عندك ليهم رقم هاتف للتواصل.؟
وانا بكتب في ردي هذا
حاني خبر من ربك ولاية النيل الابيض حيث اعتدنا ومن مدة شراء رصيد كهرباء وهاتف
قالو مافي خالص
يعني بكرة ممكن بيتنا يكون ظلام لعجزنا الحصول على مركز يبيع الكهرباء
وممكن نقطع من سودانيزاونلاين لنفس السبب
مع ذلك نحن افضل من كثير من الناس
والله في ناس ما لاقية حق الخبز
لانو اعمالهم تعطلت بسبب الحرب
يعني جنب بيتنا بتاع بنشر اسمو امام
حتى ايام العمل العادية مرات بكون الشغل خفيف
اسا اكثر من شهر ما فتح محلو
دا يكون ظرفو كيف؟
هو يسكن بعيد من ماكان عملو
اسف
دخلت ليك والقارئ الف موضوع
اكرر شكري لك الامتثال
وان شاء اقدر اواصل معاكم
|
Post: #11
Title: Re: نداء واستغاثة بحثاً للتصرف الامثل لسودان�
Author: Ahmed Yassin
Date: 05-16-2023, 06:25 PM
Parent: #10
والله يا علي حاسين بالمعاناة دي وعارفين ان البلد انهارت
لانه اي مسؤل فيها من زمن الاستقلال عبارة غن جاهل او حاقد
وارعن ....زرنا وشفنا الناس،كيف بتبني وتخدم اوطانها بحب وتجرد
نحن ناس هدم وتدمير،وقتل واحقاد
بالله هسي الناس البنهبوا ديل ممكن نسميهم سودانيين .... !!!
حرام يعني الشعب يعيش ويرتاح ويتمتع ويأمن في بيته
والله يا علي الجنجويد دخلوا في بيتنا في بحري.. لانه جنب معسكرهم
|
Post: #12
Title: Re: نداء واستغاثة بحثاً للتصرف الامثل لسودان�
Author: Ali Alkanzi
Date: 05-16-2023, 06:52 PM
Parent: #11
بصدقك يا ابو حميد بدون قسم
خاصة قصة اختنا اميرة هنا في المنبر تحت عنوان
مرقتا
اسعار الخضار خرافية وكذاالفواكه المتاحة في منطقتنا
طبعا ما ممكن تمشي بعيد تكوس للاحسن والارخص
المشكلة الما قدرت احلها
هي شراء الكهرباء
وشراء الرصيد للهاتف والنت
هاتفي خط منذ ما يقارب العشرين سنة
تم قطع الخدمة من اكتر من اسبوع لوصول ٩٠ في المية من السقف المسموح به وهو عشرة الف
دا نص رسالة زين عبر الاس ام اس
لك ودي. وشكري
|
|