الدعامة الليلة وقعوا البحر

04:45 PM May, 14 2023

سودانيز اون لاين
عمر التاج-khartoum
مكتبتى
رابط مختصر

السؤال ، هل دعامة النهب السريع بيعرفوا يعوموا؟
ول نهديهم رائعة ود الريح ..
عجبوني الليلة جو .. وقعوا البحر غطسوا

سلام ود التاج اها جيش الفلول وقع وين؟
ملحوظة:-
عمر التاج وطنيتك دي زمان وين؟
يا رجل اختشي

الدعامة عندهم كمان ضفادع بشرية والا شنو!!
اين ذهب كيزان كافوري بأسرهم
ما قصة ال ٦ بصات سياحية التي
حملت اسر الكيزان لمصر في بداية المعارك
وما قصة الكيزان الذين ملصوا الكاكي وشتتوا
مع اسرهم لمصر.
ي ود التاج ضرستنا.

ما بحب اتداخل مع الكيزان لكن لعلك تختشي ايها الكذاب

سامعني مهيدجينا يا فردة
طلبنان ترمي لينا سجعو م سجعاتك تقوم
تجي بي هن دي منطقة عميلات ملغومة
عمومن تحية لي ود تاي العزيز دي جبنا
ليه من خيتق مرمي هنا من زوووواااانك:
عجبوني أولاد اللهالي
عجبوني بلحيل و سروا بالي
ديل طول الليل واقفين سواري
شَلَّتو زول (تُلُّب) بالضفاري
وقام جدعوه في الدفااري
******
عجبوني أولادنا الفرسان
تقول بس صوقة جديــــان
ملصوا البدل و القمصان
و كبولو الشطة بال(الجركان)
من نخرينو و لا المصران

عجبوني الليلة جوووو
الحرسو البلد مجَّدووو
******
الجنيات يا بغارية
ضرب الزاقر فى (البقالة)
مرقولو أولاد السرارة
المركز جاب الإشارة
ما شالونا بى التيارة
ولا بياكلونا بالحقارة
******
عجبونى أولاد السرور
الخووا ليك متل الصقور
و الفاروا ليك متل القدور
ترسوا البحر بالسدور
ما خمونا بى البابور
و لا بخوفونا بي (الجقور)
******
أنحنا فوق عزنا
قبايل ما بتهزنا
الليلة هوي يا جنـــــأ
الاسمو التــــاج ضوَّنا
ود الأرباب يا جنــــــــا
-----------------

[} و دي كمان مناحة مجازفنها كطع
أخدر لكي تليق ( بالموغف) و حالنا الكان في اليمن:
عجبوني أوباش الحمدان دقشو البحر جثة فوق جثمان
لكن بهناك ملصو البدل و القمصان
و كبــو الجرســـة في ( نجـــران)

الكورااك في العدارة.. مرقو أخوان السرارة
المركز جاب الإشارة.. ما خمونا بي الدفارة

عجبوني أولاد السرور . الفرو متل الصقور
و الفارو متل البحور .. و ما خمونا بالبابور

سلام
ود الاصيل
جيت دخلت
راسي
في بوست
ما مقاسي
اشوف ود التاج دا
مؤمن بالنجاشي
لكن ياود الاصيل
ما خليتني
اجمع انفاسي
طوالي اديتني
على راسي
بسجع
خارج كراسي
الله يسامحك
يا اصيل
انت على عيني
وراسي

كيفنك اخونا عارف ..
جيب الصور يا اخ وانا علي اتبرع لك بالاسماء
الكيزان بداية الأحداث جابوا قيادت قحت أمثال النعمان وعرمان والرشيد ..الخ
ماشين على المواني والمطارات لايف
وعليكم بالمثل ..
..
..
الدعامة عبد القادر والدقم..
فيديوهاتكم القديمة دي بعد كدة الا تتسلوا بيها في غربتكم
اليوم وأمس دعامة تشاد والنيجر ما فضل فيهم الا المدسين في البيوت
الفيديو الفوق شغل الليلة ..
ولو جبتا ليكم من السوق الغربي والقصر الجمهوري وشوارع بحري بنجيكم صدمة
..
..
ود.الاصيل وود مهدي
جاييكم بي مهلة أو سهلة