Post: #1 Title: مصر يا اخت بلادي يا شقيقة Author: جمال المنصوري Date: 05-14-2023, 01:17 PM Parent: #0
السلام عليكم جميعا قبل ما ابدأ عشان ما يجي أي واحد فيكم يزايد ويطلق الاوصاف الياها والما ياها.. قلت أخير تكون بيدي لا بيد عمرو,.. انا جريقيس السيسي والشعب المصري انا بواب الخديوي وشنو كده ما بعرف.. عبد للعرب والفرس والروم وكل بقية الاجناس يا خي أقول ليكم انا ح اخليكم تمرحوا واي واحد عندو لقب عاوز يجر شوكو فوقي ما عندي مانع.. الحقيقة لولا السيسي والجيش المصري والشعب المصري من بعد الله يمين الله كان اتكبت فيكم جيوش ومليشيات ما يعلم بها الا الله.. بلاش غلاط وكلام فارغ فلانة يا اخت بلادي.. يمين الله بلادي دي ما عندها غير اختين شقيقات جنوب السودان (الجزء العزيز) ومصر شقشقتنا الكبرى جمال المنصوري (جريقيس وبواب حاليا) امنت بي اتون (اله اخنا تون، و اخيتا تون)
Post: #2 Title: Re: مصر يا اخت بلادي يا شقيقة Author: جمال المنصوري Date: 05-14-2023, 01:28 PM Parent: #1
يا خي في الدنيا دي ما لاقاني زول ارجل من السيسي السيسي رجل الخطوط الحمراء التي لا تجرؤ دولة او مليشيا على تخطيها شكر السيسي شكرا مصر الشقيقة الكبرى شكرا الشعب المصري
جمال المنصوري (جريقيس جديد وبواب تحت التمرين)
Post: #3 Title: Re: مصر يا اخت بلادي يا شقيقة Author: Biraima M Adam Date: 05-14-2023, 01:34 PM Parent: #2
ول أبا المنصوري سلام .. مصر أخت بلادي تشاد أخت بلادي الحبشة أخت بلادي أرتيريا أخت بلادي
الجنوب .. أخو بلادي (دا أخو ضكر)!
وأستطيع أدافع عن كل أولائي الأخوات لبلادي.
بريمة
Post: #5 Title: Re: مصر يا اخت بلادي يا شقيقة Author: جمال المنصوري Date: 05-14-2023, 01:38 PM Parent: #3
يمين الله ده فلم هندي جنوب السودان ومصر حاليا بس الحبشة وتشاد وارتيريا مننا وفينا لهم مالنا وعليهم معا علينا تيحاتي المنصوري (مصري حاليا، تشادي وحبشي واريتري سابقا)
Post: #4 Title: Re: مصر يا اخت بلادي يا شقيقة Author: Arif Nashed Date: 05-14-2023, 01:35 PM Parent: #2
Quote: (جريقيس جديد وبواب تحت التمرين)
دي ياها زاته جوك جوك ولا كتلوك مطلوب حضور بشاشا
Post: #6 Title: Re: مصر يا اخت بلادي يا شقيقة Author: جمال المنصوري Date: 05-14-2023, 01:52 PM Parent: #4
يا جماعة انا هنا بتكلم عن الخطوط الحمراء ورجلها الاول السيسي رجل الخطوط الحمراء اثبت انو قدرها قال سرت الجفرة خط احمر لحدي الان نملة ماعدت الخط قال ليك غزة معقل الكيزان(رغم انو ضرب الكيزان في مصر) هنا خط للهدنة اسرائيل وحماس والجهاد ومعاهم دول العالم كلها وقفت دك قال ليك اي يد تعبث في السودان ح اقطعها اهو انتو شايفين الوضع قولوا لي رئيس واحد في الدنيا دي قال ونفذ ياخي ده بوتين بجلالة قدروا قال القرم ومين كدا وباخموت وكلام كتير خط احمر يمين شلعوا ليه الخط الاحمر تشليع الاسكراب قال ليك فاغنر فاغنر شنو يا صاحبي قالوا الرووب في اوكرانيا ونكروا وجودهم في السودان حطب عاش السيسي رجل الخطوط الحمراء المنصوري (مطبلاتي جديد للسيسي)
Post: #7 Title: Re: مصر يا اخت بلادي يا شقيقة Author: علاء سيداحمد Date: 05-14-2023, 01:54 PM Parent: #4
Quote: الحقيقة لولا السيسي والجيش المصري والشعب المصري من بعد الله يمين الله كان اتكبت فيكم جيوش ومليشيات ما يعلم بها الا الله..
ومع موقفي المعلن هنا فى البورد ضد الحرب ومع السلام المُفضي الى تسريح ودمج الجنجويد والحركات المسلحة فى الجيش لاعادة بناء القوات البرية التى الغتها حكومة الاوباش الكيزان وايضا الاستفادة منهم فى قوات حرس الحدود والاجهزة الامنية الاخرى . الا انه لابد من التذكير بأن مصر ساهمت مساهمة كبيرة فى هذه الحرب بالمشاركة الفعلية بقواتها الجوية وايضاً بمراقبة الحدود مابين ليبيا والسودان وتدمير اسلحة ومؤن اماراتية ذاهبة من ليبيا الى السودان اكثر من مرة حتى تم ايقافها تماماً فى الايام الاخيرة . وبالنسبة للدول الحدودية الاخرى : اريتريا لها علاقات جيدة مع الامارات ولو كانت مدينة كسلا تحت سيطرت الدعم السريع لاتت المؤن الاماراتية عبرها اليهم . وكما هو معروف فان العلاقات سيئة جدا مابين حكومة تشاد والدعم السريع لان حميدتي حاول كثيرا عمل انقلاب فى تشاد لذلك حدودهم مقفولة مع السودان .
#لاللحرب #نعم للسلام الذي يٌفضي الى جيش وطني واحد
Post: #8 Title: Re: مصر يا اخت بلادي يا شقيقة Author: Ali Alkanzi Date: 05-14-2023, 02:09 PM Parent: #7
يا عارف هوي بلش المديدة حرقتني وتقول مطلوب حضور بشاشا انت ما عارف علي الكنزي بقى الوكيل الشرعي لبشبش دا اسم الدلع الجديد بس قلبتا ليك الحروف اكتبها بشبش وتقراها بالقلبة ومن ديك وعيك صاحبك (عرت) يعني هرب لهذا اقول باسمه ونيابة عنه لجمال المنصوري ما يلي:
Quote: نعم سودان الجلابة حصريا، بوابين أو سفرجية الاحتلال الثنايي، وياقن، الخديوي الهضيبي، نموذج عقليتك دي، هي اصدق، ابشع مثال، يثبت كل شولة بنقولا هنا!! نعم هو جيش دويلة جلابة حصريا، ولهذا ماصدفة كيف عبود، مافوراي، أو نميري نوباوي، أو القشير شلكاوي، مع انو هؤلاء بمثلو اقلا من 5% من السكان! والاغرب من ده كلو، انو الكويز ده، هو من انشا، أوجد الجنجويد، لابادة الملاييين، بالوكالة، من اجل عيون مصالح مستعمرينا مستعبدينا فقط لانهم ماجلابة!!
منقول بدون تصرف وحقوق الملكية الفكرية محفوظة ل (بشبش ) مع الاشتراط قراءة الاسم بالمقلوب شفتا الراجل دا صار مرعب كيف؟ يعني الواحد لو داير يفكر ساي في مصر عليه ان يخشى بشبش ولكن الحمدلله من ما قلبنا اسمو (عرت)
Post: #9 Title: Re: مصر يا اخت بلادي يا شقيقة Author: جمال المنصوري Date: 05-14-2023, 02:18 PM Parent: #8
Quote: دي ياها زاته جوك جوك ولا كتلوك مطلوب حضور بشاشا
عارف عليك السلام ورحمة الله وبركاته يا خي ما تبخل علينا بالسلام لو كنت زعلان مني انا بعتذر ليك مقدما لا يا باشا ما اسمها كده دي اسمها تطعيم : VACCINATION
بعدين يا خي انا عاوز اتمتع بالالقاب الزي دي يعني ما تنتظر يشاشا انت ذاتك لو عندك لقب مميز كده ممكن تكبو هنا عادي وبكون شاكر ليك المنصوري ( الحاصل على جميع الالقاب الواردة في مداخلة اخونا علي الكنزي)
Post: #10 Title: Re: مصر يا اخت بلادي يا شقيقة Author: جمال المنصوري Date: 05-14-2023, 02:22 PM Parent: #9
الاخوين الفاضلين علاء سيد احمد وعلي الكنزي شكرا لل (الدعمكم الكبير ) وخصوصا اخونا علي الكنزي الذي اهدانا رغم ان الهدية لا تهدى ولا تباع بعض الالقاب المميزة التي حاز عليها في المنبر من قبل شكرا علي على هذا الكرم الفياض
Post: #11 Title: Re: مصر يا اخت بلادي يا شقيقة Author: جمال المنصوري Date: 05-14-2023, 02:37 PM Parent: #10
اكبر خطأ استراتيجي وقعت فيه مليشيا الدعم السريع ويدفع تمنه حميدتي حتى الان هو استفزازهم للجيش المصري في قاعدة مروي الجوية الشعب المصري كله حتى الكيزان المصريين ما بيلعبوا في مصر وجيشها التصرف ده وحدهم كلهم ضد حميدتي وقواته
Post: #12 Title: Re: مصر يا اخت بلادي يا شقيقة Author: علاء سيداحمد Date: 05-14-2023, 02:54 PM Parent: #10
Quote: الا انه لابد من التذكير بأن مصر ساهمت مساهمة كبيرة فى هذه الحرب بالمشاركة الفعلية بقواتها الجوية وايضاً بمراقبة الحدود مابين ليبيا والسودان وتدمير اسلحة ومؤن اماراتية ذاهبة من ليبيا الى السودان اكثر من مرة حتى تم ايقافها تماماً فى الايام الاخيرة .
المشاركة المصرية فى الحرب ليس حباً فى البرهان وعسكر السودان انما لحماية امنها القومي فى حدودها الجنوبية . لانها تعلم يقيناً ان انتصار حميدتي والامارات سيكون ثمنه باهظاً عليهم من كل النواحي :
- المياه - الامن - الاقتصاد - الموارد الطبيعية
- عدم الاستقرار فى السودان له آثار سلبية اقتصاديا وسياسيا على مصر - تصدير المنتجات المصرية الى السودان وعبر السودان الى دول افريقية كثيرة . - احتمال فصل جنوب مصر ودمجها مع شمال السودان واقامة دولة النوبة القديمة ويقود هذا التيار حركة كوش . - احتمال خسران السودان الى جانبها فى المحافل الدولية سياسياً فى بعض المسائل الحساسة وخاصةً فى مسألة المياه اذا انتصرت الدعم السريع فى الحرب . - عدم الوثوق فى بن زايد واحتمال اعادته للاخوان المصريين الى السودان ليكونوا عصاً له فى وجه السيسي وحكومته فى حال انتصار حميدتي وهذا يؤدي الى عدم الاستقرار فى مصر . ( بن زايد يحارب الاخوان المسلمين فى العلن ولكنه عند الحاجة اليهم يمكنه ان يستعين بهم فهذا الرجل لايركن الى القيم الاخلاقية اطلاقا )
مصر لها استثمارات زراعية وحيوانية بمليارات الدولارات فى السودان ويتم شحن تلك المنتجات وهى _ خضروات وفواكه واعلاف ومزارع اسماك ومزارع ثروة حيوانية _ وقد تم تصوير تلك المزارع والمنتجات بالفيديو وتصوير فوتوغرافي وعمل لقاءات مع بعض المسئولين عن تلك المشاريع فى السودان وتم ايراده هنا فى المنبر قبل عدة سنوات من بعض الناشطين .
Post: #13 Title: Re: مصر يا اخت بلادي يا شقيقة Author: Yasir Elsharif Date: 05-14-2023, 02:58 PM Parent: #8
سلامات يا منصوري وتحياتي لكل ضيوفك
أنا داخل هنا للفكاهة بس.
Post: #14 Title: مصر يا اخت بلادي يا شقيقة Author: عبدالقادر محمد Date: 05-14-2023, 03:04 PM Parent: #1
Quote: ما ضرّ بحرالسودان يومًا ــــــ أن خاضَ بعضُ الكلابِ فيهْ !
Post: #15 Title: Re: مصر يا اخت بلادي يا شقيقة Author: جمال المنصوري Date: 05-14-2023, 03:18 PM Parent: #14
Quote: سلامات يا منصوري وتحياتي لكل ضيوفك
أنا داخل هنا للفكاهة بس.
تسلم يا ياسر الفكاهة هي ملح الحياة والسخرية من الؤساء حق مشروع
Post: #16 Title: Re: مصر يا اخت بلادي يا شقيقة Author: جمال المنصوري Date: 05-14-2023, 03:18 PM Parent: #15
Quote: ما ضرّ بلاد السودان يومًا ــــــ أن خاضَ بعضُ الكلابِ فيهْ !
لقب جديد جميل نسمع كمان مزيدا من الالقاب
Post: #17 Title: Re: مصر يا اخت بلادي يا شقيقة Author: جمال المنصوري Date: 05-14-2023, 03:27 PM Parent: #16
Quote: - المياه - الامن - الاقتصاد - الموارد الطبيعية
حبيبنا علاء ده كلام صحيح زمش عيب ما فيش بلد في الدنيا دي بيتعامل بالمشاعر الانسانية الكل محدد مصالحة وبيعمل عليها الا شعب الله المختار في بلاد السودان بيتعامل بالمشاعر عشان كده الاغلبية الميكانيكية في كل انتخابات بتجيب ود المهدي باكتساح رغم انو افشل سوداني مر على تاريخ السودان
حليل هبود المنصوري (قادم من العصر الحجري )
Post: #18 Title: Re: مصر يا اخت بلادي يا شقيقة Author: Arif Nashed Date: 05-14-2023, 03:59 PM Parent: #17
Quote: يا خي ما تبخل علينا بالسلام
اعتزر لعدم القاء السلام عند دخولي داركم ولك العتبي حتي ترضي.
Post: #19 Title: Re: مصر يا اخت بلادي يا شقيقة Author: Arif Nashed Date: 05-14-2023, 04:09 PM Parent: #18
Quote: انت ما عارف علي الكنزي بقى الوكيل الشرعي لبشبش دا اسم الدلع الجديد
https://www.0zz0.com
Post: #20 Title: Re: مصر يا اخت بلادي يا شقيقة Author: Ali Alkanzi Date: 05-14-2023, 04:46 PM Parent: #19
والله يا عارف رغم ما كان بيننا الا انك ضحكتني في ايام الدموع دي عملتها كيف؟ يا اخي بشبش (بالمقلوب) ح ينسى ال Pass Word تاني الزول دا ما بجي ب جاي ح تكون شبكتو طشت زي واحد لمن امشي الشوال ما في شبكة خالص اذن مافي سودانيزاونلاين دي اكيد ح تتحول لاكشن المنبر خطير يا عارف
Post: #21 Title: Re: مصر يا اخت بلادي يا شقيقة Author: Ahmed Yassin Date: 05-14-2023, 07:33 PM Parent: #20
جيمي
Quote: جمال المنصوري (جريقيس وبواب حاليا) امنت با تون (الله اخنا تون، وا اخيتا تون)
لو ما الحرب كان ضحكت ملء شدقي عن شواردها وشنو كدة ... الخلق ويختصم ياخي بشاشا دا مرعب ...
Post: #22 Title: Re: مصر يا اخت بلادي يا شقيقة Author: جمال المنصوري Date: 05-14-2023, 11:56 PM Parent: #21
Quote: لو ما الحرب كان ضحكت ملء شدقي عن شواردها وشنو كدة ... الخلق ويختصمياخي بشاشا دا مرعب .
شيخنا ود ياسين يا عم انسى الهم واديها ضحكة ما شفت الجماعة القاعدين في الكراسي ويشاهدوا في ضرب الطيران حي يا اخي السودانيون ديل مدهشين بالجد ديل ناس بي يشاهدوا الحرب مباشرة على الطبيعة ويشجعوا اللعبة الحلوة طبعا زي الحاصل ده الجنحويد عمرهم ما شافوه.. بعدين يا ابوحمبد ما في شك بشاشا قوة فاعلة لازم نعمل ليها الف حساب من حسنات بشاشا الكبيرة انو اصبح عندنا معرفة معقولة بالهة اجدادنا الكوشيين ومن باب الديمقراطية وكده هو اختار امون، وانا اخترت اتون يلا كده ايك معانا واختار ليك واحد كده يكون شفت، لا مكان للألهة الضعيفة في زماننا هذا سلام اتون
Post: #23 Title: Re: مصر يا اخت بلادي يا شقيقة Author: Bashasha Date: 05-15-2023, 04:30 AM Parent: #22
شلوم ياجمال: بالنسبة لي اتون، المهدت ليهو هي الملكة التاية، وهي من شمال السودان الحالي، فريدة عصرها، او ولدا "اخناتون" هو القام بالانقلاب ده وهذا خلق فتنة كبيرة جدا، ولكن التاية بي حكمتا مكنت اجدادنا من العبور بسلام.
اها خدك الاتي عن "اتون":
هذا طرح/عقيدة قديمة في ارثنا، اخناتون فجاة او من فوق قرر احياء هذا الطرح بعد ما امو علمتو ولا ادري لماذا.
بناءا عليه "اتون" هو اساس الاديان التلاتة، اليهودية، المسيحية، والاسلام!!
لاحظ عقيدة اتون كانت ضد المجسمات تخيل، او ضد تعدد اسماء/مظاهر الذات الالهية!!
خليك عارف اسماء الله الحسني هي اصلا اسماء امون الحسني ولهذا RA-hman او RA-heem بالعربي لايمكن تفهما، مالم ترجع للاصل!!! برضو خليك عارف لفظ الجلالة "الله" برضو سوداني صرف، ذهب حيث وجد من كريمة الواحدة دي في الشمال!!!
نعم اجدادنا السومريين هم الحملو لفظ الجلالة "الله" الي العالم العربي!!!
اها، عبادة "اتون" كانت ممارسة في سعودية اليوم قبل 1,000 سنة من رسالة القرن السابع، الكانت تعريب باختصار لي "عقيدة" اتون، بمعني خاطب الوعي العربي من منطلق مرجعية الثقافة العربية، ولهذا ماصدفة انو "الدين" الجديد ده، الوافد، الاجنبي، كان مرفوض من قبل العرب، وهذا طبيعي!!!
جاييك لي باقي كلامك..
Post: #24 Title: Re: مصر يا اخت بلادي يا شقيقة Author: جمال المنصوري Date: 05-15-2023, 05:02 AM Parent: #23
هلا بالامير الكوشي بشاشا
يعلم الله دي سياحة دينية جميلة المشكلة يا بشاشا تاريخ السودان كتب بايدي خبيثة احدثت انقطاع في التواصل الحضاري بين الاجيال تصدق يا بشاشا عندنا في منطقة الكاب حصن مكون من قلعتين كل قلعة على رأس صخرة مطل على النيل واحدة من القلعتين ديل فيها حفرة في النص الحفرة دي ممتدة تحت النيل الى البر الغربي من النيل، القصة دي ما عرفناها الا لمن جات بعثة فرنسية واخرى ايطالية لآستكشاف الحصن الغريب انو المخرج على البر الغربي عبارة عن بئر كبيرة يتخللها سلم لولبي، رواية البعثتين تقول انو اى غزو لهذا الحصن وحصارة مغامرة غير محسوبة العواقب لأنو المحاصرين سيجدون انفسهم محاصرون.. الحصن ده يا بشاشا لم يذكر في اي من كتب التاريخ السوداني، ولم تعتني به وزارات السياحة طيلة عقود الحكومات الوطنية، ونتيجة لذلك قام المناصير بتفكيك حجارته وبناء مستشفى الكاب العمومي المقام بالعون الذاتي الغريب يا بشاشا لو شفت فلم احمد زكي (حسن اللول) حتلقي في عبارة مصرية اسمها الكاب( ELKAB) وهو نفس اسم المنطقة بتاعتنا بنفس الحروف عليك الله يا بشاشا لو عندك معلومة عن هذا الحصن وتاريخه اتحفنا بها مع العلم ان هذا الحصن يقع على مسافة قريبة (يعني بالحمار ما بعيدة)من اهرامات الكرو ومعبد البركل شكرا يا اميرنا الكوشي مع انك ما اكرمتنا بي شوية القاب وكده
Post: #25 Title: Re: مصر يا اخت بلادي يا شقيقة Author: Bashasha Date: 05-15-2023, 05:29 AM Parent: #24
ياجمال، لوبتصدق انا اول مرة اعرف القتو ده عن موقع الكاب، او ده بوريك كيف لانفقه عن تاريخنا شئ!!
في السبعينات الفرنسيين عملو مسح، وبناءا عليه قالو اي ميل مربع في المليون ميل، في السودان، ممكن يتلقي فيهو موقع اثري!!!
نعم، تخيل بلد واحدة متوقع يكون فيها 1,000,000 موقع اثري!!!
مافي بلد في الكون العريض ده، مثل هذا السودان، اطلاقا، اطلاقا، او بعد ده، جاكين من ارث كهذا، لندعي هوية مستعبدينا، شغل كراهية ذات!!
شئ مذهل، انو مؤسس اثينا كمثال مهد حضارة اوربا، كان سوداني، بل ترهاقا هو المهد لي قيام مملكة الرومان، وهناك من يقول ان احد ملوكا كان سوداني!!!
ياخي بطل معركة طروادة، كان سوداني!!!
ياخي مؤسسي عراق اليوم، يمن اليوم، سعودية اليوم، فلسطين اليوم، ايران اليوم، هند اليوم، كانو من السودان الحالي!!!!!
نعم بناة اهرامات المكسيك، كانو من السودان الحالي!!!
نعم قبل 2,600 سنة اجدادنا اكتشفو مجري محدد جوا المحيط الهادي، بشيلك بي مركب او يمرقك في امريكا!!!
ياخي اسم اوربا ماخوذ من اسم سودانية!!!
نعم اثينا كان اسم لي سودانية!!
بلد زي دي يحكموها امثال القشير، حمرتي، والحلمان!!!
فعلا، مركز دائرة الوجود، لاقول!!!
Post: #26 Title: Re: مصر يا اخت بلادي يا شقيقة Author: جمال المنصوري Date: 05-15-2023, 05:43 AM Parent: #25
يا بشاشا اي زول ركب قطر كريمة زمان شاهد الحصن ده، الحصن ده واضح وضوح الشمس الاغرب من ذلك انو البعثتين الفرنسية والايطالية كانت معاهم خرائط تفصيلية للحصن ده وبناءا عليها تم اكتشاف مدخل الحصن على البر الغربي الحصن ده محاصر حاليا بمياه السد الحاجة التانية الما مذكورة في التاريخ، انو قائد سفينة الانقاذ الجات تنقذ غردون باشا وتراجعت لمن قوات المهدية دخلوا الخرطوم تم اغتياله بواسطة المناصير في منطقة ام دويمي ويوجد شاهد على قبره اقاكه الانجليز، وقامت معركة مشهورة كتب عنها تشرشل في كتابه معركة النهر، وهي معركة الكربكان وقتل فيها احد اشهر جنرالات الانجليز هل تصدق يا بشاشا ما في في كتب التاريخ السوداني اي اشارة لهاتين الموقعتين، وللحصن شفت التهميش وصل لي وين؟
Post: #27 Title: Re: مصر يا اخت بلادي يا شقيقة Author: Hassan Farah Date: 05-15-2023, 08:52 AM Parent: #1
الحاجة التانية الما مذكورة في التاريخ، انو قائد سفينة الانقاذ الجات تنقذ غردون باشا وتراجعت لمن قوات المهدية دخلوا الخرطوم تم اغتياله بواسطة المناصير في منطقة ام دويمي ويوجد شاهد على قبره اقاكه الانجليز، وقامت معركة مشهورة كتب عنها تشرشل في كتابه معركة النهر، وهي معركة الكربكان وقتل فيها احد اشهر جنرالات الانجليز هل تصدق يا بشاشا ما في في كتب التاريخ السوداني اي اشارة لهاتين الموقعتين، وللحصن شفت التهميش وصل لي وين؟ ............................................................................................................. جمال المنضورى سلام التوثيق يتطلب الدقة معركة الكربكان خاضها المناصير والرباطاب معا وكان من شهدائها ملك الرباطاب موسى ابوحجل فارجو ان تتحرى الدقة فى كتاباتك الاخ عسكورى المنصورى له بحث دقيق حول معركة الكربكان هنا استشهد البطل موسـي أبوحـجل ( بوست وصور)
Post: #28 Title: Re: مصر يا اخت بلادي يا شقيقة Author: جمال المنصوري Date: 05-15-2023, 10:06 AM Parent: #27
Quote: الحاجة التانية الما مذكورة في التاريخ، انو قائد سفينة الانقاذ الجات تنقذ غردون باشا وتراجعت لمن قوات المهدية دخلوا الخرطوم تم اغتياله بواسطة المناصير في منطقة ام دويمي ويوجد شاهد على قبره اقاكه الانجليز، وقامت معركة مشهورة كتب عنها تشرشل في كتابه معركة النهر، وهي معركة الكربكان وقتل فيها احد اشهر جنرالات الانجليز
حسن يا ابن عمي يا اخي عليك الله النضارة دي ما تقشها باصابعينك العاملة زي ورقة الصنفرة ديك اها تراكا شلختها وبقت ما بتشوف ليك كويس يا اخي النضارة عاملة بي رقة شوية جيبها جمب خشمك وانفخها زفير، وبعدين امسحها خفيف كده بي كم الجلابية.. سمح طيب ساعت ما شفتها بالنضارة الاسمعك ليها في اضانك، اوعك كمان يا ود عمي تكون خسرت اللضان ونبقى في ارفع الصوت.. انا قلت معركة ام دويمي قاموا بيها المناصير.. اها لمن جيت عند الكربكان حرنت ابيت اجيب اسماء الناس الشاركوا فيها لاقت المناصير لا جبت طاري الشوايقة والرباطاب، سناحة مني عديل كده.. وين عدم الدقة في الكلام ده.. حسن النضارة مقاس كم عشان ارسل لك واحدي من هني و ان بقت اللضان ما بتسمع كويس كلمني اللرسل لك سماعات سلام يا ود عمي
