Post: #1
Title: خطة الدعم السريع لتهريب المجرم حميدتي إلى خارج السودان
Author: امتثال عبدالله
Date: 05-13-2023, 01:51 AM
01:51 AM May, 12 2023 سودانيز اون لاين
امتثال عبدالله-NYC - USA
مكتبتى
رابط مختصر
مفاوضات جدة العقيمة بين الجيش السوداني ومليشيات الدعم السريع
توصلت إلى بنود لا تهدف إلى وقف الحرب ولكن فقط العمل لمصلحة المدنيين
وعدم عرقلة تحركهم داخل العاصمة أو إلى خارجها وعدم احتلال المرافق العامة
والمستشفيات ..
لكن الغريب في الأمر أن مفاوضي الدعم السريع طلبوا طائرة لاجلاء جرحاهم وكذلك
إجلاء جرحى من كبار قياداتهم ....وبدون ذكر أسماؤهم ...وطبعا هذه خطة غبية منهم
لتهريب المجرم حميدتي إلى خارج العاصمة ومن ثم إلى خارج السودان لانهم يعلمون
تماما ان العاصمة محاصرة من جميع الجهات من قبل القوات البرية للقوات المسلحة
ولا يمكن لحميدتي او اي من قياداتهم مغادرة العاصمة ...الا بطائرة ...
ولكن هل تقبل القوات المسلحة بطلب مليشيات الدعم السريع لتوفير هذه الطائرة
لتهريب المجرم حميدتي ..
لا نظن ذلك...
|
Post: #2
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-13-2023, 02:48 PM
Parent: #1
ربما يعتقد البعض أن حميدتي سيحاول الهروب إلى دارفور كي يبدأ معركة جديدة ضد القوات المسلحة من هناك
ولكنه سوف لن يفعل لانه يعلم علم اليقين أن أكثر ناس بيكرهو الجنجويد في الدنيا هم أهل دارفور لانه ارتكب مجازر
هناك ..ولا نظن أن اركوي مناوي سيرحب به في دارفور ...
وجهته الوحيدة ستكون الامارات حيث أمواله المكدسة هناك وحيث الذين يمدونه بالسلاح والعتاد هناك أيضا
|
Post: #3
Title: Re: خطة الدعم السريع لتهريب المجرم حميدتي إلى
Author: مصطفى نور
Date: 05-13-2023, 04:03 PM
Parent: #2
لابد من قطع راس الحيه نهائيا لان الزول دة لو طلع حييى يرزق سوف يسبب الكثير من المشاكل
وبلا شك سوف يعود الكلاره مره اخرى ومرات وعشان كده بقول لى ناس الجيش ولا حتى ناس الكيزان
ريحونا من العالم ديل وكمان كل الحركات المسلحه وواول زول فكى حبرين الذى كان ينوى يحكم برضو
السودان البقى ماعندو وجيع كل من هبه ودبه عايز يحكم السودان
واسفاه على السودان
|
Post: #4
Title: Re: خطة الدعم السريع لتهريب المجرم حميدتي إلى
Author: Hasheem Karouri
Date: 05-13-2023, 05:35 PM
Parent: #3
أظن . الراجل مات وشبع موت
|
Post: #5
Title: Re: خطة الدعم السريع لتهريب المجرم حميدتي إلى
Author: Hasheem Karouri
Date: 05-13-2023, 05:35 PM
Parent: #3
أظن . الراجل مات وشبع موت
|
Post: #6
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-13-2023, 06:52 PM
Parent: #5
لسع يا هاشم كاروري ما مات ..ده روحه روح كلب...ما بيموت بالسهولة دي لانه مدسي داخل سفارة أجنبية أو تحت الأرض بعد ما عذب المدنيين عذاب الويل..
.واول ما يعلن عن قتله فإن الحرب ستنتهي لانه للاسف أفراد عصابات ومليشيات الجنجويد وكأنهم يعبدونه من دون الله والعياذ بالله ...
|
Post: #7
Title: Re: خطة الدعم السريع لتهريب المجرم حميدتي إلى
Author: Arif Nashed
Date: 05-13-2023, 06:56 PM
Parent: #6
خبر علي زمة الواتساب
Quote: أوردت المخابرات المصريه معلومات مفادها إصابة دقلو بقطع في فخذه الأيسر وجروح عميقه بالظهر وتم بتر ساقه.
تحرك مجبرا لمكان آخر مما أدى لنزيف حاد أدى لهبوط في الدوره الدمويه.
توفي يوم أمس الجمعه ولم يدفن بعد.
استقت المخابرات المصريه هذه المعلومات من رصفاءهم بانجمينا
منقوووووول |
|
Post: #8
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-13-2023, 07:07 PM
Parent: #7
دي اشاعات يا عارف....
مستحيل المصريين حيقولوا كلام صحي وموثوق به ...
اذا المخابرات العسكرية السودانية ما عرفت بمقتله
ما في زول حيعرف....
|
Post: #9
Title: Re: خطة الدعم السريع لتهريب المجرم حميدتي إلى
Author: Arif Nashed
Date: 05-13-2023, 07:20 PM
Parent: #8
انا برضو قلت كده يا امتثال
الهدف منها ضرب معنويات جنود القتل السريع.
بسعلكم اتو البرهان دا غاتس وين؟؟
|
Post: #10
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-13-2023, 07:39 PM
Parent: #9
البرهان غاتس في القيادة العامة
انت ما شفتو صلى صلاة الجمعة مع الجنود داخل القيادة العامة
ووسط دبابات محاوطة المصلين ...
بس انت اسأل حميدتي غاتس في ياتو سفارة : هل في سفارة دولة
الامارات ولا السفارة الروسية ولا السفارة الليبية؟
|
Post: #11
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-13-2023, 09:06 PM
Parent: #10
واذا كان حميدتي قتل فإن السبب الاول في مقتله هم القحاتة ...
فالقحاتة بدأوا ينفخو فيه ويغنوا ليه ويهمسوا ليه في اضانه أنه هو
القائد الفذ وانه ممكن يكون ملك البلاد لانه رجل الشعب والشعب بيحبه
وفي نفس الوقت قادين اضنينا بالحرية والسلام والعدالة والديمقراطية ..
والراجل اتغش فيهم وحاول يعمل انقلاب كامل الدسم ..ووقع ...
|
Post: #12
Title: Re: خطة الدعم السريع لتهريب المجرم حميدتي إلى
Author: Bashasha
Date: 05-13-2023, 09:17 PM
Parent: #11
العزيزة امتثال:
أسمعي كلام الببكيكي، نعم اخوكي الكبير:
حقيقة اتصدمتا فيكي.
ثبت لي انك متاسلمة، والانكا جهوية حد الشطحي!!
بالعدم ورينا زي انفجارك ده ضد الجنجويد العمر ده كلو كان وين أو هو مشعل محارق الابادة والتشريد للملايين، بالوكالة، ل"الغرابة"؟
كيف هذا انتقل لعاصمة"المركز" كصراع مابين مليشيات نظام القتلة، قالب علي مخدميه، تنفجري قدر ده، أو حصريا علي الاداة مش صانعي، مخدمي، مشغلي هذا المجرم أو هل هذا صدفة ام تجسيد لي طريقة تفكيرك؟
يا للفضيحة!!
|
Post: #13
Title: Re: خطة الدعم السريع لتهريب المجرم حميدتي إلى
Author: علاء سيداحمد
Date: 05-13-2023, 09:22 PM
Parent: #11
سلام يا امتثال وضيوف البوست
| Quote: أظن . الراجل مات وشبع موت |
حميدتي اليوم كان بيرغي فى مقابلة فى قناة من القنوات الاخبارية .
دا روحو روح كديس .
|
Post: #14
Title: Re: خطة الدعم السريع لتهريب المجرم حميدتي إلى
Author: علاء سيداحمد
Date: 05-13-2023, 09:40 PM
Parent: #13
Quote: لكن الغريب في الأمر أن مفاوضي الدعم السريع طلبوا طائرة لاجلاء جرحاهم وكذلك
إجلاء جرحى من كبار قياداتهم ....وبدون ذكر أسماؤهم ...وطبعا هذه خطة غبية منهم
لتهريب المجرم حميدتي إلى خارج العاصمة ومن ثم إلى خارج السودان |
تهريب او هروب حميدتي او عبدالرحيم دقلو الى خارج السودان سواءاً بالبر او الجو او البحر
تقريباً شبه مستحيل للاسباب التالية :
- عدم سيطرت الدعم السريع على اي مطار والمطار الوحيد الذي كان يسيطرون عليه كان مطار الخرطوم
ولكن القوات الجوية دكت المطار وتم اعادة السيطرة على المطار من قبل الجيش .
لو كان لازال حميدتي مسيطرا على مطار الخرطوم كان بامكانه هو وعبدالرحيم وغيرهم الهروب الى الخارج عبر مطار الخرطوم
- المنافذ البريه : فى الغرب : تشاد موقفها واضح مع الجيش السوداني وبالامس تم توقيف مجموعة من المرتزقة وهم فى طريقهم الى السودان
لدعم الجنجويد فى الخرطوم .
فى الجنوب : دولة جنوب السودان موقفها ايضا واضح وانحيازها الى جانب الجيش .
فى الشمال : مصر قلبا وقالبا مع الجيش السوداني .
فى الشرق : يمكنه ان يهرب عبر اريتريا لان اريتريا تدعم حميدتي وهناك مرتزقة من اريتريا يشاركون الآن فى الحرب الدائرة فى الخرطوم الى جانب
الدعم السريع : ولكن المشكلة الحقيقية تكمن فى ان مدن الشرق كلها تحت السيطرة الكاملة من قبل الجيش . ولذلك هناك صعوبة فى ان يقوم
بالهروب عبر المنفذ المذكور .
موانئ الشرق كلها تحت سيطرت الجيش ولذلك من الصعوبة ان يهرب عبر البحر الاحمر .
|
Post: #15
Title: Re: خطة الدعم السريع لتهريب المجرم حميدتي إلى
Author: علاء سيداحمد
Date: 05-13-2023, 10:11 PM
Parent: #14
وأيضاً حتى الهروب الى اثيوبيا عبر المنفذ البري صعب
بالبر من الدمازين - سنار الى القضارف ثم القلابات
او من الخرطوم الى القضارف ثم القلابات
ثم الى المنفذ البري الذي يربط بين البلدين فى الجانب السوداني هو منفذ مدينة القلابات
وفى الجانب الاثيوبي يقابله منفذ مدينة المتمة الاثيوبية ( متمة يوهانس )
حيث صادرات وواردات اثيوبيا عبر موانئ بورتسودان يتم عبر هذا المنفذ .
|
Post: #16
Title: Re: خطة الدعم السريع لتهريب المجرم حميدتي إلى
Author: امتثال عبدالله
Date: 05-14-2023, 03:57 AM
Parent: #15
بشاشا
بالعكس انا الاصدمتا فيك وما كنت متخيلة انك بتدعم عصابة من اللصوص
والحرامية بيسموا نفسهم الدعم السريع وهم بيقولوا انهم عرب دارفور وأنهم
كانوا بيحاربوا الأفارقة في دارفور ومن بينهم المسيرية والقبائل الإفريقية الأخرى
في دارفور ،،وانت دائما بتتكلم انك ضد العرب العنصريين البيضطهدوا الأفارقة
ومن باب أولى انك تدعم الأفارقة في دارفور وليس هؤلاء اللصوص الذين يدعون انهم
عرب دارفور ...بالإضافة إلى انك شاهدت في بعض الفيديوهات النزلها زميل المنبر ياسر
كيف ان هؤلاء اللصوص والحرامية وقطاعين الطرق ينهبون المدنيين العزل ويعذبونهم
في الشوارع بدون مبرر وطبعا هذا من غباؤهم المستحكم لانهم بتلك التصرفات الهمجية
يستعدون جماهير الشعب عليهم ويزيدون كراهيتهم لهم ...
فكيف تقف معهم وتدافع عنهم ...
|
Post: #17
Title: Re: خطة الدعم السريع لتهريب المجرم حميدتي إلى
Author: Bashasha
Date: 05-14-2023, 05:39 AM
Parent: #16
بشاشا يدعم اللصوص؟
ياساتر!!
يعني لو قنا ده صراع مليشيات نظام الفسقة، فهل هذا في فهمك، دعم لي حمرتي؟
طيب لو كده، اثبتي كلامي انك مع الفلول، لانو ده خطابم!!
نعم الماواقف معاهم، فهو طوالي أو تلقاييا مع الجنجويد بتاعم، أو علي كده تاح بدو واحد من البرميل، نعم بطلعوك جنجويدي شغل ارهاب فكري، عشان تكون معاهم!
نعم ياتصفق لي مليشيا كرتي، كما تفعلين، وتهاجم الحنجويد حصريا، كما تفعلين، يا انتا ما "وطني" زي ماقال تجتوج، المتحدث الرسمي بي اسم مليشيا كرتي في المنبر ده، المسماة "جيش" شغل تمويه!
بعدين عرب دارفور ديل منم البشاشا واقف ضدهم؟
فاهمة غلط!!
مافي عرب في جمهورية السودان!
بعدين ماجاوبتي علي سؤالي:
ليه "فجعة" كدا، جنا جنوك، ضد الجنجويد؟
اشمعنا العمر ده كلو، محارق الابادة والتشريد للملايين في دارفور بعد الجنوب، ماحرك فيكي ساكن؟
هل ده صدفة، ام هذا يثبت انك فوق لي انك متاسلمة، جهوية، نعم جلابية للاسف!!
|
Post: #18
Title: Re: خطة الدعم السريع لتهريب المجرم حميدتي إلى
Author: حيدر حسن ميرغني
Date: 05-14-2023, 06:42 AM
Parent: #17
سلام امتثال
بالمناسبة الحكومة المصرية اللعينة ترى في البرهان امتداد للكيزان رغم انها ظاهرا بتدعم الجيش.
وما بعيد يكونوا عندهم عملاء مزروعين في الجيش والدعم السريع
البرهان لأنه عسكري ضعيف بحاول يسنميلهم بالتصريحات الموالية لهم والزيارات المفاجئة عشان يحكم قبضته في السلطة
مصر لا تريد ان ترى ديمقراطية في السودان نهائياً والبرهان شغال في الخط ده لأنه مأمور
معارضتنا لأفعاله وإرتمائه في أحضان الاخرين ليس بالضرورة وقوف مع حميدتي .
|
|