موقع الحرية والتغيير (قحت المركزي) بعد انتصار الجيش المتوقع ؟

06:01 PM May, 10 2023

سودانيز اون لاين
Elhadi-
مكتبتى
رابط مختصر

1ـ حا تتفرتق ـ بمعنى انفضاض هذا التحالف بصورته الراهنة ـ بعد خسران الرهان على الجنجويد ؟

2ـ حا يسعوا إنهم يتبلدوا خلف لجان المقاومة وشعاراتها ـ رغم إنهم أول من سعى لعزل هذه اللجان عن العملية السياسية السابقة التي سبقت الحرب ؟

3ـ حا يستمروا كتحالف صغير وغير ذي قيمة وما في زول شغال بيهو أساساً ؟؟

4ـ حا يحاولوا اللحاق بانتصار الجيش ويحتلفوا مع الناس (المواطنين) بانتصار الجيش ـ وكأن شيئاً لم يكن ؟؟

5ـ حا يغتربوا في الامارات ؟؟

6ـ ما عارف حا يعملوا شنو

سلام يا الهادي
هناك اخبار بأنه يتم الآن صياغة وثيقة جديدة بدل وثيقة المحامين
يشارك فيها الجميع ما عدا المؤتمر الوطني برعاية السعودية وأمريكا .

جلسة اليوم في لجنة العلاقات الخارجية في الكنغرس عن السودان، أمنت علي إشراك كل أطراف ثورة 2019م في الحوار .. وهذا يعنى تضمين الحرية والتغيير.

بريمة

أكيد يا علاء انو ده الشيء الطبيعي انو يحصل طبعاً

وثيقة المحامين المشبوهة والتي أشعلت هذا الصراع قد تجاوزتها الأحداث

وقطع شك انو بيكون بقى في إدارك لخطل وعوار العملية السياسية التي سبقت الحرب الحالية وكانت سبباً في إشعالها.

بالنسبة للولايات المتحدة في لغة جديدة تجاه الأوضاع في السودان ظهرت في قرار بايدن بالسماح بفرض عقوبات على مسئولين في السودان عن زعزعة الاستقرار وفي خطاب السفير الامريكي قبال يومين

اللغة دي ما في صالح القوى المدنية بأي حال من الأحوال ـ اللغة دي فيها مكافأة للعسكرين للأسف الشديد وده ربما ( أقول ربما ) يكون واحد من أسبابه إدراك الولايات المتحدة لضعف القوى المدنية

(جلسة اليوم في لجنة العلاقات الخارجية في الكنغرس عن السودان، أمنت علي إشراك كل أطراف ثورة 2019م في الحوار .. وهذا يعنى تضمين الحرية والتغيير.)
يا بريمة شكرا لك على اهتمامك ومتابعاتك لكل ما يدور فى امريكا حول الوضع فى السودان

اشراك الكل ليست المشكلة. المشكلة في انهم لن يتفقو علي الحد الادنى و تبدأ الضربات تحت الاحزمة و احتماء البعض بعسكريين (شنو بحب خناقو) من جديد. المهم اتمنى ان كل الناس (سياسيين و مواطنين عاديين) استوعبو الدرس الذى اوصلنا الي هذه النقطة.
اذا بعد ده كلو و الناس رجعت لعادتها القديمة, تانى فى شنو ممكن يتقال!

خطوات أولى :
#الجنجويد ينحل
#كل المليشيات تسلم سلاحها ، عايزة تشتغل مدنى يشتغلوا، محاربى المليشيات (الفقراء محرقة الحروب)يمشوا مدارس ، او تأهيل ويشوفوا شغل تانى غير السلاح الأكبر من جسمهم دا
#العسكر للثكنات
#مدنية قرار الشعب
#معاقبة كل الجماعات التى أذاقت الشعب السودانى الجحيم
(ديل ما بشر) - الناس عايشة فى كابوس مخيف شوية عليه

يا بريمة لا أحد يطالب بإقصاء الحرية والتغيير

لكن أنا بقول أنو الحرية والتغيير (المجلس المركزي) هي الخاسر الأكبر (سياسياً) والأبرز من تداعيات ونتائج هذه الحرب وعلى كافة المستويات

يا ود ابا بريمة
انا اسا بسمع ما كملت و ح اسمع تاني

لم يشر للحرية والتغيير باسمها
بل الاشارة كانت لمنظمات المدنية
على ان تكون المشاركة اوسع مما كانت عليه
ولم يحجروا جهة باسهما او بغير اسمها
والحرية والتغيير
تاني يشموها قدحة
والباب مفتوح لصناع الثورة من الشباب
ليتقدموا الركب
اي سياسي قديم جديد
اي عسكري قديم جديد
كسب الحرب ام خسرها لن تكون له صولة في مستقبل السودان
هذا ما اجتمع عليه الناس حتى الان
حسب قراءتنا
والله اعلم

يا محجوب قولك:

Quote: اشراك الكل ليست المشكلة. المشكلة في انهم لن يتفقو علي الحد الادنى

هذا ما اشارت اليه ممثلة وزارة الخارجية في ردها على سؤال رئيس لجنة الكونغرس للشئون الخارجية
في اجتماع اليوم

Quote: الجنجويد ينحل #كل المليشيات تسلم سلاحها ، عايزة تشتغل مدنى يشتغلوا، محاربى المليشيات (الفقراء محرقة الحروب)يمشوا مدارس ، او تأهيل ويشوفوا شغل تانى غير السلاح الأكبر من جسمهم دا #العسكر للثكنات #مدنية قرار الشعب #معاقبة كل الجماعات التى أذاقت الشعب السودانى الجحيم (ديل ما بشر) - الناس عايشة فى كابوس مخيف شوية عليه

أهم شي لم تذكروه وهي الإنتخايات
من حق المواطن السوداني أن يختار من يمثله
لماذا يهضم حق ا لمواطن السوداني؟!
لا دمقراطية ولا عدالة بلا انتخابات
على الجيش الذي يعتبر حارث لأمانة
سيادة الوطن
أن لا يسلم سيادة الوطن
لكائن من كان بلا انتخابات
وليكون التسليم في أقصر مدة
بعد انجاز مهمة الانتخات التي ستنجزها
حكومة من تكونوقراط
ويحشد لها القانونيون والعلماء والحكماء
للتجهيز للإنتخابات
ولا يتعامل العسكر مع أي حزب
ولا يتفاوضوا إلا مع العلماء والقضاة
والقانونيين وعلماء الاقتصاد وغيرهم
لادارة الفترة الانتقالية التي لا تزيد على سنة أو
٩ أو ٦ أشهر تجرى فيها الانتخابات
ليختار الشعب من يحكمه
ولا وصاية لأحد على الشعب فالسودان وطن الجميع
والذي يظن أن الكيزان يريدون الانتخابات
فهو كذاب أو أحمق غبي