Post: #2
Title: Re: الدعم السريع يسقط طائرة ميج!
Author: محمود الدقم
Date: 05-02-2023, 03:51 PM
Parent: #1
Quote: بسم الله الرحمن الرحيم
قوات الدعم السريع
بيان هام
2 مايو 2023
تمكنت قوات الدعم السريع، صباح اليوم الثلاثاء، من إسقاط طائرة من طراز (ميغ) تتبع للقوات الانقلابية وفلول النظام البائد المتطرفة.
وشنت قوات الانقلابيين والفلول غارات بالطائرات، صباح اليوم الثلاثاء، على عدد من المناطق السكنية بالخرطوم تصدت لها قواتنا الباسلة بإسقاط طائرة من طراز (ميغ) ظلت تهاجم وتقتل المواطنين الابرياء في انتهاك صارخ لحقوق الانسان.
ستواصل قوات الدعم السريع في حسم أي تعدي من الانقلابيين على مواقع تمركز قواتنا أو مساكن المواطنين العزل وما النصر إلا من عند الله .
الناطق الرسمي باسم قوات الدعم السريع
#انقلاب15_ابريل
#معركة_الديمقراطية
#حراس_الثورة_المجيدة
#اشاوس_الدعم_السريع
|
|
Post: #3
Title: Re: الدعم السريع يسقط طائرة ميج!
Author: محمود الدقم
Date: 05-02-2023, 04:24 PM
Parent: #2
هذه الحرب اللعينة يجب ان تتوقف الان قبل بكرة
كل ظائرة تسقط هي ملك للشعب وليس لجيش البرهان علي كرتي
|
Post: #4
Title: Re: الدعم السريع يسقط طائرة ميج!
Author: Ali Alkanzi
Date: 05-02-2023, 04:29 PM
Parent: #3
يا الدقم
كأنك حزين؟
يا اخي الدعم (الصريع )
اسقط وطنا بالكامل
وتريدنا ان بنكي على طائرة؟
|
Post: #5
Title: Re: الدعم السريع يسقط طائرة ميج!
Author: هدى ميرغنى
Date: 05-02-2023, 04:38 PM
Parent: #4
سلام الاخوان محمود والكنزى~
من زمااان زعيم النهب المسلح يفتش على الطيارات وخاصة "السخوى" دى مزعلاه شديد
شوف حادثة الشاب الصغير قريبه دى من ٤ سنوات
Quote:
توفي الجمعه الماضيه الموافق ٢٠١٩/٥/١٧ م بإثيوبيا / صالح موسي عيساوي شقيق زوجة الفريق / حميدتي / آمنه موسي عيساوي ، أثناء تدريبات جويه لطيارين من الدعم السريع بإثيوبيا و تم نقل جثمانه بطائرة خاصه ليواري الثري بالخرطوم ،
و يأتي هذا الخبر في الوقت الذي ترددت فيه أخبار عن إرسال الدعم السريع لأكثر من ٢٠٠ ضابط أغلبهم من أقارب حميدتي لإثيوبيا لتدريبهم علي سلاح الطيران ، و تنوي الإمارات و السعوديه شراء طائرات حربيه لقوات الدعم السريع |
https://www.0zz0.com
|
Post: #6
Title: Re: الدعم السريع يسقط طائرة ميج!
Author: محمود الدقم
Date: 05-02-2023, 06:36 PM
Parent: #4
يا هدي، كلما ادخل القي عشرات من عناصر جيش البرهان علي كرتي اسري في قبضة الدعم السريع، قبل شوية فتحت صفحة الدعم السريع وجدتهم ناشرين فيديو سيطرتهم علي اللواء الأول مشاه البضم اكثر من ٧٠ دبابة، وجيش البرهان عندو ٣ ميج سقطن ٢ والباقي وحيدة، بعدين شايفك مغمضة عينك عن قصف الميج بتاع جيش البرهان اللمبارح حوالي مستشفي شرق النيل، واستشهد اكتر ٣ وقتيا واليوم ٩ كانوا في المستشفى، الدعم السريع كان برعاية وتمويل ما يسمي الجيش، يلا الكل الان بدفع في الثمن.
|
Post: #7
Title: Re: الدعم السريع يسقط طائرة ميج!
Author: محمد صديق عبد الله
Date: 05-02-2023, 07:37 PM
Parent: #6
بل السقوط هو هذا الكلام، أخي الدقم.
| Quote: ولم يتسن لـ"سكاي نيوز عربية" التحقق من صحة بيان قوات الدعم السريع، التي لم تقدم صورا للواقعة. |
لماذا تبثّ "سكاي نيوز" خبرًا لم تستوثق من صحته في المقام الأول ولم تجد له ما يعضّده من الصور؟
وهل تتوقّع من هذه المؤسسة أن تنشر اعتذارًا إذا ثبت فيما بعد أن ما بثّته غير صحيح؟ الإجابة: طبعًا لا.
|
Post: #8
Title: Re: الدعم السريع يسقط طائرة ميج!
Author: محمود الدقم
Date: 05-02-2023, 08:18 PM
Parent: #4
Quote: يا الدقم
كأنك حزين؟
يا اخي الدعم (الصريع )
اسقط وطنا بالكامل
وتريدنا ان بنكي على طائرة؟ |
كيف ما حزين يا شيخ الكنزي؟
الميغ السقطت اليوم الثلاثاء صباحا كما قال الدعامة خسارة لأنها كتلت مدنيين، وخسارة لانها سقطت وثمنها من مال الشعب.
|
Post: #9
Title: Re: الدعم السريع يسقط طائرة ميج!
Author: امتثال عبدالله
Date: 05-02-2023, 08:29 PM
Parent: #8
والله يا محمود انت يا دوبك جبت النجيضة والكلام المعقول : فعلا الطيارة الاسقطوها ناس الدعم السريع
من مال الشعب ..وفعلا علينا أن نحزن لذلك :
والله يديك الصحة والعافية ...
|
Post: #10
Title: Re: الدعم السريع يسقط طائرة ميج!
Author: هدى ميرغنى
Date: 05-02-2023, 08:32 PM
Parent: #8
يا محمود ~
إنت شايفنى الجيش خلاص عاجبنى لما أصفق ليه!
الشعب السودانى يواجه الأمرين الآن من جماعات النهب المسلح (يسمون نفسهم الدعم السريع/وأحيانا الدعامة)
الطيارات "ومبانى القيادة" يارب تكون فداءً لأرواح الشعب السودانى فى كل أرجاء الوطن
كله يتعوض ،و ليبقى انسان السودان آمنا سالما فى بلده.
#جماعة النهب السريع يبكوا ويتحسروا على الميج والسخوى فاكرين نفسهم حيورثوه
#ليخرجوا من ديارنا وشوارعنا ولا يجعلوا الشعب المسكين دروعا بشرية
… عليهم اللعنة
|
Post: #11
Title: Re: الدعم السريع يسقط طائرة ميج!
Author: امتثال عبدالله
Date: 05-02-2023, 08:39 PM
Parent: #10
ونحن من وراكي يا هدى بنردد : عليهم لعنتين والف لعنة : يبددون أموال الشعب
ويبددون ثروات ومعادن السودان النفيسة من ذهب وحديد ويبيعوها بابخس الإيمان
للامارات والى روسيا ...ثروات السودان تذهب سدى لانهم ما عندهم وجيع فأكثر من نصف
النهب السريع ليسوا بسودانيين ...ولا يهمهم مستقبل الوطن فوطنهم غير السودان ...
...اللهم لا نسألك رد القضاء ولكن نسالك اللطف فيه..
|
Post: #12
Title: Re: الدعم السريع يسقط طائرة ميج!
Author: محمود الدقم
Date: 05-02-2023, 09:51 PM
Parent: #10
السخوي والميج دي كان جيش البرهان علي كرتي بقصف ناس دارفور وناس النوبة وانصار البرهان في الاسافير كانو صم بكم عمي، والان النهب فيها كتايب الكيزان البلبسوا ملابس الدعم السريع ومطبلاتيةالبرهان السجمان عاملين فيها محايدين، وقلبهم مع علي وسيفهم مع معاوية.
الازدواجية ما حبابها ابدا، وتاني وتالت الطيارات البتقع حقت الشعب ومال الشعب من هنا حزننا واسفنا.
|
Post: #13
Title: Re: الدعم السريع يسقط طائرة ميج!
Author: هدى ميرغنى
Date: 05-03-2023, 02:12 AM
محمود الدقم كتب:
Quote: السخوي والميج دي كان جيش البرهان علي كرتي بقصف ناس دارفور وناس النوبة وانصار البرهان في الاسافير كانو صم بكم عمي، والان النهب فيها كتايب الكيزان البلبسوا ملابس الدعم السريع
ومطبلاتيةالبرهان السجمان عاملين فيها محايدين، وقلبهم مع علي وسيفهم مع معاوية.
الازدواجية ما حبابها ابدا، وتاني وتالت الطيارات البتقع حقت الشعب ومال الشعب من هنا حزننا واسفنا. |
#السخوى دا حميدتي يا محمود زعيم النهب المسلح شخصيا قال قبل يومين فى هضربة فضائية انه جابوا ليهم من روسيا😀
يعنى من زمنه داك متعهد!
#نحن ضد القتل والظلم والحرق والحرب فى أى مكان كان ، اما أنت ياهم ناسك زمان والآن
#الفرق بينا وبينك انه وعينا هو "الأعظم من قدر الإنسان هو الإنسان" وليست الطائرات او حيط القيادة العامة الزعلتك
#حزنك يمكن عشان متعهد الطائرات الوقعت هو زعيم النهب المسلح
لأنك انت نفسك قبل سنين سابقات كتبتَ "يعنى الا الناس ترمى طيارة حتى الحكومة تنتبه ليها…"
أها سمعوا كلامك!
|
Post: #14
Title: Re: الدعم السريع يسقط طائرة ميج!
Author: هدى ميرغنى
Date: 05-03-2023, 03:06 AM
Parent: #13
إمتثال العزيزة تحياتى~
Quote: ونحن من وراكي يا هدى بنردد : عليهم لعنتين والف لعنة : يبددون أموال الشعب
ويبددون ثروات ومعادن السودان النفيسة من ذهب وحديد ويبيعوها بابخس الإيمان
للامارات والى روسيا ...ثروات السودان تذهب سدى لانهم ما عندهم وجيع فأكثر من نصف
النهب السريع ليسوا بسودانيين ...ولا يهمهم مستقبل الوطن فوطنهم غير السودان ...
...اللهم لا نسألك رد القضاء ولكن نسالك اللطف فيه.. |
دايما صادقة يا عزيزة وكلامك فى الصميم، ينهبوا موارد بلدنا ويشتروا الأسلحة وياتوا بالعصابات لتدريبهم لقتلنا
#النهب المسلح نهب السفارة الهندية اليوم!
**الشعب السودانى العظيم يقف قويا عصيا فى وجه عصابات النهب المسلح وحلفائها
والكيزان وغيرهم
**ان قصر الزمن أو طال - الشعب سينتصر وحقه يرجع
#عليهم جميعا وكل من يساندهم لعنات كل المظلومين
|
Post: #15
Title: Re: الدعم السريع يسقط طائرة ميج!
Author: محمود الدقم
Date: 05-03-2023, 05:59 AM
Parent: #13
Quote: السخوى دا حميدتي يا محمود زعيم النهب المسلح شخصيا قال قبل يومين فى هضربة فضائية انه جابوا ليهم من روسيا😀
يعنى من زمنه داك متعهد!
#نحن ضد القتل والظلم والحرق والحرب فى أى مكان كان ، اما أنت ياهم ناسك زمان والآن
#الفرق بينا وبينك انه وعينا هو "الأعظم من قدر الإنسان هو الإنسان" وليست الطائرات او حيط القيادة العامة الزعلتك
#حزنك يمكن عشان متعهد الطائرات الوقعت هو زعيم النهب المسلح
لأنك انت نفسك قبل سنين سابقات كتبتَ "يعنى الا الناس ترمى طيارة حتى الحكومة تنتبه ليها…"
أها سمعوا كلامك! |
يا هدي يبدو أن البقر قد تشابه عليك تماما، كما تشابه الليل والنهار عندك ايضا، السخوي تابعة للجيش فرضا، وليس حميتي وناس البرهان علي كرتي، الطيارة دي سقطت وانا قلت قروش الطيارة الوقعت من جيوب ستات الشاي والشعب، دا اولا ، ثانيا انا ما عندي ناس ولا حزب ولابدعم مليشيا لكن اي جهة بتصفع لي الكيزان والمنافقين بتوعهم في الاسافير وبنافقوا انهم ضد قتل المدنيين فالجهة دي انا برفع ليها القبعة، وكونوا برفع ليها القبعة مش معاهم او بايدهم قلت الكلام دا من ٢٠٠٤ هنا في المنبر دا، ما تزايدي علي رجاءا، وما ممكن سيفك مع معاوية وقلبك مع علي.
للمرة الألف الدقم مع جيش واحد قومي ليهو هيبتو وضد المليشيات والتمليش راجعي بوستاتي هنا عام ٢٠١٣ و٢٠١٩.نقطة علي السطر.
|
Post: #16
Title: Re: الدعم السريع يسقط طائرة ميج!
Author: هدى ميرغنى
Date: 05-03-2023, 06:09 PM
Parent: #15
محمود الدقم كتب:
Quote: يا هدي يبدو أن البقر قد تشابه عليك تماما، كما تشابه الليل والنهار عندك ايضا، السخوي تابعة للجيش فرضا، وليس حميتي وناس البرهان علي كرتي، الطيارة دي سقطت وانا قلت قروش الطيارة الوقعت من جيوب ستات الشاي والشعب، دا اولا ، ثانيا انا ما عندي ناس ولا حزب ولابدعم مليشيا لكن اي جهة بتصفع لي الكيزان والمنافقين بتوعهم في الاسافير وبنافقوا انهم ضد قتل المدنيين فالجهة دي انا برفع ليها القبعة، وكونوا برفع ليها القبعة مش معاهم او بايدهم قلت الكلام دا من ٢٠٠٤ هنا في المنبر دا، ما تزايدي علي رجاءا، وما ممكن سيفك مع معاوية وقلبك مع علي.
للمرة الألف الدقم مع جيش واحد قومي ليهو هيبتو وضد المليشيات والتمليش راجعي بوستاتي هنا عام ٢٠١٣ و٢٠١٩.نقطة علي السطر. |
أبدآ لم يتشابه على البقر أو الجنجويد(النهب المسلح/الدعامة) حتى وان أتوا من بلاد غير السودان
- أما تشابه الليل والنهار قد حدث - نأسف لإزعاجكم يا محمود إنها الحرب القاتلة من غير صفارة إنزار!
لعنة الله على طمع النهب المسلح (الجنجويد/الدعم السريع) و المهوسين -تجار الدين - من الجهتين.
#ظهورك الاخير يوم ١٥ أبريل فى هذا الموقع كان تبشيرا بوقوع مطار الخرطوم "المدنى" فى أيدى النهب المسلح وتُقرأ التخريب الكامل للمطار وكل مافيه
وامعانا فى إذلال وتحقير من كان فيه وقتها من مسافرين ، اطفال، كبار السن …
#لكنك زعلت شديد على "السخوى" والميج وحيطان القيادة التى قام النهب المسلح وجيش الكيزان بقتل الشعب السودانى أمامها!
#إن الدقم مع ما يكتب وأقرأه - لا أعلم عن مواقفك اكثر مما تكتبه الآن وموقفك من هذه الحرب اللعينة…
|
Post: #17
Title: Re: الدعم السريع يسقط طائرة ميج!
Author: هدى ميرغنى
Date: 05-03-2023, 06:15 PM
Parent: #16
من بوست الإخ المحترم آدم صيام:
Quote:
عشرات الآلاف من مرتزقة الصحراء تم تجميعهم من: ليبيا , تشاد ,النيجر, الكاميرون ونيجيريا وأشرف على إرسالهم وزيران سابقان لدبي تم إرسالهم من تشاد في منتصف رمضان للسودان
لتأسيس مملكة دقلو التي بلا شك تحلم بضم كل الدول المذكورة أنفا لإمبراطورية (عرب القواسمةّّ!)
دبي نايم والمؤامرة من تحت رجليه, سلوا هلال للأكيدة؟
إنها خراب سوبا في نسختها الثانية يا سادتي!
|
|
Post: #18
Title: Re: الدعم السريع يسقط طائرة ميج!
Author: محمود الدقم
Date: 05-03-2023, 09:45 PM
Parent: #16
| Quote: #إن الدقم مع ما يكتب وأقرأه - لا أعلم عن مواقفك اكثر مما تكتبه الآن وموقفك من هذه الحرب اللعينة… |
موقف الدقم واضح:لا للحرب كان في السودان او في اي بقعة في الارض، لا يوجد عاقل سوي يملك مثقال ذرة من مشاعر يؤيد الحرب اللهم الا اذا فرضت عليه فرضا الدفاع عن النفس والعرض، الدقم يا سيدتي الفاضلة لا فرق عنده بن خراب القيادة العامة وسقوط السخوي كلها ممتلكات خاصة بالشعب السوداني المقهوووووورالدقم كتب عام 2019 وقبلها وبعد انه مع جيش وطني قوي لا يقبل بمليشيات وليس بجيش شبيه بخيال الماتا.الموضوعية ياسيدتي الكريمة هو انني كنت اتوقع منك نقد الجنجويد وكتائب البرهان علي كرتي، اما ان تتعاملي مع الكارثة مثل عازف الايقاع يضرب بعنف علي احدي الالات ويهمل الاخري فهذا لعمري في القياس بديع، لكن بالنهاية لك وجهة نظرك ولك قناعتك علي ان احترمها بينما انا اري ان قتل المدنيين من اي جهة كانت علينا ان لا نمرره ابدا والقاتل عليه ان يواجه قتيله في الدنيا عبر المحاكم قبل الاخرة، او كما قال الله سبحانه ومن يري مثقال ذرة شره يره.
|
|