قال قادة المعسكرات سلموا المعسكرات للجيش والمستجدين بكميات كبيرة فكوهم في المدن فك عشوائي بدون تنظيم ..
.. .. اللهم لاتمحنا ولا تبلينا
Post: #2 Title: Re: حميدتي قال الضباط andquot;خانوناandquot; كلهم، من � Author: عمر التاج Date: 05-01-2023, 04:51 PM Parent: #1
وقال برهان جند المجرمين الهاربين من كل القوات .. يا ربي ياتو قوات كانت "بترفت" منسوبيها عشان يجندهم برهان والكان بجند مرفوتين التاني منو؟ .. .. الراجل جن ول شنو يا جماعة؟
Post: #3 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 04:53 PM Parent: #2
وقال نحن بنقبض المجرمين وعندنا محكمة ميدان شغالة .. .. الله يستر على الأسرى والمواطنين البقعوا في يدهم .. القاضي الله يستر مايكون قاري "حجاب" والبوليس ان شاء الله مايكون بجلد بالكلاش
Post: #4 Title: Re: حميدتي قال الضباط andquot;خانوناandquot; كلهم، م� Author: Bashasha Date: 05-01-2023, 05:21 PM Parent: #3
اليس هذا صناعتكم، اداتكم، لاشعال محارق الابادة بالوكالة؟ إذا ده حاصل من المسؤول ياقلبي يازواحفي، ياجهوي، يانازي، يامندس؟
Post: #5 Title: Re: حميدتي قال الضباط andquot;خانوناandquot; كلهم، م� Author: Bashasha Date: 05-01-2023, 05:32 PM Parent: #4
Quote: دتي لـ«الشرق الأوسط»: نسيطر على العاصمة… ولا خوف من تدخلات خارجية تم النشر منذُ 20 ثانية
Post: #6 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:12 PM Parent: #5
أليس هذا من صناعتكم؟ هكذا سأل بشاشا والضمير في "كم" حسب تحليلي ل"نفسيات" بشاشا يعود للكيزان في لالحالة دي انا رجعت لواحد كوز وطرحت عليه سؤال بشاشا فرد قائلا : نحن زرعنا نواة حميدتي حتى أصبح تمرا والتمر حلال اما انتم فصنتعم من "التمر" خمرا والخمر و"التمرد" حرام غايتو الفائدة الوحيدة الطلع بيها البوست من حوارك انت والكوز.. هو ان اللقاء تم للشرق الأوسط اليوم ولو في ود حلال نزل الفيديو يكون ماقصر .. انا بنقل لكم الملخصات
Post: #7 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:17 PM Parent: #6
وقال نحن ماعندنا دبابات عندنا مدرعات وهي زاتها تعبانة وقديمه
.. .. غايتو ذكرني بمبررات الفرق السودانية بتاعة الكورة لمن تجي مهزومة ٦ صفر من برة الراجل ده ما فضل له إلا يقول كسبنا الاحتكاك وجائزة اللعب النضيف.
Post: #8 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:20 PM Parent: #7
قال نحن ضحايانا كثيرة اول حاجة ضربنا الطيران المصري
كراااااااع جاب ضقلها يكركب
شوية عدلها وقال ضربنا الطيران الأجنبي في كرري .. .. ههه اخير الأولى الطيران الأجنبي ده بتاع منو الضربهم ده، مايكون بتاع كتشنر ول فولكر؟
Post: #9 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:22 PM Parent: #8
قال قاعدين نفتح في المستشفيات الطرفية .. .. يا جماعة لو في زول بغرف مستشفى دقلو بوين يكلمنا .. بشاشا المتمرد او صاحبه السفيه اب سجارة ، معقول ماعندكم خبر؟
Post: #10 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:25 PM Parent: #9
قال للمذيعة انا اسه بتكلم معاك من تحت شجرة ..
.. .. ود اللزينا ماقلت ماسكين كل المواقع مواقعك دي غابة السنط ولا شنو؟
Post: #11 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 06:29 PM Parent: #10
أخيرا قال شرفاء القوات المسلحة الان بكتل فيهم برهان داخل القيادة العامة
.. .. طيب ماقلت القيادة العامة تحت سيطرتنا والبرهان مدسي في نفق مابقدر يطلع منه الشرفاء ديل بكتلوهم بحرارة الشمس ولا شنو؟ . . . انتهت أقوال المتمرد حميدتي الانكسارية ومافضل ليه الا يقول الزبااااإاادي أقصد الرووووووووووب
Post: #12 Title: Re: حميدتي قال الضباط andquot;خانوناandquot; كلهم، م� Author: كمال عباس Date: 05-01-2023, 06:48 PM Parent: #11
راشد عبد القادر
واضح و مباشر ومن حقك تقول لى النقطة دى غلط و ما حصلت لكن ما تجى تنطط لى ساكت.. ١/ الجيش دا من الدفعه ٣٩ اتحول لجناح عسكرى للحركة الاسلامية وبقى الدخول ليه عبر بوابة الحركة الاسلامية وقطاع الطلاب والهيئة الخيرية لدعم القوات المسلحة و مكاتب التأمين وبكدا اتنزعت منه العقيدة الوطنية واتحول لعقيدة حزبية يأتمر بامر التنظيم. ٢/ قيادات الجيش تم تدجينم من خلال الدعومات والاموال والكراتين والظروف البتجى مباشرة من التنظيم واتعلموا المصلحة الخاصة و المكاسب المادية. ٣/ الجنجويد ديل جابوهم ناس الحركة الاسلامية من الخلا *خطابات البشير قاعدة فى اليوتيوب* ودربوهم وادوهم امكانات ورتب وحولوهم لقوة ضاربة ٤/ الجنجويد ديل وتحت اعين الاسلاميين وقيادتم تم تحويلم لعملاء ومرتزقة للسعودية والامارات مقابل اموال كاش ٥/ كتير من ضباط الجيش دفعوا رشاوى ووساطات عشان يتم اعارتم للجنجويد ويغتربوا لليمن مقابل الدم اليمنى يفتحوا بيوتم و يصلحوا اوضاعم وياكلوا عيالم. ٦/ فاغنر وتهريب الذهب بدأ تحت اعين وطلب الحركة الاسلامية وخطاب البشير مع بوتن وطلب الحماية برضو موجود فى النت. ٧/ الجيش والجنجويد الاتنين معا وبكامل التنسيق مع قيادات امنية اسلامية كتلوا الثوار ونفذوا مذبحة القيادة ٨/ القوات دى تم تصميما لمواجهة بعض فى حال فقدان السلطة وانحياز احد الطرفين و ما تم تاخير الانفجار دا الا لان قوى الثورة قبلت بيهم رغم وسخم بظن انها ممكن تعمل على اصلاحم واعادة الضبط ٩/ طوال ما بعد الثورة ظلت المنظومتين بالاتفاق مع كوادر الحركة الاسلامية تعمل على تأجيج الاوضاع وتأزيم الموقف وتعطيل القضاء والنيابات والزحف الاخضر والاسود وحتى قفل الطريق القومى والميناء وتهديد الامن القومى من جهات كان مفترض توعى انها كمؤسسات واجبا تحفظ الامن القومى لكن دا ما كان اهتماما اصلا لانها فقدت وجهتا منذ ١٩٨٩ ١٠/ القول انه الجيش ما كله كعب ما بينفى انه الجنجويد برضو ما كلهم كعبين لكن الكويسين ديل ما بينفعوك ولا حموك ولا عندهم مانع انهم يقتلوك ويسحلوك لو القيادة ادتم امر بذلك لانهم بيعتبروا التعليمات واجبة التنفيذ بتاع الجيش بيقتلك عادى زى بتاع الجنجويد طالما ادوه تعليمات بذلك ١١/ الجنجويد عملاء للامارات والروس والجيش ما عنده مانع يكون عميل لاى جهة وتنسيقه مع مصر والامارات والخليج ضد الثورة كان واضح من اول يوم.. ١١/ الاسلاميين صنعوا الوضع السيئ دا ودعموه وساقوا ليه سواقه وكانوا بيظنوا ان القصة يشيلوا الثوار وتعود ليهم السيطرة ما فرق معاهم كتل الثوار ولا قفل الطرق القومية ولا مذبحة القيادة وما كان فى اى كلام عن وطنية طالما الموت والخراب بعيد منهم هم لكن اولاد الناس الاخرين يموتوا وبناتم يغتصبوا ما عندهم اييي مشكلة. ١٢/ الاطراف دى كلها اتأمرت لحدى ما وصلت لاعتصام الموز وقايلين كدا الامور بتستتب و ما فاهمين ان قوى الثورة كانت هى العازل بين بنزين الجيش ونيران الجنجويد لكنهم اصروا على الجمع بيناتم بدون حاجز فى النص. اي اسلامى دعم الوضع القذر دا وساهم فى صناعته وعاوز ينكر الاسباب الاساسية وتاريخ الازمة والتأسيس ليها وعاوز يكلمك عن الوطن والوطنية ويتفلهم ليك مفترض تديه بالجزمه فى وشو ١٣/ البرهان والقيادات القاعدة دى طبلت للجنجويد وسلمتم معسكرات ومعدات و٣٠% من التصنيع الحربي مكافأة التآمر على الثورة السودانية وقت الشباب بيهتفوا العسكر للثكنات والجنجويد يتحل فى اكبر تهديد للامن القومى. ١٤/ ما عندك جيش عندك مليشيا الاخوان البرهان *كباشى ياسر العطا والاخرين* زى ما عندك مليشيا الاخوان دقلو والطرفين اوسخ واتفه من بعض وغرقانين فى العمالة والارتزاق والحرب اساسا لصالح الامارات روسيا مصر وغيرم.. انت ثوري تدعم الجيش ما ح اقول عليك خاين لكنك راجى حيطة مايلة وكلاب سعرانه ومجرمين تدعم الجنجويد ما ح اقول عليك خاين لكنك راجى حيطة مايلة وكلاب سعرانة ومجرمين.. لو علي يتهزموا الاتنين و ما يفضل فيهم طفاى النيران.. العاوز يفكر فى المستقبل وتوقيف الصراع لازم يكون مدخله ذهاب كل الرؤوس المجرمه كلللهم برهان وكباشى وياسر العطا وحميدتى والبقية ومحاسبتم واعدامم واعادة *تأسيس* جيش لا دمج لا اعادة تسريح دى كيانات فاسدة و ما بتتصلح لازم تأسس من جديد. طالت ولا قصرت الحرب ح تقيف لان الكيانين اتفه من بعض واضعف من بعض ولا قيمة لهم و ح يوصلوا لنقطة الانهاك الكامل قريب جدا.. وابدأ من الان اشتغل على خيارك الوطنى النابع منك من وطنك لا امارات بيفيدوك لا مصر بتفيدك لا اسرائيل لا اى كيان العالم كللله علاقتو بيك مصلحتو بس و ح يشيل منك شنو وفى اول شرارة بيجروا منك يسوقوا ناسم و يخلوك للحريق..
Post: #13 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-01-2023, 09:07 PM Parent: #12
جميدتي عايز يقولكم نحن خلاص انتهينا بس انتو ماتنسوا تذكروا وقوفي مع البتاع الديمقراطي الانتو غشيتوني بيه داك
Post: #14 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-02-2023, 04:46 PM Parent: #13
لقاء حميدتي في قناة الشرق بالأمس تشير كل الدلائل أن الرجل أقر بالهزيمة واعترف بها ولم يبق له سوى الاستسلام أو الخروج الآمن..
Post: #15 Title: Re: حميدتي قال الضباط andquot;خانوناandquot; كلهم، م� Author: عمر التاج Date: 05-02-2023, 04:48 PM Parent: #14
Post: #16 Title: Re: حميدتي قال الضباط andquot;خانوناandquot; كلهم، م� Author: محمد صديق عبد الله Date: 05-02-2023, 06:52 PM Parent: #15
هناك ضعف واضح في أداء المذيعين، الذين استضافوا حميدتي والبرهان وغيرهما من الشخصيات المهمة في هذا الظرف الاستثنائي من تاريخ بلادنا. لقد فوّت هؤلاء المذيعون فرصًا عظيمة لاستنطاق ضيوف بهذا القدر من الأهمية والخروج منهم بالجديد المفيد، بل إن بعضهم سأل أسئلة ساعدت الضيوف في تغذية دعايتهم ولم تضف كثيرًا لما هو متداول في الوسائط.
إليكم هذا التحليل الجميل من الإعلامي النابه زرياب محمد صديق عن المقابلة التي أجرتها قناة "الشرق" مع حميدتي.
------ من يريد إطلاع تلامذته والممارسين الجدد على أسوأ أداء في إدارة حوار تلفزيوني، فليستمع إلى مقابلة قناة الشرق مع حميدتي، اليوم غرة مايو ٢٠٢٣.
منذ السؤال الأول، يظهر ضعف التحضير وقلة استشعار أهمية المقابلة، في وقت يتابع فيه كل العالم وينتظر تصريحات البرهان - حميدتي. هل رأيتم مقابلة تبدأ بسؤال مستقبلي أو تبحث الحلول؟
بالاستماع إلى المقابلة، لا تجد لها أي نسق. لا يوجد تسلسل زماني (مثلا كيف بدأت الأمور؟ ما الواقع؟ ما المستقبل؟)، ولا تسلسل موضوعي (مثلا الأوضاع الشخصية؟ الأوضاع الداخلية؟ الأبعاد الدولية)، ولا نسق جمع المتشابهات.
جاءت الأسئلة مباشرة وخالية من تقنيات الاستجواب التي ينبغي أن يتدرب عليها الإعلاميون استعدادا لفرصة كهذه. وهي تقنيات تتقاطع مع علم التحري الشرطي والاستقصاء القضائي والتحقيق الجنائي، يستخدمها الإعلامي لاقتلاع الحقائق. منها السؤال الالتفافي، والسؤال الذي لا يحتمل سوى إجابة واحدة، والسؤال الذي يحفز على الاسترسال، والسؤال الاستفزازي، والسؤال لانتزاع موافقة ضمنية، وأسئلة كشف الاتساق/ التضارب في الإجابات، إلخ...
معظم الأسئلة التي طرحت كانت أسئلة تاريخية تجاوزها الظرف، توقيتها هو أيام الصراع الأولى وليس الآن. بل معظم الأسئلة طرحت في وقت سابق مع فضائيات أخرى. وهذا يعني ضعف المتابعة، وضعف البصيرة، وعدم القدرة على استقراء المعلومة المفقودة، وغياب ملكة التحليل الإخباري لدى المذيعة.
عقلية المذيع المواطن البسيط كانت هي الغالبة. صحيح أن على الإعلامي طرح أسئلة الناس، لكن ليست كل أسئلة وإشاعات الناس مهمة. على الإعلامي أن يكون بسيطا في اللغة، لا في الفهم والاستجواب.
وبالإمكان تعميم هذه الملاحظة على الحوار الذي أجراه حميدتي أيضا مع تسابيح أيضا على سكاي نيوز قبل أيام، مع تخصيص ملاحظة تتعلق بإطالتها في الأسئلة، واحتواء كل سؤال على سؤالين أو ثلاث؛ وهو ما يكون خصما على وقت الضيف ويمنحه حرية الإجابة عن السؤال الأسهل في نفس الوقت.