Post: #1
Title: رسالة مفتوحة للخارجية الامريكية والكونغرس الامريكي عبر هذا الموقع
Author: Elhadi
Date: 04-30-2023, 03:54 PM
Parent: #0
03:54 PM April, 30 2023 سودانيز اون لاين
Elhadi-
مكتبتى
رابط مختصر
إذا أردتم خير للشعب السوداني
وإذا أردتم جهد سياسي حقيقي يصب في مصلحة استقرار السودان وحل سياسي مستدام وتمثيل حقيقي للشارع والشعب السوداني
عليكم مراجعة السياسة الامريكية تجاه السودان خلال السنوات الثلاثة أو الأربعة الأخيرة فيما يتعلق بالاعتماد على تحالف قحت كممثل للقوى المدنية في السودان
هذا التحالف السياسي لا يمثل سوى أفراد ومجموعات صغيرة جداً من أصحاب المصالح والمطامع، ومعزول تماماً من الشارع السوداني وليست له تأثيرات كبيرة بهذا الشأن وهذا ما وضح طوال الفترة الماضية
|
Post: #2
Title: Re: رسالة مفتوحة للخارجية الامريكية والكونغر
Author: عمر التاج
Date: 04-30-2023, 05:42 PM
Parent: #1
اتفق معك يا هادي
قحت مجرد ظاهرة صوتية لا وجود لها على أرض الواقع
شغالين بنظام الصفائح الفارغة تصدر ضحيج أكثر ومعتمدين على دعم السفارات
الا ان الشارع كشف عجزهم وضعفهم وهوانهم على الشعب
|
Post: #3
Title: Re: رسالة مفتوحة للخارجية الامريكية والكونغر
Author: كمال عباس
Date: 04-30-2023, 06:00 PM
Parent: #2
الصحاف والكوز عمر التاج
لاتشوش لأصحاب علي الفكرة
الشعب السوداني قال كلمته في نظام إنقاذك ولاعودة لعقارب الساعة للوراء
أنتم خارج المعادلة
وحتي القتلة برهان وحميدتي ـ ناكرنكم
حميدتي ينبذ برهان بانو كوز وبرهان يقول حميدتي صنيعة كيزان
الزول لما يكون داير ينبذ زول وينفر الناس منو بقول ليهو ياكوز
أما قحت فيكفيها من السوء شراكتها مع القتلة برهان وحميدتي بعد المجزرة
|
Post: #4
Title: Re: رسالة مفتوحة للخارجية الامريكية والكونغر
Author: عمر التاج
Date: 04-30-2023, 06:42 PM
Parent: #3
صاحب البوست هو الهادي ياكمال احسن تركز معاه .. انا مجرد متداخل
ولا بقيت مابتشوف في مداخلات المنبر كله الا انا .. ههه
وبعدين يا اخ لقب صحاف ده فخر بالنسبة لي ، ماتفتكره سبه
الصحاف لما كان الصوت الأعلى ضد التدخل الامريكي كان خصومه هم العملاء العايزين يدمروا العراق ويوصلوه لمرحلة اللا دولة
الصحاف لما كان بقول للغزاة علوج، كان امثالكم من العراقيين ينتظرون سقوط صدام ليحكموا هم على أشلاء الجيش والشعب
الصحاف لما كان بدافع عن الجيش العراقي الكان أقوى الجيوش العربية حينها
كان العملاء يضحكون على بياناته وتصريحاته ويصفونها بالسلامة دعما للامريكان .. والان هم الضحايا
نفس سيناريو السودان الان، ولكن جيش السودان يختلف ، وشعب السودان يختلف، وصحاف السودان يختلف
وعملاء السودان واضحين وباينين، تعرفهم من لحن القول و"تقية" الفعل .
| Quote: حميدتي ينبذ برهان بانو كوز وبرهان يقول حميدتي صنيعة كيزان |
وأتت رايك شنو يالمبروك؟
هل البرهان هو الكوز ام حميدتي هو الكوز ام الكوز هو الذي يقاتل الكوز ام الاثنين كيزان؟
شفت المتاهة البدخلوك فيها الكيزان لما تهضرب بهم..
وهل البرهان هو الانقلب على قحت ومن ثم انقلب على نفسه ام حميدتي هو الانقلب على الاثنين ام في كوز في نصهم ؟
حاتجوط والله ياكمال وحاتضيع بين المواقف اذا ما طلعت فوبيا الكيزان من راسك ..
ويمكن بعد عشرة سنوات تفهم انك كنت بتضيع في تخميناتك ساكت
وتكتشف ان الكورة دي متدردقة براها جوة البلد
والكونترول كله من خارج السودان ..
لا كيزان ولا قحاتة ولا شياطين هم "الشوتهم" مؤثر فيها ..
أو كما فهم صاحب البوست.
|
Post: #5
Title: Re: رسالة مفتوحة للخارجية الامريكية والكونغر
Author: كمال عباس
Date: 04-30-2023, 06:58 PM
Parent: #4
تاليف واخراج اسحق فضل الله
ونشر وتوزيع. الصحاف عمر التاج !
قحت. عارفة انو برهان غير مستساغ. ولا مهضوم من اغلبية الشارع
وانو الشعب برضو فاقد الثقة في قيادة. الجيش وبرهان
- وانو. التحالف. بالجملة. مع اللجنة الامنية. كان كارثة علي قحت فكيف تتحالف بالقطاعي مع طرف منهم ؟
فليذهب. حميدتي وبرهان وقادة الكيزان للجحيم
ولتذهب. قحت. لمقاعد. المتفرجين. تصفق للعبة. الحلوة
ويبقي الشعب وتبقي الثورة والثوار
|
Post: #6
Title: Re: رسالة مفتوحة للخارجية الامريكية والكونغر
Author: Elhadi
Date: 04-30-2023, 10:22 PM
Quote: ولتذهب. قحت. لمقاعد. المتفرجين. تصفق للعبة. الحلوة
ويبقي الشعب وتبقي الثورة والثوار |
نعم هذا هو المطوب وهذا هو الصحيح
بعد الفشل الذريع الذي لازم هذا التحالف الفوضوي وبعد اتضاح انهم لم يكونوا سوى عبارة عن مجموعات مصالح ليس إلا همهم الأوحد هو كراسي السلطة بلا مقابل من الطرف الآخر
البلاد في حاجة إلى تحالف مدني جديد على أنقاض تحالف قحت
|
|