Post: #2
Title: Re: عثمان موسى، الرحيل المر!!!
Author: Biraima M Adam
Date: 04-27-2023, 00:40 AM
بعد عثمان صار المنبر بلا طعم .. اللهم تقبل عثمان في الفردوس الأعلي شهيداً يا رب العالمين.
بريمة
|
Post: #3
Title: Re: عثمان موسى، الرحيل المر!!!
Author: عبدالمنعم الطيب حسن
Date: 04-27-2023, 08:46 AM
Parent: #2
في صيف1990؛ اثناء عودتنا من مصر الإجازة السنوية
كان عفش واغراض صاحبنا وزميلنا كمال الطاهر الذي هو من اهل
الزيداب وبنزل في الدامر..
كان القطر على وشك التحرك نحو الجنوب من عطبرة
ولم يظهر كمال الطاهر حتى لحظتها
قرر الطلاب سريعا انو حاجات كمال دا تنزل هنا
واقترحوا ان انزل معاها لأنو كنت وقتها الطالب الوحيد في السفرية
الذي بنزل في محطة قبل الخرطوم..
وقد كان..
جاء كمال بعربية من الدامر ومشينا بيت ناس عمه أكرم ناس والله
وقعدت يومين أكل وشراب ونوم وبالليل النادي،
وبعد داك مشيت بالبص جنوبا ونزلت في حلتنا
ولكن ذلك موضوع اخر..
البيت النزلنا فيه في الدامر دا بيت عم عثمان موسى
وكمال الطاهر ود عم عثمان موسى
وبين الزيداب والدامر بحر،
،،
والسودان دا ضيق وعشان كدة الحزن فيه كبير وطويل وممتد،
ويا حزني عليك يا صديقي عثمان موسى..
..
ما مصدق الخير والآن حتى الان
ولكنها الاقدار
|
Post: #4
Title: Re: عثمان موسى، الرحيل المر!!!
Author: ابو جهينة
Date: 04-27-2023, 01:04 PM
Parent: #3
رحمه الله رحمة واسعة وغفر له واسكنه فسيح جنانه وألهم ذويه ومحبيه الصبر الجميل
|
|