أقرأ الكلام ده بتمعن عشان بعدين ما تقول ما عارف # كتب حسن عابدين

04:43 PM April, 26 2023

سودانيز اون لاين
زهير ابو الزهراء-السودان
مكتبتى
رابط مختصر

أقرأ الكلام ده بتمعن عشان بعدين ما تقول ما عارف 👇

كتب Hassan B. Abdeen

بعيدا عن المياعة وحنك طلعوا زي ما طلعوا الثوار عشان مافي موية وبتاع
هو بيان رقم واحد
بيان واضح بتعليمات واضحة
واختيار هارون فقط للتفشي الذي بينه وحميدتي من عداوة وكراهية
الصورة امامي أوضح ما تكون وهي تكرار لسيناريو فض الإعتصام تخطيط وتنفيذ الكيزان بمعاونة كيزان الجيش
اجازات لبعض الشرفاء ثم الترتيب مع كتائب الظل والكيزان داخل الجيش بدون علم القوات المسلحة والإنقضاض على الجنجويد
كان الهدف المشترك للبرهان والكيزان التخلص من عبء الإطاري وفي تقديرهم أن حسم الجنجويد سيكون خلال ثلاثة ساعات ويعلنوا حالة طوارئ وبعدها حكومة تصريف أعمال من كيزان الصف التاني والبرهان رئيس طبعا

ولأنه الجيش ماعارف شي بعد تلاتة ساعات كانوا الجنجويد جوه القيادة والبرهان محاصر
جاطت حساباتهم وشرفاء الجيش كان طبيعي يقيفوا في وش المليشيا وهم عارفين تماما انو دي ما معركة الجيش بس شرف الجندية حتم عليهم مواجهة الجنجويد
وللاسف وقفوا بدون قيادة عسكرية لأنه قرار الحرب مدني كيزاني
تمددت المليشيا واحتلت العاصمة وأصبح الجيش محبوس في كم طيارة صاروخ في الجنجويد وتلاتة صواريخ في شعبنا
ولأنه المليشيا كانت عندها معلومات وجاهزة بقى حسمهم أمر عسير وبالعكس بقى البرهان رايح وكل المواقع بتقع في يد الدعم السريع واحدة بعد التانية
الكيزان لقو الشغله جاطت وخطتهم ضربت ولقو المليشيا ماشه متقدمة في الأرض ، طوالي مرقوا ناسهم وكعادتهم بالغدر ما شاوروا البرهان باعتبارهم حاكم حقيقي للبلد ، ومرقوا ببيان فيهو توجيهات واضحة
وطبعا اي زول بفهم كان واضح ليهو الأمر
لأنه لا يعقل نلقى الناس الكتلوا جنود القوات المسلحة في سبعة ابريل بقاتلوا معاهم في خندق واحد وبنشروا صورهم كمان ويقولوا بل بس والجيش كرب !
زول عينه على الكتل أ. احمد الخير بخابور وكتل محجوب التاج بكاتل بكاكي الجيش ويقول ليك الجيش كرب !
ويشهد الله الجيش كان نايم شوف عيني لما المليشيا دخلت القيادة زول وراهم ساي انو في ضرب في المدينة الرياضية مافي ! وبجي وقت نحكي الحصل

الآن الأمر تعقد تماما والتدخل الخارجي وارد بنسبة كبيرة ودي كارثة
والحرب الأهلية اقرب ما تكون
لأنه هارون الجاب قواته تضرب الاعتصام بعد سته ابريل واتصدوا ليهم شرفاء الجيش هينزل بكرت جهوي وممكن يتحالف مع هلال ويخطط ليهم قوش وسبحان الله هم ذاتهم البينهم والجيش دم هيعملوا فيها داعمين الجيش
يبقى في تقديري ما لم يكون شعبنا محظوظ ويحصل خلاف بين البرهان والكيزان وينتهي بتفاوض مع حمدان
او يتدخلوا شرفاء الجيش ودي عاوزة حسابات دقيقة جدا
الخطر الحقيقي الان على الجيش نفسه لأنه الكيزان ما عندهم مشكلة يقسموه ويقسموا البلد
وفي خيار ضعيف جدا انو يرتد عليهم تخطيطهم وتتحقق نبوءة أ. محمود ويقتلعون من أرض السودان اقتلاعا بس هيكون دا بشكل دموي
وفي كل الأحوال حكم ليهم تاني مافي

الناس تخلي بالها هيكون في رصد واغتيالات بس ما اعتقد يكون في اعتقالات حاليا لأنهم ما قادرين يدخلوا القيادة والمطار والقصر خلي يجو يعتقلوا زول
والناس تخلي بالها من أقنعة بدت تتكشف وتقع وقادر الله ناس المزرعة والبناء القاعدي ولا للأحزاب الاعمى شايل المكسر وماشين بيت الضيافة منظومة خالفه زي المنظومة
وكلو لمصلحة شعبنا
وربنا يلطف بشعبنا وبلدنا

#لا_للحرب

اسمعني يا مين كدا عابدين،
و بعد وجغتك الكتيرة دي الغنم البياكلن
في دلاقين الكوشة فاهماتنها، خالد الود
عالم ظاط و حال لينا الظرة.علا تعال ورينا
إت وين موقعك جوة هذا الفتيل، أها واقف
مع جيش بلدك بي هربيسو ، و لا راكب موجة
«حمدان الخوف الكيزان». جاوب بالله.