سوال للاجابه الكلاكله ... باى ذنبت قصفت

10:53 AM April, 25 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

والله من امس شفت مليون فيديو ومليون مره
فتشتت عن سبب قذق الكلاكله بالله ل فى زول عارف ليه
يقول لينا
مش مفروض قبل الضرب يكون فى ناس يجيبوا المعلومه الصاح
ولازم يكووا ناس صادقه
لانو ممكن اى زول عندو مشكله ع زول يبلغ عليه ويقول انو تجمع ولا بيت دعامه وتكون الخساره اكبر والله
افيدونا بالله عليكم

ول أبا مصطفي نور
تحية طيبة ..

يبدو الطيار ما سوداني .. وأخطأ في قراءة الإحداثيات ..
أهل الكلاكلة .. سيكونون مع الموؤدة .. التي سئلت
من توفي منهم شهيد بإذن الله.

هذه إبتلاءات من الله .. والمؤمن ممتحن في إيمانه .. نسأل الله أن يثبتنا علي الأيمان في الشدة والرخاء

بريمة

بريمه
ا
خوى الغالى ربنا يسلم الاهل والشعب السودانى يارب تحليل منطقى والله معقول ياخى روح السودانى بفيت رخيصه للدرجه دى تقتتل وتقذف طيران ولاتعرف من ضربت ومن قتلت

ول أبا، والله نحن شفنا العجب العجاب ..

وبعدين أنا ما عارف حتى الأن لم تعلن الخرطوم منطقة عمليات عسكرية .. هل تصدق لو أعلنوا الخرطوم منطقة عمليات عسكرية، تانى ولا صحفي واحد يستطيع أن يلتقط صورة أو يقول أي كلام ..
وإذا فعل يحاكم بقوانين عسكرية وليس مدنية .. هى تقويض الأمن العام .. والله تشوف أسوأ وأقبح جريمة قدامك ولا تقول بغم ..

وبعدين توقفك نقطة تفتيش .. ويأخذوا أقوالك وتمشي خطوتين توقفك النقطة التي تليها .. وهم يكونوا أرسلوا كل أقوالك .. لو غلطت قلت النقطة الفاتت سالتني أو فتشونى .. تأخذ رفستين تلاتة بمؤخرة البندقية .. يقولوا ليك تورينا شغلنا ..
والله يحفظك من نسيان شيئ من أقوالك أو لا تقع في الخطأ.. ينزلوك في منطقة خلوية ويقولوا للبص يمش .. بعد يفوت يتركوك في الخلاء .. عذاب ..

يعنى إما الناس تسكت أو حينما يفيض كيلك تشيل سلاحك وتنضم لطرف .. وهذا ليس بحل.


اللهم ألطف بالشعب السوداني.

بريمة