الآن وعى أهل شمال السودان والعاصمة المثلثة ومدن آخرى ماذا تعني الحرب

07:43 AM April, 22 2023

سودانيز اون لاين
Ali Alkanzi-Sudan
مكتبتى
رابط مختصر

ألان وقد فهمنا الدرس
ووعينا
ماذا تعني الحرب
مرة المذاق
مرة التعايش
مرة النتائج
وقديماً قيل:

ليس من رأى كمن سمع

لهذا ان شاء الله ستكون هذه آخر حروبنا الأهلية في السودان
لهذا نقول:
ارضا سلاح
وليس من الممكن أسوأ مما كان

Quote: ألان وقد فهمنا الدرس ووعينا ماذا تعني الحرب مرة المذاق مرة التعايش مرة النتائج وقديماً قيل:

يا علي
اهل الشمال الحرب خابرينها تب
اسأل عننا كورتي الاولى وكورتي الثانية والقيقر والكربكان
اسال الجيش المصري الكان معظم جنوده حتى عام 1956 من شمال السودان
لا زال جلهم يتسلم راتب تقاعده حتى الان من وزارة الدغاع المصرية
اسأل السودانيين الساكنين عين شمس من زمن فاروق
اسأ الدياشة كلمة سنجك تعني شنو ؟
والله الحرب ان بقينا نحن ما نسا وريني ناسا وين؟
احنا بنتعامل مع الحرب زي تعاملنا مع الزراة
ولا بتهز فينا شعرة

Quote: يا علي اهل الشمال الحرب خابرينها تب اسأل عننا كورتي الاولى وكورتي الثانية والقيقر والكربكان اسال الجيش المصري الكان معظم جنوده حتى عام 1956 من شمال السودان لا زال جلهم يتسلم راتب تقاعده حتى الان من وزارة الدغاع المصرية اسأل السودانيين الساكنين عين شمس من زمن فاروق اسأ الدياشة كلمة سنجك تعني شنو ؟ والله الحرب ان بقينا نحن ما نسا وريني ناسا وين؟ احنا بنتعامل مع الحرب زي تعاملنا مع الزراة ولا بتهز فينا شعرة

لعن الله الحرب أيا كان نوعها، مرتزقة للأجنبى المصرى او لغيره ..
الحرب ياها الحرب، المنتصر فيها خاسر.
اي حرب قامت بها مصر ضد السودان هى حرب لإستغلال أهلو وموارد.
السودان من أتعس دول القارة الأفريقية كون مصر تكون جارته.
.

سلام عليك اخ جمال
وكل عام وانت بخير
لا شك ان في تاريخنا من تذوق مرارة الحرب واثارها
ولكن ما رميت له
هي الحروب الاهلية الحديثة
التي اكتوت بها
جنوب السودان
دارفور والنيل الازرق
وجبال النوبة

فعرفنا بالواقع ومن الواقع
ماذا تعني الحرب

Quote: لعن الله الحرب أيا كان نوعها، مرتزقة للأجنبى المصرى او لغيره .. الحرب ياها الحرب، المنتصر فيها خاسر. اي حرب قامت بها مصر ضد السودان هى حرب لإستغلال أهلو وموارد. السودان من أتعس دول القارة الأفريقية كون مصر تكون جارته.

مستغرب ليه يا ابو حميد
واحد وقف في يوم من الايام والتلفزيونات تنقل على الهوا مباشرة وقالينا انا ممكن اخلي الخرطوم دي غير الكدايس ما فيها شيء
سكتنا وما قلنا شيء
وريناه انو نحن ناس ما بنخاف من الحرب والحرب كان قامت اول شيء الحجاز بنديه عكاز..
حاولت قواته في قري تهين المواطنين طاردناهم بالعكاكيز
لكن ما فهم انونحن الحقارة ما بندورها
جاي دلوكت يلعب معانا لعبتوا الكان بيلعبها مع الناس
دايرنا نعن نلعن الحرب
كان اولى بيه يلعنها هو

اخ منصور
شكرا لحضورك هنا
وممتن لذلك
اعذرني ان قلتُ لك لم استوعب المداخلة ومراميها
ولكني اتفق مع القول:الذي جاء في جزء منها:

Quote: لعن الله الحرب أيا كان نوعها، مرتزقة للأجنبى المصرى او لغيره .. الحرب ياها الحرب، المنتصر فيها خاسر

وحقيقة
هدفي من هذا الطرح هو الاعتذار واسفي (سافي التراب)
لابناء بلدي دولة جنوب السودان حاليا دارفور جبال النوبة والنيل الازرق
لاننا حقيقة لم نستوعب معاناة اهل تلك المناطق لاثار الحرب التي وقعت تحت اسرها
لسنوات عددا

والجمرة بتحرق الواطيها
وليتك تفصح اكثر
واكرر شكري لحضورك هنا

اخونا علي
المقتبس ده ما حقي لو بقيت قاصدني باسم منصور
الكلام المقتبس دع بتاع محمد ادم
وهو زاته ما فهم كلامي كويس وبيتكلم عن مرنزقة مصر
وانا بتكلم عن قوات كانت تحمي مصر منذ زمن محمد علي باشا فيها شماليين ونوبة من جبال النوبة
الحرب يا علي اخوي ما بندورها لكن لمن تتفرض ما بناباها
العيش بكرامة ولا الاهانات البنسم فيها من قائد مليشيا
بعدين ما في مشكلة نضوق الضاقوه اخوانا في الوطن
زي ما عانوا الفور والنوبة والنيل الازرق نحن كمان ناخد حقنا ما فيها شيء نوع من المساواة وكده
حتى لا يروع المواطنين مرة اخرى
لو مشينا دي بكرة كل واحد صعلوق يجي ناطي لينا ببندقية
الله لا كسبك يالبشير
الله لا يكسبك يالبشير
الله لا يكسبك يالبشير

في قولك ادناه نلتقي

Quote: لحرب يا علي اخوي ما بندورها لكن لمن تتفرض ما بناباها العيش بكرامة ولا الاهانات البنسم فيها من قائد مليشيا بعدين ما في مشكلة نضوق الضاقوه اخوانا في الوطن

Quote: يا علي اهل الشمال الحرب خابرينها تب اسأل عننا كورتي الاولى وكورتي الثانية والقيقر والكربكان اسال الجيش المصري الكان معظم جنوده حتى عام 1956 من شمال السودان لا زال جلهم يتسلم راتب تقاعده حتى الان من وزارة الدغاع المصرية اسأل السودانيين الساكنين عين شمس من زمن فاروق اسأ الدياشة كلمة سنجك تعني شنو ؟ والله الحرب ان بقينا نحن ما نسا وريني ناسا وين؟ احنا بنتعامل مع الحرب زي تعاملنا مع الزراة ولا بتهز فينا شعرة

سلامات شيخنا علي و سلامات اخونا المنصوري ..

اجيال كثيره لا تقرأ كلامك و تستوعبه او حتى تشعر به .. فقط مجرد تاريخ في ذاكرة البعض و في بعض كتب التاريخ ..
و حتى ان استوعبوه .. فتلك حروب واضحة ..
الاجيال الحالية التي رأت و سمعت ( في اجهزة الاعلام المرئي و المقروء و المسموع ) ما حدث في الجنوب و الغرب من دمار و موت .. و من حروب لا مغزى منها سوى التطهير العرقي ..
الان فقط مع الاسف رأت و حست بمعاناة اهلنا في الجنوب و في الغرب منذ عشرات السنين ..
و الان عليهم ان يستوعبوا شي واحد فقط .. هو ان الجيش السوداني و لمدة 70 عاما لم يكن له مهمة سوى قتل المواطن السوداني .. و اصراره بأحقية حكمه للسودان ..

حبيبنا الكنزي.. تحياتي ياجميل
نعم صدقت وانت على الدوام تطرح الحكم والقيم
رب ضارة نافعة لنعرف الحرب
ما عاناه اخواننا لسنوات

تحياتي الحبيب الكنزي
معليش الكتابة صعبة من الموبايل

ول أبا الكنزي
سلام

مازال الأمر متزن .. ما شفناه أصعب بكثير مما تشاهدون ..
الأمر لم يصل بعد لتقطيع القتلي حقداً مثل الدجاج الذي يراد شواءه.
لما يصل الأمر الحرب الأهلية .. هناك تري ما لم تراه بعد ..

الله يحفظ الشعب السوداني ..

بريمة

اعتذر لكل الاخوة على الرد لمداخلاتهم القيمة
النت قطع عندنا
ودي جات صدفة
قلتا اعتذر اولا ثم اواصل اذا كان هناك خدمة نت
لكم شكري
ولي رواية شخصية عن الحرب والتضامن بين الناس
مودتي

الاخ محمد آدم
عيد سعيد ان جاز القول بها في هذه الايام
اعتذر اولا لتأخري في الرد عليك لانقطاع خدمة النت وعادت وليتها تبقى حتى ينجلي الامر
اتفق معك في قولك:

Quote: لعن الله الحرب أيا كان نوعها، مرتزقة للأجنبى المصرى او لغيره .. الحرب ياها الحرب، المنتصر فيها خاسر.

الاخ محمد آدم
عيد سعيد ان جاز القول بها في هذه الايام
اعتذر اولا لتأخري في الرد عليك لانقطاع خدمة النت وعادت وليتها تبقى حتى ينجلي الامر
اتفق معك في قولك:

Quote: لعن الله الحرب أيا كان نوعها، مرتزقة للأجنبى المصرى او لغيره .. الحرب ياها الحرب، المنتصر فيها خاسر.

اخ قبقب
شكرا للحضور
وقولك هذا هو الاسى بعينه:

Quote: سلامات شيخنا علي و سلامات اخونا المنصوري .. اجيال كثيره لا تقرأ كلامك و تستوعبه او حتى تشعر به .

نحن لسنا صادقون مع انفسنا
وتحركنا الاهواء والعواطف والمصالح
هذا وطن حرقناه بايدينا وليس بايدي غيرنا
فلنعترف بهذه الحقيقة ونسعى لمعالجتها بصدق وتجرد
والا سيطول امد الحرب ويتسع
مود
اعزيكم وكل الاخوة بسودانيزاونلاين في وفاة المغفور له باذن الله عثمان موسى

ابو حلوة الحاجة حلوة
وحلوة شديد
صدقني اتنمى ان القاك قبل ان تقرأ نعي مثل اخونا عثمان موسى عليه من الله رحمة
اراك تثني علي قائلاً:

Quote: حبيبنا الكنزي.. تحياتي ياجميل نعم صدقت وانت على الدوام تطرح الحكم والقيم رب ضارة نافعة لنعرف الحرب لأننا ذقنا مرارتها وعرفنا ما عاناه اخواننا لسنوات

والله يا ابوعلوة خلقتُ هكذا لا ابتغى غير الله احدا
واسا الناس هربت من الخرطوم
واصريت ان ابقى بها نكابد مع اهلها ما كابده اهلنا من قبل
في جنوب السودان وغربه و النيل الازرق وجبال النوبة
وزي ما قال ود ابا بريمة
ما يحدث هو مدخل للحرب وليس الحرب
لأننا ما زلنا ننعم بالكهرباء والماء وخدمات النت المتقطعة
ولكن بكل اسف بدأت تظهر عندنا نقص المواد التموينية وارتفاع اسعارها
والمشكلة اننا لا نملك النقد لشراء حاجاتنا
وبنكك لا يعمل بانتظام
كما لا يمكن شراء الكهرباء او سداد فاتورة الهاتف
لهذه الحرب وجه آخر
وهو ما يقوله القرآن
عسى ان تكرهوا شيئا ويجعل الله فيه خيرا كثيرا
فالخير هنا ان شاء الله نحن والاجيال القادمة لن نسمح بقيام حرب في كل بقاع السودان لأننا خبرناها
والحروب هي التي قادت اوربا لجعل الاتحاد الاوربي واقعا يعمل كدولة واحدة
واول الاسباب هي خشية وقوع الحرب
وربما في العالم قاطبة
لك ولجميع المتداخلين مودتي واعتذاري في التأخر على الرد
لسوء خدمات النت

الاخ ود ابا بريمة
قولك حق في اننا لم نعش الحرب باوزارها وهي مجرد بداية
وهذا ما جاء في ردي على الاخ علي عبدالوهاب
وهو يليق انيصبح ردا هنا

Quote: والله يا ابوعلوة خلقتُ هكذا لا ابتغى غير الله احدا واسا الناس هربت من الخرطوم واصريت ان ابقى بها نكابد مع اهلها ما كابده اهلنا من قبل في جنوب السودان وغربه و النيل الازرق وجبال النوبة وزي ما قال ود ابا بريمة ما يحدث هو مدخل للحرب وليس الحرب لأننا ما زلنا ننعم بالكهرباء والماء وخدمات النت المتقطعة ولكن بكل اسف بدأت تظهر عندنا نقص المواد التموينية وارتفاع اسعارها والمشكلة اننا لا نملك النقد لشراء حاجاتنا وبنكك لا يعمل بانتظام كما لا يمكن شراء الكهرباء او سداد فاتورة الهاتف لهذه الحرب وجه آخر وهو ما يقوله القرآن عسى ان تكرهوا شيئا ويجعل الله فيه خيرا كثيرا فالخير هنا ان شاء الله نحن والاجيال القادمة لن نسمح بقيام حرب في كل بقاع السودان لأننا خبرناها والحروب هي التي قادت اوربا لجعل الاتحاد الاوربي واقعا يعمل كدولة واحدة واول الاسباب هي خشية وقوع الحرب لك ولجميع المتداخلين مودتي واعتذاري في التأخر على الرد لسوء خدمات النت

Quote: ## انتي الحرب شوفتيها وين؟؟؟ انها جملة استفزتني من احد الفلول حينما تحدثت عن معاناة شباب المقاومة لارجاع الكهرباء وجلب المياه من النيل للمواطنين وعن ضرورة إيقاف الحرب وووو فكتب الاخرق تعليقا انقله لكم كما هو 👇🏾 ((حرم لو ما طلعتي امراة كان رديت عليك ... انتي الحرب شوفتيها وين ؟؟؟؟؟ )) وعليه وجب الرد على سؤاله الذي وضع أمامه خمسة علامات استفهام واقول له يا فالح امو !!! # الحرب شوفتها من الولادة الخاسرة والبيعة الكاسرة للبطن البطرانة التي انجبتكم من رحم السودان # الحرب شوفتها في أطفال يموتون بهبوط حاد في الدورة الدموية نتيجة الخوف جراء حربكم ودعمكم الذي خانكم فعاقبتم الشعب # الحرب شوفتها في ام يداهمها المخاض وهي تحت السرير تختبئ من رصاصكم فيفلح الاهل في إخراج الطفل ولا يفلحون في إخراج الخلاصة فتموت الام أرضا ضياع بدلا عن أرضا سلاح من جانبكم # الحرب شوفتها في ام تموت وليس معها سوى ابنتها ذات الخمسة عشر ربيعا فيمنع قذفكم بقية ابناءها وأهلها من الوصول لستر جثمان والدتهم فتمكث الصغيرة مع جثمان والدتها قرابة ٢٤ ساعة وهي بين الوعي والذهول والصدمة والحرقة والفقد ووو أحاسيس انتم لا تعونها # الحرب شوفتها في مرضى السكري وهم يفترشون الشارع تحت الرصاص لانهم لا يتحملون الحر وانعدام الكهرباء مع فساد ادويتهم التي تحتاج للبرودة # الحرب شوفتها في مرضى الكلى الذين تفرق معهم الثانية الواحدة بعيدا عن أجهزة الغسيل وانعدام الدواء مع طردهم من المشافي # الحرب شوفتها في انعدام الأدوية والماء والغذاء فيسرق العفيف من اجل كفيف ينتظره في البيت # الحرب شوفتها في انعدام الأمن وهروب أهلنا عبر الحدود الدولية وهم يواجهون شتى انواع المعاناة والمزلة من اجل ان تأمنوا انتم موطأ قدم لكرسيكم وسط جثث واشلاء المواطنين # الحرب شوفتها في بكاء الرجال حين دمرتم منازلهم التي تغربوا طوال شبابهم لبناءها ولم تهبها لهم انقاذكم الفاسد ... وكم هو حاااار بكاء الرجال .. اذا كنت تعرف معنى الرجولة # الحرب شوفتها في موت عدد كبير من كبار السن خوفا واذا كنت لا تعلم _ واظنك كذلك_ فإن للخوف اعراضا جسمية تؤدي للموت اذا ما استمر مصدر الخوف # الحرب شوفتها في سهر شباب المقاومة لرأب صدع دماركم بتوفير احتياجات المواطنين اليومية من مياه وكهرباء وغذاء وانتم تحرسون المنصات لتأحيج الفتن بحتمية استمرار الحرب فتزيدوهم رهقا # الحرب شوفتها في صراخ فتاة وهي تتألم لاستخراج شظية من رجلها بدون بنج .. فخضبتموها بالدماء بدلا عن الحناء # الحرب شوفتها في ذوي الأعمال اليومية البسيطة وهم يخاطرون بحياتهم من اجل إطعام أطفالهم وطاولة ست الشاي لا تقيها شظية قد تؤدي بحياتها # الحرب شوفتها حين اغلقت المساجد في العشر الاواخر فبكى رجال الدين وهلل تجار الدين # الحرب شوفتها حين استعصى على السودانيين مباركة العيد لبعضهم حتى لا تتسابق بنادقكم إلى اياديهم فتصافحها بترا ... هل عرفت الان لماذا نطالب بوقف الحرب ... واشك في مقدراتكم على الفهم الحسي حسب برمجتكم الموجهة ... وهذا قلييييل من كثير يا فالح امو .... د. مواهب عبد المنعم كمال الدين افتخر اني امرأأأة أمام الرجاااال وبمليون راجل أمام أشباه الرجال وان عدتم عدنا .... لااااا للحرب والف لااااا للحرب ومليون لاااااا للحرب ولااازم تقيف

الرابط
https://sudaneseonline.com/board/510/msg/1683103009.html

Quote: اسال الجيش المصري الكان معظم جنوده حتى عام 1956 من شمال السودان لا زال جلهم يتسلم راتب تقاعده حتى الان من وزارة الدغاع المصرية

امنتو بامون!!!!

قال اسال الجيش المصري قال!!!!

او بيعترف الكيزاني، علنا ،انو يا داااب كجلابي عرف او وعي بالحرب، او للمرة الاولي!!

ولهذا الزيو مرقو للجنوب للفوذ بالغلمان، باشعال محارق الابادة للملايين!!!

وعا متين؟

لما الجنجويد بتاعم مقاول محارق الابادة قلب عليهم!!!

لاحظو الكيزاني بتكلم عن مطلق حرب!!!

نعم الي الان هو لايفقه شئ، عن واقع القهر، بواسطة امثالو، في الشمال، البمثلو اقلا من 5% من السكان لي بقية 95% من السكان!!!

ولهذا بستشهد بي براءة، بي استخدام مستعبديه اي احفاد الغزاة، له، في حروبم مع ابناء عمهم اسحاق اذا افترضنا انو الارناؤوووط عرب!!!

طبعا ده اعتراف ضمني من دون يدري، كيف استعباد المصريين لامثالو عبر القرون، هو الحفر في اعماق امثالو في الشمال بير مركب النقص، البجي مارق في شكل استعلاء، علي بقية السودانيين، وكنتيجة الي الثانية سودان هؤلاء المصري عايش في جحيم، كنوع من الEx-Haling لذاك الIn_haling اي قرون العبودية بواسطة بهوات مصر!!!

Quote: لاحظو الكيزاني بتكلم عن مطلق حرب!!!

بشاشا
كيف حالك؟
ياخي انا زعلان منك شديد ياخي
يا خي انت مستقل بي كده ليه؟
معقولة ياخ بس تديني لقب كيزاني، يا خي ده لقب مجهول النسب
وين (حمبرة) ؟
وين .شنو كده الخديوي؟
والالقاب السمحة الكنت بي تصرفها للناس، خلاص تحي عندي هني وتقيف.. انا اقل منهم في شنو؟
اقول ليك سر ( انا كوز كبير) بس خايف اقول ليك انا احمد هارون تقوم توديني الجنائية، لكن ممكن تعتبرني اسامة عبدالله عشان هو مستعرب زينا كده ومجاور لينا في البلد هناك
ووين بواب و الحكايي ديك؟
على العموم نضرا فوق عمري ما تجي هني وتسجل لي (حمبرة) دي عللي اروح اخت كوزي مع كوز ود الاصيل ويبقوا كوزين، واخليه يقول فيك قصيدة من بحر ثاني اوكسيد اللعوتيك.
ولو اصريت انك ما تديني هذا اللقب المستحق، بجيب صاحبي بكور، اصلوا عندوا دوا كده سمح خلاص، قال ليك يكمدو في الخشم بي هني تجي الحمبرة ناطة بي هناك ومعاها حاجات تانية حامياني
امنت باتون (بتاع اخيت اتون) او بتاع اخنا تون
اصلو نحن ناس موحدين

يا المنصوري
طالما انت متشوق للغب ومصر عليه
فلن يتوجك به
فلا تأمل
والخير ان نتجاهل بشبش
من ان نرد عليه

المنصوري:
فاهم غلط!
الكيزاني مقصود بيهو الاسمو علي ده، مهترئ الدواخل!!

نعم الفاكر روحو من عرب الكنوز مستعمريه، مستعبديه، من دون مايخجل، شغل كراهية ذات، ولكن الفي راسو حرقص، يالمنصوري براهو بيرقص، قالو!!
وقع ليك؟

اولا اشكرك يا بشبش
فانت دائما ترفع الطرح لاعلى
والحمدلله اهو انت تفضح نفسك

وتؤكد ان مداخلتك لا يفهم مراميها الا انت

هل يوجد غباء وحهل اكثر من كدا؟

نا المواطن السوداني-الكندي شهاب طه ويجب أن تعرف أنني أول ضحايا نهب جنجويدك في صباح يوم النكبة، حيث تم توقيفي تحت إرهاب السلاح، يوم السبت الأسود ١٥ أبريل ٢٠٢٣ حوالي العاشرة صباحاً أي بعد ٤٠ دقيقة من بدء الحرب وقصف المطار.. والذي حدث أنني وصلت إلى مطار الخرطوم بطائرة تاركو التاسعة صباحاً، سفرية رقم 3T243 تاركو، القادمة من دبي، وقبل أن أستلم العفش في صالة القادمين، اشتعلت الحرب وتم إستهداف صالة المطار بالقصف فكان لا بد أن أخرج مع كل الموجودين مسرعين طلباً للنجاة برعب مهول

كنت أجر شنطتي الصغيرة، التي يحملها الركاب داخل الطائرة، ومعها شنطة اللابتوب .. وصلنا مدخل المطار والرصاص والقذائف تملأ السماء وكانت هناك إرتكاز للدعم السريع بعربتين تاتشر وقائدهم رجل ناضج يحاول طمئنة الناس المذعورة وهم يمرون به ولم يوقف أي شخص .. عبرت شارع المطار لأدخل لشارع فندق أبشر وفي ناصية الشارع، وتحت شجرة، أوقفني ٤ من جنودك صغار السن وتحت تهديد السلاح طالبوني بفتح الشنطتين وأن أفرغهما على الأرض وفعلت فأخذوا اللابتوب وتلفون سامسونج وطالبوني برفع الأيدي للتفتيش الشخصي وبندقية أحدهم في صدري فأخدوا من جيوبي تلفوني الخاص ومبلغ خمسة ألف وخمسئة وخمس وعشرين دولار أمريكي، و٤٥ درهم أماراتي، و ٥٠ دولار كندي ثم طلبوا مني أن أغادر بجلافة وغلطة وتحت تهديد السلاح فتواصلت المشي مرغماً

أنت بتقول أن الدعم السريع لا ينهب وإن كان لديك سيطرة على قواتك حتماً ستحدد الدورية والجنود الذين كانوا في مدخل المطار في ذلك الوقت والأربعة الذين كانوا في الجهة الغربية بعد عبور شارع المطار وهؤلاء حتماً سأتعرف عليهم .. بالطبع يستحيل أن يكون هؤلاء أشخاص مزيفين ولا يعقل أن يكون هناك من يرتدي زي الدعم السريع ويأتي لهذه النقطة قرب المطار في ذلك الوقت وكأنه ساحر يعلم أن الحرب ستندلع في هذه الساعة .. لا يعقل أن يتجرأ المزيفين بالظهور في مناطق يسيطر عليها الدعم تمتد من مدخل المطار وتشمل كل الخرطوم ٢ والعمارات حتى تقاطع ١٥ مع شارع محمد نجيب

المحزن المؤسف أنني حللت ضيفاً في بلدي واشتعلت الحرب في لحظة وصولي ولم أكن أعرف مالذي يجري ومن يحارب من، وبعد أن نجوت من الموت المحقق بإستهداف صالة المطار ووصلت للشارع الرئيسي مهرولاً تحت أصوات الإنفحارات والرصاص والقذائف المتطائرة فوق الرؤوس، وبعضها يسقط أمامنا وخلفنا على الأرض، وأنا صائم وفي قمة الذهول والإرهاق إذ أفاجأ بجنودك بدل أن يسعوا لمساعدتي كقوات نظامية وطنية، كما تعتقد أنت، فإذا بهم يزودونني رعب على رعب وإهانة ونهب

المنهوبات:
١- ٥٥٢٥$ دولار أمريكي
٢- لابتوب جديد فيه كل أشغالي وقيمتة لا يمكن حسابها
٣- آيفون ١٤ جديد
٤- سامسونج مستعمل

بيننا المحاكم إما في الخرطوم أو كندا أو غيرهما

د. شهاب طه

تلفوني في كندا 0012896874588
mailto:mailto:[email protected]@msn.commailto:[email protected]@msn.com