كيف فرط البرهان وجيشه فى القصر والقياده والمطار والاذاعه

هل من المعقووول ان يكون كل هذه الاماكن تحت سيطرت الدعم السريع
طيب من الاول فرسان البرهان والدعم السريع والكيزان دخلوا فى الحرب دى كيف وكل الاماكن المهمه جدا جدا دى فى ايدى الدعم السريع الان ومن قبل الحرب
وهم فى الطبع فى الاساس كانوا فيها بكثره وكثافه قبل اندلاع الحرب العبثييه فى الخرطوم كان لهم معسكرات ولهم الاف من التاتشرات والجنود
طيب الوضع صعب جدا والجيش من زمان والمخابرات كانوا بقولوا انو الدعم السريع وحميدتى ما بياخد معانا ساعتين عندما ندخل فى حرب معاه
والان نحن فى اليوم الخامس والزنقه شديده جدا والديش جاب دعم قوات من الدمازين وناس الديش قربوا يقولوا الروب والله
طيب الحل شنو البطلع الديش من الورطه دى وحميدتى شكلوا مصر على اثنين اما الموت او النصر
والله ماعارفين منو الخسران ومنو الكسبان لكن الخسران الاول هو الشعب السودانى
بعد ما الفاس وقع فى الراس حقوا الديش يستمر فى ما بدا له ان سهل وهين ولا مفر له للعوده الى مفاوضات مع حميدتى
وياريت بعد الدعم السريع لو كتب لهم النصر لى ناس الديش طوالى طالما البلد اصلوا جايطه طوالى يبدوا فى حسم الحركات المسلحه اجمعين
ويكون عندهم خيار وواحد فقط تسليم انفسهم والسلاح والخروج من العاصمه والرجوع الى الغابه
كل الحركات المسلحه مناوى - اردول - جبريل - عبدالواحد - الحلو - والمر كمان بالله عايزين سودان خالى من الديش ومن السلاح مثل سويسرا
طلعتتوا روح الناس ربنا يطلع روحكم يارب العالمين
اه العيد بعد بكره ووقفه العيد بكره هل الناس ديل ممكن يكونوا عندهم شويه ادب ويتوقف الضرب والحرب ولا برضو الكل يريد النصر على جثث الشعب السودانى الطيب

الحبيب ول أبا مصطفي نور

عيد سعيد وكل عام وأنتم بخير ..

هون علي نفسك .. أخذ "بريك" .. ما "تحرق" نفسك مع الأحداث .. أشياء مقدرة من المولي عز وجل.
والتجئ من السماء الأرض تحملها ..

أتجه معنا للتوثيق .. الثوثيق يكشف الحقائق للعالم .. ويساعد الشعب السوداني في توسيع دائرة التنوير بالمأساة.

بريمة

الحبيب ول أبا مصطفي نور

عيد سعيد وكل عام وأنتم بخير ..

هون علي نفسك .. أخذ "بريك" .. ما "تحرق" نفسك مع الأحداث .. أشياء مقدرة من المولي عز وجل.
والتجئ من السماء الأرض تحملها ..

أتجه معنا للتوثيق .. الثوثيق يكشف الحقائق للعالم .. ويساعد الشعب السوداني في توسيع دائرة التنوير بالمأساة.

بريمة