دا شنو دا يا جمهوريون؟ لا صوت يعلو فوق صوت المعركة

04:17 PM April, 18 2023

سودانيز اون لاين
Ali Alkanzi-Sudan
مكتبتى
رابط مختصر

ما لو د النعيم ؟
الحاصل شنو؟ فهمونا

احتفالا بالذكرى الثامنة والثلاثين* *حول تقديم الحزب د. النعيم كمحتفل كتبه خالد الحاج عبدالمحمود حسن

https://sudaneseonline.com/board/505/msg/1681816558.html

سلام الحبيب علي الكنزي تصوم وتفطر على خير دا بوريك السودان ما عنده وجيع

اهلا بيك يا صديق الانصاري
وان شاء تتم صيامك وقيامك ونسأل الله القبول
احكي لك قصة تعبر عن اوجاع الانسان السوداني
في ايام الكرب هذه
نحن محبوسين من يوم السبت ما مرقنا محلة
يوم الاحد الفات بالليل على الساعة عشرة مساء جاءني سيف النجار يعمل بسوق الحارة الساعة
وهو طالبني قروش مقابل عمل في البيت
بس استغربت كيف في ظروف الحرب يطلع من بيتهم ويعرض نفسو للخطر
كان ودودا قال لي جيت اطمئن عليك وعلى الاولاد
قلتا ليهو لف كدا بالله انت جاي تكوس قروشك
قال لي صدقت والله مافي اي شغل نعملو والسوق واقف واديتو قروشو
يوم الاثنين امس جاني صديق قديم وهو بالمعاش مثلي وكان مدرس مرحلة وسطى
فطرنا سوا و اتعشينا و اتسحرنا ونام معانا
اليوم عند الظهر
قال لي يا على يا اخوي والله جيتك معروض فيك
ناس المعاشات اوعدوني انو معاشي لهذا الشهر ح يكون في حسابي يوم الخميس الفات
مشيت بنك فيصل عرفتا انو ما نزل عشان كدا قالو اجي يوم الاحد
ويوم الأحد وقعت الكاعة
وانا داير اسافر لاولادي في الجزيرة وعايز سلفة
مثل هذه القصص هي بالعشرات والمئات وقعت لكثير من الناس في الخرطوم
وربما مثلها في الاقاليم
وكل ذلك من اجل ان يعرف الشعب السوداني من هو الاحق بحكم السودان
حميدتي ولا البرهان
اليوم عرفت ان كيلو الضان ارتفع من ثلاثة الف ونص لسبعة الف
والعجالي من ٢٨٠٠ لستة الف
والبنزين اللتر بعشرين الف
هذا ان وجد
لك ودي وسلامي
وخليك جمهوري
اقصد وخليك سوداني

أهلا على

الفكرة الجمهوريـة، ولحسن الحظ، قيض الله لها المهندس عمر هوارى، فأنشأ موقعا ضخماً لا يغادر صغيرة
ولا كبيرة من كتب ومقالات وتأريخ الأستاذ محمود منذ 1945 حتى تأريخ إغتياله فى عام 1985.. لذلك من اراد
ان يعرف رأى الفكرة فى أى موضوع فليذهب الى هذا المصدر فهو الحجة لأنه يحتوى على كتب ومقالات
ومحاضرات مسجلة للاستاذ ومنشورات ومقابلات...الخ. هذا لمن يريد ان يعرف الحقيقـة.
الفكرة الجمهورية تم توثيقها توثيقاً نادرا.. وصارت فى متناول الجميـع وخرجت من الإعتماد على الأفراد الجمهوريين..
ورغم ذلك فهذا لا يمنع ان الأفراد الجمهوريين مثل غيرهم يمكنهم ولهم الحق ان يفهموا الفكرة حسب طاقاتهم
ولكن فى النهاية عندك الحجة فى توثيق لا مثل له.

alfikra.org

اهلا بيك يا ابوالريش
طمنا اولا على صحتك
عساك بعافية
انتو بحياة استاذكم ما قلتو رسالة ثانية
اسا بقت

Quote: الفكرة الجمهورية تم توثيقها توثيقاً نادرا.. وصارت فى متناول الجميـع وخرجت من الإعتماد على الأفراد الجمهوريين.. ورغم ذلك فهذا لا يمنع ان الأفراد الجمهوريين مثل غيرهم يمكنهم ولهم الحق ان يفهموا الفكرة حسب طاقاتهم ولكن فى النهاية عندك الحجة فى توثيق لا مثل له. alfikra.org

بالله فهمني التحريف دا
اذا هي فكرة اذن الرسالة الثانية فكرة وليست رسالة

أتمني أن يكون شعارنا في هذه المرحلة
لا صوت يعلو فوق صوت السلام
وأنا شايفك من أنصار السلام
السلام ليكون لنا وطن نتحاور فوق أرضه