يا حلاوة... حميدتي شال الوزة ودخلها....) لعبة حلوة يا حميدتي.. لعبة الدروع البشرية لعبة خطرة ةسلاح ذو حدين، عقدت الوضع الحالي تعقيد شديد، فالجيش المصري بقى قدام خيارين احلاهما مر، اما ان يضحي بالاسرى ويشتري الكيزان، او يختار حميدتي ويخسر الكيزان، يعني لو دفع حميدتي بقوات باعداد كبيرة تجاه الخرطوم ولم يتصدى لها الطيران (أيا كان هذا الطيران) فده معناه ان مصر باعت الكيزان، وده مش في صالحها، لسبب يسيط انو لعبة الدروع البشرية دي أصلا لعبة الكيزان المفضلة، لعبوها كتير، لعبوها ضد المرحوم خليل إبراهيم، لمن سمحوا ليه يدخل المدن كان في إمكانهم يضربوه بالطيران في البراري، ويلعبوا فيها حاليا لمن استدرجوا حميدتي للخرطوم، اذا أقدمت مصر على هذه الخطوة التحالفات في المنطقة ح تغيير بصورة دراماتيكية فالكيزان حتما ح يتحالفوا مع عدوة مصر اللدود (اثيوبيا) و ح يهدوا المعبد بمن فيه على طريقة علي وعلى اعدائي، اذا مصر امام خيارين لا ثالث لهم اما ان تستغني عن بعض الاسرى وتكسب جولة او تخسر المياه وتفقد مقومات حياتها لأن الكيزان حتى ولو تم ضرب السد دونن مساعدتهم قادرين أيضا ان يشلوا حركة التيار وده معناه حرب حياة او موت.. تفتكروا كده الوزة مشت وين؟
Post: #2 Title: Re: الاسرى المصريون دروع بشرية Author: Nasr Date: 04-17-2023, 05:05 AM Parent: #1
كأنك داير تدي مبرر لتدخل المصري في الشأن السوذاني مصر متدخلة من بدري من قبل الإنفجار الأخير وطيرانها شغال والطائرات السودانية مخزنة في مطار أسوان
أما عن المرتزقة المصريين علي الأرض فما تخاف عليهم بكرة دي بفكوهم وما حيكونوا عظمة في هذا الصراع
وعلي كل حال كما تفعل دائما فإن مصر تحجز مقعدها في الصف المعادي للسودان وشعبه حتي ولو كانوا الكيزان فيا سبحن الله
Post: #3 Title: Re: الاسرى المصريون دروع بشرية Author: جمال المنصوري Date: 04-17-2023, 05:44 AM Parent: #2
Quote: كأنك داير تدي مبرر لتدخل المصري في الشأن السوذاني مصر متدخلة من بدري من قبل الإنفجار الأخير وطيرانها شغال والطائرات السودانية مخزنة في مطار أسوان
تعرف يا نصر عندك طريقة عجيبة في قراءة الناس، مش عارف المعيار الانت بتقيس بيه البشر انا هنا بتكلم عن واقعة محددة ونتائجها ومالاتها بعيدا عن عواطفي الشخصية في التحليل يجب ان يبتعد الشخص عن العواطف عشان يقرأ المشهد بصورة قريبة من الصدق عشان اذا ربنا وضعوا في موقع مسؤولية يقدر يدرس الواقع والخيارات المتاحة عشان يختار الموضع الانسب.... اما بالنسبة للمبرر فمصر لا تحتاج لمبرر، مصر موجودة في السودان وعمرها ما خرجت منو و هي الراعي الرسمي لجميع الفعاليات السودانية من الجنوب للشمال ومن الشرق للغرب... شئنا ام ابينا ده الواقع.. في السياسة السودانية تشد الرحال لثلاث (مصر....و ...... و........) وفي المستقبل القريب ستشد الرحال الى تل ابيب محبتي
Post: #4 Title: Re: الاسرى المصريون دروع بشرية Author: محمود الدقم Date: 04-17-2023, 07:40 AM Parent: #3
لو تواصلت خسائر حميدتي ميدانيا، فعادي الدعامة حيصفوا الجنود "اولاد فوزية"، المليشيات لا تحكمها قوانين داخلية بقدر ما بتحكمها شلليات وقرابات دم وزمالة، مثلا لو جاء خبر انو حميدتي قتل فعادي سيتم تصفية الجنود المصريين، الان السيسي همسيلف في ورطة، لو واصل في دعم البرهان مشكلة، وكان عمل فيها دبلوماسي ممكن البرهان يخسر، وهذه لعبة الحرب، السؤال الجنود المصريين كانو بعملوا في شنو بعد انتهاء المناوراتقبل ٣ سنوات؟
ما قلت ليك حيفكوهم ويعتذروا ليهم كمان المتصارعين في السودان ديل ممكن يهبتوا بعض دق العيش لكن ما يلمسوا شعرة من مواطن مصري
سيدي أمي بسيدو عقلية عبيد المنزل التي يتكلم عنها بشاشا كثيرا في مثل سوداني يقول ليك سألوا الديك ليه بتخاف من الصقر وأنت قدره ولا أكبر منه قال مدخل فيني خوفة من زمن أنا سوسيو
بنفس الطريقة ممكن الدولة المصرية تعتقل آلاف المصريين وتعذبهم وتقتلهم ولكنه لن تمس شعرة من مواطن إسرائيلي
المهم معركتنا القادمة بعد هزيمة الكيزان والإسلام السياسي هي هزيمة أمنا الغول تلك التي دأبت علي ولادة الديكتاتوريات في السودان وهي معركة فكرية وثقافية في الأساس تحرر سايكلوجي من قيود الإستعباد
حينها نستطيع الإنطلاق لبناء أمتنا علي أسس الحرية والعدل والسلام والمدنية
عارف يا نصر حميدتي في واحدة من خطبه المذاعة قال بالحرف الواحد (انا ممؤيد من الصوفية وحتى الصوفية العالمية بتأيدني) عارف الكلام ده معناه شنو؟ وتعرف شنو عن الصوفية العالمية؟ على فكرة الصوفية العالمية غير الصوفية بتاعتنا دي، الصوفية العالمية هي احدى اذرع الماسونية وتوابعها (الصهيونية العالمية وفرسان الهيكل) ديل اكيد انت سامع بيهم ويلا قيس على كده محبتي
Post: #8 Title: Re: الاسرى المصريون دروع بشرية Author: Nasr Date: 04-21-2023, 01:24 AM Parent: #7
قال جمال
Quote: بغدين انت فاكر حميدتي يجيب الديمقراطية؟
أبدا
في الحاصل في السودان دا حنرالين متصارعين علي السلطة دين كلاهما مجرم وعميل لكن ولكن دي مهمة جدا واحد منهم وقف مع التسوية السياسية والإتفاق الإطاري وواحد وقف ضدها واحد منهم إذا إنتصر ما حيجيب الكيزان عشان يحكموا البلد "وهذه بالنسبة لي مهمة جدا" وواحد حيجيب ليك الكيزان عشان يسرقوا ويقتلوا ويعذبوا ويعيثوا فسادا في الأرض الإثنين مجرمين السؤال منو في المجرمين ديل ممكن تتعاطف معاه في الحرب المدورة ولو بأضعف الإيمان ؟؟؟؟؟؟ ذا سؤال ما مقصوذ بيهو التعجيز ولا الأستفزاز المقصود تطوير النقاش