هزيمة مذلة للهلال.

09:55 PM April, 01 2023

سودانيز اون لاين
محمود الدقم-London
مكتبتى
رابط مختصر

إجمالا المباراة ليست بالمستوى المتوقع، الأداء شبه عادي باستثناء فريق الاهلي كان مسيطرا علي مجريات المباراة بنسبة ٧٠%، مشكلة الهلال عدم التركيز، والتشتت الذهني، والتاثر بهدير الجمهور الاهلاوي، جمهور الاهلي هذه المرة كان شبه محترم اكثر من قبل.
مدرب الأهلي عرف كيف يدير عمليات تبديل لاعبيه في الوقت المناسب لكن إجمالا الهزيمة نكراء ومذلة ترتقي لمستوي الفضيحة.
مبروك للاهلي المصري، لا عزاء للمهزوم.

توفرت كل الامكانيات للهلال، حوافز مالية ضخمة لكل لاعب، ولكن للأسف ٣ اهداف نظيفة مزقت احشاء شباك الهلال، دفاع مفكك وغير مترابط او منسجم، هجوم شبه معدوم، وسط غير متماسك، لاليبو الكنغولي لم نراه الا في لمحتين خاطفتين يبدو انه منهك مم مباراة بلاده ضد موريتانيا، الحارس مهزوز ومرتبك، فكانت هذه الهزيمة الثقيلة.

ميرغني المامون واحمد حسن جمعة
حصل افترقوا

فعلن و الله ما حصل وحتى بالموناصبة
قالو مرة من ذوات المرارات واحد فيهم ظنيتو عمك
مرغني المامون لقى ليه صورة لأحمد حسن جمعة
مشخبتة على حيطة وطبعن لأنهم اللتنين ما كانو بفرزو
سبحان الله من الواو ا لضكر ، قام جاري على فردتو
قاللو تعال هنايا يا لللخو حفلة وين دي اللمبارح
العامل خصاسة و كاتلا براك!!!

سلام للجميع...
بمناسبة الثنائي عبداللطيف حسن و دفع الله (ميرغني المامون وحسن جمعة)
قالوا الثنائي عبداللطيف و دفع الله بعد انقلاب هاشم العطا سنة ٧١ عملوا اغنية تمجيدا للانقلاب هم الالفوها بتقول
(هاشم العطا صلح الخطأ) قعدوا يعملوا ليها بروفات مكثفة ليل نهار جاهم واحد بروفة شنو الانقلاب فشل و نميري عاد
بعد ما الاتنين طيروا عيونهم طوالي في نفس الوقت حولوا لاغنية لى (هاشم العطا لخبط الوطا)

Quote: فعلن و الله ما حصل وحتى بالموناصبة قالو مرة من ذوات المرارات واحد فيهم ظنيتو عمك مرغني المامون لقى ليه صورة لأحمد حسن جمعة مشخبتة على حيطة وطبعن لأنهم اللتنين ما كانو بفرزو سبحان الله من الواو ا لضكر ، قام جاري على فردتو قاللو تعال هنايا يا لللخو حفلة وين دي اللمبارح العامل خصاسة و كاتلا براك!!!

فعلا اخي ود الاصيل دا البقي علي الهلال
حتي الاهلي وجماهيره والمراقبين لم يكن يتوقعون هذه الهزيمة النكران
وناس الهلال عمرهم ما يتعلموا من اخطاءهم

Quote: سلام للجميع... بمناسبة الثنائي عبداللطيف حسن و دفع الله (ميرغني المامون وحسن جمعة) قالوا الثنائي عبداللطيف و دفع الله بعد انقلاب هاشم العطا سنة ٧١ عملوا اغنية تمجيدا للانقلاب هم الالفوها بتقول (هاشم العطا صلح الخطأ) قعدوا يعملوا ليها بروفات مكثفة ليل نهار جاهم واحد بروفة شنو الانقلاب فشل و نميري عاد بعد ما الاتنين طيروا عيونهم طوالي في نفس الوقت حولوا لاغنية لى (هاشم العطا لخبط الوطا)

قووويه اخوي يس هههههه هاشم العطا والهلال لخبطو الواطة والفضا تسلم

Quote: ميرغني المامون واحمد حسن جمعة حصل افترقوا

دا نحس بس اخ عبداللطيف، يلا خيره في غيرا

لاعب الكرة السوداني للأسف كل سقف طموحاته أن يلعب في الهلال يا المريخ عشان كدة
دائما الهزيمة من خارج الوطن بالنسبة ليهو ما مشكلة ، تنعدم فيهم الوطنية تماما، والعجب العجاب
لو لعب الهلال أو المريخ ضد خصم خارجي الفريق اللي ما لاعب يشجع الخصم ، الحاجة دي ما بتحصل إلا
في السودان ، زي الجيش السوداني اللي سلاحو ما أُطلق إلا على الشعب السوداني،

ماعدا ودالاصيل
البقية فوق للعارضة

Quote: لاعب الكرة السوداني للأسف كل سقف طموحاته أن يلعب في الهلال يا المريخ عشان كدة دائما الهزيمة من خارج الوطن بالنسبة ليهو ما مشكلة ، تنعدم فيهم الوطنية تماما، والعجب العجاب لو لعب الهلال أو المريخ ضد خصم خارجي الفريق اللي ما لاعب يشجع الخصم ، الحاجة دي ما بتحصل إلا في السودان ، زي الجيش السوداني اللي سلاحو ما أُطلق إلا على الشعب السوداني،

صحيح اخي ترهاقا، ويفترض بمجرد وصولوا لمرحلة انو يلعب في الهلال او المريخ انو يطور من نفسه اكتر واكتر، حتي يتخطي المحلية الي الإقليمية ثم العالمية، لاعبينا عكس ذلك تماما، غير أن البعض اصلا دخل الكرة عن طريق الواسطات وليس الكفاءة والخبرة ودي النتيجة..تسلم