أشيد وأشد من أزر زول سغيل في مواجهة المتأسملين تجار الدين

11:09 AM April, 01 2023

سودانيز اون لاين
طلحة عبدالله-
مكتبتى
رابط مختصر

هياج وزيطة وزمبريطة في تويتر والفيس
وبعض المنابر بسبب زول سغيل
لا اعرف ماذا فعل فلم اتابعه ولكن من الجوطة
الحاصلة الظاهر أنه عمل درامي طرف سوطو هبش
المتأسلمين وتجار الدين فخرجوا زرافات ووحدانا
يورجغون ويتوعدون ويزرفون كعادتهم دموع
التماسيح مع بعض النخجي والولولة خيب الله
مسعاهم
طالما أرجفهم هذا العمل وشرع حلاقيمهم
للشتم والنعيق فحتما أويد وأشيد وأشد من أزر
صاحبه
أي عمل أو فكر يلقم تجار الدين المتأسلمين
حجرا صغيرا كان أم كبيرا فحتما هو عمل
لله ولدينه
ربنا يقويك يا زول سغيل وكل من شارك
في العمل
...........
أتمنى أن يتكرم كريم يورينا خلاصة الحاصل .

حبيبنا طلحتوف سلامات ورمضان كريم وتصوم وتفطر على خير وربنا يتقبل الخ الخ من الدعوات المباركات .. جزاك الله خير..

النقطة الاولى المهمة الواجب وضعها في الإعتبار حقيقةً انه زول سغيــل هو فعلاً سغيــل دون اي تورية .. بل وثقيــل كمان وفقاع بيـوض وورام فشفاش وقطَاع مصارين..
وتالله لا استطيع هضم ان اشاهد او اسمع ثقالاته وسماجاته وتفاهاته وورجغاته اكثر من 30 ثانية .. وبعدها تجيني خمة نفس وضيق صدر واصاب بغشاوة وازرقاق في الصدغ الأيمن للبطين الاعور..

وللحق والحقيقة زول سغيـل قاعد سااااي وماعنده التكتح ومسلسله هذا حسب ما شاهدت من مقتطفات فيهو تجارة بالدين من السغيل نفسه ومن يقف خلفه من منتجين ومعدين وممولين..
نعم فحسب ما أرى من جوطة وجايطة ونوائح وسكلي وثكلي مدقوق فالزول السغيل البايخ دا بيمارس في تجارة بالدين ايضاً
وذلك بمتاجرته بشخصية احد اصحاب الدكاكين او اكشاك بيع خلطات الكريمات بإعتباره إمام جامع وشيخ سلفى معمم ..
هذه الشخصية غير الناضجة في مسلسله تمارس " علنا " بجميع الموبقات والآثام وصغائـر النفس في فضاء مفتوح للعامة من اهل الحلة ثم بعد ذلك تمارس نزواتها الروحية كشيخ متدين مؤهل لإمامة المصليين في جامع الحلة..
في نوع من الإزدواجية التي ومهما بلغت فيها ناس الحلة والسودانيين عموماً من جهل وتخلف وغُسلت ادمغتهم ، فهم لن يرتضوها ولن يتقبلها احد .. فما بالك ؟

اما سبب جوطة بني سلف الذي شرخ حلاقيمهم للشتم والنعيق ودق الطبول ونخس العجول ففي تقديري يعود لانه تمت مجازفة الباسطة من الامام المذكور اعلاه.
والباسطة والبسبوسة كما نعلم خط احمر تهون امامها اسوار القدس وجدران اللاذقية عند بني سلف..

واذا سُمح بان يتم تمرير هذه المجازفة لقطع الباسطة من المشائخ حتى ولو كان درامياً فسيفسر ذلك على انه ضعف وتهاون من بني سلف في شئون الحلويات والباسطات مما ينعكس سلباً على أهم مقدس من مقدسات تلبيتهم لقوله تعالى ( كلو مما في الارض حلالاً طيباً )


مع التحيات

بالمناسبة يا طلحتوف انا متاكد 1000% انه لولا جوطة هؤلاء الضهب وكترة عويلهم وبزاقهم وتفافهم الملأ الميديا الايام دي
لا انت ولا انا ولا عشرة مليـون سوداني ىخر ما كانوا سمعوا سمع ساي او عرفوا انه في زول ممثل اسمه الثقيل او مسلسل اسمه ود المك ..

لكن تقول شنو على ائمة الجهل والضلال حد بيقدموا في الدعايات المجانية لابليس.. زي امام الجامع داك القدم حملة أعلانية مجانية لست العرقي ..

يا حبابك والله حيدروف الصلد وكل سنة أنت
والأسرة والأهل أجمعين بخير وصحة
حقيقة أنا أول مرة اسمع باسم زول ثقيل دا
وما حصل اصلا تابعت ليهو عمل أو قريت ليهو
حاجة في أية فجة من فجاج الاسافير وهسة دي
ما تابعت هو قال شنو ولا عارف كان مسلسل واللا
استكيتش واللا لايف ساي وبعد كلامك دا عنو
وانت عندي موثوق جدا في تقييمك وأفكارك انتفت
عندي اية رغبة في معرفة ما قاله
لكن عجبتني بس ثكليبة المرجفين المتأسلمين تجار
الدين وزي ما عارف أصلا أحوك الكائنات ديل قاعد
ليهم على الهبشة ولافي ليهم الأسافير دي بكراع كلب
خخخخخخخ
تحياتي يا صلد