|
|
|
 Re: فرضية الالحاد تفشل في هذه الحالات (Re: عبداللطيف حسن علي)
|
يا الله ما يابس سوى حلقى المجرح بالدعا
طير يا حمام !
ـ الحمام يا نوح يجامل فى السما
وبيّاع مناديل خضرا فى كل العصور
أنا ما خلقتك يا ظنون
شان تبيتى الليل معاى
وتجرى من فوقى الغُطا
ما تشُرّى فى حبلى الوساوس
والمعانى الداكنة والليل والشتا
الهدهد تميمة الموت
معلّق فى بيوت الناس نعش
من خرافاتن تعال
من دياناتن تعال
نفّض نعاسك من كل بيت
من كل حجوة حكوها عنك
فى الليالى الباردة والأطفال نيام
مين يشترينى من الملوك الخايدة فى الدم القديم
مين يوصف بيتنا لى هدهد يتيم
مين النبى القادم؟
من مكة !
أو من دكة !
فى شارع حميم
مين اليوصف للنحل ريق الحبيبة
وحبة القمح التقوم فوق محفضة حبوبة
فى الزمن اللئيم
مزيداً من الطين يا إله
أبنى خوفى عليك ومنك
أبنى آخر بيت حرام
ومرت مراكب نوح محملة بالحجيج
ــ وين ولدك ؟
ــ تركتو على الجبل .
ــ وين بلدك ؟
ــ ضربتها فى مثل .
ــ وين نحن ؟
ــ مرقت على عجل .
يا نوح تخلينا
زيتونك مخلل بالشمس
نار الله والرِجل الغريبة
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر عبيد
مين يشترينى من الملوك
الخايدة فى الدم القديم
مين البوصِّف بيتنا لى هدهد يتيم
يا هدهدى المهدود
مين هدهدك نمت
كل الطيور غنت منك يجينى سكوت
مين الهداك للناس
أو هدّ فيك الموت؟
يا أوسم الجايين أنا قلبى حِلّة حنين
والشوق فتحنى بيوت
يا صالحة
لا جنبك لا فتّ منك فوت
دايماً معلق بين
بين الحياة والموت
أدخل ضلام الناس
نورك يجينى خيوط
وقبّال أقع فى الضو
جوّاك سندنى خِفوت
أنا برضى حلة شوق
لكنى فى التابوت
ومرت مراكب نوح محملة بالعبيد
الجنة زى هدهد معلقة فى الكتاب
ونحن العبيد
باب الحياة السرِّى
حرير فى فكرة الدودة الموجعة بالنسيج
وصيوان عزا نوح
المكفّن بالوعود
هدهد يرك فوق دفــّة المركب يدندن
الريح سكن خيمة حريمو الأربعة
النيل رجع فى اللوحة
للوادى القديم
البحار مكتوفة الأيدى
الشموس فاقت
ونوح بعاين فى مفاتن اليابسة
تغسل فى حصا ومتبرجة
سبحانك الأديتنا من ملكك سلاطين وإختفيت
هاك أنبياءك سالمين
وأنزل مسافة توجعك غابة
رقيصنا الحى
طبولنا
وليك شبال
من اليابسة الممشّطة بالملح
وهدهد
| |
 
|
|
|
|
|
|
|
|
Re: فرضية الالحاد تفشل في هذه الحالات (Re: عبداللطيف حسن علي)
|
سيناريو اليابسة "الهدهد "
---------------------------------
كلمات عاطف خيرى.....
====================
الهدهد:
مخدوش الفضا..
طويل الحزن .. مفتول الحنين
مصاب بالديانات والشرود.....
نوح:
يبلغ من الطول مسافة
يشتهى الغرقان شهيق...
اليابسة فِركة مدخورة
لى يوم فيهو ساير النيل..
قطـّاع رحط كل الجزائر......
والبنات البفتحوا الباب للمطر.....
وأنا جدول شارف على كل الجناين الصاحية فيك.....
والغباش فى دمى منك
لو كسر ضلعين عذرتو.....
لكن نهر كل العصافير
البتلعب فى الوريد....
وفنـّاكى جواى زى حجر
والبينـّا ما فات الدوائر.....
الليل خِمار القمرة مجدوع
فى الفراغ.......
والرقصة لى البت فينا
فوق كل المسامير الندقها
فى البساط.....
والرياح حكـّامة بى دلوكة
مرّقت الشياطين....
المنهاإتجنن فقير الحلة
ودقيناهو بى نفس السياط..
كل النيازك المجرات والشُهُب
ودع راميهو الله على السما....
والدنيا زار.....
يا هدهد هنا مرت مراكب
نوحمحملة بالبخور.....
مين اللى شال من طاقة
الطين البعيدة....
قنديل حبيبتى وطيـّب
الجرح المثير....
مين السرق من بابا مفتاحو الملون والصرير.....
منهوبة مقبرة الفواكه فيكى
قولى معاى ياشرف القبايل
جر....
الشاف تباريح الطلح فى
النار شافنى مرقت من
عندك ضرير....
أنا ليه تجينى الموية حفيانة
وأدنقر ألبِّسا فى شبط أخضر
وأبيت مبلول.....
وأصلِّح فى رباط....
أنا ليه شبابيك البيوت
الواجمة والناس البساط....
وليه يرجانى النخل
فى السكة يفتح قلبى خمارةوخلاوى دوبيت بكا.....
تعبت من المساسقة والهتاف ياغيمةأتبنى جبهة القمره...
السهر والحمى طول الليل تهضرب....
يا هدهد لقيت أمك
ترشرش فى السعف من عينها...
تجبر خاطرا المكسور عليك...
ينكسر خاطر السعف فى إيدا.....
يا هدهد قيام......
من السما الأول
قيام...
من السابع قيام...
وأنزل مسافة تهبشك غنوة وأناولك كأس....
**********
ومرت مراكب نوح محملة بالملوك...
ركعت على الموج الجنود.....
من كل جندى تفوح ضحية....
ودم مشتته فى الأبد.....
دسيت جبهتى من السجود
بكى فى مخاض الخوف
ولد.....
إشتبهوا فينى ورا الجبل....
شافونى دسيت الهداهد
والزبد......
صفا !
إنتباه !
وقعت من الهدهد بلد......
نهبوها وإتقسموا الحدود....
*********
ومرت مراكب نوح محملة بالطيور....
واقف مع نوح الغراب
ينضم ويأشر فى إتجاه....
باقى الطيور يتوسوسوا
إلاّ الحمام إتوضا مارق
للصلاة....
القانقرد فى حزنو يغزل
شالة من صوف....
الطواويس شارّة قمصانا
المزركشة فى الضحى.....
الزرازير بى عراريقا
المغبشةجات على....
أرجينى يا صالحة
ومشيت فى الموج...
يا النبى نوح أصل سالم
يا النبى نوح أصل ...
حجر الدُّغُش فى الموية
يقلع ضُفرى......
يادم ده ما وكت الرسم واللون.....
وجات المغارب حننت
إيدا ومشت...
سبحانك الأديتنا من
حزنك فوانيس....
الغراب يا نوح طفش
واليابسة وين ...
يا الله ما يابس سوى
حلقىالمجرح بالدعاء.....
طير يا حمام !
الحمام يا نوح يجامل فى
السمابيّاع مناديل خضرا
فى كل العصور...
ليه الفجر مهجور تحت
حاجب حبيب النايمة
فى الجبلالمشلخ بالرمال....
أنا ما خلقتك يا ظنون...
شان تبيتى الليل معاى.
وتجرى من فوقى الغُطا...
ما تشُرّى فى حبلى
الوسواسوالمعانى الداكنة
والليل والشتاء.......
الهدهد تميمة الموت
معلّق فى بيوت الناس
نعش.....
من خرافاتهم تعال
من دياناتهم تعال...
نفّض نعاسك من كل بيت..
من كل حجوة حكوها عنك
فى الليالى الباردة
والأطفال نيام...
مين يشترينى من الملوك....
الخايدة فى الدم القديم.....
مين البوصِّف بيتنا لى هدهد يتيم...
***********
ياهدهدي المهدود
مين هدهدك نمت.....
كلام الطيور غنت منك
يجينى سكوت...
مين الهداك للناس
أو هدّ فيك الموت.....
يا أوسم الجايين
أنا قلبى حِلّة حنين.....
والشوق فتحنى بيوت
يا صالحة لا جنبك
لا فتّ منك فوت....
أدخل ضلام الناس
نورك يجينى خيوط....
وقبّال أقع فى الضو
جوّاك منك سندنى خِفوت...
أنا برضى حلة شوق
لكنى فى التابوت....
ومرت مراكب نوح
محملة بالعبيد...
الجنة زى هدهد
معلقة فى الكتاب...
ونحن العبيد....
باب الحياة السرِّى
حرير فى فكرة الدودة
الموجعةبالنسيج....
سبحانك الأديتنا من
ملكك سلاطين.....
*********
مين يشتريني من الملوك
الخايدة في القدم القديم...
مين البوصف للنحل
رحيق الحبيبة وحبه القمح
التقوم فوق محفضة
حبوبة في الزمن اللعين..
**********.
وين ولدك تركته في
على الجبل....
وين بلدك ضربتها
في مثل....
وين نحن مرقته
على عجل...
يانوح تخلينا زيتونك
مخلل بالشمس...
نار الله والرجل الغريبة
نحن الهناك
الشاكية جرحها للصقيع... .
جاتنا القوافل بالضجيج....
جرتنا من حلبة رقيص...
ورتنا كيف صلبوا المسيح....
ورتنا كيف كتلوا الحسين.....
وبكينا أكتر منها
ساقتنا فى الآخر عبيد.... **********سيناريو اليابسة "الهدهد "
---------------------------------
كلمات عاطف خيرى.....
====================
الهدهد:
مخدوش الفضا..
طويل الحزن .. مفتول الحنين
مصاب بالديانات والشرود.....
نوح:
يبلغ من الطول مسافة
يشتهى الغرقان شهيق...
اليابسة فِركة مدخورة
لى يوم فيهو ساير النيل..
قطـّاع رحط كل الجزائر......
والبنات البفتحوا الباب للمطر.....
وأنا جدول شارف على كل الجناين الصاحية فيك.....
والغباش فى دمى منك
لو كسر ضلعين عذرتو.....
لكن نهر كل العصافير
البتلعب فى الوريد....
وفنـّاكى جواى زى حجر
والبينـّا ما فات الدوائر.....
الليل خِمار القمرة مجدوع
فى الفراغ.......
والرقصة لى البت فينا
فوق كل المسامير الندقها
فى البساط.....
والرياح حكـّامة بى دلوكة
مرّقت الشياطين....
المنهاإتجنن فقير الحلة
ودقيناهو بى نفس السياط..
كل النيازك المجرات والشُهُب
ودع راميهو الله على السما....
والدنيا زار.....
يا هدهد هنا مرت مراكب
نوحمحملة بالبخور.....
مين اللى شال من طاقة
الطين البعيدة....
قنديل حبيبتى وطيـّب
الجرح المثير....
مين السرق من بابا مفتاحو الملون والصرير.....
منهوبة مقبرة الفواكه فيكى
قولى معاى ياشرف القبايل
جر....
الشاف تباريح الطلح فى
النار شافنى مرقت من
عندك ضرير....
أنا ليه تجينى الموية حفيانة
وأدنقر ألبِّسا فى شبط أخضر
وأبيت مبلول.....
وأصلِّح فى رباط....
أنا ليه شبابيك البيوت
الواجمة والناس البساط....
وليه يرجانى النخل
فى السكة يفتح قلبى خمارةوخلاوى دوبيت بكا.....
تعبت من المساسقة والهتاف ياغيمةأتبنى جبهة القمره...
السهر والحمى طول الليل تهضرب....
يا هدهد لقيت أمك
ترشرش فى السعف من عينها...
تجبر خاطرا المكسور عليك...
ينكسر خاطر السعف فى إيدا.....
يا هدهد قيام......
من السما الأول
قيام...
من السابع قيام...
وأنزل مسافة تهبشك غنوة وأناولك كأس....
**********
ومرت مراكب نوح محملة بالملوك...
ركعت على الموج الجنود.....
من كل جندى تفوح ضحية....
ودم مشتته فى الأبد.....
دسيت جبهتى من السجود
بكى فى مخاض الخوف
ولد.....
إشتبهوا فينى ورا الجبل....
شافونى دسيت الهداهد
والزبد......
صفا !
إنتباه !
وقعت من الهدهد بلد......
نهبوها وإتقسموا الحدود....
*********
ومرت مراكب نوح محملة بالطيور....
واقف مع نوح الغراب
ينضم ويأشر فى إتجاه....
باقى الطيور يتوسوسوا
إلاّ الحمام إتوضا مارق
للصلاة....
القانقرد فى حزنو يغزل
شالة من صوف....
الطواويس شارّة قمصانا
المزركشة فى الضحى.....
الزرازير بى عراريقا
المغبشةجات على....
أرجينى يا صالحة
ومشيت فى الموج...
يا النبى نوح أصل سالم
يا النبى نوح أصل ...
حجر الدُّغُش فى الموية
يقلع ضُفرى......
يادم ده ما وكت الرسم واللون.....
وجات المغارب حننت
إيدا ومشت...
سبحانك الأديتنا من
حزنك فوانيس....
الغراب يا نوح طفش
واليابسة وين ...
يا الله ما يابس سوى
حلقىالمجرح بالدعاء.....
طير يا حمام !
الحمام يا نوح يجامل فى
السمابيّاع مناديل خضرا
فى كل العصور...
ليه الفجر مهجور تحت
حاجب حبيب النايمة
فى الجبلالمشلخ بالرمال....
أنا ما خلقتك يا ظنون...
شان تبيتى الليل معاى.
وتجرى من فوقى الغُطا...
ما تشُرّى فى حبلى
الوسواسوالمعانى الداكنة
والليل والشتاء.......
الهدهد تميمة الموت
معلّق فى بيوت الناس
نعش.....
من خرافاتهم تعال
من دياناتهم تعال...
نفّض نعاسك من كل بيت..
من كل حجوة حكوها عنك
فى الليالى الباردة
والأطفال نيام...
مين يشترينى من الملوك....
الخايدة فى الدم القديم.....
مين البوصِّف بيتنا لى هدهد يتيم...
***********
ياهدهدي المهدود
مين هدهدك نمت.....
كلام الطيور غنت منك
يجينى سكوت...
مين الهداك للناس
أو هدّ فيك الموت.....
يا أوسم الجايين
أنا قلبى حِلّة حنين.....
والشوق فتحنى بيوت
يا صالحة لا جنبك
لا فتّ منك فوت....
أدخل ضلام الناس
نورك يجينى خيوط....
وقبّال أقع فى الضو
جوّاك منك سندنى خِفوت...
أنا برضى حلة شوق
لكنى فى التابوت....
ومرت مراكب نوح
محملة بالعبيد...
الجنة زى هدهد
معلقة فى الكتاب...
ونحن العبيد....
باب الحياة السرِّى
حرير فى فكرة الدودة
الموجعةبالنسيج....
سبحانك الأديتنا من
ملكك سلاطين.....
*********
مين يشتريني من الملوك
الخايدة في القدم القديم...
مين البوصف للنحل
رحيق الحبيبة وحبه القمح
التقوم فوق محفضة
حبوبة في الزمن اللعين..
**********.
وين ولدك تركته في
على الجبل....
وين بلدك ضربتها
في مثل....
وين نحن مرقته
على عجل...
يانوح تخلينا زيتونك
مخلل بالشمس...
نار الله والرجل الغريبة
نحن الهناك
الشاكية جرحها للصقيع... .
جاتنا القوافل بالضجيج....
جرتنا من حلبة رقيص...
ورتنا كيف صلبوا المسيح....
ورتنا كيف كتلوا الحسين.....
وبكينا أكتر منها
ساقتنا فى الآخر عبيد.... **********
| |
|
|
|
|
|
|
| |
عبداللطيف حسن علي
فيس بوك
تويتر
انستقرام
يوتيوب
بنتيريست