Post: #3 Title: Re: أدب المقاومة ضد الزيف والعسف والحيف Author: الصديق الزبير Date: 03-28-2023, 09:09 AM Parent: #2
سلام ، دكتور ياسر * وتحية لكل حُر ، ثائر ضد الظُلم في بلادنا وفي غيرها . ** * لفت انتباهي قصيدة أبو عركي في رثاء حِميد * كلمات بسيطة وصادقة وعميقة للغاية .
Post: #4 Title: Re: أدب المقاومة ضد الزيف والعسف والحيف Author: Yasir Elsharif Date: 03-28-2023, 09:47 AM Parent: #2
***
محمد الحسن سالم حميد مناديــل مِـن كــفن المسيح أوعى الكلام الفارغ المنفوش فشوش هقّالي إمبريالي سام حِفض السلام في ايدينا ما فِيد عمِّ سام بس بالمطايبا بالسماح أرضاً سلاح منْك السلام ولك السلام وبك السلام مِيّاك وِليد الحِنْ لَـزَم طيّاب نفج لي صدري بي عطرون زغاوة نقاوة لَو شَقّاق هجم، ماك الولي ماك الكسيت الكَعْبَة ديك ماك السقيت بآبار علي ماك العزمت علي الفقير العقلو راح إبن النُصاح سوّا النَصاح قول للزنوج النوبوية، دم العرب كيف البيجاوية، وأريحية الحلب لي كل خُلاصات النسب من بطن سودانيي جد بطراني، أي، بالحيل نعم ما سادنا دون سودانّا سيد طول الزمن شانك خدم ليك يا وطن جمعاً عبيد لا لليَسَو دا عِريبي شو بلويت بجم جلابي مندوكرو انقهم تلك النعوت الماها فيك والماهو فيك ماتشيلو هم سمحي المشاغلة عن وداد فِرّيق، قطع قافات، مزاح قِرّيق، مُوْ زَمْ هيظار حبايب أباني خالة لاباني عم مو دُواس ودم سيب للزمن ما للزمن تلك النعوت هيا بي فهم نحيا وتموت موت الخُرافات الوهم عِن فتحة الموية العويش والروث تفوت كل السخافات للعدم يبقى الدم السوداني دا الوين زيو دم أما الفواخير الوخم من منقد الزمن الجحيم إتكوّمت رتّت فحم يا ملمِّع القِدر القديم لمّعنا من قدَر السجم وملّسنا من خرش الشلوخ خلّصنا من نتش الوشم وسّمنا صاح بالإندياح والإرتياح لبعضنا صاح إثنيـّّي لي واحد تشِق عِرقِـيّـي ما عادت فهم الشي ابن آدم فَـد عِرِق والدم دوم تحت اللحم كل اليقلب الخوّة دم كل اليكِب في الجوّة سَـم ما لمّ لم، سودانّا صَـم مابتنضرع غير للزرع ومابتنقسم غير إنّها الأوطان قِسَم زيح عنّو روحك واستريح بعضاً من الله يا وطن واحد صحيح من يقسمك نُصّين كضب من يرسمك وطنين، ولا في ولا اترسم سودانّا بس، ما سُوء فهم جوّانا بس كيف نَحَيَا صاح جم جم صُراح سوا بالكفاح هوا دا الأهم يا مثبّت الريش في الجناح ثبّتنا صاح كركون سلام لوطن دوام واحد تمام قدّام وطن دايماً أمام طوالي في صلاة الزمن لي جُملة الأوطان إمام أسمع كلامي، دا ما كلام كِير الحرب ما عندو حد مُو لعب قعونجي ألْمِي السعير قلبك تعب، قبلك كتير يابا الحرب مي فيها خير ثماً في خيراً في الحرب إنّك عصي ولايوق قدُر ما كالهدي وطيّب قلب أسمع كلامي دا يا تِلِب أختا الحرب درب السلام مو الكان بعيد للحول قرب ما الحرب آخرتا غير نخور على خيرنا تنكالب أمم طول مابتنكافا الطيور يا بختها الحِدِي والصقور حظ المرافعين والرخم أرخى الجناح فوق الجراح أرضاً سلاح أسمع كلامي دا يا بلد كان ذات زمان كان في بُكان زي البُكان دا وها الزمان وقعت شرارة علي بُرج ساكنو الحمام فسراع هرع ريح الخريف من جاي وجاي لمّ الغمام فسراع هرع ريح الخريف من جاي لي جاي لمّا الغمام نزلت مِطيرة برت برت طفت الحريق والريح معلق في الركام لما اتنفض وقف المطر والجو برد فزعوا العصافير لي بعض حفتوا الحطام مرق المرق واللِنحرق بين الورق لفّوهو بي كل احترام قبل الضلام يغشى الفريق زي اكنو ماقد كان حريق كان البرج زي ماهو قام من تاني قام سكنوا الحمام باض الحمام هدل الحمام نزل الحمام طاهر قدم على جملة الإيمان قسم الدندريس ود حوّا أبو الهدهد جزم والمنصف البستان حكم بوم الخراب وين باني جاني ومتهّم في كل حربة ويات سهم مسنون من أعواد السلم في راسو سَم كل اليقلب الخوّة دم كل اليكِب في الجوّه غم ما لما لم لا ديمي راح يبقى الوطن دا وهيط خلاص و اوسع براح آخر الكلام منو السلام إن جيتني جد وا جيتلنا وجيت للبلد يا ابن الكرام حل العُقد حلّيتا بيطول الحبل فكّيتا راح يصل الدلو البير الحلو ويات من ولد تلقا استمخّ مع النشل وسقى البلد ياحوّا بنوتك ملو ويادم جناتك تغتسل من لوثة الزمن الفسل يازول وفي وسمّح خلاص يامن عشان عين الوطن تبرد نشيل الدنيي حاس قوماك ياخيي ندوس دواس كجّنا ياجنا ها العكاس يضرسنا كلنا حس رصاص دايرين نونس ما احنا ناس على أحلى نخب وداد وكاس من راس قرورة لحدي كاس وزي ما بيعاطن الموج درج او ما بيباطن الغيم أويل نلهج لهج حلو سلسبيل والنيل يغني حليلي والله حلالي انا المكتول عديل في حوش البلد مكتول كتل وياك بالفعل سوداني يا موية الحياة ياخالدة يا منذ القدم لا ريحة لا لون لا طعم الماهو فيك ماتشيلو هم أدّ الوطن مادّاك يا أدّو الحياة ويي دا الأهم بالجاي راح ننسى اللراح فر الجناح فوق الجراح أرضاً سلاح، ياجمّنا أمسك شُباطين الصراع الفكري صاح أنضر حزم بين باطك الدفّاي يا خيْ حزم الكفاح بالوعد بي شد البصيرة علي الشعاع الدغري راح نصلو الصباح لا بالصياح لا بالتباكي علي بوانكي اليانكي لا بالإنبطاح تحت السواهي وتحت السواهي دواهي ناصباها الضباح أنا شوقي لا متناهي للوطن البراح أنا دمي دم ما شاهي وين شاهي الصباح بي همي لا تلاّهي همي أنا شايلو صاح لي آهي لا تشّاهي لا بالله يا نخب الكساح وديتي وين وطني الخزين سبتيلي هادي التاح تراح وانت العليك ركتنا هات جكّتنا سايمين المهج ودينا خاطرك يا وطن ناس في سبيلك كالغيوم وا شوقنا للوديان زمن سكتنا دغريي و حداك جاتك بشاراتك إذن علّمنا نستشهد فداك نحنا البنتماوت سُداً أرضاً سلاح .. أرضاً سلاح
Post: #5 Title: Re: أدب المقاومة ضد الزيف والعسف والحيف Author: Yasir Elsharif Date: 03-28-2023, 10:27 AM Parent: #4
تسلم يا الصديق صدقت وهكذا ابو عركي بساطة وعمق ـــــــــــــــــــــــــــــــــــ
Quote: فينا اللي بشبه أرضنا..وفينا اللي غير..!! فينا اللي شارين الوطن..فينا اللي بايعين الضمير..ومرقنا شان نبني الوطن..ما كنّا عارفنو المصير..ومرقتا شايل لي كتاب..ورجعتا شايلني فْ..سرير..أو عنقريب ما بنتختلف..الحب شنو..؟ ما الحب ولِف..!! والموت هو موت..إن كان وليد أو كان ألِف. _______ لن تهزم هذا الجيل يا برهان يا وسخان .. انت وجنجويدك وحتى ان حمتك أورشليم. #لن_يحكمنا_برهان_الكوز #لن_يحكمنا_الجنجويد #الشوارع_وحدها_من_لا_تخون #تحيا_الثورة ✌
هنيئا للسودانيين الذين من أجلهم وقف الأستاذ محمود في المحكمة الشهيرة وارتجل هذه الكلمة ثم نفض رجليه عند سفح المشنقة ولسان حاله يقول حرية سلام وعدالة
Post: #6 Title: Re: أدب المقاومة ضد الزيف والعسف والحيف Author: Yasir Elsharif Date: 03-30-2023, 04:00 PM Parent: #5
عمر علي عبد المجيد الممكون
Post: #7 Title: Re: أدب المقاومة ضد الزيف والعسف والحيف Author: Yasir Elsharif Date: 03-30-2023, 04:20 PM Parent: #6
Post: #8 Title: Re: أدب المقاومة ضد الزيف والعسف والحيف Author: Yasir Elsharif Date: 04-01-2023, 10:40 AM Parent: #7
***
Quote: الدروب | Alduroob
Compass Creative Productions 15.400 Abonnenten
Abonnieren
685
Teilen
9.849 Aufrufe Premiere vor 16 Stunden. الدروب أوبريت غنائي وفيلم وثائقي موسيقي ذو طابع ميلودرامي
كتبت كلماته بعد سبتمبر 2013، وبدأ تسجيله أثناء اعتصام القيادة العامة في مايو 2019. أما العمل على محتوى الفيلم نفسه فكانت بدايته في أبريل 2020. الدروب فيلم موسيقي حقوق نشره مفتوحة لكل سوداني في كل مكان وزمان (فيما عدا المواد المشار إليها في المصادر إذ أن حقوقها تعود إلى مالكيها)
:الكلمات
قول لي يا سودان عليك عرق الغلابة و همهم إنت بتمش فوق الدروب أم هي بتمش فوقك تجرب حظها و كل مرة هي بتحرق دمهم
و قول يا سودان عليك دمع الثكالى و نخجتن سايل على خدّك سنين إنت البتذرف للدموع أم هي بتسوقك خلفها لجمات حزن طول الزمن شقيش يسيل دمعك تمش وين ما يكون حزنك تكون كل ما تناديك أنتن
واقف أظنك ليك زمن كل ما سمع عنك طريق جا وجرّبك أو خربك يمشيك يدوسك ما بخاف فزعة ولاد واقفين حداك ولعلّهم نايمين كمان عنك زمن و ما بهمهم ماشين سنين درب الجمر تعب الجمر من تحتهم يدفن خطى الأحلام هشيم الأمنيات تذرو الرياح آثارهم تاه الطريق من خلفهم لا هو استبان لا وصلوا هم يا وطني ملطشة الدروب حتى الدروب ملّت خلاص ملت رمادك تحتهم ما بحسو هم
من روسيا جابو لك طريق تملاو رفاق كسوك من لبساتا صوف صيفك بيضحك اختناق عرّاقي بس بقضي الغرض يا اولادي ما هذا الطريق الكلو ضيق الحر نضم و الحر وهم والثورة تاكل في جناك والأمر أبسط من كدا
من مصر جابو لك زقاق قالو بتمر أخوان منو؟ أخوانا أم أخوان بعض؟ صالح منو العام في الفساد هل نحنا هم؟ ياخ هم منو؟ و الأمر أبسط من كدا
ما بين مصر والروس دريبات من وهم أسياد نهم خمّونا خم باسم الذي ما أرسلم
هل ديل ولادك يا وطن هل كنت عاق؟ لا أبدا وحاتك لم تكن
لم تكن إلا النسيمات في الصباح تملا القلوب و تفيض سماح إلا البسيمات في وجوه أطفالنا كم علّمتها الحب في كفاح إلا المعالم في الدروب أشجارك أحجارك و أنفاس الملاح تحكيك بدون ما تقول فللطيب افتضاح تحكيك تنادينا وتقول الفجر لاح
ما قلت ليك الأمر أبسط من كدا سودان وبس سودان كفى الكل غلط وانت اللي صاح
آخر سؤال ليك يا وطن قول لي سألتك بالقبيل رفعوا العلم رفعوهو ليه؟ وفضل الألم في كل شبر دمعات ودم فرحتنا هل كانت وهم
قول لي يا سودان متين تختار طريقك بي فهم تختاها ملطشة الدروب تختى الوهم شان الغلابة وهمّهم شان الثكالى وأنتن قدام هناك شايل مزامير الفرح نبراك نحنا وحلمهم نبراك نحنا وضحكتن في كل قلب تلقى الدرب تبقى الدرب نبرى الوطن