الرسالة الأولى هي كانت عبارة عن تبني الملك عبد الملك بن مروان لتعاليم نبي اسمه قثم أو محمد عاش في منطقة البتراء، ثم جاء العباسيون وأضافوا نصوصاً كثيرة لنصوص النبي محمد، حاول الأستاذ محمود محمد طه في رسالته الثانية التخلص من زيادات العباسيين، وتبنى فكرة عودة القرآن المكي ونسخه للقرآن المدني، رسالتي الجديدة أن نقوم بتلطيف الدين وسحب قرآن العباسيين. واحد حا يقول لي ح تفرز قرآن العباسيين من قرآن النبي محمد كيف؟ الموضوع دا ساهل؛ نبدأ ليكم الرسالة التالتة برمضان دا؛ قرآن النبي محمد بقول: "أياماً معدودات" يعني أقل من أسبوع الصوم ستة أيام، ما ممكن أياماً معدودات تكون شهر! شهر مُضر بالصحة ومهلك للاقتصاد.
الصلاة: تلاتة أوقات طرفي النهار وزلفاً من الليل في غير أوقات العمل، حسب شغلك دوامك بعد شروق لحين قبل الغروب عليك تلاتة صلوات صبح مغرب عشاء وكل صلاة ركعتين، الوضوء فقط تغسل يديدنك ووشك وتمسح رأسك ورجولك، بدل تطمجوا الحمامات كلها موية، وضو لطيف وحضاري، نهائي لا توجد صلاة أثناء العمل، إلغاء المساجد وصلاة الجماعة. تبرمج صلاتك حسب شغلك، صحيت من النوم تصلي ليك ركعتين قبل تنوم ركعتين، موضوع ساهل، ما فيهو تنخم وصوت استنشاقك يصل الجيران، تمارس عباداتك من غير ازعاج وما حد بحس بيها،
إلغاء الحج، الزكاة بقدر ما تقدر زكي.
الإرث، نتبع النظام الغربي
Post: #2 Title: Re: الرسالة الثالثة Author: MOHAMMED ELSHEIKH Date: 03-22-2023, 10:19 AM Parent: #1
ينوبك ثواب لو تدينا كمان فتوى في الضحية واهلاك الثروة الحيوانية مع ان الرسول (ص) صحى بكبش له ولاسرته وكبش اخر لامته اللهي الأنسانية
Post: #3 Title: Re: الرسالة الثالثة Author: أبوبكر عباس Date: 03-22-2023, 10:23 AM Parent: #2
الضحية ورجم عمود الخرصانة في الحج، دي وثنية قديمة عفى عليها الدهر
Post: #4 Title: Re: الرسالة الثالثة Author: أبوبكر عباس Date: 03-22-2023, 10:30 AM Parent: #3
عيد الأضحية نحتفل بيهو يوم لمحاربة الوثنية القديمة، نعمل فيهو مجسمات للكعبة بالشكولاته أو العجوة ومجسمات صغيرة للأطفال لهبل ومناة الثالثة والخراف من العجوة والحلوى، نسميهو عيد مناة الثالثة
Post: #5 Title: Re: الرسالة الثالثة Author: أبوبكر عباس Date: 03-22-2023, 10:44 AM Parent: #4
في هذه اللحظة أرسل لي صديقي الفيلسوف الأديب حيدر حسن هذه الرسالة:
نشر الكاتب البرازيلي الشهير "باولو كويلو" قصة قصيرة يقول فيها: "كان الأب يحاول أن يقرأ الجريدة، ولكن ابنه الصغير لم يكف عن مضايقته؛ وحين تعب الأب من ابنه قام بقطع ورقة في الصحيفة كانت تحوي على خريطة العالم ومزقها إلى قطع صغيرة وقدمها لابنه وطلب منه إعادة تجميع الخريطة.. ثم عاد لقراءة صحيفته.. ظانا أن الطفل سيبقى مشغولا بقية اليوم.. إلا أنه لم تمر خمسة عشر دقيقة حتى عاد الابن إليه وقد أعاد ترتيب الخريطة! فتساءل الأب مذهولا: "هل كانت أمك تعلمك الجغرافيا؟! رد الطفل قائلا: "لا، لكن كانت هناك صورة لإنسان على الوجه الآخر من الورقة، وعندما أعدت بناء الإنسان، أعدت بناء العالم"... كانت عبارة عفوية؛ ولكنها كانت جميلة وذات معنى عميق "عندما أعدت بناء الإنسان، أعدت بناء العالم"، فالأهم بناء الإنسان ...
Post: #6 Title: Re: الرسالة الثالثة Author: Yasir Elsharif Date: 03-22-2023, 11:04 AM Parent: #4
سلام يا بكور إنت ما سمعت بالكعبة العاوز محمد بن سلمان يبنيها في الرياض كمدينة ترفيهية؟
Post: #7 Title: Re: الرسالة الثالثة Author: أبوبكر عباس Date: 03-22-2023, 12:13 PM Parent: #6
هلا دكتور ياسر، الزول الفي الفيديو دا داير يربط البيت الترفيهي بتاع الرياض والكعبة ربط تعسفي!! ما أي بيت أو غرفة في الدنيا دي بتشبه الكعبة، الناس دي بتكره بن سلمان وبن زايد ودايرين يتسلبطوا فيهم.
Post: #8 Title: Re: الرسالة الثالثة Author: muntasir Date: 03-22-2023, 01:57 PM Parent: #7
يا زندقة انت رسالة لندن ما تعملها خليك من الرسالة اللاطشها من خالك دي
Post: #9 Title: Re: الرسالة الثالثة Author: أبوبكر عباس Date: 03-22-2023, 02:11 PM Parent: #8
يا زول، خالي صعب؛ بصوم ٣٠ يوم من الفجر لحدي صلاة العشاء،
رسالتي دي فيها تخفيضات وتسهيلات كبيرة جداً، سوف أجعله الدين الأسهل في الدنيا
Post: #10 Title: Re: الرسالة الثالثة Author: Abureesh Date: 03-22-2023, 05:39 PM Parent: #9
سلامات ابوبكر.. وتفطر وتتعشى على خير.. بنفس منطقك المازح دا.. طيب برضو عندك وعلي الذين يطيقونه صيام شهرين.. يعنى لو قادر ما تصوم.. ايه رايك؟
الحلفاوى قالوا ليه السنة دى رمضان جاى سخن نار مولعة.. قال ليهم ماااااا من مصلحتو
Post: #11 Title: Re: الرسالة الثالثة Author: أبوبكر عباس Date: 03-22-2023, 08:06 PM Parent: #10
ما زال الصيام يا أبا الريش، بتقدر وما داير تصوم الستة يوم دي؛ تطعم فقراء ونحن لمان تطعم الفقراء أحسن لينا اجتماعياً