طبعا ترهاقا زول مزيكا..وبرضو احمد ياسين.. فشنو ..حمد الريح يا ترهاقا قام غنا غنية (الظروف يا حلوة)..ومحمد ميرغني قام غنا غنية (حنيني ليك )..وكلو عادي.. الما عادي المقدمة بتاعة الموسيقي..! هل هي حاجة واحدة يا ترهاقا؟ نسمع وتسمع معانا..
Post: #2 Title: Re: مزيكا..ترهاقا واحمد ياسين..الظروف يا حلوة � Author: Kabar Date: 03-20-2023, 10:29 AM Parent: #1
هاني عابدين..غناها..بصورة جميلة..
Post: #3 Title: Re: مزيكا..ترهاقا واحمد ياسين..الظروف يا حلوة � Author: ترهاقا Date: 03-20-2023, 11:58 AM Parent: #2
مولانا السمييع كبار تعرف في ناس كتيرين لمن يسمعوا أغنية يقولوا ياربي أنا سمعت لحن قريب من ده ويين؟ التشابه مرات بيكون توارد خواطر بس في الحالة دي ممكن نقول الملحن بتاع الظروف يا حلوة كان بيستمع لاغنية حنيني إليك قبا الشروع في تلحين أغنيتو وشال روح اللحن وأنا بفتكر إنو أغنية حنيني إليك هي الاجمل لحنا وإنسيابا. وربما الاستاذ أحمد ياسين حيكون عندو ليك تحليل أكثر موضوعية
Post: #4 Title: Re: مزيكا..ترهاقا واحمد ياسين..الظروف يا حلوة � Author: محمد صديق عبد الله Date: 03-20-2023, 12:08 PM Parent: #2
هلا كبر.
قبل ما الأستاذين تهراقا وأحمد ياسين يدلوا بدلوهم، لا بدَّ من التصحيح ده. أرجّح أن أغنية الظروف من كلمات عزمي أحمد خليل وتلحين العاقب محمد حسن وليست من كلمات الحلنقي وتلحين ناجي القدسي كما يظهر في الشريط.
تاني حاجة، الأغنتين المشار إليهما من ألحان الراحل العاقب محمد حسن.
تالت حاجة، من وجهة نظري ما في تطابق في اللحنين، لكن ممكن الإحساس واحد عشان الملحن واحد.