Post: #1
Title: خالد عمر يعلن موعد التوقيع النهائي للاتفاق والدستور وتشكيل الحكومة
Author: زهير ابو الزهراء
Date: 03-20-2023, 04:00 AM
04:00 AM March, 19 2023 سودانيز اون لاين
زهير ابو الزهراء-السودان
مكتبتى
رابط مختصر
+++
أعلن خالد عمر المتحدث باسم العملية السياسية توقيع الاتفاق السياسي النهائي في الأول من أبريل المقبل وتوقيع الدستور الانتقالي في السادس من الشهر نفسه .
وأوضح يوسف في مؤتمر صحفي مساء اليوم إنه تم اختيار لجنة لصياغة المسودة الأولية للاتفاق النهائي بموعد أقصاه 27 مارس الجاري.
وحسب رصد (متاريس) أشار خالد عمر يوسف أن اللجنة ستضم تسعة ممثلين عن القوى المدنية وممثلا عن القوات المسلحة وآخر عن قوات الدعم السريع.
وأضاف أنه قبل اجتماع الآلية السياسية المعنية بصياغة الاتفاق السياسي النهائي، انعقد اجتماع آخر بحضور البرهان وحميدتي ، وممثلين للآليتين الثلاثية والرباعية مع ممثلين للقوى المدنية الموقعة على الاتفاق الإطاري.
وقال إنه جرى خلال الاجتماع الأول مراجعة “المواقيت الزمنية وبالفعل تم الاتفاق على مواقيت زمنية نهائية” في اجتماع الآلية
تشمل البدء في تشكيل مؤسسات السلطة الانتقالية بالبلاد يوم 11 أبريل.
الخرطوم :(متاريس)
|
Post: #2
Title: Re: خالد عمر يعلن موعد التوقيع النهائي للاتفا
Author: Abureesh
Date: 03-20-2023, 04:17 AM
Parent: #1
تقول فى زول مغالطهم انها كذبــة!!
|
Post: #4
Title: Re: خالد عمر يعلن موعد التوقيع النهائي للاتفا
Author: زهير ابو الزهراء
Date: 03-20-2023, 04:25 AM
Parent: #2
مع كامل أحتر امنا للجميع يا صديقي دي مطاولات ما عندها معني وهم كلهم منو اللي أعطهم تفويض لعمل أي خليك من تشكيل حكومة
بالمناسبة هم في وداي والمواطن في همومو اليوميه ديل ما عارفين الحاصل ربك يستر علينا بس
|
Post: #3
Title: Re: خالد عمر يعلن موعد التوقيع النهائي للاتفا
Author: adil amin
Date: 03-20-2023, 04:22 AM
Parent: #1
وشالو السيدة وخلو حرم ومع نفس الناس وضاعت 1460 يوم بعد جدع بن عوف الساقط دستور 2005 وجرى مصر
ديل ناس خالد سلك ما بتتعلمو لا من فشلهم ولا من تجارب الاخرين
لكن الشباب المبارهيم 4 سنة ويموت في الشوارع ده
براهن عليهم ليه من الاساس لحدي هسة
اطاري ولي جذري وكتلة ديمقراطية
لا يمكن اقامة دولة فدرالية محترمة في مذبلة الانقاذ اطلاق ولا يمكن يدار السودان بي حكومة مركزية ورئيس وزرا مركزي
ومشكلة الاقاليم الخمسة واااااااااااااااااااااااااااااااااادة ومشروحة في البورد ده مليون مرة
ما هي المؤسسات ال11 المطلوبة في كل السودان ؟؟
وما هي المرجعيات الدستورية الوطنية المحترمة المتاحة من الاستقلال لحدي الليلة
4 برنامج وطنية فقط
وهسة واحد في الاثنين غبي جدا\
اما خالد سلك الانتهازي بتاع المحاصصة او انشتاين
https://www.0zz0.com
شوفو منو البضقل بيهم الجنرالات في السودان والشركات الاقليمية والدولية الناهبة للسودان في جمهورية الموز الجديدة
|
Post: #5
Title: Re: خالد عمر يعلن موعد التوقيع النهائي للاتفا
Author: Asim Ali
Date: 03-20-2023, 01:42 PM
Parent: #3
اتفاق نهائى وتوقيع مسودة دستور فى رمضان ونرجع لبيانات الفجر-ونقه كباشى - تصحى الصباح تلقاها فى الجرايد
|
Post: #6
Title: Re: خالد عمر يعلن موعد التوقيع النهائي للاتفا
Author: Abureesh
Date: 03-20-2023, 02:44 PM
Parent: #5
| Quote: وأوضح يوسف في مؤتمر صحفي مساء اليوم إنه تم اختيار لجنة لصياغة المسودة الأولية للاتفاق النهائي بموعد أقصاه 27 مارس الجاري |
ديل عبطا واللا يستعبطوا.. يا دوب تم اختيار( لجنة) لصياغة المسودة.. وكمان الاولية.. بعدها نقاش.. بعدها
صياغة المسودة النهائية وبعدها نقاش.. ثم الاتفاق.. وبعده الاجتماع لتوقيع الاتفاق.. ولكن كيف يعلنون توقيت
الاتفاق والتوقيع يوم الاول من ابريل؟ ولو اصلا هم اتفقوا وتبقى التوقيع فلماذا لجنة لكتابة (مسودة) اولى لنقاشها
ثم مسودة ثانية؟
|
|