Post: #1 Title: وهكذا غادر الرئيس جعفر نميري إلى منفاه في قصر العروبة بضاحية مصر الجديدة في العاصمة المصرية !!! Author: Yasir Elsharif Date: 03-19-2023, 00:08 AM
وهكذا غادر الرئيس جعفر نميري إلى منفاه في قصر العروبة بضاحية مصر الجديدة في العاصمة المصرية !!!
Sana Idris Ibrahim 341 Abonnenten
Abonnieren
67
Teilen
Speichern
3.029 Aufrufe 10.03.2023
Post: #2 Title: Re: وهكذا غادر الرئيس جعفر نميري إلى منفاه في Author: Amira Hussien Date: 03-19-2023, 10:07 AM Parent: #1
مما يزعج المستمع كثيرا عدم وضوح مخارج الحروف فى الكلام ….الموضوع مهم لكن الصوت بيضايق
Post: #3 Title: Re: وهكذا غادر الرئيس جعفر نميري إلى منفاه في Author: محمد صديق عبد الله Date: 03-19-2023, 10:34 AM Parent: #2
وأضيف يا أميرة عدم وجود صور مصاحبة للسرد.
في الأخبار التلفزيونية، لا تتجاوز مدة الخبر القصير 30 ثانية. المذيع بيبدأ الخبر بالمقدمة lead وهو ظاهر على الشاشة وبعدها بيختفي لكن بيكون مواصل القراية وبتظهر صور بيسموها في غرف الأخبار oov ودائما الأووف ده بيكون صور ليها علاقة بالخبر أو صور ارشيفية ليها علاقة بالموضوع، ودائمًا مدة ظهور المذيع في المقدمة بتكون أقصر من المدة اللي بيقرأ فيها باقي الخبر وهو خارج إطار الشاشة. وده كله لتجنب ملل المتابع. يعني لو الخبر 30 ثانية، المذيع بيظهر 10 ثواني فقط منها عشان يدّي للصور فرصة تتنفّس. وفي البرامج الحوارية، المخرج بيتنقل بين المشاركين ويغيّر زوايا الكاميرا كل شوية وبيستعمل صور مطوّلة بتكون معدّة سلفًا اسمها float وهو مجموعة صور ممنتجة ليها علاقة بالموضوع ولو في حدث مباشر زي مظاهرات أو المراسل فاتح كاميرا مباشر في موقع حدث ما المخرج بيفتح شاشة جانبية عشان المشاهد يسمع ويشوف المذيع والمشاركين وفي نفس الوقت يتابع الصور.
فما بالك بالأخت دي اللي ظلت طوال نحو نص ساعة ظاهرة على الشاشة وما ظهرت إلا صور فوتوغرافية لأشخاص في فترات متباعدة.
طبعًا ممكن هي ما قدرت تستعمل صور بسبب حقوق الملكية والنشر.
برضو كان الأفضل ليها تقرأ نص مكتوب بالفصحى أو تتكلم بالعاميّة السودانية عشان تاخد راحتها.
الأهم من ده كله أنه ما في أي معلومات جديدة في الحلقة دي. كلها معلومات مبذولة ومعروفة. لما الزول يتصدى لعمل زي ده لازم يضمن أنه في جديد بأي شكل من الأشكال للمشاهد.
Post: #4 Title: Re: وهكذا غادر الرئيس جعفر نميري إلى منفاه في Author: Yasir Elsharif Date: 03-19-2023, 01:39 PM Parent: #3
سلام الأستاذة أميرة والأستاذ محمد صديق
أتفق معكما تماما, حب رؤية الجديد اضطرتني إلى المشاهدة.
Post: #5 Title: Re: وهكذا غادر الرئيس جعفر نميري إلى منفاه في Author: محمد صديق عبد الله Date: 03-19-2023, 01:54 PM Parent: #4
للتأكد مما قلت أخي ياسر، لو أي زول حاول يسمع الحلقة بدون ما يشوف الفيديو ما حا يلقى أي حاجة فاتته غير صورة مقدمة الحلقة وبعض الصور الفوتوغرافية. يعني مجرد تسجيل صوتي كان حا يؤدي الغرض ويغني عن رهق التصوير.
تحياتي.
Post: #6 Title: Re: وهكذا غادر الرئيس جعفر نميري إلى منفاه في Author: Yasir Elsharif Date: 03-19-2023, 02:16 PM Parent: #5
يجوز تكون الحكمة من نشر البوست أن نقرأ ما تفضلت به يا أخي محمد صديق. أرجو أن تتمكن المقدمة الأستاذة سناء من قراءة نقدك للتسجيل. ولا أعرف كيف نزل البوست بصورة مزدوجة.