لماذا ترك هؤلاء المنبر؟

06:05 AM March, 17 2023

سودانيز اون لاين
طلحة عبدالله-
مكتبتى
رابط مختصر

أقصد
الصحفي محمد عبد القادر
الصحفي ضياء الدين بلال
الصحفي مزمل أبو القاسم
الكاتب الصحفي الطاهر ساتي
وممكن نضيف حسين ملاسي فوق
البيعة
وكان قبل كدا برضو جاء واحد اسمه مصطفى مختار
صحفي رياضي ثم لم يلبث أن فر بجلده
يمكن اضافة آخرين إذا وجدوا ..
للأسف حسب وجهة نظري لا يمكن وصف الأمر
بغير أنه هروب وجبن من المواجهة
كانوا يكتبون في صحفهم كيفما شاءوا وهم في مأمن
من الرد عليهم لأنهم يملكون القلم والفي يدو القلم
ما بكتب نفسو شقي ..
الصحف لا يمكن الأخذ والرد فيها على الهواء مباشرة
كما في المنتديات ومنابر النقاش الاسفيرية واعتقد أن
الأخوة المذكورين اصطدموا بهذه الحقيقة وما استطاعوا
المجاراة فآثروا الانسحاب تاركين خلفهم انطباعا ليس
في صالحهم بالتأكيد فعلى أقل تقدير حطم هروبهم اكذوبة
ان الصحفي مصادم ولا يخشى في الحق لومة ولؤم لائم
وأنه لا يخشى قول الحقيقة الخ الوهمات اياها .
فليكذبني أحدهم ان استطاع
خخخخخخخخخخ

كلامك صاح يا طلحة
https://www.0zz0.com
من جثمت الانقاذ على السودان اضحى هذا المنبر الديمقراطي الوحيد في السودان وكان فيه اعلام الفكر والسياسة من 2001-2023
لكن لان الديمقراطية وعي وسلوك وما عند المؤدلجين اسال نفسك
لي احزاب السودان السياسية والتكتلات السياسية في السودان او الناطقين باسما ما عندهم حساب هنا وينزلو برنامجهم هنا
عشان الناس تقيمو ليهم
ازمة السودان هي الاعلام الحر والانسان حر كمان
بوست موفق وجيد

Quote: لماذا ترك هؤلاء المنبر؟

لانه ما بقدر يرقص ويغطي دقنو

وده المنبر الديمقراطي السوداني الحر الوحيد في العالم ومؤسس تاسيس جيد

الله يكرمك يا عادل أمين
نعم جبنوا فهربوا والله أعلم
شاكر ومقدر ومحترم للمرور
العفو والعافية يا امينوف

الأخ طلحة

أي صحفي يعمل في صحيفة محترمة .. لا يسمح له بإبداء رأي في وسائط عامة. ..
وهذا ما يجعل الصحافي مقيد ما لم يكن freelancer صحفي حر.

والله ورسوله أعلم

بريمة

الاخ بريمة
كل المذكورين أعلاه كانوا هنا في المنبر
وحاليا متواجدين في الفيس وتويتر الخ الخ
ما يعنى أنهم هربوا من الفضاء العريض حيث
المواجهات المباشرة إلى الأمان حيت تتاح
لهم الفرصة لتغييب الآخرين بأدوات في متناول
اليد مثل الحظر وعدم الإضافة والغاء الصداقة الخ الخ الخ
يعنى مثلا ملاسي حاليا متجدع في الفيس بوك يتظارف
كيفما اتفق وقافل الرد عليه بالضبة والمفتاح إلا لمن يتبعونه
باللايكات والاعجابات والوشوش المرتاحة والضاحكة لكن
أول ما يلقى واحد جايب ليهو وش أحمر طوالي بعمل ليهو
بلوك عملا بمبدا ( الباب البجيب الريح الخ الخ)
من ناحية هربوا
هربوا ونص وخمسة

اخى الغالى طلحه عبدالله
تحباتى
وبلغانا الله واياكم رمضان
هولاء ينطبق عليهم كلام هتلر
صدق عندما قال
. قد يجد الجبان 36 حلًا لمشكلته، ولكن لا يعجبه سوى حل واحد منها، وهو الفرار،
أدولف هتلر
هولاء هربوا لانهم ليس لديهم الشجاعه لمواجهه السيل الهائل من الاخوه الاعضاء اسياد الراى والفهم والوعى السياسى
وهم ايضا من قال عنهم
. هناك نوعان من الجبناء، نوع يعيش مع نفسه ويخاف من مواجهة الناس، ونوع يعيش مع الناس ويخاف من مواجهة نفسه،
روسكو سنودين.
يموت الجبناء مرارًا، ويموت الشجعان مرة،
يوليوس قيصر.
إن الجبان يموت آلاف المرات، ولكن الشجاع لا يذوق الموت إلّا مرّة واحدة
يُعتبر الجبن صفةً تطلق على الأشخاص الذي يخافون بشكل مبالغ به وقلوبهم ضعيفة، إذ يكون الحلّ لأيّ مشكلة هو الفرار من المواجهة، وفيما يأتي أقوال تُحاكي ذلك: الجبان يهدد إذا شعر بالأمان،
وهان فولفغانغ فون غوته.

طلحة

Quote: من ناحية هربوا هربوا ونص وخمسة

شيئ اخر .. قوانين المنبر في السابق تنظر لمسألة المداومة علي الكتابة .. فإن لم تكن كاتب راتب .. عليك أن تكتب في الصفحة الأولي ..
أضف أن الحوار هنا، فيه نبش للشخصي .. يصل حتى الأسر والأقارب .. يعنى في حمية الحوار يصبح ليس هناك حدود يلتزم بها المتحاورون ..

المنبر نفع مع أنماط من الشخصيات .. مثلاً جلدك يكون تخين .. تكون تكتب في موضوع وتصرف النظر عن المتداخلين ..
أو تستمتع بالأكشنات .. وتضرب تحت الحزام وكيفما يتطلب الأمر ..

مرة اتذكر دكتور .. بتاع الرق .. ومجزرة الضعين .. كنا فاتحين بوست مع ول أبا محمد النور كبر .. يناقش مسالة بطلان فرية الرق ..
الزول طلب باسورد .. وجانا بنفس حامي .. يتكلم من الصرة وتحت .. ألفاظ لا يقول بها إلا سفيه .. وقال هى حقيقة الرق ..
جلدناه في ظهره وبطنه .. هرب في أقل من أسبوع .. ولم يعقف حتى اليوم ..

أيضاً الشلليات .. تلعب دور في أقصاء الناس .. هناك مواضيع لو كتب فيها الواحد عليه الرد علي مجموعة كاملة تتنمر عليك ..

بريمة

معظم الصحفيين لا يتحمل راي اخر
..
الدكتور زهير السراج؛ كنت دائم التعليق في صفحته في الفيسبك
وكان صديقي؛
وكمان كان يتواضع احيانا ويعلق في صفحتي..
صحيح تعليقاتو كانت متكبرة وجوفا
وكنت ارد عليهو بكل تهذيب
ومرة في مقال سياسي كتبت في صحفته
انو هذا الراي ساذج
وعينك ما تشوف الا الحظر
معقولا بس
تحطر صديق دائم في صفحتك لمجرد انه كتب راي مخالف لرايك
..
ماعارف لكن شايف لساتنا شديد
..
عنون صفحتك يا طلحة في الفيس خلينا نتونس معاك
انا صفحتي باسم
عبدالمنعم الطيب بشيري
بالعربي

الاخ طلحة والمتداخلين الافاضل
تحياتي
طبعا بالتأكيد شهادتي مجروحة في زملاء واخوة في بلاط الصحافة حتي انا بالنسبة لهم صحفي سوق عربي ساي بالرغم من تجربتي الصحفية المتواضعة جدا
لكين بقت شاغل صفحات ترويجية وأقامة معارض ومنتديات علمية ورئيس تحرير لمجلس زراعية ومتشرد شديد كل يوم في بلد للظروف الاقتصادية للبلد ولي
وديل أخي الكريم عندهم راي في أي تجمع للمثقفين وكمان تاريخ البعض لايسمح لهم بالمشاركة في الفضاءات المفتوحة خوفا من الهجوم والمحاسبة علي مناصرة
الباطل ذات يوم ولن يكونوا في تصالح مع أنفسهم خليك مننا وكذلك لن يكونوا بين العامة في أمان حتي بالحياة الاجتماعية العادية
والله المسالة فيه شق معقول وشقا أخر ما مقبول علي الاطلاق ربك يهدي الصالحين من جمهرة الصحفيين لكي يكونوا معنا
لك ودي واحترامي

الأعزاء الصناديد
بريمة
مصطفي نور
عبد المنعم
زهير
مساء الخير
شاكر ومقدر للمرور الكريم
ساعود لمداخلاتكم ان الله هون

الاخوان الاساتذة الاعزاء والاجلاء
طلحة...عادل امين..بريمة.. مصطفى نور...عبدالمنعم الطيب
تحية احترام وتقدير لكم
لماذا اشتركوا اصلا في المنبر ؟
اذا كان غير مسموح للصحفى ا*ن يبدى رايه عبر المنابر !!!!

صباح الخير
الاخ المحترم مصطفى نور
نعم في ناس غير المذكورين فوق ديل تركوا
المنبر ولكن ديل ناس عاديين وشخصيا ما لاقاني
فيهم غير اتنين أو تلاتة مواصلين في الأسافير خصوصا
في الفيس بوك وكلهم مبذولين والرد عليهم في بوستاتهم
متاح وبالتالي يبقي غيابهم عن المنبر أمر منطقي ومقبول طالما
أنهم غابوا كذلك عن المنابر الأخرى
لكن الكلام هنا عن صحفي يفترض أنه لا يخشى المواجهة
صحيح أنه وباستثناء ملاسي ما في زول قافل خاصية الرد
هناك ولكن برضو ظل مسيطرا على الردود ومتحكما
في من يرد عليه اذ أنه وبضربة لازب ممكن يعمل
ليهو بلوك في حال اتزنق
أقول قولى هذا وليس متقينا تماما أن كان غياب هؤلاء
خوف من المواجهة أم لسبب آخر لكن تبقي صفة الهروب
هي المرجحة بالنسبة لي إلى أن يثبت غير ذلك .

السيد بريمة
مداخلتك تتسق تماما مع اعتقادي بأنهم هربوا من المنبر
ما عارف أنت كنت قاصد تبصم على استنتاجي أم أنك عايز تبرر
ليهم الغياب لكن الحقيقة أنك أكدت (ربما من حيث لا تقصد)
جبنهم وخوفهم من المواجهة.

حبابك ومراحب يا عبد المنعم
صفحتي في الفيس باسم ( طلحة عبدالله)
وعندي حساب تاني باسم ( طه طلحة)
اتشرف بك كصديق عزيز
بس أنا هناك ما نشيط وما عندي اصدقاء كتار
تقريبا 100 منهم 70 من ناس البلد هناك في الجزيرة
وديل كلهم تقريبا مكتفين بالونسة في الواقع تحت شجر
النيم وعلى رائحة القهاوي أو متحلقين حول ترابيز
الكوتشينة والضمنة والذي منو
ياقي التلاتين منهم زي عشرين هجروا حساباتهم أو غيروها
والعشرة الباقين ياهم زي ناس المستنير وهبة وامين أبو على
وديل كهنات ودقة قديمة أنا مليت الونسة معاهم خخخخخخ

يا مرحب يا زهير
وقطعا غيابهم بهذه الطريقة لا يفسر إلا كونه هروب
وجبن من المواجهة ودي صفة يفترض ان تكون في
خط متوازي مع الصحفي
الصحفي جندي فدائي يبذل جهوده بل وروحه رخيصة
في سبيل الحق ولا ينبغي أن يهاب مهما كانت المخاطر

مراحب ونورت البوست يا أحمد ياسين

حبيبنا الاستاذ طلحة

حمدا لله على السلامة

سبحان الله واعتقد رمضان الماضى كنت رفعت بوست واسال عن كل الذين احجموا عن الكتابة فى هذا المنبر

وفعلا كثيرين اتصلت اتفقدهم واعرف لماذا تةقفوا ومعظمهم برروا تبريرات مقنعة

وبعضهم برر بعدم التفرغ

نسال الله ان يعود الجميع وهم بالف صحة وعافية

ورمضان كريم على الجميع

اقرا

اسماء سادت ثم اختفت ( بوست تفقّدى )

واحد يضع الرابط هنا ومشكور

يا مراخب يا أنور
نورت البوست يا حبيب
ربنا يجمع الاحباب
ما عدمناك ..