عبد العزيز الحلو .. في فتيل (كتمت فوق وتحت)!

01:52 PM March, 14 2023

سودانيز اون لاين
Biraima M Adam-أمريكا الشمالية
مكتبتى
رابط مختصر

بريمة

أحترامي للقائد والفارس الحلو
وهو دوما يحمل هموم اهل السودان
أنت دورك شنو في الحياة يا كابوي
الراجل ليهو تاريخ نضالي يفخر به أنت عندك شنو يا وهمي

Quote: رئيس الحركــة لازم يكون نوباوى أصيل. الحلو أبوه مسالى وامه برقاوية

الباشمهندس أبو الريش

Quote: رئيس الحركــة لازم يكون نوباوى أصيل. الحلو أبوه مسالى وامه برقاوية

نعم كلام الأخ عمار ناصر، صحيح .. الحلو والده مسلاتي من أهل دارفور .. وأمه برقاوية .. (وهنا من يقول الحلو وأحمد هارون أولاد خالات).

بريمة

لام باشمهندس

لو تكرمت الزول دا قاعد يقول شنو؟ شخصيا ما قدرت اطلع بنتيجـة.. جد والله. ما عرفته شايت وين

لو سمحت قول لينا هو عاوز يقول شنو بالضبط فى سطر واحد.. جملتين تلاتة عليك الله. بدون أى شرح.
هو مع منو وضد منو.. مع شنو وضد شنو.. هل هو مع عزل الحلو فقط؟ أم عزل كل السودانيين الذين
يحاربون او يعملون فى صفوف الحركة الشعبية - الحلو؟

وشكرا جزيلاً..

تااااني جاب سيرة الحلو

كل ما تجد العبار بريمة بلل ينتقد الحلو فتأكد أن الحلو يقف في موقف وطني قوي.

دورك صار مكشوف يا عبار.

الباشمهندس أبو الريش

Quote: لام باشمهندس لو تكرمت الزول دا قاعد يقول شنو؟ شخصيا ما قدرت اطلع بنتيجـة.. جد والله. ما عرفته شايت وين لو سمحت قول لينا هو عاوز يقول شنو بالضبط فى سطر واحد.. جملتين تلاتة عليك الله. بدون أى شرح. هو مع منو وضد منو.. مع شنو وضد شنو.. هل هو مع عزل الحلو فقط؟ أم عزل كل السودانيين الذين يحاربون او يعملون فى صفوف الحركة الشعبية - الحلو؟ وشكرا جزيلاً..

الرجل ببساطة يقول، الحلو ورط أبناء النوبة في قضية قومية لا تخص النوبة وحدهم .. قضية النوبة هى تحرير أقليم جبال النوبة .. ويطالب أن يفسح الحلو لقائد من أبناء النوبة يقود الحركة،

-------------
نقاط مهمة: يقول الأخ عمار .. الامريكان يريدون دمغ الحركة الشعبية كمنظمة إرهابية بسبب الحلو .. كما يقولون أن الحلو مسؤول عن جرائم حرب .. وأن دول مثل إسرائيل ويوغندا رفضتا التعامل مع النوبة لأن الحلو لأنه ليس نوباوي.

جاييكم

بريمة

العبار دينق

Quote: كل ما تجد العبار بريمة بلل ينتقد الحلو فتأكد أن الحلو يقف في موقف وطني قوي. دورك صار مكشوف يا عبار.

العبار لما أنا أكتب عن قضية جبال النوبة وجنوب كردفان عليك أن تستمع .. الحلو دوره أنتهى، لا يخدم قضية النوبة بل يخدم أجندة غير النوبة ..

الأخ عمار ناصر، في منظمة تضامن أبناء النوبة .. هى اول منظمة يؤسسها أبناء النوبة في أوروبا والغرب .. وهى المنظمة التى وقفت مع حقوق النوبة في جميع مراحل نضالهم ..


أنا لما قلت ليكم النوبة فرزوا عيشتهم من الحركة الشعبية .. عليكم أن تصدقوا .. النوبة سوف يعزلوا الحلو من الحركة إن لم يقتلهم هم ذاتهم ..

ما عادوا يستحملونه.

بريمة

وين حقة الصعوط؟

نسيت السفة؟

ياتو حقة؟

حقة "اسلام" أو "غالا" اوكده!!

اها، والنوباوي الاصيل ده، في نظر المراحيلي، الجنجويدي، الزيك، أصلا بشر، أو هو ماعربي؟

عزيزي القاري،
أيام نميري، الكوز قبضو بسمسر في بضايع التعاون بتاع الحي، أو لما سالوهو ده شنو، أو وين الاسلام؟

قال ليهم التجارة براها، والاسلام براهو!!!

لهذا ذات من يصرخ في هذا الفضاء "وا اسلاماه" لما يكون سافي، الان اهو بسووي "اصلي" لانو الحقة فضت، أو هو مشي يمشي الكنتين شان يجيب "الصعوط"!

مرحبــاً يا هندســة

Quote: أنا لما قلت ليكم النوبة فرزوا عيشتهم من الحركة الشعبية

بكلامك دا النوبة ما فرزوا عيشتهم مع الحركة الشعبية.. بل من السودان كله. بعدين قبايل والد الحلو وامه
وين؟ فى حلايب؟ موش هم كلهم فى كردفان ودارفور؟ هل الدينكا اعترضوا على تسمية تحرير السودان
وطالبوا قرنق يسميها الحركة الشعبية لتحرير الدينكا؟ هل قرنق كان شلكاوى؟
وشنو العنصرية دى من ان الرئيس لازم يكون نوباوى؟ هل القبائل الأخرى التى تسكن جبال النوبة وجنوب كردفان
لا يعرفون مصلحة مناطقهم؟ أم انك تريد تطهير عرقى فى الجبال.. أم تترك القبائل الأخرى ولكن تفرض عليهم
قائد من قبيلة معينة؟
معقول يا بريمة وانت قاعد فى امريكا وتؤيد زول يقول الرئيس لازم يكون من قبيلة معينة؟ حتى لو نادى بحق
تقرير المصير لجبال النوبة ما عنده حق فى التفريق بين سكان الإقليم على اسس عنصرية وقبلية..

الجنجويدي، اها، لميت في حقة الصعوط ولا لا، لسة مامشيت الكنتين؟

قال "اصيل" قال!!

هو الولع، شلع، بلدنا شنو غير هكذا عفن، هرار، كرور، وعي استرقاق عروبي، معلب، مسوق، ك"دين" أو "اسلام"؟

الاعجب، المراحيلي ده، لو روحو، في عيون واحد زي القشير، أمام دويلة شرع هتلر، ولايسوي بعوضة زاتو!!!

نسيت "حديث الغرابية"؟

علي عثمان سجن الترابي ليه؟

مش عشان الترابي كان داير يجيب "الزرقة" علي الحاج الما اصيل، نايب، للقشير؟

شي مؤلم يفقع المرارة، تصوير أو تقديم عفن كهذا، كدين واسلام، بواسطة ضحايا هكذا عفن، وهذا عجيب، بحق، ولكن يشرح، المارين بيهو، العايشنو، كشعب استعبد عبر القرون وفقا للكتاب والسنة!!


لما نقول كده، طوالي بقولو لي خدك الطرادة، فحط، البوكس ده مامشي كرتون كسلا، في حاج حفر، مكان سكني!!

الباشمهندس أبو الريش

Quote: معقول يا بريمة وانت قاعد فى امريكا وتؤيد زول يقول الرئيس لازم يكون من قبيلة معينة؟ حتى لو نادى بحق تقرير المصير لجبال النوبة ما عنده حق فى التفريق بين سكان الإقليم على اسس عنصرية وقبلية..

موقف الاخ عمار ناصر (هو يتحدث بأسم منظمة تضامن أبناء النوبة) .. ليس هو موقفي .. أنا موقفي مختلف تماماً رغم أني اتفق في سقف حديث الاخ عمار وهو طرد الحلو من رئاسة الحركة لأنه لا يخدم قضية النوبة ..
ولكن ليس علي أسس عرقية .. فمن ناحية عرقية الحلو مواطن أصيل في جنوب كردفان .. ولد وترعرع ودرس كل مراحله الأولية في جنوب كردفان .. الحلو من اميّز كوادر تنظيم أبناء النوبة السري (تنظيم الكمولو) منذ إن كان في الثانوي العالي ..

موقفي الذي أنادي به هو عزل الحلو نهائياً من قضية النوبة التى طالما فرط فيها منذ نيفاشا .. رغم المواقف البطولية التى قادها أبناء النوبة ..

بريمة

الباشمهندس

Quote: بكلامك دا النوبة ما فرزوا عيشتهم مع الحركة الشعبية.. بل من السودان كله. بعدين قبايل والد الحلو وامه وين؟

النوبة ليس تنظيم واحد .. هم يوجدون في كل الاحزاب والتنظيمات السياسية في السودان .. كما أن لهم تنظيمات نوباوية خالصة .. ومن ضمن هذه التنظيمات هى تنظيم الكمولو السري الذي يقود الحرب مع الحركة الشعبية ..
وهناك قيادات قومية نافذه تعرفونها جميعاً .. مما يعنى رأي فصيل واحد لا يعنى مباشرة أن النوبة فرزوا عيشتهم .. بل الأقليم به مجموعات سكانية أخري غير النوبة ولها مواقف تختلف حسب وجهة نظرها ..

نحن أبناء جنوب كردفان من غير النوبة .. نراقب عن كثب تطورات الأحداث في الأقليم وكما إننا نعرف ما لحق بالنوبة من تهميش وقتل وتشريد وتهجير .. وهذا يجعلنا نقف مع أبناء النوبة من أجل قضاياهم العادلة دون التفريط في وحدة السودان .. فنحن نقف مع حكم ذاتي موسع للأقليم يتيح لأبناء الأقليم حكم أنفسهم ..

واحدة من المواقف النوعية لتضامن أبناء النوبة .. هو النظر إلي قضية النوبة كشعب أصيل .. ومقارنة حقوقهم بحقوق الهنود الحمر في أمريكا .. ومطالبة المنظمات العالمية بنفس الحقوق التى تعطيها لشعوب الهنود الحمر .. هذا الحق رغم وجاهته في حفظ النوبة كأثنية من التقتيل والتشريد .. إلا أنه سوف يحد تمدد النوبة في القطر .. ويحصرهم في أوعية أضيق .. ومن ثم قضايا التعددية الثقافية، التنوع الدينى، الديمقراطية والحقوق المتساوية والتمييز الأيجابي هى سوف تخدم قضايا النوبة في أطار السودان الموحد أفضل من العزلة الثقافية من خلال التأسي بالهنود الحمر ..


بريمة

Quote: بعدين قبايل والد الحلو وامه وين؟..

والدي الحلو رحمهما الله أصولهم من خارج أقليم جنوب كردفان، والده من المساليت بغرب دارفور .. ووالدته من البرقو .. من شمال كردفان .. أما الحلو نفسه ولد في جنوب كردفان، منطقة تسمى الفيض أم عبد الله ..تتبع لشرق الجبال، ثم أنتقلت أسرته إلي منطقة الدلنج حيث درس المتوسط .. ثم ألتحق بمدرسة كادقلي الثانوية، تلقب ب "تلو" .. ثم ألتحق بكلية الأقتصاد جامعة الخرطوم ..

عاشت والدة الحلو في أواخر عمرها في منطقة مولد الحلو، منطقة الفيض أم عبد الله .. حتى توفاها الأجل قبل حوالي 8 سنوات .. لم يمسها أي إنسان بسوء .. وتم نعيها بصورة واسعة في الولاية ..

بريمة

تاملو طريقة تفكير هذا الجنجويدي، الزواحفي، الاسلاموي:

نعم بتكلم عن النوبة، ك"غير" لاحظو!!!

وهذا وفقا للكتاب والسنة!!!

نعم حتي وإن شهدو ان لااله الا الله، فهذا لايكفي اطلاقا في وعي المراحيلي، أو هو من نفس الرقعة، بل اصلا"نوباوي" بي فهمو القبلي!!

نعم بقول "قضية النوبة" مش "قضيتنا"!!!

نعم ذات مقاول محارق الابادة، بالوكالة، وفقا للكتاب والسنة ماتنسو، نسا البسووي فيهو، أو قال هو مؤيد لي "قضايا النوبة"؟

نعم جريقيس مركز، أو بعد ده يسوي "نؤيد" نعم "قضية النوبة"!

أو متي ماخرم، بمد الايد، يصل لي كراب عنقريب وهم عروبتو، المتقطع أو نازل، أو يجر الحقة اياها، أو يروح سافي، صاعوط "اسلام كارب" أو علي كده، يرص النصوص أو يسمعا بي مزاج، يسوي "غالي" ابن العثيمين!!!

بشاشا،

أكتب كلام مفيد .. أنت لا تكلف نفسك عناء فهم ما يريد أن يقوله مثقفي النوبة .. ولا يهمك ما نقوله نحن أبناء البقارة في الأقليم.

بريمة

المراحيلي:

مافاهم، كيف كلام واحد زي بشاشا، يكون "مفيد" بي معايير قبلي، جنجويدي، متوهم عروبة ذيك؟

قتا لي نحنا "ابناء البقارة" عديل كده، او مش ابناء السودان ياقبلي؟

اها، مثقفي النوبة ديل، "فجعاة" بقو عرب، ليسوو حاجة في نظرك؟

بعدين وين كيس السعوط اياهو بتاع "اسلام" او كده، ياخي؟

اها، النوبة والبقارة، مسلمين في نظرك؟

اخد ليك سفة او رد!!!

حسب رواية الأخ عمار ناصر،

هنا الضابط أبراهيم خاطر مهدي .. الذي تم تعذيبة .. وقلعت الحركة الشعبية كل اظافره بالزردية .. 20 أظفر .. والأن قدم أستقالته من الحركة الشعبية ..





بريمة

إبنة الضابط المغدور .. تاجا إبراهيم خاطر مهدي .. والدتها تيراوية من كاودا ...

الأميرة تاجا .. تنتظر عودة والدها ..




بريمة

إبنة الضابط المغدور .. تاجا إبراهيم خاطر مهدي .. والدتها تيراوية من كاودا ...

الأميرة تاجا .. تنتظر عودة والدها ..




بريمة

أسرة الضابط المغدور، الرائد ابراهيم خاطر مهدي



بريمة

****

بريمة

****

بريمة

****

بريمة

باي باي الحلو ..

لو مستعجلين أمشوا الدقيقة 58:00



بريمة