ﻻﻗﻴﺘﺎ ﻓﻲ ﺻﻒ ﺍﻟﺮﻏﻴﻒ ههههه

06:59 PM March, 10 2023

سودانيز اون لاين
مصطفى نور-امريكا نيوجرسي
مكتبتى
رابط مختصر

قال ليك في واحد مرتو مجنناهو جن.. كل يوم قبل صلاة الصبح تقول ليهو امشي جيب الرغيف من الفرن😒😒
.. صاحبنا الموضوع اكل معاهو جمبه .. قام الف ليهو قصيدة .. وخلاها في جيب الجلابية !!!😂😂..
المره بتغسل في الهدوم .. لقت الورقه الفيها القصيدة وقرتها 😳
نشووف المعلم ده قال شنوو 😂😂😂
ﻻﻗﻴﺘﺎ ﻓﻲ ﺻﻒ ﺍﻟﺮﻏﻴﻒ
ﺑﺘﻼﻟﻲ ﺗﺮﻗﺶ ﺟﻮﻫﺮﻩ
ﻣﺮﺍﺕ ﺗﺰﺡ ﻣﺮﺍﺕ ﺗﻘﻴﻒ
ﻭﺍﻟﺒﺖ .. ﺗﻨﻘﻂ ﺳﻜﺮة
ﻇﺎﻫﺮ ﻋﻠﻴﻬﺎ ﺍﺛﺮ ﺗﻌﺐ
ﺩﺍ ﺍﻟﺼﻒ ﺍﻛﻴﺪ ﺍﻟﻔﺘﺮﺍ
ﻣﺸﻴﺖ ﻋﻠﻲ ﺻﻒ ﺍﻟﺮﺟﺎﻝ
ﻭﺷﻤﺎﻟﻲ ﻭﺍﻗﻔﻪ ﺍﻟﺴﻜﺮﻩ
ﺳﺒﺤﺎﻧﻮ ﺭﺏ ﺍﻟﻌﺎﻟﻤﻴﻦ
ﺧﺎﻟﻖ ﺟﻤﺎلها ﻭﻣﻨﻈﺮﺍ
ﻧﺺ ﺍﻟﺮﺟﺎﻝ ﺳﺎﺑﻮ ﺍﻟﺮﻏﻴﻒ
ﻭﻗﻌﺖ ﻋﻴﻮﻧهم ﻣﺤﻮﺭﺍ
ﻭ ﺍلجوطة ﻗﺎﻣﺖ ﻣﻦ ﺟﺪﻳﺪ
ﻳﺎ (ﻃﻪ) ﺯﺡ ﻳﺎ (بلة) ﺍﺭﺟﻊ ﻟﻲ ﻭﺭﺍ
ﺧﻠﻴﻨﺎ ﻳﺎﺧﻲ ﻧﺸﻮﻑ ﻣﻌﺎﻙ
ﻳﺎ ﺣﺎﺝ ﻛﻔﺎﻫﺎ ﺑﺘﺴﺤﺮها
ﻭﺍﻧﺎ ﻛﻨﺖ ﺳﺮﺣﺎﻥ ﻓﻲ ﺍﻟﺨﺪﻭﺩ
ﺍلرﺑﻲ ﺍﺑﺪﻉ ﻭﺻﻮﺭها
ﺑﺎﻟﺼﺪﻓﻪ ﻣﻦ ﻏﻴﺮ ﻣﺎ ﺍﺣﺲ
ﻭ ﺩﻭﺍﺧﻠﻲ ﺯﺍتها ﻣﻌﻜﺮﻩ
ﻋﻴﻨﻴﻬﺎ ﻭﻗﻌﻦ ﻓﻴﻨﻲ ررﺭﺏ
ﺧﻠﻦ ﻋﻴﻮﻧﻲ ﻣﺪمممرة
ﺭﻳﻘﻲ ﺍﻟﻠﺌﻴﻢ أبى ﻳﺘﺒﻠﻊ
ﺷﺎﻑ ﺍﻟﺠﻤﻴﻠﻪ ﻭﺍﻓﺘﺮﻯ
ﺍﻟﻌﻴﺶ ﻫﻨﺎﻙ ﻓﻲ ﺍﻟﻨﺎﺭ ﻧﺠﺾ
ﻭ ﺍﻧﺎ ﻗﻠﺒﻲ ﺳﻴﺢ ﻭﺇﻧﻬﺮﻯ
ﺍﻟﺒﺖ ﺩﻱ ﻣﺎ ﺯﻱ ﺍﻟﺒﻨﺎﺕ
ﺍﺑﻴﺾ قليبها ﻭ ﺩﻓﺘﺮها
ﺧﻠﻘﻮﻫﺎ ﻣﻦ ﻣﻮﻳﺔ ﺍﻟﺠﻤﺎﻝ
ﺑﺎﻗﻲ ﺍﻟﺒﻨﺎﺕ ﺷﺎﻟﻮ ﺍﻟﺘﺮﻯ
ﺣﻮﺭﻳﻪ ﻓﻲ ﻫﻴﺌﺔ ﻣﻼﻙ
ﻣﻦ ﻟﻢ ﻳﺮﺍﻫﺎ ﻓﻠﻢ ﻳﺮﻯ
ﻋﻴﻨﻴﻬﺎ ﺗﺪﻳﻚ ﺍﻻﻣﺎﻥ
ﻣﺮﺍﺕ ﺑﺘﻨﻬﻲ ﺍﻟﺒﺎﺻﺮﺍ
ﻭﺍﻧﺎ ﺍﺻﻠﻲ ﻣﺎ ﺑﺎﺻﺮﺗﻬﺎ
ﻋﺎﺭﻑ ﻋﻮﺍﺭﺿﻲ ﻣﻜﺘﺮﻩ
ﻭﻣﺸﻴﺖ ﻋﻠﻴﻬﺎ ﻋﺸﺎﻥ ﺍﺷﻮﻑ
ﺭﻗﺔ ﺣﺪيثها ﻭ ﻣﻈﻬﺮﺍ
ﻟﻔﺤﺘﻨﻲ ﺑﻲ ﺍﺟﻤﻞ ﻋﻄﺮ
ﺑﺎﻟﻔﻄﺮﻩ ﺳﺎﻱ ﻫﻲ ﻣﻌﻄﺮﻩ
ﺷﺎﻟﺖ ﺭغيفها ﻣﻦ ﺍﻟﻔﺮﻥ
ﻭﺳﺎﺑﺖ ﻗﻠﻮﺑﻨﺎ مكسسسرة
ﻭﺍﻧﺎ ﺯﺍﺗﻲ ﺧﻠﻴﺖ ﺍﻟﺮﻏﻴﻒ
ﻭﻣﺸﻴﺖ ﻭﺭﺍﻫﺎ ﻋﻠﻲ ﺍﻟﻀﺮﻩ
ﻗﺒﻠﺘﺎ ﻟﻲ ﺍﻟﺼﻒ ﺑﻲ ﻭﺭﺍﻱ
ﺍﻟﻨﺎﺱ ﺍﻣﻮﺭها ﻣﺒﻌﺜﺮة
ﻣﻦ ﻓﺎﺗﺖ ﺍﻟﺴﻤﺤﻪ ﺍﻡ ﻭﺟﻦ
ﺧﻠﺖ ﺣﻴﺎﺗﻨﺎ ﻣﻌﺴﺮﻩ
ﻟﻮ ﺷﻔﺘﺎ ﻋﻴﺶ ﻣﻦ ﻏﻴﺮ ﺻﻔﻮﻑ
ﺑﻄﻠﻊ ؛ ﺑﺴﻮﻱ ؛ ﻣﻈﺎﻫﺮﻩ
ﺩﺍﻳﺮﻳﻦ ﺻﻔﻮﻑ ﻣﻦ ﻏﻴﺮ ﺭﻏﻴﻒ
ﻭﺗﻘﻴﻒ ﺷﻤﺎﻟﻨﺎ ﻫﻨﺎية ﺩﻳﻚ ﺍﻟﺴﻜﺮة ..🥰
قالت بعد ما انتهت من قراية القصيدة والله تاني من يوم الليلة .. الرغيف تاااني يحرم عليو..😠😠.. بمشي بيجيبو براااااي😓😓...
اها تاني يوم صاحبنا قال ماشي يجيب الرغيف لقي ليك المرة مجهزة صاج العواسة و جمبو الفرن
بتاع الكهرباء وقالت ليهو : اها يا حبيبي داير الليلة كسرة ولا رغيف؟! لانو رغيف البيت أضمن وكدا
وكمان كان داير قراصة برضو بعملا ليك مافي داعي للوقوف في الصفوف و البشتنة😂🤣😂🤣😂🤣