كيف حكي لنا حمد الريح قصة اغنيته التي زادت معدل شهرته وهو لم يلتق بشاعرها. انها اغنية : الي مسافرة . ****** ربما لا يعرف البعض اغنية الي مسافرة الا بعد ان يعرف مطلعها : يا قلبي المكتول كمد . فقد كان حمد الريح قادما بالبص من ارض الجمال ودمدني بعد ان احيا حفلا ساهرة هناك .. كان ذلك في بداية العام 1968م وقد اشتري من اكشاك بيع الصحف بودمدني بعض الصحف ومن ضمنها مجلة الاذاعة السودانية وكان اسم المجلة القديم (هنا ام درمان )وقد ترأس تحريرها بدءا شاعرنا الراحل الاكثر شهرة محمد الفيتوري . وفي اثناء سير البص الي الخرطوم كان حمد قد وضع الصحف جانبا وبدا في تقليب المجلة .. وفجأة استوقفته قصيدة طويلة تحمل معاني جديدة وقد لمس فيها حزنا كأنه كان دفينا .. ربما هي حكاوي العشق والغرام والمناجاة . وكان مكتوبا اسم شاعرها هو الشاعر الراحل عثمان خالد وقد كان شابا صغيرا قادما من كردفان ليعمل ويسكن مع اقربائه آل الشيخ الجعلي في حي القلعة المتاخم لودنوباوي بام درمان . قال لي حمد ذات مرة انه وهو داخل البص قد توقف عند مفردات هذه القصيدة التي هزته فعلا وامتلكته امتلاكا لم يستطع منه فكاكا .. مما ادي الي ان يترنم بلحن هاديء لها .. لحن ذا وتيرة واحدة او كما يقول الملحنون لحن دائري وبايقاع واحد حتي نهاية الاغنية .. وقد كان ايقاعها جديدا جدا اجاده عازف الايقاع الرائع ابراهيم كتبا . وحين وصل البص الي محطته الاخيرة بموقف الخرطوم 3 قبل انتقاله الي الشعبي لاحقا .. كانت فكرة اللحن قد اكتملت تماما . يقول حمد بأنه حين وصل الي البيت في توتي وقبل ان يرتاح من عناء السفر فاذا به يمسك بآلة العود وبدأ يتغني باللحن قبل ( ان يطير منه ) وهو ما يسميه الفنانون ( اقبض اللحن ). وحكاية اقبض اللحن هذه ذكرها استاذنا الكابلي بانهم ومعه فرقته كانوا في سنجة للمشاركة في حفل زواج وفي فجر اليوم التالي تحركوا بالتاكسي الذي اتوا به غافلين الي الخرطوم . وحتي لايشعر السائق بالنعاس بدا كابلي في دندنة بالعود بلحن اغنية حبيبة عمري للحسين الحسين وفجاة ضربه محمدية علي كتفه وكان يجلس خلفه في التاكسي قائلا له : اقبض!!! اي اقبض مقدمة اللحن. اما حمد الريح فقد ذهب للاذاعة في اليوم الثاني واجاز النص من لجنة النصوص واجاز اللحن ايضا . وبعد اقل من اسبوع تغني به علي الهواء في التلفزيون في سهرة برنامج تحت الاضواء التي كان يقدمها الاعلامي اللامع حمدي بولاد اسبوعيا. اما القصة الطريفة فان اجر الشاعر في كل من الاذاعة والتلفزيون كان مجمدا بالخزينة لانهم لا يعرفونه وحمد لا يعرفه. ولكن هناك قصة اكثر طرافة و التي حكاها لي حمد وهي كالتالي : بعد مرور اكثر من عام وقد ظل الشعب السوداني يردد هذا اللحن الجميل ويتغني به الهواة في كل مكان .. كان حمد الريح مشاركا بالغناء في مناسبة بودنوباوي وبعد انتهاء الحفل وقد كان كل الناس بنات واولاد يحفظون الي مسافرة ورددوها معه اثناء الغناء .. وعند خروجه الي عربته اتي ليه شاب صغير وجميل المظهر وذو شعر سبيبي غزير قائلا له بكل خجل بعد السلام عليه : انا يا استاذ عثمان خالد شاعر الي مسافرة !!! فاندهش حمد الريح جدا وقال له انت وين ياخ ونحن نبحث عنك لسنة كاملة للتعرف عليك ولم نحصل علي عنوانك . ولماذا لم تقابلني سواء في مكتبة الجامعة او بنادي الفنانين للتعرف عليك . عموما سوف احفظ لك حقك في هذه الاغنية التي رفعت مم اسهمي جدا وساذهب الي حسابات الاذاعة والتلفزيون ليجهزوا لك حقك كشاعر حسب النظم المعمول بها . ما ادهشني في هذه القصة ان هذا الشاعر وبهذه الاغنية التي اشتهرت لم يحاول ان يكتب عنها او يعرض نفسه للصحف انه هو شاعرها .. ولم يحاول الاتصال بحمد الريح . ما اعظم نوعية تواضع شعراء زمان . الله يرحمك يا حمد .. الله يرحمك يا عثمان خالد .
عثمان خالد هنا عمل عملية .. يمكن تدريسها في اكبر الجامعات و المعاهد ..
القصيدة سماها الى مسافرة ..
ده اول شي .. و عشان يفهمنا ذلك قال لينا: حليلو قال سايب البلد حليلو كيفن يبتعد كيفن نسيبو يروح بعيد فى رحلة مجهولة الأمد ياحليلو
ابقى الكلام وااااضح زول سافر و خلى شنو .؟ خلى (البلد) ..
و البخلي البلد هو البكون في غربة .. زي حالاتنا كده .. و شوقه و حنينو بكتلو في اليوم الاف المرات .. حتى عبد المنعم عبد الحي لامن كتله الشوق قال نار البعد و ( الغربه ).. و هو في مصر القريبة جدا جغرافيا .. و اردف شوق لاهلي و الصحبة شوق لكل جميل في الحي شوق للشينة لو صعبة ..
ده مفهومنا للغربة ..
عثمان خالد قلب الدنيا فوق تحت ..
بعد ما قال حليلو قال سايب البلد ..
رجع و قال : واا غُربة الفُلْ و الزهر .. واا غُربة النيل و القمر .. واا غربة الطير في الشجر .. واا غربة النسمة الرقيقة .. واا شوقها لعناق الشعر ..
البقى في غربة اذا منو ؟ كل الحاجات الفوق دي و القاعده جوة البلد !! اذا السافر منو ؟ سافرت البلد و خلت الحاجات بي وراها في غربه .. و اذا الحبيبة هي كل شي .. فلا بلد بعدها يعاش .. و .. وااا غربة النسمة الرقيقة وااا شوقها لعناق الشعر .. _________________________
حقيقة ما مهم معرفة لمن كتبت الاغنية المهم احساسك بيها وكيفية ارتباطك بها ….. عثمان خالد شعرو خفيف وعندو مفردات مختلفة عن اى زول ولقينا فى دنيا العيون يا اصبا من النور غنا كون من رشاقة وامسيات باقات أنيقة ملونة الحان طروبة و وشوشات انهر موسيقى ودندنة دابت قلوبنا عليك حنان وانت فى عيون دوبتنا
Quote: حقيقة ما مهم معرفة لمن كتبت الاغنية المهم احساسك بيها وكيفية ارتباطك بها ….. عثمان خالد شعرو خفيف وعندو مفردات مختلفة عن اى زول ولقينا فى دنيا العيون يا اصبا من النور غنا كون من رشاقة وامسيات باقات أنيقة ملونة الحان طروبة و وشوشات انهر موسيقى ودندنة دابت قلوبنا عليك حنان وانت فى عيون دوبتنا
ننساك .. انت انت بتتنسي ..
يا الله يا اميره .. الليلة دخلتيني عالم بن البادية و لي في عوالمه عشق ..
Post: #8 Title: Re: واا غُربة الفُلْ و الزهَرْ .. واا غُربة الِ Author: محمد عبد الله الحسين Date: 03-10-2023, 11:41 AM Parent: #7
الأخ يحي قباني تحياتي
فعلا كلمات الأغنية تفيض بالشجن ... وأظن السر في الكلمة لمفتاحية"يا حليلو" أصلا هي كلمة في كل معاني التحسّر
واللوعة بسبب الفراق.وكمان اللحن و نفس حمد الريح في الأداء أضفى بعد اضافي من الحزن..
بالنسبة لسبب الأغنية قريت في مقال أو مقابلة على ما أذكر عبارات تقول ...لو عرف الناس انه المقصودة بالأغنية تم نقلها من
فرع البنك في شارع الجمهورية إلى شارع الجامعة لاستغربوا.
يعني صاحبة الأغنية زميلة عمل..و
بعدين لا يمكن أن تكون رثاء لخالته وهو يصف الكرز المتدلي من الشفايف...و الشعر.. و.. و والله أعلم..
تحياتي يحى و الجميع فيما أظن أن مقال الباشا قد يكون صحيحا لو استبدل اذاعة ام درمان باذاعة ركن السودان من القاهرة اذكر جيدا ان اشقائي الكبار كانوا ( يحولون موجة الرادي لاذاعة ركن السودان خصيصا لسماع ياقلبي المكتول كمد كما كانت تسمى وقتها) لم تكن إذاعة ام درمان تبثها ( ربما للطول او عدم التسجيل) حمد الريح قام بتسجيل( ال short version) في بداية السبعينات عندما قام بتسجيل الحان عمر الشاعر للإذاعة رجيتك وفي انتظار عينيك و لو عارف عيونك