Post: #2
Title: Re: ممثل نساء السودان في أضخم حدث أممي (نسوي) ب
Author: Deng
Date: 03-09-2023, 09:38 AM
Parent: #1
سلامات يا حيدر
ياخ ده زول تحفة.
كيف يرضى لنفسه مثل هذا الدور المهين؟
أكيد كل من حضر هذا المؤتمر سوف ينظر اليه نظرة أحتقار و إشمئزاز.
|
Post: #3
Title: Re: ممثل نساء السودان في أضخم حدث أممي (نسوي) ب
Author: بدر الدين الأمير
Date: 03-09-2023, 09:59 AM
Parent: #2
كان يتم الناقصة
ويلبس توب المراة
السودانية
وياسيرلانكى ازيك
|
Post: #4
Title: Re: ممثل نساء السودان في أضخم حدث أممي (نسوي) ب
Author: Hassan Farah
Date: 03-09-2023, 10:42 AM
Parent: #1
ناقص نخوة وانانى حتى العضم..كان يجيب مرتو تمثل نساء السودان
|
Post: #5
Title: Re: ممثل نساء السودان في أضخم حدث أممي (نسوي) ب
Author: جلالدونا
Date: 03-09-2023, 11:05 AM
Parent: #4
فضحنا و شرط عينّا
لكن واضح جدا انتو ضد المساواة بين الرجل و المرأة
في الواجبات و الحقوق و المؤتمرات
|
Post: #6
Title: Re: ممثل نساء السودان في أضخم حدث أممي (نسوي) ب
Author: Abureesh
Date: 03-09-2023, 01:01 PM
Parent: #5
عادى فى السودان.. (بروفيسور) غندور كان رئيس نقابة (العمال) .. الرجل المناسب فى مكان غير مناسب
بس ما دام الله قدر كدا كان يجيبوا شاب اصغر منه شوية ويقعدوه فى الطرف.. موش وسط البنوت. عيب.
Quote: لكن واضح جدا انتو ضد المساواة بين الرجل و المرأة
في الواجبات و الحقوق و المؤتمرات |
أكيد تمزح يا جلالدونا.. يعنى ممكن برضو يستعمل حمامات النسوان.. عشان المساواة وكدا؟ والله الفهم شنو؟
ما ممكن طبعاً ومما يمكن يقدم طلب عضوية لإتحاد نساء السودان.. او يقيف فى صف النسوان فى الرغيف!!
دى حاجات ما عندها علاقة بالمساواة.. وإلا حتجرنا لأمور لا تحمد عقباها !!
|
Post: #7
Title: Re: ممثل نساء السودان في أضخم حدث أممي (نسوي) ب
Author: Abureesh
Date: 03-09-2023, 01:11 PM
Parent: #5
نسيت اسلم على دكتور حيدر.. سلام يا دوك.. لكن اولا كيف وزارة التنمية الإجاماعية يدوها لرجل.
بعدين ما تنسى دى نيويورك.. نيويورك الجميلة عاصمة العالم زى ما تقول قريبتك امتثال. يعنى
السفر والبدلات بالدولار والتسوق.. كيف دى كلها يدوها (مرة) هذه ميزات كبيرة لازم يشيلها
الوزير زاتو.. حتى لو كان رجل. والله انا بس ما قادر أتصور شعوره فى فترة الإستقبال والوجبات
الخفيفة.. أكيد النسوان كانوا كاتمين قهقهـة كبيـرة. مساكين فرضوا عليهم كبت شعورهم!!
مساكين مكبوتات دائما حتى فى عيدهن.
|
Post: #8
Title: Re: ممثل نساء السودان في أضخم حدث أممي (نسوي) ب
Author: محمد محمد قاضي
Date: 03-09-2023, 01:19 PM
Parent: #1
| Quote: لكن اولا كيف وزارة التنمية الإجاماعية يدوها لرجل. |
المفروض الحكومة كلها وبجميع الوزارات والمناصب العليا وحتي المناصب المتوسطة
يسلموها للنساء فقط فرجال السودان الفاشلين البلهاء لا فائدة ترجي منهم ---- جاتهم خيبة
سلام للجميع
|
Post: #9
Title: Re: ممثل نساء السودان في أضخم حدث أممي (نسوي) ب
Author: Abureesh
Date: 03-09-2023, 03:14 PM
Parent: #8
|
Post: #10
Title: سليمان صندل حقاراحمد ادم بخيت
Author: بكرى ابوبكر
Date: 03-09-2023, 03:42 PM
Parent: #9
سلام و احترام حبيبنا حيدر و لضيوفك الكرام التحية و التقدير
يا حبيب المستغرب ليها شنو احمد ادم بخيت كوز و كان واحمد آدم بخيت منسق بادارة الخدمة الوطنية واحمد آدم بخيت منسق بادارة الخدمة الوطنية مثله مثل كادر العنف الاخواني سليمان صندل حقار...ودا شايفو ا بعد عمل روحو دكتور مع انو حسب علمي لم يتحصل علي الدكتوراة عندما كان في النرويج الايام دي ساب الدكتور و ركب في روحو فريق تخيل.....
ودا احمد بخيت قبل ان يصبح وزير اريتو حالك
|
Post: #11
Title: Re: سليمان صندل حقاراحمد ادم بخيت
Author: بدر الدين الأمير
Date: 03-09-2023, 03:52 PM
Parent: #10
الزول دا ممكن ناحية
خلقية يكون عندو كدا
وكدا وقد تكون غلبت عليه الجينات كدا
الكدا الكدا الكدا وجا يمثل نساء السودان
وبالبرهان هو مساوسى متساوى
|
Post: #12
Title: Re: سليمان صندل حقاراحمد ادم بخيت
Author: دفع الله ود الأصيل
Date: 03-09-2023, 04:59 PM
Parent: #11
∆ متل دا نحنو عندنا ف جيهة
حشروو عباس بنسميه تالتن الفي الدلكة مخالتن.
و خلونا نحس و لا حرج ، طبعن عكيد سمعتو بي
أخو البتومات البيطبق البوخات يبنشر المكنات بما إنو
دا مصدر رزق حلال و لا غبار عليه,و برضو قالك نظام
بزينيس مربح جدن فسمعنا قالو الراجلقاعد يوسع في نطاق
أعماله من مجرد زريبة حطبه القديمةو الكائنة بمحلية أمبدة
كرور و يتجه الٱن لفتح فروع له جيهةغندهار سوق الناقة
و أسواق ستة بالحاج يوسف مايو وصابرين ، مع
وجود طموح جادي جدن لإدخال بعض التقنيات
الحديسة لحمامات البخار وتدليك الرجال!
ف شنو، يا حيدر إنزيك ياخي!!
|
Post: #13
Title: Re: سليمان صندل حقاراحمد ادم بخيت
Author: حيدر حسن ميرغني
Date: 03-09-2023, 05:56 PM
Parent: #12
في مجلس الشعب ايام نميري .. تداخل أحد نواب غرب السودان قائلا :
سيدي الرئيس إتحاد نساء السودان دا مما مسكنو العوين خربنو جت 
-
منقول بتصرف من بوست وهبة (عبد الوهاب على الحاج) في الفيس بوك
|
Post: #14
Title: Re: سليمان صندل حقاراحمد ادم بخيت
Author: امتثال عبدالله
Date: 03-09-2023, 07:50 PM
Parent: #13
والله دي فضيحة بجلاجل ...
معقولة حكومة السجم والرماد دي ، حكومة الحركات المسلحة( اسفة المصلحة) ، ما لقت
امرأة تمثل نساء السودان في هذا التجمع النسوي العالمي؛!!؟؟؟؟؟
اللهم لا نسألك رد القضاء ولكن نسألك اللطف فيه ....
متى يا رب ينزاح عن الشعب السوداني هذا الكابوس والغم والهم الثقيل المسمى
بالحكومة الانتقالية التي يرأسها البرهان وحميدتي وجبريل ومناوي واردول الحرامي !!؟؟؟
|
Post: #15
Title: Re: ممثل نساء السودان في أضخم حدث أممي (نسوي) ب
Author: Hassan Farah
Date: 03-10-2023, 08:26 PM
Parent: #1
(في مجلس الشعب ايام نميري .. تداخل أحد نواب غرب السودان قائلا :
سيدي الرئيس إتحاد نساء السودان دا مما مسكنو العوين خربنو جت )
دكتور حيدر حسن ميرغنى يا مرحبا بعودتك ...مشتاقين
نكتة صاحبنا الفوق دى قد تكون السبب فى تعيين الوزير الحالى
اليك رد فعل الوزارة على بوستك:
التنمية الاجتماعية: تمثيل الوزير للنساء في اجتماعات لجنة المرأة (عادي)
الخرطوم – سعاد الخضر
دافعت وزارة التنمية الاجتماعية الاتحادية عن تمثيل وزير التنمية أحمد بخيت للسودان في اجتماعات الدورة ٦٧ للجنة وضع المرأة بنيويورك على خلفية الانتقادات التي وجهت له في وسائط التواصل الاجتماعي ( فيس بوك) وقالت مديرة الادارة العامة للتخطيط بالوزارة بثينة رحمة في تصريح لـ(الجريدة ) إن تمثيل الوزير للنساء في اجتماعات لجنة المرأة عادي، وأن اجتماع لجنة وضع المرأة بالامم المتحدة يتم عقده سنوياً على مر التاريخ، ووزيرالتنمية هو الوزير المعني بهذا الاجتماع ، ويكون رئيس الوفد المشارك في ذلك الاجتماع ،سواء كان إمرأة أو رجل ، وأردفت على مر تاريخنا كانت تتولى منصب وزيرة الرعاية الاجتماعية أو التنمية الاجتماعية إمرأة، لكن هذه المرة اختلفت عن السابق ، ووصفت تمثيل الوزير للنساء السودانيات في اجتماعات لجنة المرأة بالعادية ، وذكرت هناك وفود كثيرة يرأسها رجال ، وأشارت الى أن ادارة المرأة تشارك سنويا في هذا الاجتماع ودللت على ذلك بمشاركة مدير المرأة د ملاك دفع السيد، ومسؤولة إدارة التشريعات بإدارة المرأة ، د.مريم على أحمد ، بالإضافة الى أميمة القاسم ، وأوضحت أن المسؤولات بإدارة المرأة هن من حضرن لمشاركة السودان في هذا الاجتماع وأرجعت موجات السخرية التي تعرض لها الوزير بسبب أن المنصب في السابق كانت تتولاه إمرأة.
2 تعليقات
يقول هاف مون:
10 مارس، 2023 الساعة 1:06 م
وزراء المتمردين مابعرفوا سياسة ولابفهموا ده شغل يخص المراة الموديك شنو ي ..... ولا عايز تمش تتجدع بسفرية امريكا
رد
يقول مستغرب:
10 مارس، 2023 الساعة 3:54 م
هسع ده لو سألوه بعرف شنو عن شؤون المرأة هل له تخصص فى هذا المجال هل هو مؤهل و على معرفة بطبيعة احتياجات المرأة كله شغل محاصصات عشوائى, نفس طريقة الكيزان زمان يلبسوا طواقى لرؤوس مافى مقاسه.
|
Post: #16
Title: Re: ممثل نساء السودان في أضخم حدث أممي (نسوي) ب
Author: محمد أبوجودة
Date: 03-12-2023, 09:40 AM
Parent: #15
السلام عليكم جميعا ..
لا حول ولا قوة إلّا بالله العلي العظيم ..
آل.ســـــــــــــــــــــــــّــــوّاها آل.وزير الحَركي دا ..
أكبر على مَحراهو
وغالب الامر، أن شرهه للدولارات، كان العامل المرجّح في إصراره الكالح
على تمثيل المرأة السودانية بهذا التمثيل آل. مُبئس بها وبتاريخها الوطني الكبير..
لم تردعه خلفية سياسية (كوزية) ولا ادّاعاءة نضالية عبر حزبه "الأُسَري"!!
حركة العدل والمساواة...! والحال أن حركته كانت قد لعقت مراراً مــُــرّ الهزائم.
ومع ذلك اقول:
آل.مُفارِق عينو قوية
فالأخ الوزير أحمد آدم بخيت، نائب رئيس حركة العدل والمساواة،
ووزير التنمية الاجتماعية - اتحاديا- وبما قدّمه من عملٍ وزاري
بائس ومُغرِق في آل.مصلحجية الخاصة، ما عادت له فرصة توزير
قادمة!!! ما لَم ينجح زعيمه "فكي جبرين" في أن يحوّل السودانيون
كلهم لــيؤيّدوا " حركتهم " الزاعمة بأنها عدل ومساواة، وليس لها في
الاثنين نصيبٌ يُذكَر.
يا أخانا الوزير أحمد:
الإطاري جااااااااااااااااااااك
|
Post: #17
Title: Re: ممثل نساء السودان في أضخم حدث أممي (نسوي) ب
Author: علاء سيداحمد
Date: 03-12-2023, 09:50 AM
Parent: #16
لاحول ولا قوة الا بالله فضيحة الكيزان لا تنتهى
الله يفضحك يا كوز .
|
Post: #18
Title: Re: ممثل نساء السودان في أضخم حدث أممي (نسوي) ب
Author: ترهاقا
Date: 03-12-2023, 01:37 PM
Parent: #17
بفتكر إنو ده حق من حقوقه المفروض ياخدو من الوسط والشمال النيلي
الموضوع ده ما فيهو نثريات وفسح كمان، وكمان شوفوا المخبولة اللي اسمها
بثينة رحمة اللي حتى ما بتعرف حقوقها كمرأة جاية شايتة ضفاري
تدافع ، لا حولا، كيزان قرف
|
|
