تدخل في حالة من الإحباط وتبكي بحرقة بعد فشل حفلها بالدوحة-دا شنو يا ود الامير ليه كدا

05:09 AM March, 07 2023

سودانيز اون لاين
زهير ابو الزهراء-السودان
مكتبتى
رابط مختصر

الفنانة إيمان الشريف تدخل في حالة من الإحباط وتبكي بحرقة بعد فشل حفلها بالدوحة

كشفت الفنانة السودانية الشهيرة إيمان الشريف لجمهورها القليل الحاضر حفلها الأخير الذي أقامته بالعاصمة القطرية الدوحة عن ما حدث خلف الكواليس.
وبحسب ما شاهدت محررة موقع المحور فقد أكدت الشريف لدى مخاطبتها الجمهور قبل بداية الحفل أنها أصيبت بالإحباط بعد أن شاهدت لأول مرة طوال مشوارها الفني المسرح خالي من الجمهور.

كما كشفت عن بكائها خلف الكواليس بسبب صدمتها من الحضور الضعيف لكنها عادت وأكدت أنها فخورة بالعدد الذي حضر الحفل رغم قلته.
ووفقاً لرصد محررة موقع المحور فقد هتف أحد الحاضرين أثناء حديث الفنانة وكشف السبب الحقيقي لعزوف الجمهور, قائلاً: (التذاكر غالية).



أ نتو ما عارفين دي فردتي والفنانة المفضلة لي أنا الفقير لربه ابوالزهراء
دا شنو يا ود الأمير ليه كدا

شوف الفرق
الفنانة سميرة دنيا تعيد عقد من الدهب الخالص قدم لها كنقطة
ثناء تقديمها وصلة غنائية بالرياض. سيدة أعمال سودانية تفاجئ الفنانة سميرة دنيا وتهديها عقد ضخم من الذهب الخالص.. الفنانة تفجر مفاجأة وشاهدة عيان تحكي ما حدث بعدها
فاجأت سيدة أعمال سودانية مقيمة بالعاصمة السعودية الرياض الفنانة سميرة دنيا أثناء تقديمها حفل ساهر لأبناء الجالية السودانية بالرياض.
وبحسب ما شاهدنا فقد صعدت سيدة الأعمال للمسرح الذي كانت تغني فيه الفنانة الملقبة بست الغناء وقامت بإهدائها عقد ضخم من الذهب الخالص كان ترتديه وخلعته لتمنحه للفنانة.
جمهور مواقع التواصل الاجتماعي بعد مشاهدة المقطع شكك في حقيقة الفيديو وأكد بعض المعلقين أن الذهب صيني وليس ذهب حقيقي.
ووفقاً لمتابعات محررة موقع النيلين فقد أكدت الأستاذة الصحفية والإعلامية ناهد بشير أنها كانت شاهدة عيان من داخل الحفل وحكت التفاصيل الكاملة.
وقالت ناهد في تدوينة لها على حسابها عبر موقع التواصل الاجتماعي فيسبوك: (حابة اوضح حاجة (كنت حضور في حفلة سميرة دنيا عالمنصة )اوضح في موضوع الدهب الاتقدم من الزميلة الاعلامية راوية محمد عثمان..”مدام ريتا” للاستاذة القامة الدهب الحقيقي سميرة دنيا).


وتابعت الإعلامية ناهد بشير بحسب ما نقل عنها محرر موقع النيلين: (الاستاذة اشعلت الصالة في الرياض بااجمل الاغنيات..وتفاعل معاها الحضور بصورة مبهجة حقيقة.. علي فكرة الدهب الاتقدم حقيقي عشان بس احفظ لراوية حقها عشان قريت كلام في قروبات انه الحفلة في دبي وانه ماحقيقي وانه شو بس ده ماالمهم).
وختمت توضيحها: (المهم انه الاستاذة سميرة رفضت تاخد الدهب باعتبار انه ( راوية لابساه ومابتسكثره فيها.).والاستاذة تستاهل الاغلي من الدهب..شكرا سوزي ميديا علي اتحافنا بكل هذا الجمال الروعة وسميرة هي ربيع الدنيا رحم الله الفنان عثمان حسين والاستاذ عوض خليفة).

شوف الفرق

https://top4top.io/https://top4top.io/https://top4top.io/
https://top4top.io/https://top4top.io/https://top4top.io/

وكمان في الغنا

سلام
ايمان فشلت فى انها توظف موهبتها وصوتا الجميل بصورة صحيحة اصبحت نباحة وصوتا خالى من اى تطريب وايضا وجهها رغم جمالو
اما سميرة احساس وتطريب عالى جدا ….بعدين من زمان هى ما بتشيل نقطة ……

والد ايمان زميلنا خريج معهد الموسيقى تخصص ساكسفون
مفروض يقوم بالتوجيه الفني وادارت مسيرتها

مفروض ….موهبة ما ساهلة محتاجة توجيه صحيح

الا تكون اتمردت عليهو يا استاذة اميرة
الجيل الجديد ده صعب فهمو

ابو الزهور
يبدو انى خارج الزمن
صدق اول مرة اسمع
بهذه الفنانة

ود الأمير
تحياتي لك
بعد اعترافك بأنك خارج الزمن الواقعي جاءت قرارات من لجنة حكماء المنبر وهي في البداية
قرر لجنة حكماء المنبر يعاقب ود الأمير بعمل وليمة لعشرة أشخاص من القاطنين بالدوحة وخاصة البورداب ممنوع حضور أبناء أربجي
والإمر الثاني محاولة تنشيط الذاكرة بالمشاهدة المستمرة للقنوات السودانية لمدة ست أشهر كاملة
وبعد ها يخضع لا متحان في الثقافة الغنائية السودانية المعاصرة لو سقط يجلد عشرة جلدات علي الطير كدا
*والله يا ود الأمير القرار ضعيف جدا أنا عايز قرار قوي

يا ابو الزهور
انا براي معى اخى الكاشف
الاجنبى دينق وثالثنا بتاع حب
الكلاب قبانى الكندى

يا ود الأمير
دينق لا حرج عليه لأنه صاحب ثقافة أفريقية خالصة وقباني أشهد له بمعرفة عميقة بالتراث الغنائي السوداني وخاصة جيل ما بعد الحقيبة
ولكن أنت تقف وحيدا درويش عند عوالم أبداع القامة الراحل مصطفي سيد أحمد وتبكي ماضي الذكريات ورحيل هذا العملاق له الرحمة
متعكم ربي بالعافية أينما كنتم الافاضل دنيق وقباني وعربي أربجي

ابو الزهور
اكتر حاجة محيرة
ومضحكة قبانى قولها
طول عمرى الغنائى

Quote: يا ود الأمير دينق لا حرج عليه لأنه صاحب ثقافة أفريقية خالصة وقباني أشهد له بمعرفة عميقة بالتراث الغنائي السوداني وخاصة جيل ما بعد الحقيبة ولكن أنت تقف وحيدا درويش عند عوالم أبداع القامة الراحل مصطفي سيد أحمد وتبكي ماضي الذكريات ورحيل هذا العملاق له الرحمة متعكم ربي بالعافية أينما كنتم الافاضل دنيق وقباني وعربي أربجي

يا زهير كيف الكلام ده

هزارك خشن هههه

هل الغناء السوداني يخرج من دائرة الثقافة الأفريقية الخالصة؟

بخصوص الأفاضل قباني وود الأمير فقد جانبك الحظ في ما قلته

القامة مصطفى سيد أحمد له الرحمة يستحق أكثر من ذلك وقد أوفاه ود الأمير

تحياتي

Quote: والإمر الثاني محاولة تنشيط الذاكرة بالمشاهدة المستمرة للقنوات السودانية لمدة ست أشهر كاملة

بعقابك ده يا زهير تكون قليتو
قلي ما أقساك يا أخي

مع عاطر التحيات

أنا عارف السبب بس ما بقدر أسهب خوف الجهوية والعنصرية والجندرية 😅لكن نصيحة لكل فنانة تريد حفلها أن ينجح في الدوحة أن تقيم حفلها للنساء فقط

ابو الزهور
خم وصر اها جاك شايقى ام در
ابوسطر ونص خليفة قرد الطلح
ملاسى
وما بعيد يجيك عريبى الجزيرة الترجمان
ودالاصيل ويقوليك عندى سعال ديكى هي
فلانة دى بتغنى شنو

و المصيبة يا ود اللمير كمان إنها البنةة من أرض
محنتنا الما بنريد غيرا ، تقوم ياخ تفضحنا و تقول ما بتعرفا؟!
تعرف دي براها تكلفك عقوبة40 جلدة بي حبل عاشميق وكفارة
إطعام عشرة مساكين ( رحمتات ) و كسوتهم جبة و شقيانة
تموت تخلي و طبعن نحن و الاقرباء أولى بالشفعة.
لكن لا عتب عليك إذا لم تسمعا وسط زحمة الهنيق الحاصل
في الساحة دي، لامن عمل لينا تلوث بيئي في طبول العضنين.
فقالو واحد من عمالقة الطبرب جانا هنا في مسرح مدرسة حشرو عباس
و فضل يلهله و كل شوية يمرق فوج من الجمهور يتخارجو ، لامن ما
فضل غير فرد زول ، فعمنا قال والله إكراما لهذا الذواقة الذري حأفضل
أطرب فيه كدا لحد ما براه يقوم يفوت ، و يلا ناس الكمنجات ديل نعسو
لامن بقو الواحد يطبظ عين أخوه ، في النهاية و مع الهزيع الأخير عمك
المطرب نزل من المسرح و مشى على الراجل يشد على يديه ، لقه أولن
أطرش مو سامع أصلن , و تانياً كان قاعد مكرها أخاك لا بطل لأنو
شنو؟ كان غفير المدرسة وراجي الهيصة الفارغة دي لامن تنتهي
عشان يلملم الكراس و يقفلل ، فا شايفين كيف يابو الزوز!

الحبيب والصديق ود الأصيل أيها الفصيح في بلد العجم
عاطر التحيا
وبعدين أن وينك انت يا جميل في حلتكم لسه ولا الان في عاصمة الهمج
المهم اردم لي ود الأمير العروب دا وانزل به أفسي العقوبات الجلد ما كفاية عايز عقوبة تعزيرية
مع حبي واحترامي لك أيها الكليم ذو الحرف الراقص

ابو الزهور ياوهم
ود الاصيل قاعد في
دوحة الجميع وشغال ترجمة
بس بقى عندو سبعة نظارات نظر
واحدة لسودانيز
وواحدة للترجمة القانونية
وثالثة لترجمة الوثائق
ورابعة عشان يعرف انت منو
وخامسة لفرز الطعام
وسادسة للتلفزيون
والسابعة نظام انو شاب جذاب

يعني يا ود الأمير أن اللي بتشوف كويس حليل زمن الصبا يا عربي أربجي قالوا النضارة عندك زي بيض النعام اللهم استر علينا من الكبر وضيق النفس والسكر في رابعة النهار أنك سميع مجيب

ابوالزهور
يامتخلف رابعة نهار شنو
يربع يدك مليانات قصب
اسمو مقيل

أ بو الزوز يا فردة
أولن، نعتذر ليك و لكل من سولت له نفسه الأمارة
وما عليك من ودالللمير دا زول و نحنو دافننو سوا
عامل لي عزومة مراكبية "خم رماد " على طاجن
سمك و لسة أشيل فيراسي و أخت ، عمومن أنت
زاتك معزوم معانا رحلة نمخر عتامير الخلا النداية
يا إسعاف حواملنا البجيب الداية
يا صبار على الردخ المشت و الجاية
ناكل أردب و أردبين فوق ليها كم مخلاية
********************
∆حيث زورق ألحاننا يضرب أكباد الإبل، في مسدار
رحلة مضنية إلى عنان أفق لا يُرى بعين مجردة. لم يمنحني
القدر ما وفيا. فقط كتباً رثة و قلباً خالياً متمكناً ، كورقة بيضاء
من غير سوء. و في نحيب غرباتي، كل السحر الذي ناحت به
القماريفي ليالي بدر التمام ،ذكريات تعانقني كلما جاوزتُ تياراً،
ثم تحتويني لتلقي بي في حضن موجة عاتية عالية ،مع تقاسيم
نايٍ هندي تلين و تصخب ،تأخذني إلى براحات ميلوديا
السمفونيات العتيقة ة گنوارة قرنفل أو أقحوان و وسادة
أحلام خالية ودموع مغادرين إلى حيث أنوا!!
∆كلها ارتسمت لي كصور مائية أو جبين هلال
على بيادر مخيلتي الخصيبة فلم أعد كما كنت،
ذاك القيصر الروماني الطرير أو مليكة سبئية.
∆كل ما أضحيت فيه و آلت إليه أموري ، قارب راقص يتهادى
بي كطير (مذبوحاً من الألم) و جرح غائر في فؤادٍ نازف كان
نصفه مشلولاً بمداد لا ينضب و لكن لا بد لي أن أرسو ذات يوم على
مرافئ حريتي التي أخشى كذلك ألا أجد منها هناك سوى كذبة أبريلية
غبشاءعريضة ، شأني معها كباسط شدقيه لحليب مراق ليبلغ فاه و لنيظفر
منه و لا بقطرة؛. سأظل أبحر ليس حباً في دفء الصخور كيتن جيني من
بطن حوت عظيم. فما أبعد أشرعتي أيتها المنارةعن معانقة لمسات حنانك .
∆ سنواتي حبال صيد فوق شوك نشروهاثم قالوا لحفاة يوم ريح:
اجمعوها وكلما قطبت جبيني،تمزق سندس الأماني وتناثرت
منى الخيوط كماأوراق الخريف.. منتهى الياس و الإحباط ،
أليس كذلك ؟! فلم يبق هناك و لوبصيص في قعر
نفق سحيق و يندلق إبريق الرحيق!!
-----------------

هوى ياود الاصيل
انا لاقدرك ولالحم سدرك
بس الايام دى عندى
خم رماد مع ابو الزوهو والاخير
مجدع هذه الايام في ضواحى نجد قال
ماشى يقص اتر جده الصلعوق المشوكش الشاعر
عمر ابن ابى ربيعة وتغزل هناك
في النجديات

لا عاد أكان كدي ، الله يستر عليهو فردتي أبو الزهراء ،
ما تبقى عليه البقت على صاحبنا زمان بتاع ا لراكوبة وليد
الحسين ولا زولكم الفتنتو السفارة قريب دا و داقيين ليو جرس
في البورد ربنا يقيل عثرتو و يفك كربتو.