حمدوك لا يرغب في العودة لمنصب رئيس الوزراء

10:46 AM March, 03 2023

سودانيز اون لاين
زهير ابو الزهراء-السودان
مكتبتى
رابط مختصر

أغلق مكتب رئيس الوزراء السابق المستقيل د. عبد الله حمدوك باب التكهنات حول عودة وشيكة لحمدوك لمنصب رئيس الوزارء، بعد أن برزت آراء عدة حول إمكانية عودته لقيادة الحكومة المدنية في الفترة الانتقالية المقبلة.
وشدد مدير مكتب حمدوك السابق، علي حمدان، بعدم رغبة حمدوك في أي منصب تنفيذي في الحكومة التي ينتظر تشكيلها عقب التوقيع على الاتفاق النهائي، بين قادة الجيش والقوى المدنية، بحسب صحيفة الحراك .
وقال إن عودة حمدوك غير واردة إطلاقاً؛ فهو لا يبدي أيّ رغبة البتة في العودة إلى السلطة في منصب رئيس وزراء أو رئيس الدولة المدني”، بيد أن حمدوك أبلغ وسطاء استعداده للمساهمة في حل الأزمة السياسية الراهنة من خلال تقديم خريطة طريق، أو أي مبادرات تعيد مسار الانتقال المدني الديمقراطي في البلاد، وتسخير كل علاقاته الخارجية لتوفير الدعم اللازم للسلطة المقبلة.

تعليقات قراء الراكوبة على الخبر
يقول محمد عمر ناصر:
1 مارس، 2023 الساعة 11:11 ص
عودة حمدوك
الي الجحيم ياحمدكة
انت وقطيع القحاتة
وكل الحمير والمطبلاتية
من سنابل قحت
يافاشل يافاسد ياجبان ياامعة
ياترباية الشيوعيين والجمهوريين

علي:
1 مارس، 2023 الساعة 2:22 م
يعني انت وابليس سواء لأن هذه امنيه ابليس الذي يسعي لأن يكون الجميع معه في الجحيم .. اتق الله يا شيخ..واحذر فهلا دعوت له بالسلامه لتسلم انت
AwadAlamin:
1 مارس، 2023 الساعة 5:16 م
محمد عمر ناصر كرهك وحقدك على حمدوك بالذات يظهر للكل سوء الكيزان حتى فى خصوماتهم السياسيه رغم أن حمدوك ليس له أنتماء سياسى وفكرى( الشيوعيين والجمهوريين). الرجل تشهد له عدة دول أفريقيه كانت دون الصفر فأنتشلها من وهدتها بعون الله. لكن الكيزان لسوء نياتهم وأفكارهم لا يهمهم الوطن بل تهمهم السرقه واللهط والدمار. أتق الله فى دعاءك عليه وعليهم فربما كلمة ترمى بك فى النار.

التلب:
1 مارس، 2023 الساعة 11:39 ص
فى رأئى من الأنسب أن يتولى السيد حمدوك وزارة المالية فى التشكيل الوزارى الجديد وان يكون تحت إدارته كل القطاع الاقنصادى .. نعم هو أقل من التكليف الأول ولكن أعتقد أن الرجل لايهمه المنصب قدر مايهمه إنتشال هذا الوطن وان الرجل لن يبخل بعلمه وبعلاقاته الدوليه على بلده .

صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى
والا فالسودان مليان بمن هم فى امكاناته المهنيه (ولانشكك فيها)
جواء السودان والدة الزيو والاحسن منو

((صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى
والا فالسودان مليان بمن هم فى امكاناته المهنيه (ولانشكك فيها)
جواء السودان والدة الزيو والاحسن منو))
===================================
عاصم سلام
لو سمحت اشرح لنا اين وجدت فى تعليق الاخ التلب ما يدل على انه صنيعة كيزانية وبامتياز كمان كما قلت فى تعليقك

الاخ حسن
سلامات
دى قناعه
لو ماكان الكيزان رشحو للمالية منو الكان حيعرف حمدوك ولا يكون عندو شعبيه زى دى مالقاهااى سياسى سودانى حتى السيدين كان السودان منقسم حولهم
طبحه /بنى كوز /قوش كانت محكمة واشتغلو صاح دقو مسمار جحا فى بيت الثورة قبل ذهابهم
سواء كان كوز(الكوادر النايمه) او اختيار بناء على دراسة لشخصتو
كل تفاصيل مايحصل مش تلميع حمدوك بترشيحو للماية بيدل انو الكيزان سمحو للحراك الشعبى يتصاعد وهم راسمين وحافرين مجرى طوفان وسيل الثورة فى مسارات لتصب فى مصب غير المصب المطلوب
الحواتى رفض الوزارة زى حمدوك
هل كان لحمدوك ان يجد الدعم والشعبية دى كلها لو ما كان رشح لمالية حكومه ايلا ورفضها (بافتراض ان المرشح كان زول تانى كوز ولا غيرو للمالية)
حمدوك واعتصام القيادة كانو اول علامات اختراق الثورة ونذر اجهاضهاواعادة انتاجانقاذ2 كما يحصل الان

عاصم على سلام
المصريون ما بحبوا حمدوك
خخخخخخ

اضافة :
ببساطة حمدوكك دورو السياسى انتهى وعاد لقواعدو سالم
زى ما انتهت ادوار بعض مجموعه السياسيين من مجموعه اتماع قوش فى شقه الخرطوم وابراهيم الشيخ مستقبل البرهان فى ارض الاعتصام ..الخ
كتير من وجوه حكومه حمدوك جات من برا
بعد منعطف اانقلاب 25 اكتوبر ..اين هم الان ؟؟؟
هل عادوا للسودان للمناصب مكافاة لهم على تاريخ نضالى قصير انتهى بالهجرة ؟
ام هم جزء من خدعه اختراق الثورة ؟
ويبقى وطن رهين التلاعب به لعاطفيتو وقصور الوعى بتكرار الاخطء والسقوط فى المزمن فى متاهة الصراعات العرقية والدينيه ..الخ

(دى قناعه )
يا عاصم قناعاتك احتفظ بها لنفسك
انت وصفت التلب بانه صناعة كيزانية بامتياز
يبقى عليك ان تقدم الدليليا عاصم قناعاتك احتفظ بها لنفسك انت وصفت التلب بانه صناعة كيزانية بامتياز يبقى عليك ان تقدم الدليل

Quote: يا عاصم قناعاتك احتفظ بها لنفسك

ده تكميم افواه هسع فرق شنو من السجم الحاكمين ديل
غير قناعاته بحجتك فربما يسلم علي يديك.

https://www.0zz0.com

Quote: (دى قناعه ) يا عاصم قناعاتك احتفظ بها لنفسك انت وصفت التلب بانه صناعة كيزانية بامتياز يبقى عليك ان تقدم الدليليا عاصم قناعاتك احتفظ بها لنفسك انت وصفت التلب بانه صناعة كيزانية بامتياز يبقى عليك ان تقدم الدليل

زمن الاحتفاظ بالقناعات لصالح راى الجماعهداكان زمان
زمن الثورة
وايقاعها فى فخ الاعتصام ومحموعات وافراد سياسة هم مجرد مخالب قططة لا يعملو لصالح وطن ومواطن
والواقع و الحاصل
اما حمدوك صنيعه كيزانية مهما افع عنه اى مدافع
ولو كان غير ذلك فليعد وحمل مسئوليتو الوطنية الثوريه قائد لثورة لا اداة تسوية وهبوط ناعم لصالح بنى كوز ومصالح دوليه
ليس للشعب نافه فيها ولابعير
الواقع بيقول كدا وياكد قناعاتى ماضى وحاضر ومستقبل

(اما حمدوك صنيعه كيزانية مهما افع عنه اى مدافع )

(التلب:
1 مارس، 2023 الساعة 11:39 ص
فى رأئى من الأنسب أن يتولى السيد حمدوك وزارة المالية فى التشكيل الوزارى الجديد وان يكون تحت إدارته كل القطاع الاقنصادى .. نعم هو أقل من التكليف الأول ولكن أعتقد أن الرجل لايهمه المنصب قدر مايهمه إنتشال هذا الوطن وان الرجل لن يبخل بعلمه وبعلاقاته الدوليه على بلده)

(صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى
والا فالسودان مليان بمن هم فى امكاناته المهنيه (ولانشكك فيها)
جواء السودان والدة الزيو والاحسن منو)

هذا كلامك يا عاصم وفيه ترد على تعليق التلب الذى اقترح ان يتولى حمدوك وزارة المالية
ردك هذا موجه للتلب صاحب الاقتراح حيث وصفته بالصنيعة الكيزانية
وفى النهاية جيت قلت انك تعنى حمدوك!!!

ما اتفق مع القول بان حمدوك صنيعة الكيزان، الرجل ذو ماض شيوعي والاهم هو من وقع البند السادس الذي يسمح للامم المتحدة بالدخول للسودان وده المجقلب بالكيزان والعسكر ولولا بعد نظر الرجل وهذا البند كان البرهان بقى سيسي السودان بمزاج رغم الرفض الشعبي المحترم حقيقة

(ما اتفق مع القول بان حمدوك صنيعة الكيزان،)
سلام طارق عبدالله
فعلا دى الحقيقة
حمدوك له بعض الاخطاء الجسيمة بسبب الضغوط التى تعرض لها من بعض عناصر الحرية والتغيير والثورة المضادة والعسكر ولعوامل ذاتية
لكنه ابدا لم يكن عميلا للكيزان كما يدعى البعض

سلام للجميع ~
كتب أستاذ عاصم:

Quote: صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى والا فالسودان مليان بمن هم فى امكاناته المهنيه (ولانشكك فيها) جواء السودان والدة الزيو والاحسن منو

#دا مش ياهو حمدوك مع الكيزان!
https://www.0zz0.com
#وهنا من يومه مع الكوزة (بالعقلية) العسكرى رجاء نيكولا:
https://www.0zz0.com
#وأخيرا مع الأمراء بالإمارات:

https://www.0zz0.com

***شكرا يا أستاذ عاصم وحقيقة إن حواء السودان والدة !
#ليت خالد سلك يفهم معنى المثل بدلا عن الإستهزاء لأنه لم يعرف المعنى وقال فى ندوته الطويلة ديك فى يوليو
"يعنى ننتظر لما حواء تولد…"
والله جد جد قال كدا والآن عادى الناطق الرسمى لجماعة الإطارى 😀

(صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى
والا فالسودان مليان بمن هم فى امكاناته المهنيه (ولانشكك فيها)
.....................................................
هدى سلام
من الكلام الفوق دا عرفتى منو الرشح منو لوظيفة وزير المالية؟

غريبة إنك تسأل عن الكوز الذى رشح حمدوك وزيرا للمالية
هو كان ترشيح هين ولا هين - لقد جاء من زعيم العصابة زات نفسه
*القاتل المخلوع شخصيا طلب منه أن يكون وزيرا للمالية!

صديقي زهير..حبابك

كتر خيرك على اشراكنا في هذا الخبر..الذي نشر في يوم منسي (3 مارس عيد وحدة السودان)..!
الناطق باسم العملية السياسية خالد عمر يوسف ، والناطقين بالحرية والتغيير (المركزي) كمال عمر ، وكذا جعفر حسن ، وكذا محمد سليمان الفكي ، كلهم يأكدون بان مثل هذه الأخبار هي تكهنات ، وان اطراف العملية السياسية لازالت في مرحلة وضع المعايير لإختيار رئيس وزراء اومجلس وزراء ووضع برنامج للحكومة الإنتقالية القادمة..
كل تصريحاتهم تؤكد باستمرار بانهم لم يرشحوا أو يتحدثوا الى أي شخص ليكون في منصب رئيس الوزراء ، بالرغم من الإشارات الى ان هناك عدة اشخاص تحاول تقديم نفسها لشغل المنصب ولكن اطراف العملية السياسية لم تنظر في هذه الطلبات.
في اعتقادي الخاص ، ان دكتور عبد الله حمدوك قد جعل من الصعوبة اختيار شخص اخر..فلو تم اختيار أي شخص غير حمدوك فهذا يعني بداهة الإنصياع لأوامر مصر..والحركة الإسلامية والحزب الشيوعي السوداني ، لأن هذه الأطراف تتفق مواقفها في عدم قبول أي شخص في رئاسة الوزراء يعامل مصر بندية ويقف ضد مصالحها في السودان.

تحياتي
كبر

كتب عاصم علي:

Quote: صنيعه كيزانية بامتياز بتصديرو للمشهد بترشيحو وزير لاعطائو زخم وتلميع سياسى والا فالسودان مليان بمن هم فى امكاناته المهنيه (ولانشكك فيها) جواء السودان والدة الزيو والاحسن منو

صديقي عاصم..حبابك
اشك في ان عبد الله حمدوك صنيعة كيزانية ، وهذه معلومة خاطئة..صحيح المؤتمر الوطني في حالة التيه حاول الإستعانة به لشغل منصب وزير المالية ولكنه رفض وهذا رفع من اسهمه في الفترة الإنتقالية. واذكر الناس وقتها استحسنت موقفه الرافض للمنصب.
وكما هو معروف فان القوى السياسية في تحالف قوى الحرية والتغيير في سنة 2019 كانت متوجسة من اختيار حمدوك ، واختياره كان اقتراح تجمع المهنيين الذي كان يتبني اطروحة حكومة تكنوقراط مستقلين ، ولا اظن ان تجمع المهنيين الذي وثق فيها شباب المقاومة في الشارع يتبني افكار كيزانية.
في كل الأحوال الأمر ليس متعلق بالأشخاص ، بقدر ما هو يتعلق ببنية الدولة ومؤسساتها المتهالكة غير الفعالة ، وهذا هو التحدي الذي واجهه حمدوك. واتفق معك هناك كفاءات سودانية عديدة ويمكن ان تخرج السودان الى بر الأمان ، ولكن البيئة غير صالحة تماما ، اضافة الى كوننا نحن الشعب السوداني شعب شفقان ما عندو الصبر اليبل الآبري كما يقولون نريد حلول سحرية انية ، وهذا يصعب تحقيقه في ظل الخراب الممتد لأكثر من ستين سنة.
وكما قلت لصديقي زهير ، فان الخيار سيكون صعب ، لأن أي شخص غير حمدوك فهذا بداهة يعني الإنصياع لمصر لأنها لازالت تحلم بالتحكم فيمن يقود السودان ، سواءا في فترة انتقالية أو في ظل حكومة منتخبة.

تحياتي
كبر

كتبت هدى ميرغني:

Quote: #دا مش ياهو حمدوك مع الكيزان!

هدى..حبابك يا صديقتي
الكلام ده كان وين ومتين؟
وكتها حمدوك موظف في الأمم المتحدة في اديس ابابا ، وابراهيم غندور وزير خارجية السودان ، والسودان عضو في الإتحاد الأفريقي..اكثر من كده الأخلاق السودانية انو السودانيين خارج السودان يعملون بمبدأ (اختلاف الرأي لا يفسد للود قضية).
طبعا يا هدى انتي نسيتي ان الحزب الشيوعي قعد مع الكيزان في برلمان نيفاشا في المجلس الوطني في امسودان ، وكان عندو تلاتة نواب ادوا القسم الدستوري قدام عمر البشير..
وهو نفس البرلمان الذي كان فيه ابوالقاسم محمد ابراهيم ، حينما انهجمت المرحومة فاطمة احمد ابراهيم لإكتشافها ان ابو القاسم يجلس معها في نفس البرلمان ، وقالت ما كنت عارفاهو ده ابو القاسم محمد ابراهيم..!
في حكومة حمدوك الإنتقالية الأولى ، كان هناك وزير تبع الحزب الشيوعي..لمن الوزراء قدموا استقالتهم ، صاحبنا قام كنكش لحدي ما تمت اقالته عنوة..!!..مع احترامي له..
وحينما حان الوقت..استقال حمدوك ، وقدم استقالته للشعب السوداني وهو يقول هذه امانتكم اردها اليكم..وهذا سلوك بالرغم من ان الحزب الشيوعي السوداني تجاوز السبعين سنة من عمره لكن ما عندهم اخلاق سمحة مثل هذه الأخلاق النبيلة..
الآن الحزب الشيوعي السوداني صار يمارس مراهقة سياسية متأخرة ، واصبح مثل الباعوضة يزن..نيني..نيني..ولا يستطيع فعل شئ..ومؤكد لن يجرؤ على ترشيح أي شخص لأنو عارف أي ترشيح مارق منو مافي زول بيقبلو..لذلك ح يفضل يشتغل لمصالح مصر من تحت التربيزة..وكلو بي تمنو..!

تحياتي
كبر

قناعتي الشخصية فى ناس هنا شايلا حمار النوم
وحات الله صحي

شكرا لك الاخ كبر لقد وفيت وكفيت

سلام أخى كبر وأرد على التحية والصداقة بمثلها وأكثر ~

Quote: هدى..حبابك يا صديقتي الكلام ده كان وين ومتين؟ وكتها حمدوك موظف في الأمم المتحدة في اديس ابابا ، وابراهيم غندور وزير خارجية السودان ، والسودان عضو في الإتحاد الأفريقي..اكثر من كده الأخلاق السودانية انو السودانيين خارج السودان يعملون بمبدأ (اختلاف الرأي لا يفسد للود قضية). طبعا يا هدى انتي نسيتي ان الحزب الشيوعي قعد مع الكيزان في برلمان نيفاشا في المجلس الوطني في امسودان ، وكان عندو تلاتة نواب ادوا القسم الدستوري قدام عمر البشير.. وهو نفس البرلمان الذي كان فيه ابوالقاسم محمد ابراهيم ، حينما انهجمت المرحومة فاطمة احمد ابراهيم لإكتشافها ان ابو القاسم يجلس معها في نفس البرلمان ، وقالت ما كنت عارفاهو ده ابو القاسم محمد ابراهيم..! في حكومة حمدوك الإنتقالية الأولى ، كان هناك وزير تبع الحزب الشيوعي..لمن الوزراء قدموا استقالتهم ، صاحبنا قام كنكش لحدي ما تمت اقالته عنوة..!!..مع احترامي له.. وحينما حان الوقت..استقال حمدوك ، وقدم استقالته للشعب السوداني وهو يقول هذه امانتكم اردها اليكم..وهذا سلوك بالرغم من ان الحزب الشيوعي السوداني تجاوز السبعين سنة من عمره لكن ما عندهم اخلاق سمحة مثل هذه الأخلاق النبيلة.. الآن الحزب الشيوعي السوداني صار يمارس مراهقة سياسية متأخرة ، واصبح مثل الباعوضة يزن..نيني..نيني..ولا يستطيع فعل شئ..ومؤكد لن يجرؤ على ترشيح أي شخص لأنو عارف أي ترشيح مارق منو مافي زول بيقبلو..لذلك ح يفضل يشتغل لمصالح مصر من تحت التربيزة..وكلو بي تمنو..! تحياتي كبر

- مقدمة سريعة
-حمدوك لم يكن يوما الرئيس المناسب للثورة السودانية العظيمة! لكن الآن هو الشخص المناسب جدا للإنقلابين وسيؤدي المطلوب منه فلترشحه مجموعة الإطارى (الهبوط الناعم) ، فهو رئيسها المناسب لو مشروعهم نجح بعد يحنسوا العسكر ليتوحد ويواصل قتل الشعب السودانى؛
——
*الحزب الشيوعى ، لا ينق - صوت الحق دائما عالى ، يتشرف بنضاله وصموده وعدم تهافته
**الحزب الشيوعى ما كان عنده طبعا وزير فى حكومة قحت - إلا إنت تكون بتعرف حاجات منهم مباشرة.
***اما المناضلة فاطمة أحمد إبراهيم يكفيها تقدير ومحبة الشعب السودانى الذى يعرف قدرها تماما وودعها بمقولته الشهيرة "يا فاطمة دغرية ضد الحرامية"
المناضلة فاطمة أخذت حق الشهيد الشفيع أحمد الشيخ بيدها ، من الجبان أبو القاسم ...
…يا أخى كبر بحكم خبرتك القانونية قانون 2005 (التحية للشهيد جون قرنق) ،لو تم تطبيقه كما يجب رغما عن فقد الدكتور قرنق ، كان السودان اليوم بلد أفضل كثير من واقعنا الراهن.