Post: #1
Title: خليك حريص على تلفونك لحظة خروجك من مطار الخرطوم
Author: Osman Musa
Date: 03-02-2023, 07:00 AM
06:00 AM March, 02 2023 سودانيز اون لاين
Osman Musa-
مكتبتى
رابط مختصر
الختف زاتو أصبح بالاختيار.
يعني بالمزاج.
يعني ابو طويلة يقوليك ليلة الليلة لازم ال iPhone 14 pro
يكون جهبوز .
ولازم يكون 48 ميجا بكسل. اسود ولا ذهبي. 2023 .
يا سيداتي وسادتي القادمين من بلاد الجليد . هنا السخانة اصبحت دبل
ما ديك السخانة الزمان .
طبعا اكتر حاجة حتنرفذك في جيتك سرقة تلفونك الوديع.
هبشة كراعك للخمسة أمتار الأولي لصالة الخروج حتنضرب.
اعمل حسابك جد انت ما عند اهلك الزمان .
والف حمد بسلامة العودة .
|
Post: #2
Title: Re: خليك حريص على تلفونك لحظة خروجك من مطار ال
Author: Osman Musa
Date: 03-02-2023, 07:36 AM
Parent: #1
يا أيها المستهدف.
لمان تفيق من 3 دقايق الدهشة من سرعة الختفة ومحنة ايه تعمل.
يكون تلفونك اتباع للمشتري الفي الأساس هو صاحب فكرة ( انهب من زول فتران من طول الرحلة )
يعني زي ناس اخونا ناس ترهاقا والخوض البيجو راكبين من آخر الدنيا اليشيلوا شيلتهم .
|
Post: #3
Title: Re: خليك حريص على تلفونك لحظة خروجك من مطار ال
Author: Osman Musa
Date: 03-02-2023, 06:22 PM
Parent: #2
والختفة شينة ومحرجة اكتر لمان يكون المختوف اجنبي.
ومعروف انو الأجنبي بيعتمد على التلفون اكتر من السوداني.
يعني السوداني في الآخر بلاقي حل .
|
Post: #4
Title: Re: خليك حريص على تلفونك لحظة خروجك من مطار ال
Author: ترهاقا
Date: 03-02-2023, 07:31 PM
Parent: #3
| Quote: ناس اخونا ناس ترهاقا والخوض البيجو راكبين من آخر الدنيا اليشيلوا شيلتهم . |
كان بقت على التليفون بس ما مشكلة ، أنا مرة مشيت بالاثيوبية الشنطة إتاخرت عندهم يوم استلمتها تاني
يوم مشلعة غير صالحة للاستعمال، والاشياء المفقودة حدث ولا حرج ، غايتو تاني الاثيوبية توبة يا حبوبة
|
Post: #5
Title: Re: خليك حريص على تلفونك لحظة خروجك من مطار ال
Author: Osman Musa
Date: 03-03-2023, 06:47 AM
Parent: #4
زعلنا المبدع أحمد ساطور
سلام
خطين ابدا ما احبهم في السفر .
الإثيوبية والمصريه في الإثيوبية لو عفشك تأخر بس الله يعوضك
والمصريه يتلاتخوا عليك لتاخة عجيبة وطبعا ما ممكن تعمل مشكلة
والطيارة في الجو .
الإماراتية القطرية التركية السعودية ديل خطوط متعة واحترام .
غايتو اعمل حساب انو بعد وصولك دي ما تكون المكالمة الأخيرة.
داير تتصل اتصل داخل الصالة قبال طلوعك منها .
|
Post: #6
Title: Re: خليك حريص على تلفونك لحظة خروجك من مطار ال
Author: Osman Musa
Date: 03-03-2023, 11:00 AM
Parent: #5
سوري متجنس سوداني صاحب مصنع بلاط في الخرطوم .
مافي دقيقة بعد طلوعو من المطار .
كان ماسك جرار الشنطة بيد وبيتكلم مع واحد من جماعتو يجي ياخدو من المطار
وقبل ما يتم المكالمة كان التلفون اتباع وشبع بيع .
وفضل يصيح (ليش هيييييك )
|
|