ود الاصيل تعال كمل وهمات المشوكشين في الاغانى السودانية

ود الاصيل تعال كمل وهمات المشوكشين في الاغانى السودانية


03-01-2023, 11:57 AM


  » http://sudaneseonline.com/cgi-bin/sdb/2bb.cgi?seq=msg&board=510&msg=1677668220&rn=1


Post: #1
Title: ود الاصيل تعال كمل وهمات المشوكشين في الاغانى السودانية
Author: بدر الدين الأمير
Date: 03-01-2023, 11:57 AM
Parent: #0

10:57 AM March, 01 2023

سودانيز اون لاين
بدر الدين الأمير-دولة قطر
مكتبتى
رابط مختصر



انا جاتنى عبر الوتساب
قمت رسلتها للحبيب ود الاصيل
قام جدع كم شاكوش لمن حيرنى

Post: #2
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-01-2023, 11:58 AM

اتاريك ياود الاصيل متخصص
شواكيش ههههه

Post: #3
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-01-2023, 02:26 PM
Parent: #2

أحبك الله يابو اللمير ،،،
لكن ياما في السجن شواكيش بس شقي الحال
يقع ي لقفيد و بلاقي العضم في الفشفاش. شوف
ياخوي أي زول خالي الذهن هنا على قولت عمنا
حمودة حلاق الجميلة ومستحيلة غالبن تكن الحكاية
من خبتة شاكوش غليد ، على راسم ود المدير و عمك
أبريش و يمكنخواض و عموو جقود دافنشي ما بيختا ،
و حتى ا صحاب الجلاحات السارحة مخلية بس حبة
سبيبات يهبهبن متل بوخ اللُّقمة ، كلهم ديل
ممكونين و صابرين فايننا بس
بي السكات و الموية الباردة.

Post: #4
Title: Re: ود الاصيل تعال كمل وهمات المشوكشين في الاغاني السودانية �
Author: دفع الله ود الأصيل
Date: 03-01-2023, 06:55 PM
Parent: #3

اضحك شويه !!!

أنواع شعراء الأغنية في السودان:
١- الشاعر الجبان:
أنا ما بقطف زهورك بس بعاين بعيوني
٢- الشاعر الجاسوس:
أنا يا طير محل ما ترك بشوفك
٣- الشاعر الما عندو كرامة:
إنتظرتو لما ما جا رحت زرتو
٤- الشاعر السادي:
مرات أقول أديه كلمة تزعلو

علشان أشوف خدو الحرير
الدمعة نازلة تبللو
٥-الشاعر الحردان:
إنت رجع لي رسايلي
و الرسايل العندي شيلها
٦- الشاعر العوقة:
أعاين فيه و أضحك
و أمشي و أجيه راجع
٧- الشاعر الرايح:
هسي ده شارع ماشي لوين؟

Post: #6
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-01-2023, 07:00 PM
Parent: #4

دي طبعن دايرة موسيقارنا الذَّري ود ياسين
عشان تكمل الروعة يشيل مسطرينة بناي جواني
مع اللمير و نحنو ترابلة ساي بنناول قدح الطين.
أجمع هنا يا ابو حميد يا دبور يا راقي.

Post: #5
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-01-2023, 06:57 PM
Parent: #3

Quote: اتاريك ياود الاصيل متخصص
شواكيش


هههههه ههههه
وأنا أقول الشعــر الكثيف دا مغطى بيــه شنــو

Post: #7
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-01-2023, 08:56 PM
Parent: #5

ابو الريش وكيتا
في ود الاصيل برسل
لك جتعاتو في اغانى
الشواكيش زولك ممكون
بالحيل ههه

Post: #8
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-02-2023, 03:28 AM
Parent: #7

ابو الريش يارطانى
وعلى طارى قسس الشواكيش
عندى صديق مشترك مع ود الاصيل
وحاليا مكتبه بالقرب من مكتب ود الاصل
في يوم وفي منزل احد الاصدقاء جا داخل علينا
في حالة من البؤس الشديد يافلان مالك قال الزولة
البحبها واغتربت عشانها قلنا عارفنها مالا الحصل ليها شنو
قال ابوها قلنا مالو ابوها قال ابوها مشى لشيخو وشاف الخيرة
والشيخ قال لابوها خيرتها مامعاى وادوها لواحد تانى وزولنا انقد
بكى ونخجى قام صديقنا النحن بمنزله وكانت زوجته جالسة معنا قاليهو
يافلان ياخى هدى هدى انا في 18 واحدة حبيتهم وكل واحدة قلت ليها اكان
ماعرستك بموت لا عرستهن ولا مت

Post: #9
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 06:38 AM
Parent: #8

Quote: هههههه ههههه
وأنا أقول الشعــر الكثيف دا مغطى بيــه شنــو


أبريش يا كومر ، يجازي لي محنك
و دِقَقك و يكلبش لي بنات إبليسك ، المعنى
يعني شعري دا عبارتن عن قبة وبدل سيد الحسن
ود حسونة تحتاا كدمات الشواكيش.. ها زول ها
إت ظنيتك ماك نصيح ، أففففو نحنو بنتشوكش.
ثم ياخي مش قالولك الشاكوش من طرفا الحبيب
متل مصمصة الزبيب. يعني عادي جدن!!

Post: #10
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 06:47 AM
Parent: #9


وأنت اصبر لي يا بو اللمير، بنتلاقى في فرقة
وبجيب ليك القدرك ولحم سدرك يلحسك المرقة
و يحرم عليك المرقة، ، و بالموناصبة واحد لايوق
قلنا ليه بنلحسك ا لمرقة ، قال جدنو مالو وإن شااء
تكون ماجي ولا أندومي ، أي حاجة كلو ينفع .
يلا هاكم دي اول رمية من مواهيم الشعراء
: أغالت نفسي في إصرار و اقول يكمن أنا الما جيت!!

Post: #11
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 06:57 AM
Parent: #10

و على طاري شاكوش زولك حبيبنا يابو اللمير
دا شاعر مسحلب و ما عندو أي قشة مرة ، بكون في حالة
تأهب دائم ومتربص بي زولتو الدوائر و لابد متل قناصين الدولة
العميكة، يلا بقولليك : حبيبي غاااااب و كش كشح الوسخ
و لا يقلوللليك : حبيتا و جيت البيت ما لقيتا .. لكن
لقيت أختا في الهيتة حالن حالن عضيتا و لا

Post: #12
Title: Re: ود الاصيل تعال كمل وهمات المشوكشين في الا�
Author: Osman Musa
Date: 03-02-2023, 07:13 AM
Parent: #11


يا ود الأصيل
بدر قال انت طالبة الثانوية الكان بتحبها لمان ابوها مغترب ليبيا جاب ليها كبك
انت زاتك اشتريتليك كبك وغيرتها مشيتك.
الحكاية دي صحيحة يا ودالاصيل؟
وصحيح لمان حبيتها حبيت شركة صناعة الاحذية والواطة المشت فيها؟
وصحيح بعد الشاكوش لو لا الاجاويد .
كانوا اهلك دايرين يودوك الشكينيبة؟
وهل دا السبب الدخلك في شغلة الترجمة الفورية. يا جبان ؟

Post: #13
Title: Re: ود الاصيل تعال كمل وهمات المشوكشين في الا�
Author: محمد عبد الله الحسين
Date: 03-02-2023, 08:40 AM
Parent: #12

بالله شارع الشواكيش بي وين؟

سلام عليكم يا بدر

وتحياتي لود الأصيل

و بقية الرهط الكريم

وتسلموا من الشواكيش يا رب

Post: #14
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 02:21 PM
Parent: #13

Quote:
يا ود الأصيل
بدر قال انت طالبة الثانوية الكان بتحبها لمان ابوها مغترب ليبيا جاب ليها كبك
انت زاتك اشتريتليك كبك وغيرتها مشيتك.
الحكاية دي صحيحة يا ودالاصيل؟
وصحيح لمان حبيتها حبيت شركة صناعة الاحذية والواطة المشت فيها؟
وصحيح بعد الشاكوش لو لا الاجاويد .
كانوا اهلك دايرين يودوك الشكينيبة؟
وهل دا السبب الدخلك في شغلة الترجمة الفورية. يا جبان ؟

عجيييب والله يا عصمان ود موسى
خايتو عليك جنس نجر اخدر فايت ود اللمير
يا غادي ، ياخي الحكاية و ما فيها اغاني أغاني
وبث ماني عارف ظاطو الجاب سيرت الشواكيش شنو.
ثمح عان جاي النقولليك قولة أ الحاجة الويحدية اللي
صدقت فيها بث الشكينيبة دي فيها ترجمة من نوع تاني ،
تفضل تترجم كدي لان راسك يلف و بردلب تجي
و يا واطة جاك زول ، و يخموك كنيشة لأبوي
المكاشفي أيو عمر يمحطك عرباجين
يعدلن ليك راسك. فا شايف كيفن.

Post: #15
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 02:33 PM
Parent: #14

حي الله دكتورنا ود الحسين ،
موش شواكيش و كمان ملاقيف و يلا
هاكم دا انموذج حي لشاعر شفقان و ملقوف
: لما يوشوش صوت الريح في الباب يسبقنا الشوق قبل العينين

Post: #16
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-02-2023, 04:28 PM
Parent: #15

الشواكيش خشم بيوت..ما بين:
شلت الجراح والابتسامة وكل حرمان اليتامى
و
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك....انا استاهل
و
لا الزمن يقدر يحول قلبي عنك
ونلقى ود الاصيل في تباريح هواه
والجاهو منو ومن تباريح الهوى ،
وصفو بصعب يا جميل..وبعدت عنك
ولكن تظل اغنية ماضي الذكريات هي الباعث الحقيقي
رحت فى حالك نسيتنى واعتبرت الماضى فات لما انت انت خلاص جفيتنى ليه بتحكى الذكريات
ومع دا .. التجاني سعيد اوغل في الحزن والشجن
قلت ارحل..
اسووووق ... خطواتي من زولا نسى الالفة.... ارررررررحل

Post: #17
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-02-2023, 04:38 PM
Parent: #16

ياازاكي يا عيوني ده الاصلو من شفتي
اظلم علي نورك يوم فات وخلاني
خلاني في ناري اندم لعمري الراح
ضاعت علي سنين ياريتو ماعرفني
دا نوع الشاكوش طويل الاثر.
لكن تقولوا شنو في المابتوب .. الشقي دا الاخد الشاكوش دبل..
"اصلي مجروح مرتين"

Post: #18
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-02-2023, 05:40 PM
Parent: #17

اشهر اغنيتين للشاكوش الصحي صحي
" النهاية" هاشم صديق...
زي الدموع
فى خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت..
ويجي هاشم ميرغني ودا فنان المشوكشين... ذوي الحساسية المفرطة
وبالعود. يغني ثم ينزف
حان الزفاف وانا حالى كيفن بوصفو
ياريت هواك لى ماانقسم....ولاقلبى ريدك نزفو


Post: #19
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-02-2023, 06:26 PM
Parent: #18

شرفت اللمة ود ياسين وفعلن كانت ناقصة
زول موسوعة زيك يتحفنا و ترجعن لخيت نوادر أهل الفن.
تتعرف يا أحمد الواحد بقى مشوكش رغم أفه ، على غرار قولت
موليير طبيب رغم أنفه( Medcin Contre Lui ) بس وصمة
لصقنا ود اللمير و عصان موسى يعجبك دايرلو بس جنازة ويشبع
فيها لطم.. عمومن ، كدي خلينا نكرم مثواك بواحة من أنتاج
شاعر نوع الكلب البريد خانقو و مستسلم لامن لامن راقد رز
(امهد ليك تتخلص مني.. و ألقى خطاي تجمعني معاك ..
لو تعرف عايش على عطفاك و كل حياتي من أملاكك..
تعرف يوم في دنيا غيابك يساوي سنين في دناي هناك)
أعز عزيز في دنيايا وأنا طامع أبقة عزيز دنياكا

Post: #20
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-02-2023, 06:27 PM
Parent: #18


Post: #21
Title: Re: ود الاصيل تعال كمل وهمات المشوكشين في الا�
Author: Osman Musa
Date: 03-02-2023, 06:32 PM
Parent: #20

لكن يا شباب شاكوش ود كرم الله دا ما كان شاكوش
دا كان بلنجة جامدة . اجبرتو يمرق الحقيقة الصعبة
.....
الليلة شوف كيفن يسوي زماني

ديمة عليّ جاير

آه مر العذاب وراني

سهمو في قلبي غائر !!!

وين حتى الطيف رحل خلاني

ما طيّب لي خاطر

الليلة شوف الليلة كيف بستاني

الكان باشي ناضر ..

من حر السموم بيعاني

طيرو يفر يهاجر

وين حتى الطيف رحل خلاني

ما طيّب لي خاطر .




Post: #22
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-02-2023, 07:47 PM
Parent: #21

الحب بالدس دس
خوفا من الشاكوش
بخاف اسال عليك الناس

Post: #23
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-02-2023, 08:10 PM
Parent: #22

طبعا الحب بالدس دس
دا حق ناس القرى
ناس ود الاصيل نحن
ناس نمرة2 حبنا جهرا نهرا
في كفتريا اوزون وكدا

Post: #24
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-02-2023, 09:44 PM
Parent: #23

شاعر كبير جدا.... بل اشهر شاعر اخد شاكوش معتبر جدا ما من البت حبيبته .. من ابوها الصعب
كان متيما بها وهي زميلته في الجامعة ... اتقدم لخطبتها بشجاعة . لكن ابوها رفضخ رفضا تاما
وقال ليه ما عندنا بنات للعرس .. الصدمة كانت شديدة.. رجع بلده واتخذ من ضل شجرة نيم .. ملاذا
ومكانا يبث فيه احزانه واشتياقه. واشعاره.. انقطع عن الناس ...بعد فتره جاهو خطاب من البت حبيبته
وفيه خبر ان ايوها اخيرا وافق على الخطوبة. .. طار فرحا .... ومشى قعد تحت ذات الشجرة. ممسكا
بخطابها بيد وكتب باليد الاخرى:
اغدا القاك ياخوف فؤادي من غد. ******يالشوقي واحتراقي في انتظار الموعد
اه كم اخشى غدي هذا وارجوه اقترابا *** كنت استدنيه لكن هبته لما اهابا
دا الهادي ادم

Post: #25
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-02-2023, 10:09 PM
Parent: #24

يا ود ياسين
انا بضحكنى وبعجبنى
البكاين الجبناء البدو رقبتهم
شاكوش
السمحة قالوا مرحلة
وكمان
بستهل بكائيته بقوله
جانى الخبر جانى البلا
والسمحة قالو مرحلة

Post: #26
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-02-2023, 11:06 PM
Parent: #25

ود الامير
اها دا واحد من البكايين الجبناء.... ويختم بكائيته بى:
ذبت فى الامى وعقلى ضاع فى رهانك
برضى خاضع ليك انا ياحبيبى مهانك
ان نكرت هواى ورينى ايه برهانك
طبعا دي : الزمان مانك

Post: #27
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-02-2023, 11:13 PM
Parent: #25

والشاكوش بالشاكوش يذكر.. الحزب الشيوعى فى انتخابات الإنقاذ التى سجل للمشاركة فيها كان رمزه الشاكوش
يا بدرالدين هل تذكر ان المرحوم محمد ابراهيم نقد نال صوتا واحداً فقط فى قطر؟ هل تصدق داك كان صوت
العبد لله؟!! دخلت الكشك وأديت الصوت واشرت قدام مربع نقد فى الورقة.. صندوق الأصوات كان فى نص الحوش
فى البداية قلت اورى الورقة للاستاذ كمال سالم الذى كان ضمن لجنة المراقبة أو أى كان اسمها، لكن خفت ان
التصرف دا يلغى ورقة الإقتراع فعدلت عنه ورميت الورقة فى الصندوق.


Post: #28
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-03-2023, 04:07 AM
Parent: #27

ياود ياسين
تعال اضحك مع البكاى جدا والحشرى جدا
جانى الخبر جانى البلا
والسمحة قالو مرحلة ....


حكى لى مصطفنا انه ايام كان في القاهرة
عندو صديقو جاب امو زيارة للعلاج قامو عملو
جلسة استماع على شرفها
قال لمن غنيت السمحة قالو مرحلة
وهى كانت تجلس بالقرب منه
حين قلت
جانى الخبر جانى البلا
اسمع الحاجة بصوت حنين
تقول
لا لا ياولدى ماتقول كدا
تبرى وتستبرى تبرى من البلا
قال طوالى غيرت لاغنية
تانية فراحية


Post: #29
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-03-2023, 04:56 AM
Parent: #28

مساء الخير يا الامير.. يا الحبك شغل الضمير
Quote: جانى الخبر جانى البلا
اسمع الحاجة بصوت حنين تقول لا لا ياولدى ماتقول كدا

ودا واحد من انواع الغناء ... خلينا نقول كل الغناء البذلوا فيهو الشعراء جهدا مقدرا
في تكريس الحزن والضعف والهوان والانكسار المبالغ فيهو .. امام الحبيبة
يغني مثلا ... اعيش في ظلمة وانت صباحي.. لغاية ما يصل مرحلة الموت بجراحه
والتاني قال:
ﺍﻟﻤﻈﻠﻮﻡ.. ﺟﺎﻓﺎﻧﻰ ﺣﺒﻴﺐ ..ﻓﺮﺍﻗﻮ ﺣﺎﺭ ﻭ ﻫﺠﺮﻭ ﻟﻰ ﻟﻬﻴﺐ
ﺃﻧﺎ ﺍﻟﺤﺒﻴﺖ ﻭ ﻣﺎ ﺧﻨﺖ.....ﻭ ﻟﻰ ﻋﻬﺪ ﺍﻟﻮﺩﺍﺩ ﺻﻨﺖ
ﻗﻀﻴﺖ ﺍﻟﻌﻤﺮ ﻓﻰ ﻫﻮﺍﻫﻢ... ﺴﻴﺖ ﺍﻟﺪﻧﻴﺎ ﺍﻻ ﻫﻢ
ﻭ ﻟﻤﺎ ﻧﺎﻟﻮﺍ ﻣﺮﻣﺎﻫﻢ......ﺟﻔﻮﻧﻰ ﻭ ﻗﺎﻟﻮﺍ ﺣﺒﻰ ﺟﻨﻮﻥ
ﻭ ﻗﺎﻟﻮﺍ ﻛﺘﻴﺮ ﺍﻟﻌﺠﻴﺐ ﻭ ﻏﺮﻳﺐ
ﺃﻧﺎ ﺍﻻﻏﺮﻭﻧﻰ ﺑﺎﻟﺠﻨﺔ.. ﻭ ﺟﻌﻠﺖ ﻏﺮﺍﻣﻬﻢ ﺳﻨﺔ
ﻭﻫﺒﺖ ﺍﻟﺪﻡ ﻟﻠﻘﻴﺎﻫﻢ.. ﺳﻜﺒﺖ ﺍﻟﺮﻭﺡ ﻟﻨﺠﻮﺍﻫﻢ

Post: #30
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-03-2023, 05:16 AM
Parent: #29

ود ياسين
عشان نطقع الطريق
على الرطانى ابو الريش
القاصد يحرف البوست ...
ياخى جيب لينا اغنية احمد ربشة
يافرايحى اللون

Post: #31
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-03-2023, 06:19 AM
Parent: #30

مالك علينا يا امير اربجي وما حولها
شاقي روحك ليه... هو الزعل بجدي
احمد ربشة
دا كون بحاله...
و بيني و ما بين عيون القمرة عذابات المِهجر و وعثاء الطريق و حنين الرجوع

Post: #32
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-03-2023, 07:03 AM
Parent: #31

يا بدر والله ما قصدت حرف البوست لكن بس تذكرت..
برضو لما واحد سال نقد ليه اخترتم الشاكوش قال ليه
والله ما مصرين عليه ولو عاوزينو نديكم ليه هههههه

اما هذه ابيات الشيخ ابن عربى ممكن من شاء
يعتبرها شاكوش..
ومن أعجب الأشياء ظبى مبرقع
يشير بعناب ويومئ بأجفان
ومرعاه ما بين الترائب والحشا
فيا عجبا من روضة وسط نيران

Post: #33
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-03-2023, 07:28 AM
Parent: #32

ودا كمان جاي شاقي ترب أحمد شرفي
و « شاعر» بأنو في الدنيا ما مرتاح ، قام بعاتي
رفع راسو قاللو: يا زول تبادل، يلا زولك انخلع
لحس راحاتو و انفك طاير لا يلوي على شيء!

Post: #34
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-03-2023, 07:28 AM
Parent: #32

ودا كمان جاي شاقي ترب أحمد شرفي
و « شاعر» بأنو في الدنيا ما مرتاح ، قام بعاتي
رفع راسو قاللو: يا زول تبادل، يلا زولك انخلع
لحس راحاتو و انفك طاير لا يلوي على شيء!

Post: #36
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-03-2023, 08:38 AM
Parent: #34

تظل دنيا الأدب و الفن كاميرا خفية
عاكسة للكتير المثير من سلوكياتنا اليومية العفوية ،
نطلقها على عواهنها و لا نلقي لها. بالا يذكر!!
∆ مسلن زي ظاهرة الشلب بكل ما فيها من شلباية
و شالب و مشلوب و مشلوب به و مشلوم لأجله
و مشلوب مطلق و مشلوب منه و معه وفيه إلخ

ليه ترضى امتهاني

وتختار من صحابي

وتتناسي الاماني

واشراقات شبابي

انا عارف مشاعري

بتعمل لي سعادتي

واخلاصك لغيري

مابيهدم حياتي

بكرة تشوف مصيري

وتسمع عن حكايتي

وتغير من سروري

وتجازيك ارادتي
إنضاء دسوقي محمد خير
مشلوب مطلق: زيدان إبراهيم!



Post: #35
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-03-2023, 07:29 AM
Parent: #32

ابو الريش
كدى ناغم اوكورك
لود قبانى يحى بتاع
حب الكلاب خلى يرمى
لينا اغنية اغنتين باقى هو
ود بندر بعرف غنا الشواكيش

Post: #37
Title: Re: ود الاصيل تعال كمل وهمات المشوكشين في الا�
Author: زهير ابو الزهراء
Date: 03-03-2023, 02:26 PM
Parent: #35

تحياتي للأحباب بدر الأمير والحبيب ود الأصيل وكذلك الأخ أبو الريش متعكم ربي بالعافية

كنت غافل عن ما يجري في هذا البوست ولكن أتصل بي صديق قال شارك أنها دعابة رائعة بين هؤلاء العجائز قلت فيكون ولكم هذا النص
أصدقائي أنه للشاعر الجميل محمود الجيلي

ﻋﺎﺭﻑ ﻧﻔﺴﻲ ﺑﻴﻚ ﻭ ﻟﻬﺎﻥ .. ﻭ ﺷﺎﻳﻔﻚ ﻣﻨﻲ ﺑﺘﺒﺎﻋﺪ
ﻭ ﻋﺎﺫﺭﻙ ﺑﺲ ﺑﻠﻮﻡ ﻗﻠﺒﻲ .. ﻭ ﺣﺒﻲ ﺍﻟﻤﻦ ﻃﺮﻑ ﻭﺍﺣﺪ
.............................................
ﻣﺨﻴﺮ ﻗﻠﺒﻲ ﻓﻲ ﺭﻳﺪﻭ ... ﺑﻴﺴﻮﻗﻨﻲ ﻣﻌﺎﻭ ﺷﻤﺎﻝ ﻭ ﻳﻤﻴﻦ
ﻭ ﺑﺘﻌﺬّﺏ ﻣﻊ ﺍﻷﻳﺎﻡ ... ﻭ ﺃﻗﺎﺳﻲ ﺍﻟﻠﻴﻞ ﺩﻣﻮﻉ ﻭ ﺃﻧﻴﻦ
ﻭ ﺩﺍﺋﻤﺎ ﻗﻠﺒﻲ ﻣﺸﻐﻮﻝ ﺑﻴﻚ .. ﻭ ﻗﻠﺒﻚ ﻟﻲ ﺳﻮﺍﻳﺎ ﺭﻫﻴﻦ
ﻭ ﻋﺎﺫﺭﻙ ﺑﺲ ﺗﻮﺭﻳﻨﻲ .. ﺣﻨﻴﻨﻲ ﺇﻟﻴﻚ ﺃﻭﺩﻳﻮ ﻭﻳﻦ؟؟
.....................................................
ﻏﺮﺍﻣﻲ ﺍﻟﻤﻦ ﻃﺮﻑ ﻭﺍﺣﺪ .. ﺑﺮﺍﻱ ﺑﻘﺪﺭ ﺃﻭﺍﺳﻴﻬﻮ
ﻭ ﺃﺟﻔﻒ ﺩﻣﻌﻮ ﺑﺎﻵﻣﺎﻝ .. ﻭ ﺃﺷﻴﻞ ﻣﻦ ﻋﻤﺮﻱ ﻭ ﺃﺩﻳﻬﻮ
ﻭ ﺃﺣﺎﻭﻝ ﺃﻧﺸﻐﻞ ﻋﻨﻚ .. ﺗﺠﻲ ﺍﻟﺬﻛﺮﻯ ﻭ ﺗﺼﺤﻴﻬﻮ
ﺑﻘﻴﺖ ﺑﺎﻟﻬﻢ ﺃﺻﺎﺑﺢ ﺍﻟﺮﻳﺪ .. ﻭ ﺑﺎﻟﺪﻣﻌﺎﺕ ﺃﻣﺴﻴﻬﻮ
.................................................
ﻋﻤﻮﻣﺎ ﺃﺻﻠﻮ ﻣﺎ ﺫﻧﺒﻚ .. ﻭﻻ ﺑﺮﻣﻲ ﺍﻟﻤﻼﻣﺔ ﻋﻠﻴﻚ
ﻛﻔﺎﻳﺔ ﻋﻠﻲ ﺃﺷﻮﻑ ﻃﻴﻔﻚ .. ﻣﺎﺩﺍﻡ ﻣﺎ ﺑﺸﻮﻑ ﻋﻴﻨﻴﻚ
ﻭ ﺃﻗﻮﻝ ﻟﻴﻚ ﻗﻠﺒﻲ ﻳﻮﻡ ﺑﻨﺴﺎﻙ .. ﻭﻻ ﻓﻲ ﻣﺮﺓ ﻳﺮﺟﻊ ﻟﻴﻚ
ﻭﻋﺸﺎﻥ ﻛﻞ ﺍﻟﺠﻤﺎﻝ ﺍﻟﻔﻴﻚ .. ﻓﻲ ﻣﻠﻴﻮﻥ ﺯﻭﻝ ﻣﻌﻠﻖ ﺑﻴﻚ

دا يا ناس هو الوجع القديم بالحيل لا في ليهو دواء وعلاج في الصيدليات
مع وافر تقديري لكم أرجو أن يقيف البكاء برهة من ذكريات مؤلمة وشواكيش خربت كل شيء


Post: #38
Title: Re: ود الاصيل تعال كمل وهمات المشوكشين في الا�
Author: Ahmed Yassin
Date: 03-03-2023, 03:43 PM
Parent: #37

ود الاصيل
لاحظت الحتة دي: اول ما حاول زيدان يبدأ يدخل في الاغنية الفرقة توقفت فجأة...وعم الصمت المطبق
زيدان عالج الحتة دي بالابتسام والضحك...وتاني بدأت الفرقة تعزف المقدمة ...
الامر كان حيكون مختلف تماما لو حصل حتى ولو في بروفة مع وردي او محمد الامين
زيدان دا صاحب اعلى اداء غنائي في الكون دا.. محمد الامين اتفوق عليهو في مرة واحدة ...وحصلت في "الملحمة"
عندما استطاع ان يغني خمسة موازير كاملة
' وفي ليلة وكنا حشود بتصارع عهد الظلم الشبا حواجز شبا موانع"

Post: #39
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-03-2023, 09:14 PM
Parent: #38

نرحب ترحيب كبير
بكبير المشوكشين
ابو الزهور

Post: #40
Title: Re: ود الاصيل تعال كمل وهمات المشوكشين في الا�
Author: يحي قباني
Date: 03-03-2023, 09:35 PM
Parent: #39

ممكن تغشى الرابط ده يا أمير ؟

حان الزفاف .. ولّ .. في الليلة ديك .. كانت أغنيتك في تلك ( الليلة الظلماء) ؟حان الزفاف .. ولّ .. في الليلة ديك .. كانت أغنيتك في تلك ( الليلة الظلماء) ؟

Post: #41
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-03-2023, 10:26 PM
Parent: #40

حبيبو ود ياسين
عندليبنا الأسمر دا أيقونة زمانه
و الأزمنة المجاورة و اللسة جاية
فرجاء خلينا نوعل فيه برفق!!
غريب أنا غير أهل …!
∆ شهد ميلاد الاغنية العديد من المواقف المؤثرة حيث
أثناء بروفات “غرام الروح ” سمعت أم الحسين عبدالله والدة
فلذها كبظها الويحيد يردد (غريب أنا غير أهل ) فانهمرت باكيةً
لتوقف البروفات وهى تبكى وقالت له “ مالك يا زيدان يا وليدى
نحن قصرنا فيك وخالتك أم الحسن في حاجة ” ، فبكى زيدان
و مصطفى عبد الرحيم لهذا المشهدالدراميتيكي و شرح لوالدة
زيدان وخالته أم الحسين ،أن زيدان لا يقصدهم فى الحياة
وأن ذلك جاء فى كلمات القصيدة ..

Post: #42
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-04-2023, 02:55 AM
Parent: #41

ووصل باعاتى المنبر
والمنابر المجاورة بتاع شواكيش الكلاب
يحى قبانى
ومن امنياتى ان اكتب عن عمه الفنان التشكيلى
المغنى وعازف العود المفرح جدا فرح قبانى الذى
جمعتنى به صداقة اصبحت اسرية ابان ابتعاثه استاذة
ترببة فنية بدولة قطر وسبق لى ان قدمت امسية
بالجمعية القطرية للفنون التشكيلية عن الواقعية والتجريدية
في اعمل فرح قبانى
وقبل اسبوعين عرفت من خلال مناكفة مع يحى ان فرح قبانى عمه
وياود الاصيل اوعك تجى تزرزنى سنة كم فرح قبانى كان في قطر


Post: #43
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-04-2023, 03:50 AM
Parent: #41

ياخ قسمبلاي شعرانا ديل
فعلن مواهيم لامن واهمننا معاهم و عشان
كدي مشكلين وجداناتنا بالقلبة؛ كونو مسلن
واحد تلقاه «شاعر» بالسعادة منفي أمان الله..
و يمشي يختار البعاد!!و لا كمان واحد تاني
تلقاه قاعد عطشان والبحر جنبو!!

Post: #44
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-04-2023, 05:00 AM
Parent: #43


Quote:
وياود الاصيل اوعك تجى تزرزنى
سنة كم فرح قبانى كان في قطر

ود اللمير أنت بالجد زول محظوظ
«يا المخبوز بلون الطيف» و داركم
العامرة قبلة و فنارة ميناء مسقط لكل
شعاعات النجوم البازغات في سماء بلادنا.
نحن على قدر حالنا كان دكاكينياتنا فعلن
بالدس على قولك ، مع ناس عمو حبيب
الكل و شيخ المترجمين/حيدر عبد الحميد,
دكتور عمر عبود و كان يعطر أجواءنا زولن
بكاي بلحيل بقولولو هاشم ود مرغني و معاتا
دنا ود الحاوي اللي قاسمنا المشتركة معاه التفة
الغليدة و ما تحتا فكي و يقال يمكن بعض الملامح
و الشبه و المشية زاتا و قدلتو، و لقاء يتيم جمعنا
بصاحبك مصطفى سيد أحمدكان طلب من أخونا
حسن أبو عشوة لبيتي ليقيم فيه أبو السيد
مؤقتا أثناء فترة علاجه و قبل رحيله المر.
∆ من طرائف نقاشاتنا الساخنة في السياسة
اللي لسة مانا فارزؤن فيها طظ من سبحان الله
كنا كشباب راميين اللوم كلو على العسكر و حرامية
وعمو حيدر لأنو مجاملاتي و بحبنا ضم صوتو للعبة
الحلوة و بدأ يسترسل في لعن سبيل نميري و داير
يهبش عبود، و نسي دكتور عمر عبود جنبو و
الذي تمعر وجههه و لكز عمنا قالليو: يا حيدر
عليك الله الحتة تفطها عشان خاطري.

Post: #45
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-04-2023, 02:30 PM
Parent: #44

يا ود الللمير ياخي سلام على ريدي الخلاك بقيت CD"
لو الأماني بأيدي كنتا بهديك عيوني و أسقيك من وريدي. يلا بعد
العتالة دي كلو ما تفكني عكس الهوى لناس عصمان موسى دا ،
علا اصبر ليه برضو عندي ليو حتة من تبيت الكلاوي راجيه
يجي تاني يمد رويس المقودس متل سرج العجلة دا


Post: #46
Title: Re: ود الاصيل تعال كمل وهمات المشوكشين في الا�
Author: يحي قباني
Date: 03-04-2023, 03:06 PM
Parent: #45

انحنا يا بدر .. مع امير البكايين و نصير الضعفاء الرقيق هاشم ميرغني .. و رفيق دربه عزمي احمد خليل رحمهما الله .. و جعل مثواهم جنات الفردوس ..


Post: #47
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-05-2023, 07:03 AM
Parent: #46

.

Post: #48
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 03-05-2023, 11:41 AM
Parent: #47

الحق يا ود ا لللمير ، عمك أبريش موش فتل البوست
شالو و كباه في خور المايقوما رااسو عديل و نحنو من
حقنا نرفع نداء تظلم لي غو طير إيش نطالب بحقوقنا
للملكية الفكرية ، على غرار ما فعلت أم رخم الله
مع ثلاثة أنفار و رابعهم "شعبهم."

Post: #49
Title: Re: ود الاصيل تعال كمل وهمات المشوكشين في الا�
Author: Abureesh
Date: 03-05-2023, 11:55 AM
Parent: #48

Quote: الحق يا ود ا لللمير ، عمك أبريش موش فتل البوست
شالو و كباه في خور المايقوما رااسو عدي


حقك على يا دفع الله.. وكنت فاهـم انو مافى شاكوش أقوى من زول يأخذ علقة بعد الشاكوش لما بت
تعمل تحبو وتشيل منه قروشو كلها عشان تزوج بيها أختها وبعد داك تقول ليه مع السلامة مافى زواج.
شلت المداخلة قبل البوست يروح فى حق الله

تحياتى

Post: #50
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-05-2023, 12:06 PM
Parent: #49

ابو الريش وود الاصيل
كدى تعالو فهمونا الحاصل شنو
ود الاصيل بقول البوست قرب يلحق امات طه
وابوريش حذف مداخلة وجايشرح لينا عروس
شالت القروش عشان عرس اختها وادتو شاكش
يخربنى انا اكان فاهم حاجة

Post: #51
Title: Re: ود الاصيل تعال كمل وهمات المشوكشين في الا�
Author: Arif Nashed
Date: 03-11-2023, 07:23 PM
Parent: #50

https://www.0zz0.com

Post: #52
Title: Re: ود الاصيل تعال كمل وهمات المشوكشين في الا�
Author: بدر الدين الأمير
Date: 03-11-2023, 07:56 PM
Parent: #51

عارف اب سيقان
ياوهم
اسمها تتى
ومش تيتى
هو انت بتعرف التتى

Post: #53
Title: Re: ود الاصيل تعال كمل وهمات المشوكشين في الا�
Author: Arif Nashed
Date: 03-11-2023, 11:02 PM
Parent: #52

ما بغالتك لانو اكيد بتكون استخدمت المصطلح
ايام شبابك 😂😂


Post: #54
Title: Re: ود الاصيل تعال كمل وهمات المشوكشين في الا�
Author: دفع الله ود الأصيل
Date: 11-12-2023, 07:52 AM
Parent: #53

عارف ود ناشد يا فت ى الادغال ،إت حكايتك
معاي شنو ياخي ، ما دير أقولليك أب سيقان كما تحلو في\
خشم ود اللمير ، علا صحي مالك مجافيني و م جافي الناس
وعايش براك في غرفة. بصراحة شاعر في برود من ناحيتك
وخايف أكون لبخت معاك في كلمة كدا و لا كدا , عمومن لو
في حاجة أنا \آسف وسفافي اتراب ،وهسي لقيتك فوق مؤكشني
عاملني بتاع تتي ، رجعتني لي زم السمبريةلامن كنا بنجب بي
الدسديس و الغتغتة ببلبد للمزات وراء مزيرة المدرسة:
يال هاك المترية دي نبعث بيها الخبت من مرقده:
♧ لست مجنونًا، و لكن جئتُ رغم أنفي £ (Re: دفع الله ود الأصيل)
《السمبرية و مالك الحزين🦩
[} زمن الناس حونان في الثانوي العام بنطلع
من المدرسة و ننتظر البنات نحربس ليهن لحدي
ما يمرقن و يجن مارات بجنبنا متقاطرات يتاتن زي
قدلة جنا الوزين بين جناين الشاطئ و بين قصور الروم.
[} المهم كان عندي مُزّة طويلة وسمحة بلحبل لامن ترمي
في الشوك المشيت ليهو ، ولا أنا براي كنت شايفها في عيني
غزالة ماني عارف. كنت بعاين ليها من بعييد لبعييد و بلبد ليها
جمب مزيرة كده عشان أشرب ما أروى .. لحد ما تجي كاطعة
أبل شوقي و أبقى متراوح على أهلي. كان حب عذري شديد.

♡ الشاهد، واحد من اساتذتنا الله يطراهم بالخير يوم
قبضني ليك بالثابتة و تاني يوم قال لي : شايفك بتشرك
للبنية العاملة خلقتا متل السمبريه ديك جنب المدرسه. طبعن (السمبرية لغير الناطقين
بها و الناطقين بغيرها: طيرة سوداء طويلة و معشكبة كده لتظهر مع دهاريب مطر الرُّشاش الرشَّا)
كشمت وقلت ليهو أي والله "الاستاذ شافني وشفتو و ما في داعي للانكار و الجرجرة " قال لي: ما
تضيع زمنك دي سمبرية سااااي . قلت ليهو : تمام يا فندي و انصرفت راشداً .

[} تاني يوم قلت أتأكد اشوفها من قريب وكسرت كرونة جنب المزيرة وجيت جمبها على استحياء كده
و هي تمشي كما يمشي الوجي الوحل.. ولقيتها بالجد بعد تغبيش الوعي و غسيل الدماغ الحصل لي تخيلتها
فعلن سمبريةٌ تسعي وقلت والله بالجد أنا كنت مطلش و ما مركز و فعلاً محتاج للبعدل لي كراسي راسي ،،

♤ ومن ديك وعيييك مرت الليام و الشهور و الدهور..
و أنا في إحدي زياراتي للبلد . ألاقي ليك كبيرنا زاتو الذي
علمنا سحر البيان (مرشد التايهين وقتها) عربيتو مبنشرة واقف في
الشارع نزلت سلمت عليهو وكان معاهو المدام قلت ليهو علي مهلك استريح
لامن ربطت اللستك في العربية و بقيت متخارج فمن باب رد الجميل قال لي:
تعال سلم على المدام . أها لامن" مديت يميني بلا كلام ما قدرت قدامك أقيف"
بس "يا معاين من الشباك يا أحلى زةل شفناك" يشهد الله شوف عيني دبل البياكلن
الدود وش جكسويتي زاتا الما بيغباني ألقاها ليكنفس سمبريتي بزااتها و صفاتا
لكن وشها كفلقة قمر التمام.. متوهطه تب جنبو و ترضِّع ليها في شافع أتاريه
عمك كان مدقسني و من الزمن كاتل بيها ملف.أها من الزمن داك نقشت
ليكم نظرية [الدولة العميكة] وبقيت أنا ماني عارف زاتي
يقولو علي[مالك الحزين] ولا أبو السعن!! فا شنو ،غايتو
نقول أمرنا لله؛ لكن تاني مرة اصحي يا بريش!!
😊👋