Post: #1
Title: يابريمة الكع صمغ اللبان في منطقتكم أصبح سعرو وسعر الدهب قريب بعض
Author: Osman Musa
Date: 02-24-2023, 06:23 PM
05:23 PM February, 24 2023 سودانيز اون لاين
Osman Musa-
مكتبتى
رابط مختصر
صمغ اللبان يستخدم في تصنيع الأدوية والعقاقير لعلاج أمراض الصدر والربو.
وصمغ الطلحة ويستخدم في تصنيع مواد التجميل والألوان بالإضافة إلى ذلك.
يدخل الصمغ العربي في العديد من الصناعات الغذائية والدوائية، .
حيث تعد دول أوروبا الغربية وامريكا وكندا سوقا تقليديا لصمغ اللبان .
|
Post: #2
Title: Re: يابريمة الكع صمغ اللبان في منطقتكم أصبح س
Author: Osman Musa
Date: 02-24-2023, 07:11 PM
Parent: #1
عليك الرحمة يا شيخنا علي ابراهيم اللحو .
العالم فجأة يا اللحو اكتشف انو خلاف الجمال الأصلي في السودان
اكتشف انو برضو البخور الأصلي في السودان .
عفاريت الدنيا كلها بتطلع بعكلة بخور السودان .
يا جماعة مافضل هندي من الهنود المهتمين بصمغ اللبان والا قعمز في امدرمان.
يصدر الشغلة واسياد البلد مقمبرين تحت نيم الشاي.
يا بريمة الكع بلا كمبيوترات معاك بلا برمجيات. عارف الشوال النضيف من بلدكم حصل كم ؟
|
Post: #3
Title: Re: يابريمة الكع صمغ اللبان في منطقتكم أصبح س
Author: Biraima M Adam
Date: 02-24-2023, 09:06 PM
Parent: #2
ول أبا عثمان
خبر مفرح .. يا عثمان، السودان كله خيرات ..
أقعوا علينا .. نوريكم الدرب لأماكن صمغ اللبان.
بريمة
|
Post: #4
Title: Re: يابريمة الكع صمغ اللبان في منطقتكم أصبح س
Author: Osman Musa
Date: 02-25-2023, 07:38 AM
Parent: #3
يا بريمة اتحرفن واقمز جهات جخانين شركات نيويورك .
نحنا في السودان خلينا ترابلتك.
العالم كلو معجب بجودة واصالة الأصناف السودانية العالم كلو عارف الا افندية الحكومة الانقلابية
|
Post: #5
Title: Re: يابريمة الكع صمغ اللبان في منطقتكم أصبح س
Author: Biraima M Adam
Date: 02-25-2023, 01:18 PM
Parent: #4
ول أبا عثمان
Quote: يا بريمة اتحرفن واقمز جهات جخانين شركات نيويورك .
نحنا في السودان خلينا ترابلتك.
العالم كلو معجب بجودة واصالة الأصناف السودانية العالم كلو عارف الا افندية الحكومة الانقلابية |
دا موضوع أنا ح أقعد ليه قعدة تمام إن شاء الله .. وح أفيديك إذا وجدت ضوء ..
وربك يهون ..
بريمة
|
Post: #6
Title: Re: يابريمة الكع صمغ اللبان في منطقتكم أصبح س
Author: Osman Musa
Date: 02-26-2023, 07:10 AM
Parent: #5
الهنود عندهم سلع معينة كابسين عليها .
وهم خطرين جدا في السيطرة على نفس البلد .
و المشكلة الكبيرة الليلة يا بريمة اهلك المصريين.
وخاصة بعد ما اكتشفوا طريق الشمال.
ياخ ديل ما يسمعوا بي سلعة طلعت في السودان والا ينطوا فيها .
وختم صنعت في مصر اي واحد شايلو في جيبو.
وكمان قبلوا على صوف الضان والغنم وحطب الابنوس .
وين رقابة الدولة .
وين الدولة الكسيحة .
ههههههها المصري يكون يجز في صوف الخروف ويقوليك السودان
امتداد لمصر ويا حلاوة البدنجان .
استهبال واستكرات عجيب .
|
|