يا شباب أمريكا نعمل شنـو مع شركــة Hertz

08:35 PM February, 22 2023

سودانيز اون لاين
Abureesh-
مكتبتى
رابط مختصر

أجرت منهم عربية لمدة اسبوعين ورجعتها من 20 يوم.. وليوم الليلة ما رجعوا لى الداون بيمنت.. قالوا رجعوه ولكن
دا ما حصل.. أمس مشيت البنك وأدونى استمنت من اول يناير لغاية امس وختموها. مافيها أى ذكر لعملية حسابية من هيرتز..
تلفونهم لا يرد بشر.. فيه خيارات ليس من ضمنها هذه المشكلة ومفروض عليك تختار منها فقط.
أو واحد عنده تجرية مع الحرامية ديل يكون مشكور لو افادنا بيها.

اديها صنة ، قروشك حترجع ليك رغم انف اللي خلفوهم

اوعا تكون استعملتا "دبت كارد"!!

دايما استعمل "كردت كارد"، وافضل كرت هو "كابيتل ون" في الظروف الزي دي.

نعم في الاول برجعو قروشك او بعد داك بنتظرو نتيجة "الديسبيوت"، او معظمم ما بقولو بغم في حالة زي دي.

ماتتاخر، اعمل "ديسبيوت".

عارفمم حرامية ولكن بعرف ابولم في اللباس، كيف!!!

في الزي ده، اخوك معلم!!!

Quote: عارفمم حرامية ولكن بعرف ابولم في اللباس، كيف!!! في الزي ده، اخوك معلم!!!

ابو الريش .. اهو كويس كده ؟ عان جنس الكلام ده ..

غايته كان تابعت طريقة لباس بشاشا دي ما اظنك حتلم في اي شي .. :)

هلا ترهاقــا
..شكرا ومستنى.. رسلت ليهم إيميل

ياقباني،
نفس الفلم ده مريت بيهو مع الحبرتجية ديل، ولكن كنتا جاهز مظبط مسايلي مقدما، أو عشان كده قعدتهم في علبم!!

Quote: ياقباني، نفس الفلم ده مريت بيهو مع الحبرتجية ديل، ولكن كنتا جاهز مظبط مسايلي مقدما، أو عشان كده قعدتهم في علبم!!

عشان كده يا كمال انا خليت التعامل مع الشركات دي مباشرة ..

بستخدم ويبسايت اسمه economy bookings
السنة الماضية اجرت عن طريقهم من فيجاس و سلمتها في سان فرانسسكو .. و المدهش اني اتصلت على ناس هيرتز و دولار و الاسعار اللقيتها ناسي ادوني ليها بقريب نص التمن ..
و الادهش مشيت استلمتها من مكاتب دولار و سلمتها في اس اف او لي ناس دولار ..

سلام بشاشا ويحيى.. وشكرا على التنوير..

لا حول..
عملت قوقل عن الشركة دى لقيتهم موش حراميـة بس.. كمان ما عارفين شغلهم.. هسى دفعوهم ملايين الدولارات
تعويض للناس فى قضية جماعيـة class action lawsuits

أدخل هنــا

ما معقول..
يبلغون سرقة العربية اللى اجروها الزبائن وهم فى الواقع رجعوها.. موش كدا وبس.. يقوموا يؤجروا العربية اللى بلغوا هنها لزبون
جديد.. وفى المحاكمة دفعوا بأنهم أعلنوا افلاسهم لذلك محميين بالقانون من دفع أى غرامات، لكن القضاء الأمريكى يعجبك.. رجال تمام.
فى بريطانيا القضاة يتمسكوا بحرفيـة القانون لكن ديل ما الأمريكان..

ياقباني،
بالنسبة للايجار الأفضل هو الموقع البتلمو او بتنافسو فيهو، لو وسطاء، أو الشركات المالكة نفسها!

أما لو مشيت دغري لي موقع وسيط محدد أو شركة بعينها، فبقرطعوك قرطيع!!

الشركة فعلا اسم على مسمى.. بس غلطوا فى الحروف..
مفروض يسموها Hurts تانى لا اعتب عليهم ولا أنصح أى زول يؤجر منهم.. لو مارجعت ليهم العربيـة
بأفضل مما شلتها منهم كان يفقطوا التأمين ويحاسبوك فى لا شئ.. بس شلتها منهم بثلاث ارباع تنك بنزين
ورجعتها مليانة.. ومغسلة قبل ساعة من تسليمها.. ولا خدشة مافيها.. الموظف قال لى خلى فيها المفتاح خلاص.
قلت ليه خلاص وين فتشها قدامى وسوقها لغاية القراش وانا معاك.. ما رضى لكن ما كان عنده طريقة.. وانا صورته
بالتفون واسأله .. بعد شفتها هل فيها اى مشكلة. قال لا مافيها مشكلة.. حتى خليته ومشيت.
أى واحد لازم يعمل حسابه نحن عايشين فى غابـة.