شكرا يحيى على التنبيـه.. وفعلا هى ليست فنانة محترفة وقصدت أعطيها اللقب كتقدير وليس مهنة، وهى تستحقه فعلاً.. محمد أحمد عوض حضرت له حفل حى فى مدينة قرورة جنوب طوكر عام 1961 أو 1962.. الحكومة السودانية كانت ترسل لنا السينما المتجولة مجانا.. وارسلت محمد احمد وفرقته لمدرستنا الأولية (ما الكتاب بالمناسبة).. ومعهم فنى تسجيل مسجل الشريط real زمان. وغنى لنا جوبا مالك على قرورة شالت عينى. وغيرها.. واقول بجد لم استمع الى مغنى ملتزم بالريزم rhythm أكتر من محمد احمد عوض.. Perfect rhythm شوف الفيديو دا.. يطلع وينزل ويجرجر فى الألحان.. يقعد يقوم على كيفو.. لكن أبدا ما يلعب فى الزمن
ما تسـرح كتيـر هى تغنى لواحد اسمه بدرالدين موسى (موسوووووو)
Post: #8 Title: Re: أجمل فنانـة سـودانية أحببتها من قلبى (فيد� Author: Amira Hussien Date: 02-19-2023, 06:05 AM Parent: #1
سلام ايوا يا قبانى كم مرة استضافوها صوت جميل واداء سليم ………. لما الزول يكون فنان حقيقى بتكون البيئة الحولو كلها فنانين اذا اخوان او بناء ……غير الاشتراك فى جمال الصوت بالوراثة كمان المعرفة والثقافة بتكون واحدة من هذه الاسرة اسرة الراحل محمد احمد عوض واسرة ابن البادية و واضح انو الناس دى كانت بتغنى وتبتهج فيما بينهم
Post: #9 Title: Re: أجمل فنانـة سـودانية أحببتها من قلبى (فيد� Author: MOHAMMED ELSHEIKH Date: 02-19-2023, 07:25 AM Parent: #8
رحم الله الفنان محمد احمد عوض كنت ازوره مع خالي الشاعر عمر الشيخ رحمه الله في الساتة محطة السلالم وقد حضرت معهما تلحين وتوقيع اغنيتهم غيم المحبة :
.قول لي ياغيم المحبة هل في يوم حسيت بغربة؟ وهل دموعك زيي سالت فوق خدودك حبة حبة ؟
Post: #10 Title: Re: أجمل فنانـة سـودانية أحببتها من قلبى (فيد� Author: دفع الله ود الأصيل Date: 02-19-2023, 12:43 PM Parent: #9
Quote: محمد أحمد عوض حضرت له حفل حى فى مدينة قرورة جنوب طوكر عام 1961 . الحكومة السودانية كانت ترسل لنا السينما المتجولةمجانا.. وارسلت محمد احمد وفرقته لمدرستنا الأولية (ما الكتاب بالمناسبة)..وغنى لنا جوبا مالك على.
قبضناك بالسابتة ود أبريش يا كومر، 1961 و أولية ، و أكيد زات الراسين، يا عمك الزمن داك خور أب فارغة ما حفروه!! لالا عاد دي بس دايرة عارف أكشنة .. ياكشن لينا الاعترافات دي على الهوى مباشرتن.
Post: #11 Title: Re: أجمل فنانـة سـودانية أحببتها من قلبى (فيد� Author: بدر الدين الأمير Date: 02-20-2023, 05:53 AM Parent: #10
ود الاصيل ابوالريش يحير المابتحير اكتر زول بوثق لكونه زول عجوز مرة كتبت عن زيارة الشهيد الاستاذ محمود محمد طه لاربجي وكيف كنا شفع حفيانين نركض وراء البص الذى يقل محمود وجماعته ونحذفهم بالبيض الفاسد بتحريض من ناس كبار الكلام دا في بداية السبعينيات من القرن الماضى جانى ناطى ابوالريش وقال انه كان في هذا الباص يعنى كان جمهورى غرقان وابو الريش الذى جالسته في الدوحة ابان زياراته لها انا وانت نبدو اسن منه غايتو الادروبات ديل عندهم اكسير وجود يخصهم تقولى جلجميش مالقى اكسير الوجود ههههه
Post: #12 Title: Re: أجمل فنانـة سـودانية أحببتها من قلبى (فيد� Author: Ahmed Yassin Date: 02-20-2023, 06:53 AM Parent: #11
مهما قلنا عن محمد احمد عوض .. ما حنقدر نقول شىء زواج صحبة الجزار .. كمال سنة ١٩٥٤ كان شاهدا على موهبة هذا الفنان الساحر وكان عمره ٢٤ سنة...وقبلها وبعدها بى شوية كان بغني في صبحيات الاعراس سمعتوا كيف غنى (انا فاكرك معايا) بتاعة حسن الزبير؟ بالنسبة لشقيقته فاطمة ولو عايزين تعرفوا مدى موهبتها . اسمعوها في الفيديو دا بدون اي الة ...دي موش،جينات ..دي هبة من الخالق طبعا كالعادة يحي قباني لا زال يعصر الجمال ويملأ به دنانين المنبر
Post: #13 Title: Re: أجمل فنانـة سـودانية أحببتها من قلبى (فيد� Author: دفع الله ود الأصيل Date: 02-20-2023, 01:22 PM Parent: #11
صدقتَ يابو اللمير و أزيد ك في ببيت الشعر حرفين من عندي كمجرد انطباع ، من واقع معايشتي لهذا الدايناصور شبة منقرض السُّلالة ، ليس فقط ، لكونه جوكينا ، و أنما من مداخلاتنا معاً في البورد ، راجل أكثر ما تتجسد على شخصه فكرة بوست مفروع هنا من زمن " ليس قابلاً لللكسر" و متل ما سبق و قلنا ليس ذلك عن صلابة عود بقدرما هو نابع من مرونة أسفنجية ، بحيثُ كلما تعصر عليه لامن يقول الروووب ، لاكين + تاني يعود سيرته الأولى ، دا طبعن بالموناصبة / مدحٌ بما يُشبه الذم ؛ ألا وهي شهادة عنقالي ليست غريبة عن مريدي و حيران الفكرة الجمهورية ، إنهم لو لم تكن لديهم محمة فرد ويحيدة ، لكفاهم كننهم بارديلاعصاب لدرجة العناد العصيان المدني بالنظر.، حاجة كدا ما تعرفا طول روح ولا لياقة. + عرفنا ذلك مع ناس القراي في نشاط الجميلة و مستحيلة و من خلال مساجلات و صولاتٍ و جولات كانت لنا مع كبيرهم أحمد مصطفى ضالِّي و أركانحربه أمثال عبد الفكي البشير وعبد الحميد الشبلي ودكتور خالد محمد الحسن.
بدر الدين قلت لى من اوائل السبعينات؟ ياخ فى يوم من الأيام سنة سبعين (70) دى ما كنت قايل ح احضرها زاتو.. إلا جات والله حضرنا ليها. دعواتكم أتم سيرة حياتى فى كتاب.. بدأت وأبت الكتابة تقيف. أعدكم لن تملوهــا. بعدين يا دفع الله قلت لى العمر ما ظاهر كتير.. وانا زمان شفت بت قلت اخطبها.. قالت لى انت عجوز.. قلت ليها خلاص سأتوقف عن النمو لمدة تلاتين سنة بعدين نتكلم لما الكتوف تتلاحق. قالت خلاص تمام.. بعد شهرين سمعت انها سافرت السعودية مع زوجهــا.