لقد قالها حميدتي.....كِش ملك...!!؟؟...#@

09:45 PM February, 17 2023

سودانيز اون لاين
اسماعيل عبد الله محمد-
مكتبتى
رابط مختصر

هههههههههه
انتهت اللعبة...


قبل فترة هددني بكري بالفصل وحذف جميع مقالاتي من المنبر وعمود مقالات.
لأنني وصفت حميدتي بالقائد حميدتي
رغم إنو في أعضاء كتيرين في المنبر وصفوا جبريل بالقائد ولم يتعرض لهم بكري بذات النفس العدائي والحار...؟!

سؤالي
هل ما زال بكري عند رأيه ؟

سلام يا الحبيب
يا اخوي راي خليه فانا و اعوذ بالله من كلمة انا زول بسيط لا اسامة داوود ولا الكاردينان ....و موقعي دا ممكن اي زول يعملوا ......

المهم
حميتي الشايفوا انت قائد.......فانا و اعوذ بالله من كلمة انا تاني شايفوا مجرم و قاتل و قاتل اهلنا في دارفور و مذبحة القيادة و سارق ثروات السودان.....

قائد شنو يا اخي دا خامسة ابتدئي ما كملها ...والله بخجل ليك ....
قال قائد قال و الله الا يمشي يقود الحمير كان بسرقهم....

العسكر للثكنات و الجنجويد ينحل

محتاجين فعلاً يا سمعة، نخرج من مربع قاتل وأمي وحرامي حمير وفريق خلا، ونعاين للرجل بزاوية أكثر عمقاً؛
الرجل بعد أن دانت له دار فور وأخضعها له بالقوة أستطاع أن يخضع كل السودان تحت بوته، هو الآن يسيطر على الجيش وكامل السياسيين ما عدا الحزب الشيوعي وترك!!!

بالأمس كتبت عنه بالفيسبوك من زاوية واقع جديدة هذا البوست:

محمد حمدان دقلو:
- في ظل حكم البشير يظهر في التلفزيون ويوجه حديثه للبشير بأن أحمد هارون (ساعد البشير الأيمن وحاكم كردفان) يجب أن يدخل السجن!

- تقوم الثورة ويكون حجر الزاوية ويسيطر على حكم حمدوك!

- يقوم الانقلاب ويكون هو الرجل الأول!

- يسافر لروسيا وجنودها على أعتاب أوكرانيا ويقر بحق روسيا في الدفاع عن مصالحها ولا تستطيع أمريكا ولا الغرب أن تفرض عليه عقوبات!

- لم يلتق باسرائيليين وما زال هو رجل الخليج والغرب!

- يأتي فولكر والرباعية ومعهم الحرية والتغيير وبها أقوى سياسي البلد؛ عرمان وبابكر فيصل والبرير وطه ومريم والدقير ويكون هو رجلهم الأول ويصنع الإطاري!

- يرفض قادة الجيش والحركات الإطاري ويستطيع أن يجرهم له من أنوفهم!

- باقي ليهو اتنين؛ الشيوعيتين وترك
سوف يشتري ترك أو يخيفه قريباً.

- عليكم الله خلونا من حرامي حمير وفريق خلا، ما يفعله هذا الرجل يثير التعجب والحيرة!!!!
"الديمقراطية الدايرنها دي؛ ضُر كدا بنجيبها ليكم"

هل سيصبح محمد علي باشا؟

يا بكري، طلب صغير؛
لو محدد مداخلات اسماعيل اليومية، أرجو أن تفك هذا التحديد
نقاشات إسماعيل مهمة وخاصة فيما يخص حميدتي،
حميدتي الآن يجلس على قمة السياسة السودانية الداخلية والخارجية وعيب تكون سودانيزاونلاين تعرض خارج العرضة،

يا بكري، طلب صغير؛
لو محدد مداخلات اسماعيل اليومية، أرجو أن تفك هذا التحديد
نقاشات إسماعيل مهمة وخاصة فيما يخص حميدتي،
حميدتي الآن يجلس على قمة السياسة السودانية الداخلية والخارجية وعيب تكون سودانيزاونلاين تعرض خارج العرضة،

سلام ياقوم سؤال مهم :-
من وراء حميدتي؟

حسع موقف حميدتي اشرف من زبالة الكيزان أمثال البرهان وحبريل ومناوي وكل من تابعهم من الشرانق واليرقات

Quote: يا بكري، طلب صغير؛ لو محدد مداخلات اسماعيل اليومية، أرجو أن تفك هذا التحديد نقاشات إسماعيل مهمة وخاصة فيما يخص حميدتي، حميدتي الآن يجلس على قمة السياسة السودانية الداخلية والخارجية وعيب تكون سودانيزاونلاين تعرض خارج العرضة،

الحبيب بكور ود عباس

شكلك بقيت تسونجي.....هههههه
اها فكينها ليه ...النشوف اخرتها

هنا ما بتصل الي مناصب قيادية الا تكون بجيب A ومقفل SAT ذي Chuck Schumer يا اخي دا جاب 1600 علي 1600 في الامتحان و نحن بنوصل الي المناصب القيادية الحرامية و الفاشلين....
يلا لمعوا حرامي الحمير حميدتي

شكراً يا بكري،
لمان ياسر عرمان وبابكر فيصل يقعدوا معاهو ويحتموا به؛
أكيد في حاجات نحن لا نعلمها، أكيد في أسباب قوية ووجيهة،
أسهل شيء في السياسة إنك تتبنى المثالي وتقف في المعارضة

ما داير ألمعوا لكن داير الناس تشارك بالتحليل واسماعيل عدوي عندو مقدرة على أستفزاز الناس ودعوتهم للحوار.

زي ما قال الفنان؛
أنا حيلتي إيه غير أتكي وأسرح

Quote: - لم يلتق باسرائيليين وما زال هو رجل الخليج والغرب!

إن كنت يا مستنير
لا تدري بأن الجانجويدي العميل
حرامي الدهب وراعي الحمير
قد التقى بصهاينة إسرائيل
فيمكنك الضغط على هذا الرابط

أما إن كنت تدري بأن (طحنون بن زايد) قد اقتاده من أنفه كما يُقاد البعير
وأجلسه وأناخه مستسلماً في حجر رئيس موساد إسرائيل
فمصيبتك لا يمكن وصفها يامستنير
ومن الأفضل لك الابتعاد عن التحليل والتنظير
وأن تتقاعد وتعتزل أو تتمدد على السرير
أو تتكي وتحضن ما تبقى من أماني الصحو والأمل الجميل.

تحياتي
(ولاحل يا حبيبنا Nasr إلا بذهاب كل العسكر للثكنات ..
وحل جميع الميليشيات بما فيها قوات الجانجويد وخوازيق دعم البشير)
....
..
.

إذا كانت خياراتنا بقت بين برهان ولا حميدتي
فإننا بين خيار المر والأمر منه
بين السئ والأسوأ

يعني إذا إخترنا س علي صاح
أصلا لا يعني أن س كويس مطلقا
كويس لأنه الخيار التاني هو ص

في أي مقارنة بين البرهان والحميدتي في من هو الأسوأ
سيكون البرهان هو الأسوأ
وأسوأ ضابط مر علي الجيش السوداني
أكثر سوءا من البشير وعبد الرحيم ألمبي وذاك المسطول

أما عن الجييش السوداني
فهو لم يعد وطنيا (ربما لم يك أصلا) منذ إستيلاء الكيزان علي الحكم بإنقلاب عسكري
وتحكموا في الدخول للكلية الحربية
وفصلوا من الخدمة كل الضباط غير الموالين لتنظيمهم

الجيش السوداني الآن هو العدو الأول للشعب السوداني
وهو سبب كل هذا الخراب والتخلف
وهو سبب فصل الجنوب
وضياع حلايب وشلاتين

أكرر ما تفهموني غلط
أنا ما بشكر في الدعم السريع
فقط أدعو أن تنظر الناس لواقع الحال في السودان
أين يقف البرهان وكباشي وجابر ومحمد عثمان يس
وجيشهم من الشعب والوطن
كم قتلوا من الشباب العزل
وكم جرحوا منهم .......؟؟؟؟؟؟؟؟؟؟

حكاية التقارب بين الحرية والتغيير وحميدتي دي لا يقال فيها غير "شجرة كان هوزز يا هبوباي يا أبلاي".
والراجح أبلاي.

الجيش قابل للإصلاح ولو على مدى زمني طويل، الدعم السريع سيظل ملشيا غير قابلة للإصلاح.
البرهان يمكن إحلاله بعسكري آخر على قيادة الجيش (في الوقت الحالي ما اظن في بديل كويس) ولكن على المدى الطويل سيتوفر البديل المناسب.
الدقلوواب لا يمكن استبدالهم من قيادة الدعم السريع وسيظل الدعم السريع مليشيا خاصة تتبع لآل دقلو فقط.
على الأقل نظرياً وقانونياً أي سوداني من حقو يلتحق بالقوات المسلحة السودانية (الجيش) إذا حقق شروط الإلتحاق، عملياً الممارسات الحالية لا تتيح ذلك الحق للجميع ولكن هذه الممارسات يمكن تغييرها.
ما في قانون يتيح حق متساوي لجميع السودانيين في الالتحاق بقوات الدعم السريع وبالتالي لا نظرياً ولا عملياً يمكن تغيير التركيبة الديموقرافية للدعم السريع.

قصة حميدتي كويس والبرهان ما كويس دا حنك عاضي وكلام غير مفيد.
وإذا كان لابد منه فالبصل كله ريحتو واااااحدة والإتنين سجم رماد.

قال حافظ

Quote: الجيش قابل للإصلاح ولو على مدى زمني طويل، الدعم السريع سيظل ملشيا غير قابلة للإصلاح.

جيش الكيزان دا لا بصلح ولا حاجة ولا بعد مية سنة
هو قبال الكيزان كان بطال وبتاع إنقلابات ولا يحارب إلا أهله وينهزم كمان
بس ما تفهمني غلط
أنا ما بقول حميدتي كويس
لكن لو ضاع الدعم السريع وبقينا وحدنا في مواجهة حيش الكيزان ياهو الصعنا
في الوقت الحالي توازن الضعف بين الجيش والدعم السريع يمكن يكون في مصلحة الثورة
وما تنسي إنه حركات الكفاح المسلح رابطة كفاحها مع برهان والجيش

الحاجة الخلت حميدتي يمنع الأمن والجيش من ضرب المعنصمين دي حاجة كويسة
و( الجيش ما كان حيتواني من أن يقتل ثلث الشعب السوداني ليعيش الثلثين من كيزان وحرامية وم############ين)

في آخر الأمر سيكون لدينا جيش وطني يحمي الدستور والبلاد وشعبها
لكن ما حيكون فيه ناس محزبين لأي حزب
ودا داير تعب شديد وإعادة صياغة وتدريب مكثف
الحيش حيتكون من شباب الثورة الطالعين يهتفوا حرية سلام وعدالة
والجيش بيكتل فيهم

سلام يا نصر

Quote: جيش الكيزان دا لا بصلح ولا حاجة ولا بعد مية سنة

الجيش ما جيش الكيزان، الجيش جيش الدولة
وزي ما الدولة سيطروا عليها الكيزان على مدى تلاتين سنة الكيزان برضو سيطروا على الجيش.
الكيزان سيطروا على كل الدولة بمؤسساتها العسكرية والمدنية.
المجتمع المدني حصل فيه تراكم وعي خلال فترة من الزمن أدى ذلك التراكم لقيام الثورة.
التراكم الوعيوي دا ما حصل في الجيش لغاية هسه، لكن مؤكد حيحصل في وقت من الاوقات وحتحصل ثورة تغيير في الجيش.
مثل هذه الثورة لا يمكن ومن غير المتصور حدوثها في داخل الدعم السريع ولو بعد مليون عام.

الفرق بين الجيش والدعم السريع ان الجيش قابل للإصلاح من داخله والخروج من سيطرة الكيزان واستعادته كجيش وطني.
الدعم السريع نشأ كملشيا تخدم الكيزان ولم يكن وطنياً في يوم من الإيام وهو غير قابل للإصلاح من داخله وغير قابل للخروج من سيطرة آل دقلو.

احتماء الثورة ممثلة في الحرية والتغيير بالدعم السريع قد يحقق مكاسب سريعة في الوقت الحالي ولكن سندفع ثمنها غالي جداً في المستقبل.
قد نعاني كثيراً في الوقت الحالي لإصلاح الجيش وبالتأكيد هي مهمة شاقة وتتطلب وقت وجهد ولكنها ستضمن لنا تحقيق مطالب الثورةوستضمن لنا وطن معافى.

للأسف تداخلت الدروب ..وتشابكت الخيوط..وغامت الرؤيا
واصبحنا حائرين بين الحق والباطل في اختياراتنا...
هذه أسوأ مرحلة في حياة الإنسان..

عليك الله، يا مولانا حافظ، ورينا لو أنت محل الحرية والتغيير بتعمل شنو؟
أرسم لينا سيناريو واضح لهذا الخيار؟
عليك الله، دايرين كلام سيدا ما فيهو هروب ولولوة

والله، يا مولانا الصادق عبد الله،
المفروض أعتزل وأن لا أتناول الشأن السوداني نهائياً؛
فأنا ورب المجرات، لو وزع مقدار إحباطي وتشاؤمي تجاه مستقبل هذه البلاد على أهل الأرض؛
لسالت مشاعر الناس طراش

بعد كتبت مقالي عن دلقو، لقيت مقال لكاتب أمريكي بصحيفة يقول فيهو أن هناك تعاون عسكري بين حميدتي واسرائيل وقلت أرجع أصلح كلامي،
لكن قلت ناس سودانيز دي حمام ميت ما بلاحظوا

قال حافظ

Quote: قد نعاني كثيراً في الوقت الحالي لإصلاح الجيش وبالتأكيد هي مهمة شاقة وتتطلب وقت وجهد ولكنها ستضمن لنا تحقيق مطالب الثورةوستضمن لنا وطن معافى.

ربما كان الإختلاف بيننا يا حافظ هو في المنظور
فبينما أعاين للآني جدا إنت تعاين للمستقبل
القال عليه وردي اللسع سنين بعاد

الجيش في هذه اللحظة خانق الثورة من رقبتها
كدي النفلفصله شوية ونخلي الثورة تحر ليها نفس أكسجين بعدين المستقبل ملحوق

لو تفضلت أقرأ المقالة التي جلبتها للمنبر والتي كتيها عز الدين صغيرون عن الجيش عجلنا المقدس

Quote: عليك الله، يا مولانا حافظ، ورينا لو أنت محل الحرية والتغيير بتعمل شنو؟

يا مستنير أنا مولاكم حافظ بشير أكاد أكون غير مؤثر في مجريات الفترة الإنتقالية،
ورغم ذلك أحس بمسؤلية كبيرة جداً عن الحالة السيئة التي وصلت إليها البلد بساهمتي في دعمي قوى الحرية والتغيير خلال فترة حكومتها الاولى.

طبعاً لو في محل قوى الحرية والتغيير (جماعة الهبوط الناعم) حأحل نفسي وأعمل توصية للكيانات والاحزاب والمنضوية تحتي بأن تتفكك وتتخارج تماماً عن الساحة السياسية وأن يسرح أفرادها لينضموا إلى الشارع العريض.
وبلا طبقة سياسيين* بلا لمة فارغة.

طبقة السياسيين (قوى الحرية والتغيير) الآن تقف حاجز بين الجماهير وبين اكمال الثورة ومتطلباتها.


________________
*بغرض حفظ الحق الادبي
طبقة السياسيين تسمية أطلقها خالد سلك وكذلك أطلقت مريم الصادق تسمية آخرى مشابهة.

اذا كانت حكومة البرهان الحالية واكرر (حكومة البرهاااااان) هي حكومة الأمر الواقع فان حلحلة المشروع الاطاري
هي حل الامر الواقع والا اطبق علينا كيزان السجم والرماد وبحكمة الأمر الواقع وصار امرنا واقعا للمرة الأالف بعد
التجارب التي وقعت علينا.

والله وقعنا ما سمينا



كسرة

سمعة نفتقدك في صفحات الجريدة
وين الزمن بيك؟

Quote: واصبحنا حائرين بين الحق والباطل في اختياراتنا...

يا دكتور,
في هذه اللحظة خلى العواطف في تلاجة و شغل العقل بمعدل 110%.
ابدا ما ممكن تكون حائر بين الحق و الباطل او الصح و الخطأ. مهما تغبشت الاشياء, شوف بعقلك و حتشوف بوضوح.

ذيل الكلب عمره ما ينعدل

Quote: رغم إنو في أعضاء كتيرين في المنبر وصفوا جبريل بالقائد ولم يتعرض لهم بكري بذات النفس العدائي والحار...؟!

لو في زول بيقول جبريل أو مناوي قائد أنا بعتبر إنو عندو موضع خلل ، فجبريل ومناوي سرقا لسان دارفور بالضجيج والحلقوم الفاضي وبمساعدة العسكر
لشيء في نفس يعقوب، كان البرهان كان حميدتي هم كانوا عارفين عدم أي وجود عسكري لهؤلاء المرتزقة ، لعبوا بيهم بوليتيكا
جبريل عنصري كوز دباب قاطع طريق وكذلك مناوي وأنا مستغرب من مثقفي ومتعلمي دارفور وما أكثرهم بما فيهم اسماغيل أن يقبلوا بهكذا جهلاء ان يتحكموا في قرارهم ،
جبريل ومناوي لا يمثلان إلا أغراضهم الشخصية.

سلام يا Nasr ...

خير الكلام ما قلّ و دلّ.

إنت حساباتك و معادلاتك... مقصورة علي مجري الأحداث في السودان فقط

البرهان .. في ناس أدوهو الكلام من الآخر كدة ...
و سمع البرهان الكلام.

الستة شهور القادمة الي نهايو السنة ستكون مليئة بتطورات ... ستؤثر علي مصير كل اللعيبة في المسرح السياسي السوداني ...
في تلك المعادلة .... ظروف بوتين في الحرب .. و .. مصير فاغنر في أفريقيا ...
و ...
قرّط علي كدة.

الحاجة البقت ظاهرة كل يوم جديد هي حتمية الصراع المسلح.

Quote: الحاجة البقت ظاهرة كل يوم جديد هي حتمية الصراع المسلح

دي المشكلة
صراع متعدد الاطراف
مليشيا ضد مليشيا
جيش ضد مليشيا
جيش ضد الثوار
والحيخرج منتصر الكيزان


تحياتي

يا تبلدي
معادلتك دي بتتركب صاح
لو علمت ان الجيش هو الكيزان

Quote: دي المشكلة صراع متعدد الاطراف مليشيا ضد مليشيا جيش ضد مليشيا جيش ضد الثوار والحيخرج منتصر الكيزان