سلام و احترام للجميع يعني يا عرييبي لازم تدخل اسمي ....لكن الشمار كتلني داير اعرف قطعت فيني قلت شنو و ناس كيلي ،وليد القردود و كمال سالم قالوا شنو.......
اها رفعت ليك الفيديو الرسلتو لي.... لكن كيكي،القردود و معاوية رقاصين و ياسر مبيوع ابدع و اجاد اغنية زيدان ابراهيم
Post: #9 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 03:59 AM Parent: #8
بكرى يا اب صلعة خلينا من دا كلو تعال انديك شمار عارف ناشد اب سيقان وبعداك نجى لباقى الشمارات مع الشمشارة
Post: #10 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 04:19 AM Parent: #9
كرن كرن اتصلت على جوال اب سيقان عارف ناشد يقوم يجينى صوت نسائى قلت اسف يبدو ان الرقم خطا انا متصل بصديقى عارف ناشد قالت الرقم صحيح قلت انتى منو ة بشكل حاسم ردت انا زوجته قلت وعارف وين قالت رسلتو الدكان قلت بستغراب ومخلى جواله معاك قالت ايوة انت دخلك شنو طق قفلت الاتصال وبجيكم لباقى الشمار والشمشرة الحمتنى النوم
Post: #11 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 04:32 AM Parent: #10
وبعد مدة اتصلت هسى مدة دى يشرحوها او يترجموها كيف للرطانى على عبدااوهاب المهم جانى صوت اب سيقان وبستغراب سالت ياعارف انت بتخلى جوالك مع المدام قال نعم انت دخلك شنو وطق قفل التلفون ادعو لاخوكم اعارف ناشد شكلو نكير قابضو والزرزرة حاصلة
Post: #13 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 11:14 AM Parent: #11
اتصلت بملك الزندقة عماد عبدالله ردت زوجته الاخت الصديقة حليمة يا ام عبدالله كيف حالك والعيال وعودا حميدا بعد الاجازة في مصر قالت شكرا ياابولبيد قلت وين صديقى البلوة قالت نزل الدكان قلت انت بتردى على تلفونه قالت ايوة فيها شنو قلت لالا عادى خلاص برجع اتصل به
Post: #14 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 11:28 AM Parent: #13
بعد مدة عاوت الاصال ردة ملك الزندقة ياعريبى ياحيوان مالك في شنو قلت مافى عوجة بس ماتكون لقيت الدكان مزدحم صرف لى شولات من البركاوى قلت هدى هدى ياديامى انا داير اعمل اختبار حا انزل الدكان وبخلى التلفون في البيت انشوف المدام نجمة زميلة المنبر والعمل والبيت قاعدة ترد على الاتصالات البتجينى قال ياكلب هو انت بتقدر تخلى تلفونك في البيت وبهت الذى كفر
Post: #15 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 11:53 AM Parent: #14
قلت لملك الزندقة على الطلاق انا ممكن انزل الدكان بملابسى الداخلية لكن استحيل انزل وجوالى مافي يدى ياخى انا جوالى مبرمجه يقفل كل عشرين ثانية
Post: #16 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 05:41 PM Parent: #15
ملك الزندقة قال انت خايف من شنو قلت خايف منك ومن عارف البتخلو جولاتكم الخاصة جدا مع بتاع الدكان
ثم اردفت قصة بتاع الدكان وصفيحت الطحنية مات من الضحك وقفل التلفون
Post: #17 Title: Re: بكرى ابوبكر تعال وجيب فيديو ليالى بهجتنا � Author: بدر الدين الأمير Date: 02-18-2023, 06:24 PM Parent: #16
الفنان الراحل العميرى عندو قصة رواها لى الفنان محمد السنى دفع الله السنى لو بسمح بجيب القصة بضبانتها
تنهدات : من اجمل الاغانى عندى التى تغنى بها مصطفانا هي ( مكتوبة في الممشى العريض) من كلمات العميرى
