عاد للوطن المبشتن وهو اكتر بشتنة واعرض إحباط بعد العودة . قال : رجع مهزوم هزيمة ساحقة. وهاك يا حكي.
Post: #2 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-17-2023, 08:57 PM Parent: #1
ندمان ندمان شديد انو بيت المعمورة الجميلة بعتو على عجل. انا برأي ابدا ما كنت داير ابيع البيت بعد 21 سنة غربة في السعودية . لكن .
Post: #3 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-18-2023, 07:58 AM Parent: #2
بيت المعمورة 600 متر طابقين أتباع ب 360 الف دولار + 60 الف دولار كانت وديعة في بنك من 13 سنة . كلها لملمتها ومشيت الي مصر المؤمنة. المجموع 420 . كانت كفيلة اشتغل بيها في اي بلد في الدنيا .
Post: #4 Title: Re: ونسة مع زول عاد من القاهرة حافي حالق بعد م� Author: مصطفى نور Date: 02-18-2023, 08:22 AM Parent: #3
اخوى الغالى عثمان موسى اه باقى القصه شنو يعنى الزول ده دخل مصر بى 420 الف دولار متى كان الكلام ده طيب الان ومصر قالوا غاليه ممكن الزول ده بى 420 الف دولار يشترى 30 شقه فى اكتوبر فى كمبوند اسمو دجله بالمز الكمبوند ده فيهو 15 مول وفيهو عشرات من المدراس الامريكيه والمصريه والانجليزيه وفيها خدمات من الباب بتاع الكمبوند لو عندك شقه وماعنك سياره فى عربات التى مثل العربات فى استادات كره القدم يمشوا بيك اى مكان جوه الكمبوند ممكن انزل فيديو الزمل ده بس يوريك صرف القروش فى شنو ممكن يكون خسر القروش دى فى وديعه فى البنوك ممكن يخسر وفى الاساس مفروض يستثمر القروش صاح عليك الله بس وورينى خسر المبلغ ده كيف انا بعرف زول مقاول دخل مصر بى مليون دولار واشترى بعربون كم شقه نصف تشطتيب واشتغل فى الشقق وبدا البيع الان والله اخر مره لقيتو قبل سنه عندو فى كمبوند اسمو المرشدى 44 شقه ملك بالله عليك خلى الزول دة يوريك اتصرف فى القروش دى كيف شوف الفيديو ده كان ممكن يشترى 31 شقه فىالكمبوند ده
Post: #5 Title: Re: ونسة مع زول عاد من القاهرة حافي حالق بعد م� Author: Abureesh Date: 02-18-2023, 08:54 AM Parent: #4
بالله يا ود رعية موش كلن احسن ليه ال 600 متر بدل قفص الجداد الختاه الاخ دا؟ السرير العادى (ما كنج سايـز) مالى 80% من اودة النوم.. ههههه
Post: #6 Title: Re: ونسة مع زول عاد من القاهرة حافي حالق بعد م� Author: امتثال عبدالله Date: 02-18-2023, 09:40 AM Parent: #5
لكن عليك الله يا ابو الريش قفص الجداد البتقول عليه ده مش اخير ليه من العيش في بلد يتحكم فيه حركات مسلحة ( اسفة حركات مصلحة ) ويتحكم فيه جبريل والبرهان وحميدتي والحرامي اردول والانتهازي اركوي مناوي ،،وكل يوم الكهرباء قاطعة وناس تسعة طويلة واقفين ليك بالمرصاد في الشارع وامن مفقود ودولة مفقودة ... وطبعا الزول العاد حافي حالق ده بيكون هرب من وطنه عشان هذه الأسباب ولكن للاسف بيكون خسر ثروته بعدم تخطيط صاح .....،،، والمصيبة الكبيرة انا راجعة للهم والغم ده في الصيف القادم نهائيا ... الله يكون في عون الوطن .... هؤلاء الذين ذكرتهم لك هنا قلبوا الوطن الى جهنم يصعب العيش فيه.... وأظنك سمعت بالنكتة دي البتحكي واقع الحال : "أمريكي وفرنسي وسوداني في جهنم و عاوزين يتصلوا باهلهم هاتفيا وابليس معاهم في النار وهو العنده التلفون ...الأمريكي اتكلم دقيقتين وابليس قال ليه حسابك مليون دولار ،،وايضا الفرنسي أتكلم دقيقتين ودفع مليون دولار ..اما السوداني فاتكلم ٣ ساعات ودفع دولار ونصف ..الأمريكي والفرنسي احتجوا لكن ابليس قال ليهم :' مكالمتكم كانت دولية لكن مكالمة السوداني كانت محلية داخلية . ((يعني من جهنم الى جهنم ))).. وتبا لهؤلاء الذين احالوا وطننا إلى جهنم ..تبا لهم بجميع لغات العالم...
Post: #13 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-20-2023, 09:38 AM Parent: #6
مرحب الأخ ابوالريش مرحب بنتنا امتثال خليكم حاضرين فضفضة اخونا المنكوب العايد حافي وحالق حلاقة ما بعدها حلاقة .
Post: #7 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-18-2023, 10:10 AM Parent: #4
اخينا الكريم ود رعية سلام راجع ليك احكي ليك عن خسارة الرجل لبيت المعمورة.
Post: #8 Title: Re: ونسة مع زول عاد من القاهرة حافي حالق بعد م� Author: مصطفى نور Date: 02-19-2023, 08:36 AM Parent: #7
Osman Musa
انا فى انتظارك عليك الله بس وورينى كيف خسر كل المبلغ ده
Post: #9 Title: Re: ونسة مع زول عاد من القاهرة حافي حالق بعد م� Author: Abureesh Date: 02-19-2023, 08:53 AM Parent: #8
هلا إمتثال.. الله يعدل خطوتك.. لكن بعد التخرج كان تأخذى عضة فى أمريكا دى شوية، عشان تحللى السنوات دى. وأنا أقول كدا وخشيت معاش.. وما عارف أعيش هنا واللا فى السودان واللا فى بلاد تانية.. الله يعين.. لكن برضو أقول ليك ونسة اسرية فى نص الحوش تحت القمرا.. والناس تضحك من قلبها بدون تصنع ولا رياء ويكون الفول أحلى وأجود من أى استيك هاوس.. جــد.. ومن أى قفص جداد فى القاهـرة أو غيرها. وأول ما تنزلى من قفص الجداد تلقى الناس كلهم (أجانب) زى ما قالت لوسى فى لقطـة باريس مع انها كانت الأجنبيـة الوحيـدة. ممكن دا ليوم أو يومين فى زيارة.. لكن بعد شوية تكتشفى القفص دا لو رصعوه بالألماس واللؤلؤ برضو قفص.
Post: #10 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-19-2023, 03:32 PM Parent: #9
يا أخ ود رعية سلام أهلنا يهود البرودوي عندهم مثل بقول : لو ما عملته مصاري في مانهاتن تاني ما حتعمل مصاري في اي مكان آخر. على كل حال الرجل خسر في بلد احتمالات الخسارة فيها كبيرة . 450 الف راحت .
Post: #11 Title: Re: ونسة مع زول عاد من القاهرة حافي حالق بعد م� Author: Amira Hussien Date: 02-19-2023, 04:38 PM Parent: #1
سلام للجميع كيف يا استاذ مصطفى يخسر لو هو خاتيهم وديعة فى البنك بسرقوها ناس البنك ولا كيف ……
Post: #12 Title: Re: ونسة مع زول عاد من القاهرة حافي حالق بعد م� Author: محمد يوسف محمد Date: 02-19-2023, 11:25 PM Parent: #11
متابعين متابعين UP UP
Post: #16 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-22-2023, 07:20 AM Parent: #12
الأخ الكريم محمد يوسف سلام الخطأ الأول الرجل وقع في شباك سمارة بيع الشقق . حيث تنعدم الاستقامة في البيع . والخطأ التاني تأجير واحدة من الشقق بدون التأكد من هوية المستأجر.
Post: #14 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-20-2023, 05:08 PM Parent: #11
الأستاذة اميرة حبابك في ديرة حكي العايد الشلحوهو تحويشات العمر مسلسل عجيب . مسلسل يذكرك مسلسل أحلام الفتي الطائر .
Post: #18 Title: Re: ونسة مع زول عاد من القاهرة حافي حالق بعد م� Author: مصطفى نور Date: 02-22-2023, 08:19 AM Parent: #14
Osman Musa الاخ الغالى عثمان موسى تحيه طيبه هناك حلقه مفقوده فى الموضوع دة لانو المبلغ ده لو اتغشى او نصب عليه مهما كان السذاجه ما ممكن يكون اشترى شقه وواحداه المبلغ ده بجيب اقل شى فى الفيصل 15 شقه وفى المهندسين 6 شقق وفى اكتوبر 31 شقه فى كمبوند اسمو دجله بالمز ثم انو الزول ده اشترى كيف ومن منو ومنو السمساره الوقع فيهم ديل طيب انا عندى صديق باع بيت فى كافورى بى 650 الف دولار واشترى فى مصر شقه فاخره فى العجوزه بى يعاجل 100 الف دولار ودخل فى شراكه فى شغل فى السودان بى مبلغ 400 الف دولار وتبقى له مبلغ 150 الف دولار وضعها فى البنك دولار لو كل شهر صرف مبلغ 200 دولالار اكل وشراب لانو يمكلك الشقه بعيش 75 شهر وهى سته سنوات بدون اى مشاكل فى مصر غير انو الشغل الدخل فيه شراكه فى السودان بدخل منو ما يكفيه طول حياته حتى لو عاش بعمر سيدنا نوح والله انا اعرف الرجل معرفه شخصيه ممكن اخدم صاحبك ده خليه يتراسل معاى ولو عندو اى جليل بانه دفع مبالغ ونصب عليه انا اعرف الاف المحامين فى مصر وممكن اساعدو لوجه الله والله لانو فى شى غلط فى الكلام ده
Post: #15 Title: Re: ونسة مع زول عاد من القاهرة حافي حالق بعد م� Author: Amira Hussien Date: 02-20-2023, 07:33 PM Parent: #1
اهلا بيك ….والله شى يحير نحن غايتو لما نشبك فى شى حتى ما بنفكر مرتين …..كيف يعنى انت عندك بيت فى بلدك تغلبك العيشة ؟!
Post: #17 Title: Re: ونسة مع زول عاد من القاهرة حافي حالق بعد م� Author: مصطفى نور Date: 02-22-2023, 08:09 AM Parent: #15
Amira Hussien اختاه الرجل ممكن يكون خسران نصف المبلغ لو كان خاتى المبلغ وديعه بالجنيه المصرى لانو قبل 6 شهور كان الدولار بى 15.6 جنيه مصرى الان الدولار بقى بى سعر البنك حوالى 30 جنيه مصرى معنى الكلام ده انو القروش انقسمت النصف الان لو سحب الفلوس كلها وهى مايعادل 420 الف دولار وكانت فى البنك بالجنيه المصرى الان عندو فقط مايعادل 220 الف دولار دى القصه هل وضحت المساله
Post: #19 Title: Re: ونسة مع زول عاد من القاهرة حافي حالق بعد م� Author: Osman Musa Date: 02-22-2023, 06:38 PM Parent: #15
أستاذة اميرة سلام اي زول باع بيتو في السودان رجع يفرك في يدينو في الهواء.
Post: #20 Title: Re: ونسة مع زول عاد من القاهرة حافي حالق بعد م� Author: امتثال عبدالله Date: 02-22-2023, 08:58 PM
عثمان موسى يعني ما بتنصحني ابيع قطعة الأرض بتاعتي في المعمورة ،،وخاصة انها واقعة بين عمارات شاهقة وانا ما عندي قدرة ابني زيهم ...الا ابني غرفتين خلف خلاف وحتكون شترة بين عمارات الأغنياء ...
Post: #21 Title: Re: ونسة مع زول عاد من القاهرة حافي حالق بعد م� Author: Hafiz Bashir Date: 02-22-2023, 11:07 PM Parent: #20
جهجهت باكاتنا يا عثمان موسى قبل فترة قلت اسعار البيوت في الخرطوم انخفضت بنسبة 50% وقلت العاصمة في السنوات القليلة الجاية حتنهار بسبب النزوزة والوضع مخيف، بناءً على كلامك عرضنا بيوتنا كلها للبيع، بعنا نصها والباقي نص هسه قلت اي زول باع بيتو في السودان رجع يفرك في يدينو في الهواء.
ما عرفنا هسه نكمل بيع النص الباقي ولَّ نمشي نكابس نرجع النص البعناهو؟
Post: #22 Title: Re: ونسة مع زول عاد من القاهرة حافي حالق بعد م� Author: Abureesh Date: 02-23-2023, 03:24 AM Parent: #21
Quote: عثمان موسى يعني ما بتنصحني ابيع قطعة الأرض بتاعتي في المعمورة
يا امتثال اسمحى لى وقبل ما يجى عثمان.. ما تبيعى أى حاجة.. حتى لو عندك معلقة وجا واحد يشتريها ما تبيعيها. ولو كان لازم وضرورى وملح جدا.. بيعى بالدولار وليس بالجنيه السودانى مهما كانت الإغراءات.. وما تحوليه للسودانى. الشرح يضيع الزمن ولازم المداخلة تتقرئ بسرعة
Post: #23 Title: Re: ونسة مع زول عاد من القاهرة حافي حالق بعد م� Author: Abureesh Date: 02-23-2023, 03:44 AM Parent: #22
الأخت امتثال.. طيب نفصل.. دا زمن تضخم.. وفى زمن التضخم الإقتصادييون ينصحون بوضع المال فى ممتلكات محسوسة ولا يحتفظ بالنقد أبداً.. وكل اللى باعوا بيوتهم وسافروا برة إتمقلبوا مقلب كبير سيعضون أصابع الندم. وفى زمن التضخم الواحد يشترى اى حاجــة.. عربيـة.. عنقريب.. أى حاجة تكون عينية.. بعدين السودان قريب دا سيكون مركز العالم.. وسوف يسعى الكل للمجيئ والعيش فيه..
Post: #24 Title: Re: ونسة مع زول عاد من القاهرة حافي حالق بعد م� Author: Osman Musa Date: 03-04-2023, 07:10 AM Parent: #21
الأخ مولانا حافظ سلام لو بيتك بعتو واشتريت في شرق لندن انا اشجعك وتأكد حقك محفوظ وربحان. لو اشتريت في ولاية انديانا انت محظوظ ودي ولاية متعملقة ومافي على استثمارك مخافة صدقني. بس لو بعتو علشان تشتري في مصر احسن ليك نزوزة بلدنا.
Post: #25 Title: Re: ونسة مع زول عاد من القاهرة حافي حالق بعد م� Author: محمود الدقم Date: 03-06-2023, 09:33 AM Parent: #24
سلام اخي عثمان، حقيقة بستغرب من السودانيين البشترو عقار في مصر وتركيا، عندك نصف مليون دولار، امشي السفارة البيريطانية وخد فيزا مستثمر وتعال لندن واشتري شقة غرفتين في الشمال الشرقي للبلاد Yorkshire ب حوالي ٢٠٠الف دولار، وافتح تيك اواي ب ٥٠ الف دولار وعيييش انت وعيالك. او اشتري عقار في مالطا وخد جنسية البلد، أو اشتري جنسية من بعض دول الكاريبي ب ١٠٠الف دولار وادخل ١٥٠ دولة من ضمنهم دول الإتحاد الاوروبي واميركا، وفيزتك في المطار..الناس ما تشتري في مصر أو في بلد الزلازل