لو صدق ما كتبه اردول علينا تحضير انفسنا لحرب أهلية قادمة

02:16 PM February, 14 2023

سودانيز اون لاين
زهير ابو الزهراء-السودان
مكتبتى
رابط مختصر

https://top4top.io/

لا حول ولا قوة الا بالله ...
..وما دام البرهان الضعيف موجود فإن خططهم ستنجح....والحرب الأهلية ستقوم ....
...اللهم لا نسألك رد القضاء ولكن نسألك اللطف فيه ،،
،نريد من خبراء السياسة ان يؤكدوا لنا ما يقوله هذا المعتوه الحرامي النصاب اردول ...
والذي ما زال ينهب في معادن الوطن ويحولها إلى الحركات المسلحة ( اسفة المصلحة) ..
( والكلام ده أكدو هو بعضمة لسانه البذئ ....)،،،

ولكن على الأقل نحن لا نصدق أن أهل دارفور لهم نفس رأي اردول هذا المنبر
لانهم عقلاء ولا يفكرون مثل تفكيره المعوج ...وأظنه يسعى إلى خراب الوطن
وتطبيقا للمثل القائل : " عليا وعلى اعدائي" "
ولكن أيضا اذا كان أغلبية اهلنا في دارفور لهم نفس هذا الرأي المعوج الذي
سيؤدي إلى فصل إقليم دارفور كي تكون دولة مستقلة فإن هذا الذي سيحصل
في المستقبل ...واساسا دارفور كانت سلطنة مستقلة قبل عام ١٩١٦م ...
وسيكون خيرا لدارفور وللسودان ان تنفصل دارفور ...فإن دولة أوربية شرقية
انقسمت الى تسعة دول ...وهي كلها تعيش في امان ورخاء ...ولا يصير السودان
ان يفعل نفس الشئ ...
واذا كان اهلنا في دارفور لا يريدون ما يسعى إليه هذا الاردول فعليهم اقصاؤه من العمل
السياسي كليا ...
وكفاية لغاية هنا ...

قال شنو قال اردول قال "لم يبقى أمامنا الكثير إلى أن يتحول الحكم لدارفوري خالص"
شنو البخلي اردول الجايي من جبال النوبة يكون عايز الحكم يبقى دارفوري خالص؟
شنو البخليهو يعمل كل الموبقات من اجل تمكين الدارفوريين وهو يطلع بقد القفة؟

طلس ياخي وضنب ككو
أي زول عندو كيبورد ممكن يشتل كما يشاء

يا ابو الزهور
ياخى انت مابتبشبع
من الخم الفارغ ولا لسا
باصوردك مملوك لجهات اخرى
رغم تغير الاسم من زهير لابوالزهراء

أنا مستغرب إنو الناس عاملة راس وقعر لي زول فارغ زي ده، ده واحد مغفل نافع يحركوهو الكيزان تارة
والحركات المسلحة تارة بعد ما طُرد من الحركة الشعبية ، بعدين بيضحكني لمن يتكلم عن الدواس ونحن ناضلنا
وهلمجر من الاوهام التي تدور في خياله ، هموا كلو حسع التحريض ضد الوسط والشمال النيلي لشيء في نفس يعقوب،
هذا المدعو أردول يسعى إلى الفتنة القبيحة كقبحه وشابكنا الكتوف إتلاحقت أنا ما عارف مع منو بعد ثورة عظيمة جابتو
وجا هو بسلامتو عايز يطعن الثورة من الخلف وكأنه دخل الخرطوم منتصرا ، أنا ما عارف مين الحيوان المغفل اللي جاب
زي ده في وظيفة هو لا مؤهل ليها علميا ولا أخلاقيا.

يا ابو الزهور,
العنوان كان ح يكون صحيح لو كتبت "لو صدق ما كتبه هيهسام حامد"

اذا الأمر كده ..واذا هو فعلا قال الكلام السئ ده ، فاردول ده زول بتاع فتنة بس
وما يستاهل المنصب البيشغله الآن واساسا سمعته في الواطة ...

غايتو في البوست ده تهمّني الحتة دي

Quote: لم يبقى أمامنا الكثير إلى

لم يبق يا مولاهم
و فتح القاف من اصل الكلمة
هذا مع تحياتي للمستنير ود اب قناية

Quote: لم يبق يا مولاهم

أكيد لم يبق لأن لم أداة نفي جازمة ويبقى فعل مضارع ناقص يُجزم بحذف حرف العلة.
لكن إنت والمستنير ما شفتو علامات التنصيص " " ديل؟
علامات التنصيص تعني أن ما بينهما منقول كما هو.
فشنو؟ تصحيحك دا قولو لهيهسام حامد.